الطبعة العاشرة لدورة الرقي بمدبرة منزل مثالية

[سمراء الدنيا]

مساء الخيرات
صح فطور الصائمات و ربي تبث الاجر ان شاء الله

[Minnnaaa]

المشاركة الأصلية كتبت بواسطة سمراء الدنيا

مساء الخيرات
صح فطور الصئمات و ربي تبث الاجر ان شاء الله

واش اذن المغرب في البيض ؟ قارعيلي راني جاية نفطر
امييييين يا رب العالمين
ربي يتقبل منا ومنكم صالح الاعمال

[ام مريم الجزائرية]

السلام عليكم واش راكم يا الفحلات
كل وحدة تفرح اكثر من الاخرى للجميع
الحمد لله راني كملت الكوزينة واليوم نهار غير مع الكسوة وزيد خسرتلي الماشينة بغيت نبكي
وين راكم هذي النت راح تهبلنا انا المنتدى هذا بالذات يبلوكي ولا مايفتحش
صحة صيامكم

[سمراء الدنيا]

اختي بنت خليل لاباس عليك
شوفي اختي طيبي شوي شيح و غسلي بيه انا هاذا ما ينفعني
و تاني اكليل الجبل و العرعار راهم ملاح بزاف ربي يشفيك
الاخت سارة شدي حيلك و جيبي لا ليسونس باش ديريلنا الحفلة
الاخت اتز مي مشكورة على التحلية هاداك ما نبغي نجربها و نقولك
سمحيلنا خليناك وحدك ...انا اليوم لولاد ما يقروش يشدولي الميكرو
كان خاطري ندردش مع وحدة =صح صيامك و فطورك=
اختي نبض الفؤاد تبارك الله عليك و على بناتك ربي يفرحك بيهم
و الف شكر على النصيحة انا هادا علاش سولتك غير باش نستفاد
من الخبرة نتاعك ...وانا ملي دخلت الدورة ما وليتش نقوليها على الشغل
و نخليها تقرا و نستمتع بكل حاجة نديرها و نحتسب الاجر عند الله

[سمراء الدنيا]

مينا رواحي تفطري مرحبا بيك بصح مازال شويا ما اذن
انا ما نيش صايمة على بيها ما دققتش في الوقت .......
ما شاء الله عليك ام مريم راكي ناشطة
و ربي يعينك على الكسوة انا تكشفت معاها البارح و اليوم دخلتها و درك نرو ح نكويها و نطويها

[سمراء الدنيا]

سلام اختي فاطمة بصحتك التفويجة عند اهللك ربي يخليهملك و يشدلك فيهم
و الله غير جات الدمعة فارة من عيني انا اهلي بعاد و ما عنديش وين نروح و الاولاد يشفوني يبقاو غير هنا يدورو
عقبال ما تجي العطلة و نروحو ان شاء الله
تقبل الله صيامك

[سمراء الدنيا]

بالنسبة لليوم لميت الدار عادي ودرت لغدا و رحت جربت قاطو الجنجلانية
و ضرك يبقالي نوجد الكسوة نتاع غدوة لي مسحق لخياطة و لي مسحق الكي
و نوقف معاهم يحضرو الدروس نتاع غدوة و ندخل ولدي الصغير للدوش
و راكو عارفين لعشا ايا تبقاو على خير
ايه حقا وين راهي الاخت اريج واش راه شادك علينا ولينا نحيرو عليك
باي باي

[oummalak]

صح فطوركم يا الفحلات ان شاء الله راكم بخير غادي من غدوة نولي ندخل ان شاء الله ونتنافس معاكم كما كنا
والله توحشتككككككككككككم ونحبكم في الله

[نافلة]

السلام عليكم و رحمة الله تعالى و بركاته
كيراكم يا الفحلات
صح فطوركم كامل الصايمين الله يقبل منا ومنكم اجمعين

[نافلة]

تطبيقاتي اليوم كالاتي :
الجانب التنظيفي :نقيت اليوم الكوزينة و غسلت الحيوط و نظفت علب البهارات و نقيت الكويزينيار و غسلت المغارف الي كنت معلقتهم والاشياء الاخرى الي معاهم و الطابلة نتاع الكوزينة و نزعت التروسو ودرتو في الماشينة لافي وبقاولي ليزيليموو الثلاجة و النافذة الباب والقجورا نتاع الرافيتايمة الكوزينا لقيتها نظيفة غير حاشاكم زق الذباب جاتنا واحد الحملة نتاع الذباب باش تليت الكوزينة وخليتها الاخيرة .من بعد درت للفطور نتاع المغرب درت الحريرة طيب من جهة و الطاجين الحلو من جهة اخرى و درت اللحم في الفرن يتشوا فوق الملح و جبت السلاطة غسلتها هي و القصبر درتهم يقطرو ومن بعد درت القهوة طيب ورحت غسلت حبات بطاطا و قشرتهم و قطعتهم باش نقليهم و عجنت خبز الزيتون و درتو يخمر ورحت للباب نتاع برا غسلتو ثم الباب الي في الدخلة ومن بعد غسلت الحيوط نتاع الدخلة و دُرت لحمالة الاحذية حاشاكم و من بعد غسلت ليكاخبات نتاع الرجلين حاشاكم وزدت نظفت الدوش و المرحاض اعزكم اللهو فوت على الغبرة وجمعت الغرفة نتاعي ونتاع بنتي الصالة مغلقة و نظيفة .و ختامها مسك كملتها بتسيقة عاود رحت للكوزينة كملت الطياب و جدت كلشي فوق الطابلة على سلامتي انتهى .ما حلى النظافة حسي كل ركن في الدار يدعيلي و زغردلي .
ما نسيتش الجانب الديني: صلاة الضحى و كل الاوقات في وقتها الحمد لله على نعمة الاسلام و الاستغفار الذي لا يفارقني و ا لصلاة على النبي صلى الله عليه و سلم.
الجانب الجمالي: غسلت طرافي بعد الميناج و لبست روبة كنت شريتها جديدة و عدلت شعري.
الجانب التربوي : بنتي الحمد لله كملت نهارها نتاع الصيام باركولي. و فهمتها عن يوم عاشوراء و سبب صيامه و شرحتلها بعض الامور .و فيما يخص الدراسة حضرت معاها مساء يوم.

[جيجلية]

المشاركة الأصلية كتبت بواسطة فاطمة بشار

تطبيقاتي اليوم كالاتي :
الجانب التنظيفي :نقيت اليوم الكوزينة و غسلت الحيوط و نظفت علب البهارات و نقيت الكويزينيار و غسلت المغارف الي كنت معلقتهم والاشياء الاخرى الي معاهم و الطابلة نتاع الكوزينة و نزعت التروسو ودرتو في الماشينة لافي وبقاولي ليزيليموو الثلاجة و النافذة الباب والقجورا نتاع الرافيتايمة الكوزينا لقيتها نظيفة غير حاشاكم زق الذباب جاتنا واحد الحملة نتاع الذباب باش تليت الكوزينة وخليتها الاخيرة .من بعد درت للفطور نتاع المغرب درت الحريرة طيب من جهة و الطاجين الحلو من جهة اخرى و درت اللحم في الفرن يتشوا فوق الملح و جبت السلاطة غسلتها هي و القصبر درتهم يقطرو ومن بعد درت القهوة طيب ورحت غسلت حبات بطاطا و قشرتهم و قطعتهم باش نقليهم و عجنت خبز الزيتون و درتو يخمر ورحت للباب نتاع برا غسلتو ثم الباب الي في الدخلة ومن بعد غسلت الحيوط نتاع الدخلة و دُرت لحمالة الاحذية حاشاكم و من بعد غسلت ليكاخبات نتاع الرجلين حاشاكم وزدت نظفت الدوش و المرحاض اعزكم اللهو فوت على الغبرة وجمعت الغرفة نتاعي ونتاع بنتي الصالة مغلقة و نظيفة .و ختامها مسك كملتها بتسيقة عاود رحت للكوزينة كملت الطياب و جدت كلشي فوق الطابلة على سلامتي انتهى .ما حلى النظافة حسي كل ركن في الدار يدعيلي و زغردلي .
ما نسيتش الجانب الديني: صلاة الضحى و كل الاوقات في وقتها الحمد لله على نعمة الاسلام و الاستغفار الذي لا يفارقني و ا لصلاة على النبي صلى الله عليه و سلم.
الجانب الجمالي: غسلت طرافي بعد الميناج و لبست روبة كنت شريتها جديدة و عدلت شعري.
الجانب التربوي : بنتي الحمد لله كملت نهارها نتاع الصيام باركولي. و فهمتها عن يوم عاشوراء و سبب صيامه و شرحتلها بعض الامور .و فيما يخص الدراسة حضرت معاها مساء يوم.

ما شاء الله تنظيم رائع سخفتيني هذا اكيد بركة الصيام

ربي يتقبل منا ومنكم صالح الاعمال

[وفاء سعاد]

صباح الخير عليكم واش راكم معليكمش انا راني مادخلتش في اليومين هادو كان الميكرو فازد حتى فورماطيتو ودرك راني دخلت نحكى معاكم بالنسبة ليوم الجمعة كنا انا وزوجي صايمين دوشت الاولاد وغسلت القش كامل بالمشينة وبيدي وسيقت البيوت كامل ودرت الفطور منها عشاء عاشوراء منها فطور لينا طاجين الزيتون والشخشوخة وشربة فريك ماكترتش درت كلش شوية شوية وسلاطة متنوعة وقليت الحار والديسار والموناد والجانب الجمالي في اليل درت الفازلين للرجلين والحليب لوجهي والجانب التربوى في السهرة عدنا تقليد نحطو القشقشة يعني المكسرات ونقعدو جمي العائلة وناكلو نحكيو على عاشوراء وقصة موسى ونجاته من فرعو ن فى هدا اليوم المهم اليوم هدا داروه للحفاظة والسبت للتمارين والخميس يرتحو فيها راني خديت الراي وديتهم عند جداتهم يعي ماما كانت مريضة كي فطرنا بالخميس رحنا لعندها منها زيارة منها الاولاد يبدلو الجو انتاع الداروالسبت زادنا صمنا كدالك وعقبت على بيت الاولاد راني كنت مدايتها ديجة من قبل جاتني ساهلة وبدلتلهم غلافات المخاد والدراوات وفرزت القاردروب انتاعهم راهي كرهلتلي حياتي جامي تبقى منظمة تاعي كون مانقيسهاش شهر تقعد كيما راهي المهم كي خلصتها عقبت عليها بالنشافة وكملت الكولوار والدوش والكوزينة والمرحاض على خاطر البيوت كامل بقاو نضاف المهم الفطور درت روطي تاع البطاطا والدجاج وجاري ابيض وخبز الدار وقليت شوية فريت هدا كي عاد راجلي صايم انا مالفة كي يادن نشرب الحليب ومباعد نتعشاو عادى المهم بعد الفطور راجعت لاولاد شوية وبتي الصغيرة نهار كامل معايا في المطبح انا نخدم وهى فوق الطابلة تقري وتسال في وانا نعتلها في نفس الوقت وفي الليل غست الماعن وسيقت الكوزينة وروحت وصليت العشاء وروحت رقدت

[Minnnaaa]

"اللهم اني اسالك ايمانا يباشر قلبي حتى اعلم انه لا يصيبني الا ما كتبت لي ,ورضني من العيش بما قسمت لي"

[Minnnaaa]

ما شاء الله عليكم يا الشاطرات راكم تفرحو ربي يحفظكم ويستركم ويبارك في ايامكم

[وفاء سعاد]

اختي ليلى واينك انتى تانى غيبت ولاحطيتى في قلبك وقلتي بلاك راكي ماكش قايمة مع بنتك وبقيتي معاها نهار كامل رهى ماتستفاد والو المشكل شوفيها فواش غلطت وركزيلها عليهم وفهميها مليح لا فهمت خير ملي دير 10 تمارين صحاح وهى ماشى فاهمة والنقط عمرهم مايقيمو حالة الطفل راهي قادرة في الدار تحل مااصعب منهم المهم راهو فرض برك وكاين الاول مع الاختبار راهي ماتاثرش بزاف اخدمي معاها المواد الاخرين باه تعوضهم اما بالنسبة للزوج راكي ولفتيه دائما الاولاد ملاح وقاريين امالا كان في فترة ماشى مليحة وهدرتو معاه صرى لصرى الامر عادي اي راجل يرد الضلم في مرتو او احنا حساسين بزاف بصح ياليلى راهو عمبالو واش قاعدة تديري راهو ماش غبي راكي قايمة بكلش وحدك وكون تسمعيه مع صحابو قادرة تلقايه يشكر فيك او حتى مع نفسو وزيد اختي ليلى راهى خدمة الحكومة صعيبة بزاف مع الضغط وانا عندى اختي متزوجة بواحد يخدم في لسام وكى ىتفيكتا يديها معاه يكريلها ويقولها لازمي ناكل الماكلة انتاع الدار وكي يروح من الخدمة يلقاها قدامو باه يحكى معاها ويديفولي من الخدمة ومن الضغط انتاع ليشاف رغم انه دو مرتبة مليحة امالا لازمك تعدريه وان شاء الله يصفي القلوب وينحي الضغينة وكون ساعة على ساعة احكيلو واش درتي في النهار على خاطر باينة نهاريعود جاي ديري كلش من قبل وهو يشوف غير الساجى وانت باه غير تقعدى معاه المهم اختي اريج الرجال متشابهون