![]() |
|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
![]() |
رقم المشاركة : 1 | ||||
|
![]() الله اكبر الله اكبر الله اكبر ولله الحمد اليوم الثالث من ايام العيد المباركة وكان نجم الغدا والعشاء زي ماقلنا لحم خروف العيد فعملت للغدا ![]() ![]() ![]() ![]() كما خبز الدار..لكن الفرق انها بدون زيت وتتخبز في الطاجين المخصص لها مش في الفرن هادي صورتها على الطاجين قليت البفتاك مع شوية زيت ولمى اخد اللون البني مرقته بشوية ماء وملح وفلفل اسود وسنة ثوم خليته حتى تبخر الماء كله وحطيت رشة ليمون تكشط الجمال اللي في قعر الطنجرة وطفيت ![]() ![]() ![]() كان طري ولديد وعملت معاه بطاطا رحتها مع شوية زبدة وحليب ماكانش عندي وقت نعملها بالالة اليدوية كانت تكون احلى ![]() شوفو الطبق كان هايل بالفعل اما الاضلع ..حبيبات قلبي فدهنتهم موتارد ورحيت فلفل اسود خشن طاازج خصيصا لهم راح يعمل دوق وقرمشة ...مانقوللكمش ولما حطيتهم في المقلاة تبلتهم من الوجه الثاني يعني يا بنات طعم ولا احلى قرمشة رائعة من برا واللحم طري من داخل مش ناشف والموتارد اعطت لهم طعم هاديييييييي مش طعم قوي يغير دوق اللحم في حد داته شفتو الروعة انا هدا اكثر جزء في الخروف نحب نستمتع بيه ولما ناكله نتمنى ان يسكت زوجيواولادي عن الكلام او يختفو شوية لحين نكمل ضلوووووووعي ![]() وهادي صورة جماعية للغدا مع ابو الولاد ربي يحفظهولي تشييييييييييييز اما العشا فكان في الثلاجة باقي المخ والكلاوي والبتاعات :icon_lol: ![]() وكما تعرفو ...مالازمش يطولو كثير بعد مانظفتهم ونحيت الطبقة اللي مغلفاهم ...قليت الكلاوي واللي معاهم عادي في زيت تبلناهم ملح فقطططططططططط وكان جميل الطبق والله ![]() في مايخص اللحم انا عندي فلسفة مالا يجب ان نضيف الى اللحم مش مايجب ان نضيف الى اللحم لانه نكهته جميلة فيبقا حابب حاجة هادية تعزز النكهة مش تلغيها او تطغي عليها بنكهة اقوى فالواحدة لازم تختار توابلها واضافاتها بعناية المهم... المخ غليته شوية ونحيته حطيت عليه بيضة وسنة ثوم وفلفل اسود وملح وشوية معدنوس ![]() وعملته بوراك صغير مثلثات وقليته كما السمبوسة في المشرق العربي او الجلاش ![]() يعني بدون مبالغة ...صدقوني كان بالفعل تحححححححححفة من تحف المطبخ والكل كان حابب الزيادة لكن للاسف.... مخ الخروف على قده ![]() الطبق الرئيسي كان لحمة هبرة متقطعة مع صوص حمرا قليت قطع لحم من الرجل وقليتها واصفت ليها طماطم وسنة ثوم وفلفل اسود وملح وشوية اكليل الجبل وورقة غار ![]() قفلت عليهم طنجرة الضغط ونضجو على نار هااااااااادية كانت النتيجة هايلة ![]() خلصنا عشاء ثالث عيد ومعداتنا لسان حالها يقول ![]() ارحموووووووووونيييييييييييييييي اليوم الرابع ومستحيل يفوت العيد من دون ما تسقي مرقة لحم الخروف "الشخشوخة" الشخشوخة هي عجينة تتخبز مورقة عجينة سميد وملح وماء وتتعجن جيييييييييد جدا وتتخبز على طاجين الحديد ورقة فوق ورقة كما في الصورة ![]() ونسقيها بمرقة او صوص حمرا معمولة بطماطم ومعجون طماطم وبصل وثوم وملح وفلفل اسود وبهارات وشوية زيت مع لحم الخروف طبعا والحمص يتقلو ونمرق بالماء حتى نص النضج نضيف الخضروات ونخليها حتى النضج الكامل او حتى تتسبك ونرمي فيها قرنين فلفل نطفي ونقفل عليها الطنجرة شوية وننحيها ونسقي بيها الشخشوخة ويا سلام على الدوق الراااااااائع كثير يحب يعمل فوق الصحن رشة دهان "سمن بلدي" للعشا عملت كسرة خميرة مع احلى فلفل مرقد"مخلل" كمرافق للملفوف اللي حشيته اعشاب من قبل الاعشاب كانت اكليل الجبل وزعتر وبقدونس مع ملح وفلفل اسود وكسبر ناشف مطحونين جداد وثوووووووم ![]() ![]() ولفيناه بهاد الشكل ![]() وربطته بخيط وقليته مع بصل وثوم وورقة غار وفلفل اسود ولما تقلى مرقت بالماء وقفلت طنجرة الضغط حوالي ساعة على نار هادية ومش راح نقولكم على دوقها قليت معاها شوية بطاطس وممكن نحط في الصوص هادي شوية فاصوليا تتشربها وتاخد نكهتها لانها بالفعل لدييييييييدة طبعا الاطباق اللي ممكن تتعمل لحم الخروف كثييييرة ولا يتسع المقام لدكرها لكن حبيت نوريلكم الكرعين (الكوارع) عملتهم بالفاصوليا البيضاء وكانو تححححححفة سلقت الاول الكرعين في ماء متبل بالكسبروالفلفل الاسود والثوم والبابريكا ومن ثم قليت شوية بصل وطماطم واضفت الفاصوليا المنقوعة من 15 ساعة ومرقتهم بمرقة الكرعين واضفت الملح في الاخيييييير خسارة الصورة مش راح تنقل الرائحة ولا الدوق عملت ايضا لحم مع خضار (بازلاء وجزر وبطاطس) في الفرن ومعاها شوية حريرة عملتها بالخضار والعظام اللي نحينا منهم اللحم او ممكن بالعظام نفسها نعمل شوربة فريك لديييييييييدة ورززززززززززز بالاضلع قبل مانختم موضوعي يا بنات حبيتكم تشوفو القديد اللي خلاص قرب يجف تماما قلت نخليه يومين اخرين وننحيه نحطه في الثلاجة يمكن يبقى عام كامل وهادي الطريقة اللي كانو يحتفظو بيها باللحم ![]() والجلد لو تتدكرو كنا حطيناه في كيس بلاستيك كبير لما فتحتو قريب اغمى عليا من الرائحة الزكية طبعا لكن النتيجة تستاهل الصوف كانت تنتزع بكل سهولة ![]() نحيتها وحطيتها في ماء باتت حتى تسهل عملية التنظيف ![]() ![]() وغسلتها بعدها 4 مرات ![]() حتى اصبحت جاهزة للتشطيف الاخير بالماء ![]() وجففتها في البيت لانه الدنيا برا شتااااااااااااء ![]() شوفو يا بنات ...ممكن نحشي بيها مخدات للزينة او للنوم ![]() وعندنا حشو المطارح اللي ننام عليهم ايضا حشوهم يكون صوف الخروف وكل عروس تاخد معاها لبيتها الجديد على الاقل 3 مطارح و6 مخدات معاهم كللللللللهم صوف الخروف مغسووووووووووولة هدا مطرح بيتي واللي جبتو معايا في جهازي ![]() ![]() شفتو كيف يتحشى مش احسن ما نرميه ![]() خلص موضوووووعي القصير جدااااااااااااااا ![]() نتمنى يكون عجبكم لا تنسوا صاحبة الموضوع من صالح دعائكم https://www.djelfa.info/vb/showthread.php?t=1079533
|
||||
![]() |
الكلمات الدلالية (Tags) |
الثانية, الحلقة |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc