من بعد ما شاركت بمنتجاتي الفعالة في صفحات اخرى والي هي
https://www.djelfa.info/vb/showthread.php?t=1205405
وايضا
https://www.djelfa.info/vb/showthread.php?t=1459411
حبيت نشارككم اليوم بمنتجات في منزلي انا نشوفها جد جد فعالة ولا استغني عنها ولا اقول لكم سوى
جربوها وردولي لخبر
اول منتوج هو هذه الممسحات وهي متوفرة بسعر 3 ب10الاف هي مرسومة كما في الصور ولكنها ليست ابدا مثل تلك التي لا توجد عليها رسوم هي تشبهها فعلا ولكن هذي تطول والله ممكن تشد حتى لعام وما ترشاش مثل الاخرى العادية
خلي واحدة لتنظيف الثلاجة جد رائعة وما تخليش اي اثر للمسح والباقي للبوتاجي او الطاولات او الخزانة او.........
[img]
[/img]
[img]
[/img]
ثاني منتوج هو هذي ممسحات الارض من ماركت اريكس واذا تشفاو هي نفس ماركت الخزم الي نستعملو في تنظيف الاواني موجودة في الرابط الاول وكل منتجات اريكس رائعة واشريوها على ضمانتي ولكن راهي مقلولة شوي في الاسواق لانها تترفد بالخف منتجاتها لجودتها العالية
سعرها 9الاف
[img]
[/img]
ناتي الان للمنتج الي نحبكم كااااامل تجربوه ولكن ارجوكم اجحدوه على عدوكم
نتمنى كل عروس تديه معاها في جهازها لانو فعلا ريحتو روعة وكلمة روعة قليل عليه
كل من يدخل لداري يقولي علاه راكي تستعملي في عطورك للدار يحسبوه عطري انا
فيه الوان كثيرة كلها مليحة ولكن الاخضر هو افضلهم
سعرو 25 الف
انا عاملة كونترا مع صاحب محل المنظفات لازم وين يجيب يخبيلي زوج ليا ومؤخرا راهو يقولي ان اللون الاخضر ما يلحقش عليه حتى من عند اصحاب الجملة
المهم.......... شوقتكم ........هذا هو معطر البيت من ماركت اورو
[img]
[/img]
[img]
[/img]
واحيانا نستعمل منو على الملابس لما نحب نحددها وخاصة الافرشة مثل الدراوات والمخاد والريدوات
ننصحكم تجربوه
والان منتج ضد الحشرات او الفليت مثلمانقولو .....لالالالالاما تخافوش ماشي الفليت الي تشميه تتخنقي هذا حاجة اخرة تشمي ريحة الليمون
ماركت اورو ايضا
سعرو 25 الف
[img]
[/img]
والان ناتي لهذا المنتوج وهو سائل غسيل الملابس
في الحقيقة هو جد فعال لانو منتوج متكون من صابون الحجرة او صابون مارساي كاين منو الوان كثيرة بريحة الخزامة وووووووولكن ماعجبتنيش ريحتهم كامل غير ريحة الورد هذه هايلة
ولانو سعرو 54 الف انا ما نستعملوش في الغسيل ولكن نستعملو لتعطير الملابس بمعنى نستعمل اريال لغسيل الملابس عادي ونزيد مغلاق من هذا السائل في مكان السوائل من الالة وهنا نلقى الملابس معطرة بريحة الورد كل وين ننشرها او نحب ننزعها
انا لن اغيره ان شاء الله لاحظو انو ماركت اورو ايضا
للعلم فقط ماركت اورو ماركة اسبانيا ممتازة عالميا ولكن اي تقليد ليها او صنعها بترخيص راح يخسرها مثل مافعلو في معطر الارضيات ليدي كان صنع اسباني هايل جدا جدا ولكن لما اصبح يصنع بترخيص في تلمسان فقد جمالو واصبح ليدي اقل جودة من غيرو ولكن ليدي الاصلي تبقي ريحتو في المنزل يوم كامل
كنت نستعملو والان راني نتحسر على ايامو
المهم هذه صورة سائل الغسيل اورو بريحة الورد
[img]
[/img]
[img]
[/img]
واخيرا معطر الارضيات او صانيبو من ماركت توب المعروفة وهذا عطرو جميل بالنسبة لي افضل من الخزامة وغيرها ولكن كالعادة ريحة توب كامل ما تطولش بزاف ولكن ساعة التنظيف ريحتو تعبق المكان وتصرخ بالنقاوة هو اسمو الوجدان سعرو 8الاف
[img]
[/img]
الاسعار تختالف من منطقة لاخرى لاني في منطقة كل شيء فيها غالي على باقي المناطق
راكو شفتو هذاك المنتج الي جرباتو سمراء انا نشري في زوج ب8الاف وهي شرات زوج ب5الاف
تحياتي الاخوية لكم ونتمنى من كل واحدة تجرب منتوج من الي عرضتهم ونفعها تدعيلي بدعوة خير في ظهر الغيب كل وين تستعملو وتتذكرني طبعا وهذا هو هدفي من تحميل الصور والمشاركة في هذا المتجر الرائع
الشكر لصاحبته سمراء وكل الي يشاركوا فيه ويفيدوا الاخرين
( تقرير عن مشاركة سيئة )، و الموجودة أسفل كل مشاركة .
2013-12-12, 20:31
العرض المتطور
