مقبلة بالعجينة المورقة......راااااائعة - الصفحة 12

اسمهان79 · 2015-01-25, 18:27

السلام عليكم ورحمة الله وبركاته
مقبلة اليوم بالعجينة المورقة لكن تحبي تعمليها بالعجينة العادية
واللي هي بيضة 125غ زبدة 2 م ك ماء شوية ملح فرينة
لكن اليوم رايحا نقدمهالكم بالعجينة المورقة

المقادير
عجينة مورقة انا استعمت نتاع الاخت الهام07 وهاذا هو الرابط

https://www.djelfa.info/vb/showthread.php?t=1449926

صدر دجاج الكمية على حساب عايلتك
شوية لحم مرحي
معدنوس ملح فلفل اسود
طرف صغير زبدة
طرف فرماج شاف
مقادير البيشاميل
4م ك فرينة
كوب ونصف حليب بارد
اقل من نصف كوب كرام فراش
ملح وفلفل اسود
شوية جوزة الطيب مبروشة
سنة ثوم مبروش او ممكن استعمال ثم بودرة
2حبات فرماج لا فاج كيري
طرف زبدة
التحضير
اانا عندي طريقة لتحضير البيشاميل ساهلا
تخرج روعة
اولا تحطي الفرينة في طاوة م تصبي عليها الحليب البارد وتخلطي مليح
ثم تحطي جميع المكونات ما عدا الزبدة خلطي مليح

ثم حطي على النار وبقاي تحركي لما تشوفيها ثقالت نحي ولوحي الزبدة وحركي

خذي صدر الدجاج شوحيه في شوية زبدة وقليه مليح لما تشوفيه دخلو الطياب نحيه وحطي في بلاصتو شوية لحم مرحي وقليه
هاذاك الدجاج عاودي فتيه بيدك وضيفيلو اللحم المرحي المعدنوس والملح والفلفل الاسود والفرماج

صبي عليه البيشاميل وخلطي

ثم اطرحي العجينة وعمري بيها السينيات

اثقبيهم

عمري السينيات بالحشوة

تحب تزيدي تحطي شوية فرماج في الوسط او لا
اعملي شرائط بالعجينة الباقية وحطيهم بشكل متقاطع على السينيات

ادهني بشوية صفار البيض مخلط مع شوية خل وحليب

دخليهم يطيبو
قدميهم بالصحة والهنا لعايلتك
في امان الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري