دورة " اللَّهُم بلغنـــــا رمضان 1438 لا فاقدين و لا مفقودين

[رندة.]

اهلا وسهلا اروى الاء. كيفاش ماتوحشتكش؟؟
كل وحدة عندها بلاصة خاصة في قلبي.
الي ذكرتهم كانو معانا دائما وغابو فجأة. حبيت نقلهم بلي توحشناهم يطلو علينا.

[رندة.]

السلام عليكم ورحمة الله تعالى وبركاته

كانت طلبت منا القائدة تاعنا أم شمسو برنامجنا خلال شهر رمضان الكريم، أنا كنت حضرت هاذ البرنامج ... قابل للتعديل والاضافات من طرف الفراااشااات

قسمت البرنامج الى فتراااااات وهو كالتالي:

فترة ما قبل الفجر:

* التهجد : قال تعالى: { أَمَّنْ هُوَ قَانِتٌ آنَاء اللَّيْلِ سَاجِداً وَقَائِماً يَحْذَرُ الْآخِرَةَ وَيَرْجُو رَحْمَةَ رَبِّهِ }

* السحور : قال النبي صلى الله عليه وسلم : «تسحروا فإن في السحور بركة».

* الاستغفار إلى أذان الفجر: قال تعالى : { وَبِالْأَسْحَارِ هُمْ يَسْتَغْفِرُونَ }

* أداء صلاة الفجر قال النبي صلى الله عليه وسلم : «ركعتا الفجر خير من الدنيا ومافيها »

فترة ما بعد طلوع الفجر:

* صلاة الصبح: قال النبي صلى الله عليه وسلم : «ولو يعلمون مافي العتمة والصبح لأتوهما ولو حبوا» .


* أذكاااا الصباااااح وقراءة ما تيسر من القرآن.

* الدعاء بأن يبارك الله لنا في يومنا : قال النبي صلى الله عليه وسلم «اللهم إني أسألك خير مافي هذا اليوم وفتحه ونصره ونوره وبركته وهداه وأعوذ بك من شر ما فيه وشرما بعده» .

* النوم ( حسب الرغبة أو الحاجة) مع الاحتساب : قال معاذ رضي الله عنه : " إني لأحتسب في نومتي كما أحتسب في قومتي ".

* القيام بروتيناتنا الصباحية اليومية الي تعودنا عليها.

* التوجه نحو المطبخ.... في هذا الوقت يكون الحال بارد شوية ونكونو في قمة نشاطنا نقومو بكل التحضيرات المسبقة للافطار باش العشية نوجدو برك.

* الانشغال بذكر الله طوال اليوم : قال النبي صلى الله عليه وسلم: « ليس يتحسر أهل الجنة على شيء إلا على ساعة مرت بهم ولم يذكروا الله تعالى فيها».

* التصدق بشكل يومي فلنجعلها عادة حسنة كيما كل العادات الي تعلمناها في أسلوب الفراشة، ونستشعرو دعاء الملك: «اللهم أعط كل منفق خلفا».

فترة الظهر:

* لازم نجاهدو على صلاة الظهر تكون في وقتها.

* أخذ قسط من الراحة مع نية صالحة ( القيلولة) خاصة الي ما يرقدوش الصباح ( وإن لبدنك عليك حق ).

فترة العصر:

* طبعا لازم نجاهدو أنفسنا على أن تكون صلاة العصر في وقتها........... لما نكونو حضرنا ما يلزم لمائدة الإفطار تاع اليوم من الصباح رايحين نرتاحو وقت العصر لأنو عملنا راح يكون خفيف وتوجاد فقط، ونربحو صلاتنا في وقتها مانولوش غير نجرو.

*أذكااااار المسااااء

* قراءة ما تيسر من القرآن .

* مشاهدة أو سماع موعظة وما أكثرها في هذا الوقت بالضبط في التلفزيون... باش كل يوم نتعلمو حاجة جديدة (واستغلي الوقت تاع السماع في القيام بشي معين خاص بالمطبخ، كل وحدة وش يكون عندها هذاك الوقت).

* اتمام كل ما يلزم للافطار

فترة المغرب:

* اعداد مائدة الافطاااااار

* الدعاء قبل الغروب: قال النبي صلى الله عليه وسلم: « للصائم دعوة لا ترد ».

* تناول وجبة الإفطار مع الدعاء:"ذهب الظمأ وابتلت العروق وثبت الأجر إن شاء الله".

*أداء صلاة المغرب في وقتها طبعاااااااا

* الاجتماع على المائدة مع الأسرة : قال النبي صلى الله عليه وسلم: «وإن لزوجك عليك حق».

* تنظيف سريع للأواني والمطبخ....... حاجة بااااااينة

* الاستعداد لصلاة العشاء والتراويح

فترة العشاء:

* صلاة العشاء دائما في وقتها

* صلاة التراويح كاملة، قال النبي صلى اله عليه وسلم: «من قام رمضان إيماناً واحتساباً غفر له ماتقدم من ذنبه».

* القيام بالروتينات المسائية اليومية

وفي الأخير هذا برنامج مفتوح كل وحدة على حسب ظروفها وعاداتها:

*زيارة ( الأقارب – الصديقات _ الجيران )

*استقبال ضيوف للسهرة

* مطالعة شخصية

*الاجتماع من العائلة

*الخروج للتنزه.

مع الحرص على الأجواء الإيمانية واقتناص فرص الخير في هذا الشهر الكريم.

[رندة.]

صلاااااااااااة الضحـــــــــــــى ..................صلاة الاوابيـــــــــــــــــــــن

[بيلسان91]

https://www.djelfa.info/vb/showthread.php?t=2067470
ادخلو لرابط موضوعي وعاونوني تعيشو

[ام شمسو محمد]

المشاركة الأصلية كتبت بواسطة بيلسان91

https://www.djelfa.info/vb/showthread.php?t=2067470
ادخلو لرابط موضوعي وعاونوني تعيشو

اختي بيلسان انا ما عنديش فرن كهربائي لذلك ما نفدرش نفيدك اسمحيلي ...

[ام شمسو محمد]

رندا برنامجك لشهر رمضان هايل ...اللهم بلغنا رمضان ...منظم و شامل ...مبعد ان شاء الله نحطلك برنامجي ....و اشاطرك الاشواق لمن ذكرتي و لكل الغائبات ...خصوصا انتي يا اروى ...واش شغلك علينا

[ام تينة]

اذكرن الله اخوااااااااااااااااااااااااااتي

[ام شمسو محمد]

سبحان الله و الحمد لله و لا اله الا الله و الله اكبر و لا حول و لا قوة الا بالله

[ام شمسو محمد]

منيو اخر للراغبات في اخذ الافكار ...وتسطير لائحة وجبات من اجل رمضان

هذي مائدة رمضانية

بوراك بالبطاطا و الفرماج و المعدنوس و الزيتون

كبدة جاج بالصوص

شليط

حميس

لوبيا خضرا بالصوص الحمرا و البيض

سلطة منوعة

[رندة.]

جابك ربي يا أم شمسو
مالقيتش هاذيك المدونة الي تكلمتي عليها، اذا تقدري تحطيلنا الرابط هنا

[حياتي كلها امل]

السلام عليكم وشراكم رندا كامل توحشنا الغايبات
ام البنين تخصرلها الميكرو بصح راهي معاكم
انا ايضا ام شمسو ملقيتش المدونة ياريت تعطينا الرابط لانو المينو عجبني

[ام شمسو محمد]

رابع منيو يقدر يقدملكم افكار تحضيرية لرمضان

المائدة الرابعة

كورنيات مورقة محشوة بالتن بصل زيتون اخضر معدنوس و قطع فرماج لجمع المكونات و مزينة بالجبن المبشور

طاجين الجلبانة بالكفتة و البيض

شليط و خبز الدار

كسلطة ...طماطم محشوة بالزيتون الاخضر و الجزر المبشور البصل الخيار الذرة الطن و البيض مغلي الكل مجموع بفرماج بالمعدنوس

[ام شمسو محمد]

المنيو الخامس

مائدة رمضانية منوعة ...في وجود الشربة ائما

بوراك بالجمبري و الجبن

بينيي الشفلور بالصوص البيضا و الزيتون

سلطة نية بالطن

طاجين الحلو

[ام شمسو محمد]

رندا و ام هاجر ذرك نحطلكم الرابط

[rowaida18]

السلام عليكم حبيباتي الغاليات
سامحوني إذا ما رانيش نشارك بكثرة هذه الأيام لأنني راني نجري مع التنظيف و غسل الزور و التحظيرات ....
شمخت كمية كبيرة من الحمص و طيبتها كامل و خليتها تبرد و من بعد جزءتها في لي بورت مونجي صغار ووضعتهم في المجمد هكذا نحطهم مباشرة في أخر الطياب و ما نكسرش راسي في رمضان انشاء الله طاب و لا ما طابش و خصوصا مع الوقت اللي لازم نحافظوا عليه....
صنعت كمية من صلصة الطماطم الطازجة و جزءتها هي أيضا....
صنعت كمية من لي بولات تاع الدولمة كورتهم و خبيتهم في المجمد...
وخلصت من شراء التوابل و بعض المشتريات للشهر الفضيل باش ما نقعدش في طوابير طويلة في آخر أسبوع.....
و ما ننساش راني نحظر مع بنتي و نساعدها في النقائص اللي عندها....و ربي معانا ان شاء الله
و هذي الوصفة عجبتني خفيفة و ساهلةيمكن تداوليها مع البوراك في رمضان إن شاء الله

فطائر روعة و ساهلين لرمضان انشاء الله





هذا هو الرابط


https://www.dztu.be/watch?v=UQog8iMu9Cw

و هذا أيضا لفطائر لأخت مغربية أخرى

https://www.dztu.be/watch?v=NdU6-z2HQ6g

و وجدت ايضا فيديو لعجينة متعددة الإستعمالات

https://www.dztu.be/watch?v=1Lo4Rp4cawA


و انشاء الله يعجبوكم

تحياتي ليكم كااااااااااااامل