دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حسناء القمر]

مساءالخير هاقد وصلت هل من ترحيب

[شوشو 11]

الله يبارك حبيبتنا ام وسيم والـــــــــــــــــــــــــــــــــــــــــــــــ ـــــــــــــــف مبروك على البنوتة سلمى وربي يحفظهالك ويجعلها من الدرية الصالحة وتتربى في عزك وعز والدها

ودي هدية سلمى
https://encrypted-tbn3.gstatic.com/i...nFMBB38fy8e2Gi



حسناء القمر اهلا وسهلا ونورت الدورة وان شاء الله تزيد تنور بنشاطك وهمتك ....ارواحي حدايا في الطيارة راني حكمتلك بلاصة انا وياسمينة يخي اخنا الاثنين نحيفات وبلاصة وحدة تكفينا والاخرى نخلوهالك ههههه

[أم فاطيمة]

السلام عليكن يا فراشات
ام ادم الله يباركلك في دارك و في صحتك
ام صابرين ياشاطرة يعطيك الصحة راني نشم ريحت النقى
ام وسيم على سلامتك و مبروك عليك سلمى ربي يكبرها على طاعتو
شوشو طهورا انشاء الله
حسناء القمر اهلا و سهلا و مرحبا بلاصتك راهي حاكمتهالك شوشو بحداها

[أم ريتاج زهرة]

السلام عليكن يا الحبيباااااااااااااااااااااااااااااااات أنا راني راكبة في الطيارة من القدام حبيبتي الحبيبة دارتلي بلاصة ربي يخليها ليوم جيتكم بتطبيقاتي منظتش صليت بحكم العدر الأذكار رانير معاهم و الإستغفار الحمد لله نظت فطرت أنا و زوجي هو راح لعمله و أنا لبست la tenu تاع الكراتي و راكم تعرفوني كي نلبسها نقلع نسبق حتى الطيارة اللي رانا راكبين فيها المهم نظفت المطبخ الغذاء ما درتش كان عندي من البارح و زوجي الغالي ما جاش للغذاء و نظفت الباب من الداخل و الخارج فرزت غرفة نومي و غرفة الجلوس ناضت بنتي نقيتلها و مشطتلها سيقت بالنشاف مليح و في الأخير غيرت ملابسي تغديت و تكسلت شوية حتى جاء زوجي قالي نخرجو نشرو مصروف الشهر لبست و شريت أكل الشهر رافيتايم و خضر و شريت مواد التنظيف و بقالي سلة مازال دخلنا لدار درنا فيها أتاي شربنا غسلت الماعن نقيت الجلبانة و درت العشاء يطيب نحيت اللبسة نتاع الكراتي و جيتكم توحشتكم راكم تعرفوني بلي قرعاجة المهم تطبيقاتي اللي جاية باقيلي مناطق ساخنة و بحرارة مرتفعة ربي يعيني عليها الحبيبة راني نستنى في ردك باش المرة الجاية نقلبها جيدو ههههههههههههههههههههههههه أحبكن في الله يا حبيباتيييييييييييييييييييي سلام

[YASMINE SILA]

السلام عليكم وشراكم ان شاء الله الكل بخير ياااارب
ام وسيم الف الف الف مبروك ولادة سلمى ربي يحفظها ياااارب و تتربي فالعز و تكبر على الطاعة و الدين و تشوفيها عروسة قدامك ياااارب الف الحمد لله على السلامة
حسناء القمر يااا الف مرحبا اهلا و سهلا وين راكي هذا طليتي مرة و هربتي و مازدناش شفناك ارواحي اقدي قدامنا انا وشوشو رانا دايرين حااالة و اكيد معاك تزيد تبهى القعدة -طوايش و ضحك و همة و نشاط خخخخ -
توحشتكم يا فراشات يا نشيطات كل فراشة باسمها و افتقد ام منال يادرى وين راهي راكي من الصباح و انتي في بالي و دعيتلك ربي يحفظلك صحتك و يفرحك بوليداتك نحبك من عند ربي محبة خاااصة ماعلاباليش علاه ربي يخليك ليا

[YASMINE SILA]

اليوم بعد مارجعت من الخدمة ريحت شوية و حسيت بروحي شوية تعبانة قلت كيفاش ندير لازم نتبع البرنامج و نظف الحمام

تكسلت في فراشي و غمضت عينيا و تنفست مليييييح و رسمت في مخيلتي الفراشات ينطو منا و ملهيه ينقو في حماماتهم و رجعوهم يبرقو من النظافة وام منال تفوتني و حبيبة و انا قاعدة هنا زدت ديت شهيق كبييييييير و نضت شربت كاس حليب و قلت باسم الله جبت السلة و بديت مسحت حيوط نتاع الحمام بايزيس و جافيل و شللتهم مليح غسلت لافابو و البينوار -حشاكم- و حكيتهم مليح فرغت الادراج غسلتهم و مسحت المرايا و النافذة بالخل و الجريدة و كي كملت مسحت القابسة نتاع الضوء و مسحت الارضة و رشيت معطر الجو امممممممم ريحة النظافة هااايلة تشهيت ندير دوش لكن الله غالب
راني نستنى الادراج ينشفو نرجع نرتبهم و مازالني نحس روحي ناااشطة بفظلكم يا كشرودات
هذا تطبيقي لليوم راني نستنى في حبوبتنا حبيبة واش تقولنا برنامج الغد باذن الله

[حبيييبة]

اعلان هام لحميع الفراشات
ارجو ان تنتبهن جميعكن
اريد ان ابلغكم بقرار اتخذته اليوم حبيباتي

و ارجو منكن تقبل الامر و تفهمه بصدر رحب

لاحظت انه مشتركات كثر التحقن بنا حديثا
و هن لم يعتدن على تطبيقاتنا السابقة
و قد التحقن بالدورة في مرحلة كنا قد اعلنا فيها عن حملة التنظيفات
يعني
تطبيقات سابقة + تطبيقات جديدة + تطبيقات الحملة الرمضانية الربيعية

هذا امر غير يسير عليهن
و احسست بضياعهن بين الصفحات الكثيرة التي تعدت المئة ماشاء الله تبارك الله

لذا قررت أن اقسم الفراشات الى فريقين

"فريق الفراشات"

و "فريق اليرقات"


و عليه ستكون خطة العمل كالآتي

فريق اليرقات

تقمن فقط بالتطبيقات السابقة
و ساعلن عليها كل ليلة كالعادة ابتداءا من الليلة
+
تطبيقات الحملة الرمضانية الربيعية لكل من رغبت بالمشاركة فيها
لانها اختيارية ليست اجبارية مثل تطبيقات الدورة

ستبقين في فريق اليرقات لمدة 15 يوما
ابتداءا من 06/04/2015 الى غاية 20/04/2015
ثم تنتقلن لفريق الفراشات الذي سيتضاعف عدده حينها بحول الله

و نستقبل فريق يرقات جدد ان كان هناك مشتركات جدد باذن الله


فريق الفراشات

تقمن بالتطبيقات القديمة + التطبيقات الجديدة
التي ساعلن عنها كل ليلتين
حتى يسهل عليكن استيعابها و تطبيقها
و ادخالها في الروتينات اليومية
+
تطبيقات الحملات الرمضانية الربيعية


ارجو ان تكون الفكرة قد وصلت

و ارجو ان تأخذ كل مشتركة مكانها في فريقها
و تأخذ عدتها التي هي
ذكر اسم الله و التوكل عليه+الصبر+ الاستمرار + كراس + قلم
و تدخل في الصف.. و تسووا صفوفكن حبيباتي
يدا بيد الى الأمــــــــــــــــــــام سر

[faty05]

السلام عليكم
عجبني موضوع هذا بزاف بزاف و نشكر الاخت حبيبة لمجهوداتها بارك الله فيك
راني جديدة معاكم
قريت غير المقدمة و الصفحة الأخيرة
انا متزوجة و خدامة الحمد لله
و ان شاء الله ناوية نظم روحي في بيتي
انا وش يتعبتي هو الوقوف في الكوزينة كشما نصائح ؟؟و دائماً السؤال المطروح وش ندير للغدا؟ وش ندير للعشاء؟
أما الميناج ما يتعبنيش نستمتع كي نديرو خاصة في نصب الماء و نزحلق هههه

[آلاء النايلية]

كان بودي مشاركتكن لكن ظروفي لا تسمح
انا متابعه من بعيد و لي نقدر نطبقها نطبقها ، مثلا اليوم كنت ناوية نخدم معاكم لقيت روحي الصبحه مع الغدا و العشية مع القاطو
و ضرك مزالي نسيق الدار

[حبيييبة]

تطبيق الحملة الربيعية

تنظيف النوافذ و الستائر لغرفة المعيشة و الصالة

(لما نقول نوافذ فقط يعني نوافذ فقط
ماشي لحيوط و السقف و الارضية لااااااااااا
النوافذ فقط و الستائر)
عارفة انكم متحمسين باه تكملوا التنظيفات
لكن تذكروا انوا باقيلنا شهرين و 13 يوم على بداية شهر رمضان و الله اعلم
منا لهذاك النهار دياركم رايحين يرجعوا يتغبروا اذا خدمنا بهاذ الريتم السريع
يعني مازااااااااااااااال عندنا الوقت ما تتقلقوش و ما تتوسوسوش

ثانيا: مبدأ دورتنا هته اننا يجب ان ندرك اننا لسنا رجال آليين
مخلوقين من الحديد
و ان لكل شيء حولنا علينا حق حتى انفسنا
اذا عطينا الحق لحاجة وحدة فالنهار
الاشياء الاخرى شكون رايح يعطيها حقها
اذا انتوما طحتوا فالليل كي الدودة
كاس ماء ما تقدروش تغيثوا بيه نفوسكم!!!!

ثالثا: اعلم انكن تردن التحضير المتميز لشهر رمضان
من قضيان و تفريز ....
بالنسبة للقضيان
ديروا مرة فالاسبوع اخرجوا شروا الاشياء اللازمة
اللي ممكن تتخزن لاكثر من ثلاثة اشهر
و الباقي خلوه للشهر الثاني ( ماي) و اشروه

اما التفريز فسنخصص نهاية كل اسبوع بصفة استثنائية
للتفريز و طبخ كل ما يمكن تفريزه في المجمد
و هذا تطبيق يوم الثلاثاء
ان تجهزوا قائمة بكل ما رايح تقومون بتفريزه لشهر رمضان
و تزويد بعضكم البعض بالافكار الخاصة بهذا الموضوع باذن الله

اذا ارجوا يا عزيزات على قلبي جدا جدا
ان تتبعوا البرنامج بتروي
تنظفوا الغرفة حسب البرنامج
يعني مثلا غرفة المعيشة تنظفوا النوافذ تنظيف عميق
و الباقي تنظيف عادي
و هكذا
حتى ننتهي من كل المعاميق على قولة حبيبتنا فرحة العمر بسهولة و باقل جهد
و بمتعة اكبر باذن الله

اذا تطبيق الغد بحول الله
نوافذ الصالة و غرفة المعيشة و الستائر

[زينب2000]

والله صحتي مسمحتلي نكمل معاكم هذه الأيام، وراني نشوف أن الصفحات زادت ما شاء الله
وراني نعمل في تعديلات على خططي السابقة على ضوء ما تعلمته من حبيبتنا وإن شاء الله نلحق بالسرب النشيط، والله قلبي كلاني و حابة نكمل الأماكن الساخنة اللي نويت نبردها، لكن للأسف، نشالله بعد الشفاء التام نكمل..
تحياتي لكل فراشة

[YASMINE SILA]

فكرة مميزة اانا نعمل فريقين هاذ الامر راح يسهل التطبيقات على الوافدات الجدد مرحبا بيهم
حبوبة علابالي الامر ليس بالهين عليك لمتابعة فريقين في نفس الوقت لكن نهيك لحكمتك و رزانتك و تفكيرك المميز و ندعيلك من قلبي ربي يوفقك يااااااارب و يجعلها في ميزان حسناتك

[titi119]

مساء الخير عليكم فراشات في يومنا الثاني في الرحلة
مام انا توحشتك بزااااااااااف حبيبتي حبيبة
السرقة راهي خدماتي راني نسرق ونزيد نجيبلكم معايا كنود مع صباح نحب ندخل للصفحة تع مصطفى حسني نقرا واش يكتب نشحن روحي بطاقة الايجابية
اشحن طاقة قلبك من وقود الاستعانة بالله
والفراشات لي الهدف تعهم التقرب من الله سبحانه وتعالى يتبعو الحصة تع مصطفي حسني على طريق الله
ليوم راني فرزت ونظفت كامل الحمام وطيبت لعشا روز

[حبيييبة]

تطبيق فريق اليرقات
يعني حبيباتي المشتركات الجدد
اللي انضموا للدورة ابتداءا من يوم الخميس 02/04/2015

سوف ابدأ معكم من اول تطبيق
و كأن الدورة بدأت الآن
حتى تقوموا بالتطبيق و انتم فاهمينه صح
و حتى يترسخ في أذهانكم جيدا

عندكم ثلاث تطبيقات
(ساهلين ما تخافوش)
تطبيقين الليلة
و تطبيق يوم الغد صباحا


تطبيقي الليلة:

التطبيق الاأول
ارجو من كل يرقة تأخذ وقت مستقطع من ليلتها هته
حيث يكون السكون في البيت
و تكون مرتاحة
و توقف امام المرآة
و تنظر الى نفسها
الى عينيها
الى ملامحها
تولي اهتماما بها هي لا بشيء آخر
ليس بشكل ملابسها
او شكل خمارها
او شكل المرآة او مدى نظافة المرىة و لمعانها او او وا..
لاااااااااااا
تنظر الى عينيها
و تتكلم معها
تسألها، تطمئن عليها،
تحاورها، تناقشها،
اذا كانت لا تحبها، وليست راضية عنها..
تبحث عن السبب، تتفهمه، و من ثم تصالح نفسها و تسامحها
و تعاهدها بانها ستقف معها الى الابد
و انها لن تتخلى عنها ابدا مهما حصل
و حتى و ان تخلى عنها الكون كله هي لن تتخلى عنها لانها بحاجة ماااسة لها
و انها يتعينها على تصحيح كل اخطائها و تداركها
و انها ستقف معها بالنصح و الارشاد
و انها ستعطيها حقها و ان تتنازل عنه مهما حصل
لانه ليس لها من غيرها
و ان الحب يبدأ منها هي و من ثم ينتقل الى الخارج
و ان السعادة تبدأ منها هي
تلك المخلوق الراائع الذي خلقه الله بيديه سبحانه
و نفخ فيه من روحه
ثم تنتشر تلك السعادة الى الخارج
لتغير الكون كله بابتسامتها الصافية المطمئنة الواثقة الطيبة الحالمة
المصرة الصاابرة المثاابرة المبدعة الانثوية الرقيقة

احببن انفسكن حبيباتي
الحب يبدأ في قلوبكن ليصل الى ازواجكن و اولادكن و العالم من حولكن



ثاني تطبيق لليلة باذن الله:
تلميع الحوض
مهما احسست بالتعب
و كان يومك ثقيلا
قومي و لمعي حوض مطبخك
لا تستطيعين على غسل مواعينك
لا باس
اجمعيهم
ضعيهم في اناء
و ضعي الاناء في خزانة بالمطبخ
و اتركيهم للغد لغسلهم حين تشعرين بتحسن
اما الحوض فلا تتنازلي عنه
لمعيه مهما حصل

لانه هدية ستقدميها لنفسك غدا
لما تقومي من فراشك الدافئ
و تخرجين من غرفتك الجميلة
و تنتقلي الى مطبخك الحبيب
لتحضري وجبة الافطار و القهوة (يا عيني على القهوة و راائحة القهوة مع الصباح الباكر)
و تفتحي نافذة المطبخ لتدخل اول اشعة الشمس الخافتة الى مطبخك
و النسيم الجميل الطاهر النقي يداعب ستارتها
و ترجعين بنظرك الى حوض مطبخك
و تقع عيناك عليه
ستشعرين حينها بقيمة تلك الهدية التي اهديتي نفسك اياها ليلة البارحة
و نشرح صدرك
و ترتسم تلك الابتسامة الدالة على سرور القلب
و الطمئنينة و الرضى عن النفس



التطبيق الثالث:
غدا صباحا
بمجرد قيامكن من الفراش
و بعض الوضوء لمن ليست على عذر
و بعد الاغتسال لمن بها عذر
قمن بغسل وجوهكم بالغاسول الخاص بنوع بشراتكن
و رطبنها و ضعن مكياج خفيف لمن ترغب بذلك
و اغسلن اسنانكن
و امشطن شعركن و سرحنه تسريحته الجميلة التي تسر القلب
و ارتدين اجمل مالديكن من لباس للبيت
و من ثم توجهن للصلاة و بعدها انطلقن لبدأ يومكن بكل رقة و جمال و جاذبية
و سرور و انوثة و ثقة بالنفس و عزيمة و حماس و نشاط

[faty05]

شكرًا حبيبة