الجزء 95 ** من واش طيبتي اليوم **

[دائمة الحمد]

صباح الخيرات والبركات لكن جميعا
الف الف مبروك الكوزينة ام سراج عتبة مبروكة بالصحة والهناء للكل يارب

[ام النجمين]

صباحكم زين وجيويكم معمرين ووليداتكم ناجحين ورجالاتكم فيكم حاصلين ما يشوفو لا لي مكيجين لا لمزيرين ههههههههههههههههههههههههه راني حبيت نحط شخشوختي بصح معرفتش تلفتلي

[دائمة الحمد]

ام سهيل احلى صباح واجمل دعوات راكي ذكرتيني بعزيزتنا ام رياض كانت تدعي بدعاء مشا به لتاعك ربي يسمعنا عليها سماع الخير

[دائمة الحمد]

ام امنية يعطيك الصحة على الصابلي تاعك وتاع اختك
والشخشوخة باينة بنينة بالصح ساعدي روحك عملا واكلا
ام فاطيمة صباح الخير عزيزتي
زهرة بصحتك لتارتولات وراهم 4444444444
ومرقة البطاطا نموت عليها بالصح سي السيد ما يوكلهاش نادرا مانعملها
ام محمد مبروك لخير لي جاك بالصح واش راح تعملي بيه واكيد نحنا الرابحين راح نستمتعوا بتفانينك

[omomnia15]

صباح الخير دائمة واش راهي عجوزتك مبنتيش علابالي راكي لاهية بيها ربي يقدرك على الخير

[دائمة الحمد]

ام وسيم شخشوختك هايلة وسلمي على داركم
ام رهام احلى صباح

ام يس عملتها بيك النت وهربتي من كوزينتي وخليتي بلاصتك
ام رحاب واش احوالك حنونة وان شاءالله راكي بخير
راني ما شفتش ام ماجد كي راجعت يتمنى يكون غيابها مبرر ههههههههه اكيد راهي النت عملتها بيها
الي حطيتوه الكل يشهي وزاهي وباهي ويفتح النفس علاخر ربي يبارك فيكم

[Oum yousra]

المشاركة الأصلية كتبت بواسطة selmatitta

صباح الخير عليكم يا شاطرات ام يسرى راهم وصلوا الحجاج راني قريب نموت من فرحة حابة نشوفهم تواحشتهم

صباح الفل راني نهدر مع ماما في التيليفون عليها مادخلتش للمنتدى حتى انا راني متوحشة موت نشوفهم راهو وعدني زوجي يديني في العطلة نتاع ديسمبر و اشششششششش ماتقوليلهمش حابة نديرهالهم مفاجئة

المشاركة الأصلية كتبت بواسطة omomnia15

شكرا ام تاج انا قلتلها صابلية حير من صابليك قاتلك لالا ههههههههه شح فيها وبصحتك القضيان واش رايحة اديري انا البارح قابلي 2 بلاوات تع بيض خممت طول ف القاطو ولينا مهووسات
زهرة التارتولات باش حشيتيهم
سلمى الحمد لله ك رجعو الحجاج بخير ومتبقاش تغيري في ام يسرى مسكسنة الغربة وزدتيها انت

شفتي ام أمنية كيفاه راهي تخرج لي في قلبي و الله توحشتهم و حابة نشوفهم المهم كي روحو بخير الحمد للاه

[ome loudjeine]

مبروك افتتاح الكوزينة انشاء الله دايما عامرة.عام هجري سعيد ربي يجعلو عام خير على الجميع تتحقق فيه جميع امانينا انشاء الله.يعطيك الصحة حلويات روعة سخفتيني وانا زعما مدايرة ريجيم.

[دائمة الحمد]

ام امنية راهي مازالت هنا مسكينة وزادت البارح جتها اسينات وامها
كي لقت الدار فارغة كان انا وولدي اميرة مازالت في تونس قاتلي الدار سامطة وعندها الحق انا ثاني توحشت اميرة وهي لهيه مشيختها امي ربي يخليهالي

[دائمة الحمد]

نروح نحط فطور عجوزتي راهي ناضت من بعد الا سمحت الظروف نطل

[ome loudjeine]

المشاركة الأصلية كتبت بواسطة ام سهيل ولجين

صباحكم زين وجيويكم معمرين ووليداتكم ناجحين ورجالاتكم فيكم حاصلين ما يشوفو لا لي مكيجين لا لمزيرين ههههههههههههههههههههههههه راني حبيت نحط شخشوختي بصح معرفتش تلفتلي

سلام اختي والله عجبتني هاد الدعوة كثري منها رانا محتاجينها بزاف.ربي يعطيك الخير حتى انا بنتي اسمها لجين عندها 4 سنين ربي يعيشهم ان شاء الله.

[ام النجمين]

المشاركة الأصلية كتبت بواسطة دائمة الحمد

ام سهيل احلى صباح واجمل دعوات راكي ذكرتيني بعزيزتنا ام رياض كانت تدعي بدعاء مشا به لتاعك ربي يسمعنا عليها سماع الخير

يعطيك الصحة كي قيمتيني خطراه قليل من يرد على الجدد الدعوات هذا واش نحتاجو

[ام سهام 02]

صباح الخيرات والانوار على وجوه الخير

راهي حكمتني حمى المحاجب

[nihale89]

صبااااااااح النوووور حبيباتي
غدايا شكشوكة كوكوط

[scorpionoir]

المشاركة الأصلية كتبت بواسطة ام سهيل ولجين

صباحكم زين وجيويكم معمرين ووليداتكم ناجحين ورجالاتكم فيكم حاصلين ما يشوفو لا لي مكيجين لا لمزيرين ههههههههههههههههههههههههه راني حبيت نحط شخشوختي بصح معرفتش تلفتلي

اوووووووو على الدعوة .كثريلنا منها هذي خاصة الاخيرة هههههههههه . ويني شخشوختك كان عجبتني نبدلك انا درت دشيشة مرمز