الدرس السادس الفتلة بالمشينة

[*منى*]

اني قيلت نجرب في التطبيق الثاني هههههههههههههههه مزروبة ضاقت روحي باه نروح للعرس ونلبس روبة لي يسقسيني عليها نقولو خدمت يديا وحيات عينيا المهم يدرا نصنع ونجي مع المعاريض ولا نهبط للدمير والخدمة هاو ليكم تطبيقي ورجاءا اختي الخروبية تعطيني ملاحظاتك عليه والاخطاء لي فيه ههههههههههههه زعما ماهوش كلو اخطاء ، باه نصحح الخدمة ونعرس نشطح مع المعاريض ، (الخيط لي من الاسفل خرجلي واش نديرلو)

[*منى*]

ههههههههههههههه هدا وين شفت التطبيق نتاعي هاديك التبهديلة مايشبه الوالو

[ام رشدى]

اختي منى تطبيقك عجبني وهدى مدة وانا احاول التحميل والله ماقدرتش والمورال راه هابط ارجو المساعدة من الاخوات مع اني حملت من التبلات لانو الميكرو لا يعمل

[*منى*]

https://im84.gulfup.com/ALKYcT.jpghtt...com/tZsWEq.jpg

[hope of life]

راني شريت الحوايج وكيطليت ...انا شريت لا طوال كولونت ....وهي لازم لاطوال طايور وووووووعععععععع.....اختي الخروبية تضلح نتعلم بيها ولا لازم طايور.....ووووعععع

[الخروبية]

السلام عليكم صباح النور وسرور واحلى العطور على وردات المنتدى ختى ام رشدى رانى نسنى ختى منى الله يبارك مشاء الله ايه دا يشيخة مصتلى عنبى ايه دا كلو اولا اسمحيلى طولت باه رديت عليك والله لبارح سهرة حت 01.30 نسنى فى النت مكانش سامحينى
1 التطبيق الاول العلامة كاملة
2التطبيق التانى فيه حوايج صحاح وحوايج لازم نصحوهم
مدام درتى القناوية راكى معندك ماتزيدى وزيد اللواى روعة
المخ تانى مليح هنا نبهك لحاجا لحبيتى تجى الخدمة شارجى قربيه لبعضاه ولاحبيته نورمال حاجتك
لحوايج لى درتيهم صحاح نفسهم يحتاجو تصحيح
1كى تخدمى اللواى كى تعودى موليا ديرى فوقو لقناويىة يعنى اللواى يجى على2 ماشى على3
2لازم تجى لقناوية لاسقة فى اللواى متخليش المسافة بعيدة ومن بعد نحطلك شرح
واسم اللواى والقناوية والمخ نتمنى متروحش النت
ورانى نسنى فى تطبيق الاخوات
يااااه شوية ونسيت الله ينعلك يا بليس
الخيط لي يخرجلك من فوف كاين فيس صغير في الكنيطة حاولى تشبحيه بشوية
واخدمى حتى تشوفى الخيط الى لفوق يخرجلك من تحت الله يوفقكم بكل تحية من الخروبية للجميع سلام ياكرام

[الخروبية]

[size="6"]السلام عليكم ختى منى اسناينى النت والله ضعيييفة بزاف من البارح وانا نحوس نحط تصاور مقدرتش ونتى يا الفحلة hope of lifeاسم لقماش لى قلتى عليه منعرفوش بلاك عندو اسم واحد اخر بصح كون نجى ونروحو للحانوت تشرى لقمشات بكل خخخخخخخخخخخخخخ ووووووووووووووو ععععععععععععع اشرى لطوال طيور ولانجى سلام

[*منى*]

طلعتيلي المورال
الله يعطيك ماتتمناي ويردلك صحتك
اما على الصور صيبي راحتك ومتتقلقيييش خاطر النت راهي ضعيفة بارتو
انا نزيد نعاود التطبيق مع اخذ ملاحظاتك بعين الاعتبار
الف الف شكر وسامحينا في تعبك

[*منى*]

الهم صلي ويلم وبارك على سيدنا محمد صلى الله عليه وسلم
دلوقتي بقى وقت الاسئلة:
(1) القناوية فيها 6 قرون كيما درتيها انت ولا مايهمش العدد ندير برك حتى تتعمر.
(2) المخ في الخدمة المليحة يكون قريب ولا بعيد
(3) الفتلة المظفورة نلصقوها على الجناب في الجيهتين ولا في الوسط
(4) المخ يجي عشوائي ولا لازم مودال وترسمي تخطيط انتاعو
والسلام ختام

[الخروبية]

السام عليكم مساء الخير يا وجوه الخير
اللهم صلى وسلم وبارك على سيدنا محمد استعدى للاجوبة
ج1 القناوية فيها حساب الكبيرة ب6 والمتوسطة ب5 وصغيرة 4 المهم تحصرلقرون لبعضاهم
ج2المخ يكون قريب احسن تجى الخدمة شارجى
ج3 الفتلة تجى فى الطور تاع الرقبة والحرف تاع الدرعين والطابق والضفارة من الاسفل ولكان فيها 2خطوطالخدمة والمخ فى النص كى نحط تصاور تبانلك
ج4 لكان شتى روحك تخدميه مليح بلا رشمة صحا ولامقدرتيش ارشمى بيناتنا دالى ترشمى اتعودى تخدميه بلارشمة ناقص تعب
ج5 وهادى مهمة بزاف رانى فيى خدمتكم والله تعبكم راحة نشكركم خليتونى نحس بلى رانى نخدم يعطيكم الصحة تحية من الخروبية للجميع سلام ياكرام

[أم معاذ أم معاذ]

ربي يجازيك كل الخير أختي تبعت كل دروسك مازلت ما طبقت
حبيت نسقسيك أنا ماشينتي فيتاسها سريع و مهما خففت من الضغط تمشي بسرعة
هل هناك حل؟؟؟

[الخروبية]

السلام عليكم وربي يبارك فيكم والله يوفقكم ختى ام معاذ نتمنى تصلحلك وتروحى معانا للعرس لكان عادت المشينة تاعك ان ديستريال

شوفي منين لاسق البيدال كاين 3نقبات ارخفيه وحطيه فى النقبة لى فنص ولكان عائلية اتكاى بشوييييييييييييييييييييييييييييييييييييييييية او حطى حاجا فى البيدال متال لوحة صغيرة

او اى شيء باه متجريش خممت ههكا بلاك تصلح ليك وللاخوات لى كيما نتى نتمنى تنجحى رانى نسنى في التطبيق

[*منى*]

السلام عليكم اخواتي في الله
هذا التطبيق زدت درتو اليوم واش رايك معلمتنا العزيزة الخروبية ، قلت نزيد نجرب مابين ماحطيتيلنا الصور لي قولتيلي باه على الاقل نتعود نتحكم في الفيتاس تاع المشينة
التطبيق الجاي ان شاء الله يكون بالفتلة باه تبان الخدمة ويبانو الديفوهان لي فيها على المباشر هههههههههههه (مليحة هذي على المباشر)

[ام رشدى]

[ام رشدى]

هدا تطبيقي استادة لخروبية واسفة على التاخير بسبب التحميل وهدا تطبيق مبدئي فقط وانا انتضر تصحيح الاخطاء