الجزء 73lن واش طيبتي اليوم كوزينة النجاحات

[طالبة الجامعة]

المشاركة الأصلية كتبت بواسطة روضة 88

مساء الخير عليكم

اليوم كيعاد عيد ميلادي جيت ليكم قلت بلاك نلقا قاطوات و لا تارت و لا اكلات جديدة................

ايه مبروك عليكم الكوزينة الجديدة منيش مراجعة كاش غدوة باه نراجع على خاطر دارتلي بوشعيرة في عيني درتلها زيت عرب ماني نشوف والو

حقة راني عرست و تهرست و مرضت................

عيد ميلاد سعيد كل عام وانتي بالف خير

[طالبة الجامعة]

المشاركة الأصلية كتبت بواسطة ladymillion

فاطمة لالا بقات سلطة نتاع لغدا ودجاج يعني كي يكون عندنا بواقي او حاجة خفيفة مانديروش وساعات مانتعشاش انا ناكل ديسار والحمد لله
وانت واش ديري لعشا ؟؟

بصحتك رانا رايحين نديرو شليطة وشلاذة وديسار وماننساش تكشوكة

[طالبة الجامعة]

راني معولة غدوة نديرلهم gراتان تاع الخضر وقلب اللوز (نخلعهم شوية هههههه)

[أم ماجد]

السلام عليكم ونهاركم طيب ومبروك الكوزينة كيا
راجعت كل شئ رغم توتري
ماري تعرفيني نهار الماتشات مانكونش على راحتي
اسمحيلي كيا من بعد نرجع بالباروك حنونةن
وعشانا بيري دارتها صلاة وخرجت للحي تشجع هههههههههههه

[nad16]

سلام على جميع حراير بلادي ايمان من فضلك اعطينا وصفة القاطو لدارت طومة الفحلة والله تعجبوني بزاف

[مرام 1987]

المشاركة الأصلية كتبت بواسطة أم ماجد

السلام عليكم ونهاركم طيب ومبروك الكوزينة كيا
راجعت كل شئ رغم توتري
ماري تعرفيني نهار الماتشات مانكونش على راحتي
اسمحيلي كيا من بعد نرجع بالباروك حنونةن
وعشانا بيري دارتها صلاة وخرجت للحي تشجع هههههههههههه

أهلا أم مجود عاش من شافك حبيبتي الحمد لله كي راكي بخير وإن شاء الله تربح الدزاير وتفرحنا شويا ملينا من النكد والله ربي يسمعنا الأخبار الزينة أنا ما حاطاش الماتش في بالي صراحة حاطة الطريق تاع غدوة إن شاء الله حاطتها بين عينيا وعععععععع ما نحبش الفواياج نكره نكره وعععععععع
عشانا بحول الله العدس تاع البارح او قريب ينبت في كرشي
قلتلهم فورولي الخضر قالولي ما كاين غير البطاطا والجريوات قلتلهم المهم لاشتا
اللهم بلغنا رمضان وبارك لنا فيه

[أم ماجد]

عشانا اليوم واجد يادرا يتكل ولا خايفة من الخسارة


وهاذو تاع اليومين اللي فاتوا













وهذا مشماش وخوخ ونعناع بعثهملي خويا لعزيز ربي يفرحه ويحفظه







وهذا فريك جديد ريحته رائعة

[عازفة الناي]

مساؤكم سعيد
راكم فاشلين شوي سخانة وشوي الماتش ؟
ههههههههههههههههههههههههههه

[ام ملاك و عبدو]

مساء الخير وكوزينة مبروكة انا عشايا بطاطا بالدجاج بلاصوص بلونش و طبقت للمرة الثانية قلب اللوز باللبن روعة و صحا عشاكم جميعا

[ام سهام 02]

روضة عيد سعيد وعمر مديدوعقبال 100 سنة
بصحتك العرس وربي يشافيك.

[طالبة الجامعة]

ladymillion على فكرة راني كتبت وصفة العجين المورقة تاع ام انس راح نخدمها غدوة ان شاء الله بزبدة التوريق ( صالحة) اذا جربتيها رديلي الخبر

[عازفة الناي]

ام ماجد بصحتك الاكلات .............. ان شاء الله ياكلوا لعشاء وتكون النتيجة مليحة

[أم ماجد]

المشاركة الأصلية كتبت بواسطة عازفة الناي

ام ماجد بصحتك الاكلات .............. ان شاء الله ياكلوا لعشاء وتكون النتيجة مليحة

يارب يارب
ان شاء الله تعم الافراح بلادنا

[طالبة الجامعة]

المشاركة الأصلية كتبت بواسطة أم ماجد

السلام عليكم ونهاركم طيب ومبروك الكوزينة كيا
راجعت كل شئ رغم توتري
ماري تعرفيني نهار الماتشات مانكونش على راحتي
اسمحيلي كيا من بعد نرجع بالباروك حنونةن
وعشانا بيري دارتها صلاة وخرجت للحي تشجع هههههههههههه

مهووسة بالكرة لهذ الدرجة انا مايهمنيش قاع

[مرام 1987]

أم ماجد بصحتكم الطيابات وصلاة باينة شاطرة الله يبارك خارجة لأمها
أقلب البرمة على فمها والأنثى تخرج لأمها ما شاء الله تبارك الرحمن تفكرني ببنت خويا الله يبارك
وبصحتك المشماش والخوخ والنعناع من عند خوك يعيش ويجيبلك
اللهم ما أمسى بي من نعمة أو بأحد من خلقك فمنك وحدك لا شريك لك فلك الملك ولك الحمد وأنت على كل شيئ قدير