الباناكوطا
* ½ لتر كرام فراش = 2علب كرام فراش فقط لاغير ولا وجود للحليب تماما وهذا هو سر البنة والغنى نتاع الباناكوطا وهو الكرام فراش
* سكر عادي
* فانيلا نوعية مليحة ( صورتلكم علبة الفانيليا عن قصد باش تشوفوها راهي مليحة وريحتها تبقى )
* وفلان ذوق فاني ( هي الباناكوطا ممكن تحضروها بأي طعم تحبو ولكن الذوق الأكثر شعبية وطلبا في العالم كامل هو طعم الفانيليا لأنه الطعم الأصلي للباناكوتا (أنا استعملت فلان كاراميل لأنني نعشق ذوق الكاراميل ممممم ( مسألة أذواق )
شوفو كي تقصو منو كيفاش جامد حاكم روحو وأهم حاجة لونو أبيض ناصع من لون الكريمة هذا دليل نجاح الوصفة :
طريقة التقديم :
الباناكوطا يقدم بزوج طرق :
* إما تصبي الخليط في أواني صغيرة نتاع الفلان وكي يبرد وجي تقدميه تقلبيه في صحن وتصبي عليه واش تحبي إما صلصة كاراميل او تحضري خليط الفاكهة اللي حبيتي وتصبيها عليه ، ممكن : توت ، فراز ، برتقال ، مشماش ، خوخ ، مانغا ، تين ........................الخ * أو تصبي الخليط في كؤوس أو أواني صغيرة وجميلة للتقديم وتصبي فوقو طبقة من الكاراميل أو خليط الفاكهة وتقدميه في الكؤوس نتاعو
طريقة تحضير la purée des fruits :
نحط كمية صغيرة من الفاكهة منظفة ومقطعة في خلاط مع شوية فقط سكر يعني حوالي زوج ملاعق ونرحيها ونصفيها ونحطها على النار تغلي شوية حتى تعقد ( لازم تبقى جارية شوية ماشي عاقدة كيما المعجون ) ونصبها فوق طبقة الباناكوطا اللي يكون جمد وحكم روحو وندخلها للثلاجة تبرد ونقدمها .
لاحظو أنو الباناكوطا يقدم في أواني صغيرة وليس في أواني كبيرة أو في les coupes لأنها تحلية دسمة وغنية وثقيلة تقدم بكميات صغيرة لذلك ماتعمروش الكؤوس أو استعملو كؤوس صغيرة .
شهية طيبة
( تقرير عن مشاركة سيئة )، و الموجودة أسفل كل مشاركة .
2016-05-26, 18:53
العرض العادي
