كعك ناس الغرب

سمر نورهان · 2012-03-13, 17:18

عدتلكم اليوم بحلوة جديدة من الحلويات القديمة المعروفة بالغرب الجزائر الا و هي الكعك رائع و بنين من حلويات الجدة ربي يعطيها طول العمر انشاء الله
منطولش عليكم هاذي هي المقادير
1-نحضر ملعقة أكل خميرة العجن نوضعها في نصف كاس ماء دافي مع شويا سكر ونخليها ربع ساعة
2-نحضر كيلو فرينة - نوضع فوقه كاس كبير (لي نشربو فيه القازوز) معمر سكر مع 2 كيس خميرة الحلوة و توابل الكعك ملعقة اكل من كل نوع وهم علي التوالي : نافع حبة حلاوة و شنان كلهم مطحونين اذا ما وجدتوش هاذل المكونات كلها اكتفو فقط بحبة حلاوة مطحونة نضيف معاهم كاس صغير جلجلان ماهوش مرحي لي متحبش ماتديرش و قليل من زعفران الاعطاء العجينة لون اصفر عند العجن ونخلط الكل مع بعض
هذا بالنسبة للمواد الجافة نوضع فوقها مباشرتا 3 حبات بيض مضربين كاس كبير (لي نشربو فيه القازوز) زيت و خميرة العجن بعد ما تركناها ربع ساعة الكل مع بعض و نخلط الكل مليح ثم نلم العجينة منعجنش فقط نلم بالماء الدافيء حتي نتحصل علي عجينة طرية نتركها ترتاح لمدة 2ساعات او اكثر حتي يتضاعف حجمها نعجنها غير شويا ثم نقطعها كويرات صغيرة (اذا لسقتنا العجينة في اليد ممكن نخدم بالفرينة نرشها فوق طاولة العمل و نخدمها كل كرة نحلها بشكل حربوش طويل و رقيق بحجم الاصبع و نوضعها بشكل اصاور و نقطع الحافة الخارجية بالمقص نكما كل العجين لي عدنا نصفهم في بلاتو و ندهنهم مالفوق بمزيج (صفار بيض +حليب فقط شويا)وندخلهم يطيبو في فرن متوسط حتي يحمارو من تحت نشعل عليهم الفرن من فوف و نتركهم ايضا يحمارو ننزهم و نتركهم يبردو
و اخيرا شهية طيبة
في انتظار الردود تهلو في رواحتيكوم
لي تنجحلها الوصفة تدعي للجدة الكريمة ok
دمتم في رعاية المولي

الأمنيات · 2012-03-13, 17:32

شكرااااااااااااااااااا على الوصفة

ايمن14 · 2012-03-13, 17:54

شكرا للجدة واطال الله في عمرها
وشكرا لكي على الوصفة

الصوامعية · 2012-03-13, 18:21

شكرا جزيلا

أم ياسين الزهراء · 2012-03-13, 19:36

ربي يعيشلك جداتك شحال وانا نحوس على الطريقة

بشرى2008 · 2012-03-13, 19:45

مشكووووووووووووووووووووووووووووورة

azade · 2012-03-13, 21:18

ماما تحبو ياريت لو تحولى وتحطى الصور

سمر نورهان · 2012-03-13, 22:46

شكرا لكم علي الردود و علي التشجيع فقط ااسف للاخت azade لانه ليس لدي الة تصوير فمعذرررررررررررررررررررررررة لكي اختي ولاكن اي استفسار منك انا في الخدمة حتي تفرحي ماماك ok تحياتي

my lamis · 2012-03-13, 23:37

الله يبارك هذي ميش على الكعك هذي على جداتك ربي يطول في عمرها نشالله
يطيك الصحة على الوصفة باينة تهبل و نشالله نجربها نموت فالكعك
تحياتي و سلامي الحار للجدة الغالية

حب ربي*ملأ قلبي · 2012-03-14, 10:34

شكرا لكي على الوصفة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري