|
|
|
|||||||
| قسم الاعمال الفنية الرسم - السراميك - اشغال الابرة ابداعات و اعمال فنية مختلفة |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2011-12-01, 16:55
|
رقم المشاركة : 1 | ||||
|
دورة تعلم السموكس
  اهلا بكل الاخوات اليوم حبيت انو نتشارك و نضفي بعض الحركة بمنتدانا و نتعلم مع بعض ادعو كل الاخوات المهتمات بمجال السموكس انو يكونو معي بهذا الفضاء فكرتي تتمثل في انو نعمل دورة لتعليم السموكس الدورة راح تحتوي على كل دروس السموكس الي اعرفها راح نتعلمو استخدام السموكس لانو غرزة السموكس لها استخدامات عدة البساطات  المخاد  الستائر  الملابس  لهذا السبب حبيت انو نتقاسم خبرتي معكن في هاذ المجال و نطورو اعمال السموكس بمنتدانا و نعطوها اكتر اهمية من هذا المنطلق حبيت نعطي الاخوات بعض الوقت باه الي حابة تشارك معنا بهذه الدورة تسجل اسمها لانو العمل هنا راح يكون منظم كالتالي 1/ نتعرف مع بعض على معنى عمل السموكس و مجالات تطبيقاته 2/طلب من العضوات تجميع عدد من الصور لبعض الانواع و هذه الطلبات في وقتها يعطيها المشرف على الموضوع 3/ دروس في مختلف انواع غرزات السموكس (المثلث. الياسمينة. المربع.........) 4/ اسئلة العضوات و الشرح لهن 5/ تطبيقات العضوات لكل درس بطريقة مبسطة يعني ماهوش راح يكون تطبيق صعب 6/اختيار المشرف لبعض الاشكال من الصور التي تم تجميعها من قبل و وضع استطلاع حتى نعرف اي صورة تريد العضوات من المشرف تطبيقها حتى يقوم بتطبيقها و وضع المراحل للعضوات 7/ و اخيرا تضع العضوات تطبيقاتها و يتم الاختيار لاحسن التطبيقات و الاختيار راح نعرف طريقتو فيما بعد  و الان الاخوات لي يحبو يشاركو بالدورة عليهم تسجيل اسماءهن حتى يكون الامر منظم و نعرفو كيفاه نخدمو و اتمنى من كل الاخوات مشاركة فعالة المشاركات 1/ petra imad crono /2 3/ معتصم 98 4/ هند السوفية afakmax /5 marmoura/6 7/ ملوووكة 8 / زوجة لزهر 9 / هاجر المسلمة 10 / الهاشمي 12 11 / zozasenou 12 / بنت مسلمة 13/ طائر النورس مغتربة 14/ مقدسية هاذو هوما المشتركات الاوائل لكن راهي اتفتحت التسجيلات اي وحدة ممكن تعتبر نفسها مشاركة معنا و العضو الشرفي للي نفتخر بيه الاخ omar 007 للاسف غابت الكثير من العضوات اللاتي تمنيتهم يكونو معانا  السيدة الفاضلة لويزة بسمات الاء النايلية ابتهال 4 و اخريات اما عن قانون الدورة فهو كالاتي  ضرورة الاحترام بين المشاركات لابد من التقيد بجدول العمل و احترام الوقت تجنب الردود السلبية ضرورة ابداء الراي من طرف باقي العضوات الغير مسجلات بالدورة لانو اراءكم تهمنا المشاركات لابد انهم ينشطوا لانو راح تكون هناك شهادات تقديرية من انجازي تسلم للفائزات  معناتها راح نتعلموا و نديرو انجازات و ننشطو و نربحو في الاخير و انشاء الله نخرجو كامل راضيين   
|
||||
|
|
2011-12-01, 17:45
|
رقم المشاركة : 3 | |||
|
الدرس الاول
 السموكس من الاعمال اليدوية في مجال الخياطة و التطريز يستعمل من اجل اعطاء حجم للقماش و مجالات تطبيقاته متنوعة منها الافرشة الستائر الالبسة و غيرها كما تستعمل غرزة السموكس في العديد من الاشغال اليدوية الاخرى مثل حقائب اليد و هناك اختلاف في التسمية حيث انه هنالك من يقول سموكس و هنالك من يسميه سموك القماش المستعمل عادة في غرزة السموكس هو الساتان و الذي يتميز باللمعان و الملمس الناعم كما انه يساعد على العمل لانه يقبل التشكيل و يحافظ على شكل الغرزة (القماش يبقى واقف) انواع غرزة السموكس لها عدة انواع منها غرزة الورقة غرزة المثلث  غرزة الضفيرة  غرزة الامواج  غرزة الياسمينة  غرزة البلاطة  كما يمكن الجمع بين غرزتين في نفس العمل  الباترون  تعتمد غرزة السموكس مثل باقي اعمال التطريز على باترون حيث انه عبارة عن جدول يختلف باختلاف الغرزة و تختلف ابعاده باختلاف حجم الغرزة المراد الحصول عليها الادوات لاجل بدا العمل لا بد ان تتوفر لنا الادوات التالية قماش الساتان/ 1  عند اخذ قياسات الشيء المراد عمله لابد من الاخذ بعين الاعتبار ان القماش سوف ينكمش بعد تطبيق غرزة السموكس لذلك عادة ما نستعمل ضعف البعد المراد الحصول عليه مثلا اذا اردنا عمل وسادة ابعادها 50cm et 30cm فاننا نستعمل قطعة قماش ابعادها 80cm et 60cm يعني لازم تكون عندنا الزيادة في القماش دائما مقص / 2  قلم لرسم الباترون / 3  مسطرة لتسطير الباترون/ 4  ابرة و خيط لتشكيل الغرز/ 5  6/قداحة نشعلو بيها اطراف القماش باش الخيوط ما يبقاوش يتسنسرو  و لما تجمعو كل هادو الوسائل نقدرو نبداو في الشرح واش فهمتو الدرس الاول والان التمرين الاول  توقيت التمرين من 04/12/2011 الى غاية 06/12/2011 على الساعة 18.00 يعني عندكم نهارين باه تحطو مشاركاتكم نص التمرين المطلوب من كل مشاركة انو تحضر 5 صور لانجازات بالسموكس هذه الصور لازم تتميز بانها مختلفة مبدعة متميزة و على اساس كل هذا راح يتحط التنقيط اما الاخت لي تجيب صورة تشبه صورة لزميلة لها فان صورتها راح تلغى و لازم على كل وحدة تجيب حاجة جديدة ماهيش متل لي جابتها الي قبلها يعني كل وحدة قبل ما تحط مجموعتها لازم تتطلع على مجموعات الاخوات الي قبلها اللي راح يحطوهم في ردودهم عادي و ذلك لتجنب اي تشابه نتمنى مشاركة كبيرة راني عطيتكم الكثير من الوقت المشاركات اللاتي وضعوا مشاركاتهن بالتمرين الاول 1/ petra imad crono /2 3/ معتصم 98 4/ هند السوفيةafakmax /5 6 / هاجر المسلمة 7 / zozasenou 8 / بنت مسلمة 9/ مقدسية |
|||
|
|
|
2011-12-01, 18:17
|
رقم المشاركة : 5 | |||
|
الدرس الثاني مساء الخير اخواتي انشاء الله تكونو في اتم الصحة و العافية اليوم راح نبدا الدرس الثاني لازم الكثير من التركيز لانوا الان راح ندخلو في تعلم الغرز انشاء الله ما تخلو و لا شيء يفوتكم   ثانيا الغرزة اللي راح نتعلمها اليوم هي غرزة المثلث  ثالثا خلونا نحضر الباترون راح ابدا العمل اولا على الورق المقوى قبل ان ارسم فوق القماش ياللا تابعوني راح نستعمل حجم الغرزة متوسط معناه ابعاد الجدول راح يكون كل مربع 3سم*3سم راح نسطر على الورق المقوى جدول بهذه الابعاد وراح نتحصل على الشكل التالي  بعد ذلك نربط النقاط بين بعضها بهذا الشكل بالنسبة للحواشي نعمل خط واحد يعني مانكملوش شكل المثلث باه الانجاز لي نعملوه يجي مقفول و مايبقاش مفتوح المهم نتحصل على المخطط التالي و الذي هو عبارة عن باترون العمل  بالنسبة للاخت لي تعرف روحها تغلط و ما زالت ماهيش متحكمة في العملية لازمها تنقل الباترون بنفس الطريقة على القماش اما الاخت لي تعرف روحها شاطرة نعطيها طريقة اسهل ماتتعبهاش و تخليلها لقماش نتاعها نظيف روحي لهاذوك النقط و اثقبيهم بواسطة ابرة خشينة و حطي الباترون نتاعك فوق القماش و مبعد علمي غير النقط و كي تكملي و صلي بيناتهم بطريقة الباترون راح تكون النتيجة كالتالي       طبعا عند رسم الباترون راح نبتعد بحوالي 10سم عن حافة القماش و طريقة الخياطة راح تكون بالشكل التالي نبداو بالحاشية التي تظهر في الباترون بشكل خط واحد و نربط بين النقاط من 1 الى 2 و نعقدو و هكذا حتة نكملو العمود كامل يعني في راس النقطة راح نعقبو الابرة و نعقدوها للنقطة لي بعدها بهذا الشكل و مبعد نجبدو الخيط و نعقدو    انا لما نعقد الخيط نقصو لانها الطريقة الاسهل ماتخليش الخيوط تتشابك  راح ينكمش القماش طبعا ماتتقلقوش راكم تكونو عملتو اول غرزة كملو اوصلو باقي النقاط ببعضها و اول ما تكملوا ول عمود راح تتوضح لكم الفكرة  بعدين نوصل بين النقاط 1ثم 2 ثم 3 و مبعد نزيدو نرجعو للنقطة 1 يعني نغلقو المثلث راح تتشكل لينا اول غرزة مثلثة و هكذا حتى نكملو كل الغرز و نكملو كل عمود حتى نكملو قطعة القماش كاملة   هذا هو الشكل من الخلف  و هذا من الامام   راح تلقاو انو القطعة لي اخترتوها اول مرة راها انكمشت كثيرا في اتجاه الطول  نتمنى اخواتي انكم فهمتو و اي تساؤلات راني هنا راني نستنى في تطبيقاتكم التمرين الثاني كل وحدة فيكم تحط تطبيقها للدرس الثاني وراهي في يديكم ثلاثة ايام يعني اتاريخ نهاية التمرين هو 10/12/2011 على الساعة 16.00 المشاركات اللاتي وضعن مشاركاتهن بالتمرين الثاني 1/ petra imad 2/ معتصم 98 3/ ام اثري 4 / هاجر المسلمة 5/ الاء هبة الرحمان 6/ هند السوفية 7/ afakmax 8/ بنت مسلمة 9/ doli/M crono/10 /11ابنةcrono  الدرس الثالث أهلا بيكم أخواتي نتمنى تكونوا في أتم الخير والعافية وإنشاء الله متابعة جيدة للدرس الثالث اليوم اخترت لكم غرزة الورقة والتي تماثل غرزة المثلث في سهولة العمل  كالعادة نبدأ باللوازم الضرورية للعمل والتي اظن انو كل الاخوات تعودن عليها وكذلك ماتنساوش يا اما تحرقو اطراف القماش يا اما تسرفلوها باه مايتسنسروش الخيوط  نجهز الان البترون سيكون عبارة عن جدول ابعاد مربعاته 3cm X 3cm لانو هذا البعد يعطينا حجم غرزة جيد يليق في المخاد و حتى الفراشات  ثانيا راح نرسم على الجدول الباترون التالي حيث سيتم الربط بالطريقة التالية الى 2 1 و 4الى 3  الان ننقل الباترون على ظهر القماش كالعادة و كيما تعودنا الاخوات لي يعرفو رواحهم ما يغلطوش يعملوكيما انا و يديرو غير النقاط ويوصلو بيناتهم و هذا حفاظا على القماش باه مايتوسخش و حذاري استعمال اقلام الحبر والتي حبرها يسيل و يخرج لوجه القماش حفاظا على اتقان العمل  ثم كالعادة نربط بين كل نقطتين بالطريقة المعتادة يعني نربط بين النقطتين 1و2حتى نكملو العمود الاول      حتى نكملو العمود الثاني4و3   وهكذا حتى نكملو كل الاعمدة فنحصل على العمل بهذا الشكل من الخلف  و الشكل من الامام   اتمنى نكون موفقة في الشرح و تكون المعلومة وصلت صح لكل الاخوات اسمحولي العمل نتاعي كان مستعجل شوي لاني ماحبيتش نطول عليكم لكن اكيد تلميذاتي اعمالهم راح تكون اروع التمرين الثالث ووقت التمرين يمتد من 12/12/2011 الى غاية 17/12/2011 على الساعة 16.00 اتمنى مشاركة كبيرة من الكل المشاركات اللاتي وضعن مشاركاتهن بالتمرين الثالث 1/ petra imad 2/ معتصم 98 3/ ام اثري 4 / هاجر المسلمة 5/ ابتهال4 6/ ام ضياء الدين 7 / afakmax 8/doli/M chiraz16 /9crono/10 |
|||
|
|
|
2011-12-01, 18:49
|
رقم المشاركة : 6 | |||
|
اول شيئ مبروك الاخت fifiarch على افتتاح هذه الدورة
اكيد ستكون رائعة بكل المقاييس لانه الشيئ اللي اعجبني فيها التنظيم وهو اهم شيئ اكيد ربي يوفقكم ان شاء الله جميعا واكيد ما ننساش باذن الله ساجهز لكم logo الدورة الف مبرووووووووك الافتتاح |
|||
|
|
|
2011-12-01, 19:39
|
رقم المشاركة : 7 | |||
|
 |
|||
|
|
|
2011-12-01, 20:12
|
رقم المشاركة : 8 | |||
|
السلام عليكم ورحمة الله وبركاته |
|||
|
|
|
2011-12-01, 22:43
|
رقم المشاركة : 9 | |||
|
حتى انا اتمنى اني انضبط فقط |
|||
|
|
|
2011-12-02, 12:14
|
رقم المشاركة : 11 | ||||
|
اقتباس:
الف شكر ليك اخي عمر على التفاعل معنا
و مليون شكر على اللوغو و الله عمل مميز انا نعرف بللي السموكس ليس من اهتماماتك لكن اعرف ايضا انك مبدع و تعرف دائما تميز الابداع لذلك اتمنى انو تشاركنا دائما باراءك وراح تكون مشارك شرفي بالمسابقة ماراحش نطلبو منك انجازات في السموكس ههههههه  على بالي ماتديرهمش المهم اراءك |
||||
|
|
|
2011-12-02, 12:21
|
رقم المشاركة : 12 | |||
|
أنا ايضا أريد إنضمام إليكن
ماهي كيفية التسجيل ... |
|||
|
|
|
2011-12-02, 12:30
|
رقم المشاركة : 13 | |||
|
 الدرس الرابع مساء الخير اخواتي اليوم و في درسنا الرابع اخترت لكم غرزة الضفيرة و هي غرزة متداولة كثيرا في اعمال السموكس نظرا لجمالها و سهولة الباترون و التطبيق  ملاحظة فقط الوسادة من انجازي و الايام المقبلة نحطلكم الباترون و طريقة الانجاز و هذا كي نكملو الغرز و ندخلو للتطبيقات على المخاد نبدا على بركة الله حاجة وحدة برك راهو الدبدوب نتاعي لي دارلكم التطبيق اليوم تابعوه راهو عندو دوكتوراه في السموكس هههههه اولا و كالعادة نحضر الادوات اللازمة للعمل و التي تعودتوا عليها  نحضر الباترون برسم جدول ابعاد مربعاته كالتالي 3cm X 3cm لانو كيما اتفقنا هذه الابعاد تعطيلنا حجم غرزة مناسب يعني متوسط  نرسم الباترون بالشكل الموضح هنا  ننقل الباترون على ظهر القماش و كيما العادة الي تعرف روحها شاطرة ماكلاه تنقل الجدول كامل تدير غير النقاط الي تحتاجهم  نبدا بالربط بين النقاط كما هو موضح بالباترون 2مع 1   كالعادة الاخوات الي يحبو يقصو الخيط يقصوه و اللي مايحبوش يخلوه لانو ما كانش فرق فقط بعض الاخوات ممكن يخافو انو الخيط يتشابك ليهم مع بعضو لازم يقصوه  و هكذا حتى ننهي العمود الاول  ثم نربط بين النقاط 4 مع 3 حتى ننهي العمود الثاني  و في الاخير بعد انهاء الباترون الي رسمناه نحصل على هذه النتيجة  انشاء الله تكون العملية واضحة واي استفسارات راني معاكم هنا التمرين الرابع كل اخت تقدم لينا تطبيقها فيما يخص غرزة الضفيرة و عندكم وقت ابتداءا من 2011 /18/12 الى غاية 2011/12/21 16.00 الساعة و حظا موفقا للجميع   الدرس الخامس مساء الخير اخواتي اتمنى انو كلكن بخير و في اتم الصحة والعافية اليوم راح نبدا على بركة الله الدرس الخامس و بما اننا تطرقنا في الدرس السابق لغرزة الضفيرة فقد فكرت ان لا نخرج من هذا المحتوى و نستعمله بطريقة اخرى لذلك اخترت لكم اليوم غرزة نصف الضفيرة و هي تشبه كثيرا الغرزة السابقة  كالعادة نبدا اولا مع الادوات المستخدمة في العمل و التي اكيد كل الاخوات تعودن عليها  ثانيا نحضر الباترون نبدا برسم جدل ابعاد خاناته 3cm X 3cm و نقوم برسم قطري المربع فنحصل على الشكل التالي  ثم نقوم برسم الباترون بالطريقة الموضحة هنا  كالعادة نقوم بنقل الباترون على ظهر القماش لكن هنا مانقولش للاخوات انهني نقلو النقط فقط لانو لازملنا ننقلو الباترون كامل حتى نتجنب الخطا    ثم نبدا بربط النقاط كما تعودنا عليه بالشكل التالي من 1 الى 2  حتى ننهي العمود الاول  من 3 الى 4  حتى ننهي العمود الثاني  و هكذا حتى نكمل قطعة القماش كلها فنحصل على هذا الشكل من الخلف  اما من الامام فيكون بهذا الشكل  والله الغرزة جد سهلة و جميلة و تقدرو تستعملوها في الكثير من الاعمال نتمنى انكن فهمتو الدرس و الشرح نتاعي كان وافي باه تشطارو و تحطولي تطبيقاتكم راهو كان عندكم نهار امس بكاملو راحة التمرين الخامس مطلوب من كل الاخوات انجاز غرزة نصف الضفيرة على قطعة من الساتان والتمرين يبدا من 22/12/2011 الى 24/12/2011 على الساعة 16.00 عطيتكم يومين فقط لانو اسهل الغرز  التمرين السادس مساء الخير اخواتي انشاء الله راكم بخير اليوم نظرا للعطلة المدرسية و نظرا لان اغلب الاخوات حابين يديو عطلة كيما اولادهم راح نحطلكم تطبيق لغرزة الضفيرة و التي تم دراستها و لكن التطبيق هذه المرة راح يكون للاستعمال يعني راح نستعملو السموكس في نموذج مصغر نقدرو نستعملوه و قد اخترت اليوم اني نعمل حاملة دبابيس من السموكس كالعادة نبدا مع الادوات المستعملة   و نستعمل هنا قطعة من الساتان على شكل شريط ابعاده كالتالي 36.5 cm X 12 cm و نرسم على ظهر القماش الباترون الي تعودنا عليه لغرزة الضفيرة فقط نغير الابعاد لاننا راح نعمل نموذج مصغر و نستعمل ابعاد 1 cm X 1 cm نعملو اربعة اعمدة   بعد ذلك نخيطو من اعلى عادي و نجبدو الخيط باه يتجمع القماش ثم نعمرو بالقطن او اي مادة تناسبكم  و نكملو نفس العملية باه نغلقو حاملة الدبابيس واخر خطوة اننا نخيطو منتصف حاملة الدبابيس يعني نمرر الابرة من فوق الى اسفل و نخيطو باه تكون محزوقة من الوسط و نزين مكان الخياطة بخرزة او كل وحدة واش تعمل انا خليت عملي هكذاك من غير زينة و اتمنى نشوف ابداعاتكم في حاملة الدبابيس هاذي نتحصلو على النتيجة التالية   يعني اخر اجل يوم 31 /12/ 2011 على الساعة 16.00 |
|||
|
|
|
2011-12-02, 12:32
|
رقم المشاركة : 14 | |||
|
المرحلة الثانية
 مساء الخير أخواتي المرحلة الثانية اليوم نبدا المرحلة الثانية من دورة تعلم السموكس هذه المرحلة تتميز بان الغرز فيها ستكون أكثر دقة وصعوبة من سابقتها لكن مفهوم صعبة هنا أنها تحتاج لوقت اكبر أثناء العمل و كذلك دقة فيه يعني الأخت التي فهمت الغرز السابقة جيدا ما راحش تصعب عليها غرز هذه المرحلة والتي سنختتمها كالعادة بامتحان نعمل فيه احد الأشغال من السموكس والتي نستفيد منها في الحياة ونبدع فيها كما تعودنا اليوم اخترت لكن غرزة الامواج  نبدا على بركة الله أولا بالأدوات المستخدمة والتي أكيد كل الأخوات تعودن عليها  نحضر باترون العمل والذي هو بالشكل التالي رانا عدنا نعرفو مليح القياسات 3 cm X 3cm من اجل حجم غرزة متوسط  لقد نقلت الباترون على ظهر القماش بهذه الطريقة ولكن نقصت في حجم المربع عملت فقط 1cm X 1cm وذلك ليساعدني في عمل غرز صغيرة بهذا الشكل  ربطت بين النقاط كما تعودنا 2إلى 1 من و أكملت كل القماش فحصلت على هذه النتيجة من الخلف  ثم العمل من الأمام  راني حبيت نستفيد من قطعة القماش التي أنجزت عليها العمل قطعة القماش نتاعي جات بالطول أغلقتها على الطول وحشيتها بالقطن وأغلقت الجوانب بالخيط وهذا ماحصلت عليه  واش رأيكم درت لحاملة الدبابيس اختها  التمرين الأول مطلوب من كل أخت تطبيق غرزة الأمواج على قطعة من الساتان ابتداءا من01/01/2012 الى غاية 03/01/2012 على الساعة الرابعة مساءا الدرس الثاني  مساء الخير اخواتي اليوم مع الدرس الثاني اتمنى لكن كل الافادة والذي اخترت له عنوانا غرزة عش النحلة  نبدا على بركة الله و اي استفسار راني موجودة تحت طلبكن اولا و كالعادة الادوات المستخدمة في العمل  ثانيا الباترون ابعاده كالعادة 3cm X 3cm  ثالثا ننقل الباترون على القماش و لكن هذه المرة لابد من نقله على وجه القماش لان الغرز تظهر في الجهة الامامية لا بد على الاخوات انهن ينقلو فقط المكان الذي تتم فيه الخياطة يعني هكذا  والاخت الشاطرة و التي تعرف روحها ماتغلطش تنقل فقط النقط كما فعلت انا بهذه الطريقة  نبدا الخياطة بالطريقة المعتادة نربط النقاط كما في الباترون 1 الى 2 هنا لا بد اننا نعقد الخيط لانو عملنا يتم على وجه القماش و حتى مانخلوش مكان عقد الخيط هاكذاك و ليكون العمل اجمل نقترح على الاخوات التزيين بخرزة انا هنا استعملت العدس والسمسم الرقيق بهذه الطريقة  ثم نكمل كامل القطعة نتاع الساتان نحصل على العمل بهذا الشكل من الامام  و يكون هكذا من الخلف  ما رايكن اخواتي بهذه الغرزة اتمنى انها نالت على اعجابكن  التمرين الثاني للمرحلة الثانية مطلوب من كل الاخوات انجاز غرزة عش النحلة على قطعة من الساتان من 06/01/2012 الى غاية 10/01/2012 على الساعة الرابعة مساءا واي استفسار راني هنا للاجابة عنه  الدرس الثالث مساء الخير اخواتي اليوم مع الدرس الثالث اتمنى لكن كل الافادة والذي اخترت له عنوانا غرزة الضفيرة المستقيمة  نبدا على بركة الله و اي استفسار راني موجودة تحت طلبكن اولا و كالعادة الادوات المستخدمة في العمل راكم كامل تعرفوها ماكلاه نعاود نحطهم ثانيا الباترون  ثالثا ننقل الباترون على القماش و كالعادة ننقله على ظهر القماش لان العمل سيكون في الخلف لا بد على الاخوات انهن ينقلو فقط المكان الذي تتم فيه الخياطة للحفاظ على نظافة القماش و اكيد لانكن تعودتن على العمل نبدا الخياطة بالطريقة المعتادة نربط النقاط كما في الباترون 1 الى 2 هنا ممكن اننا نعقد الخيط او لا كل وحدة كيما تحب اما الي تخاف الخيط يتشابك في بعضو من الاحسن انها تعقدو ثم نكمل كامل القطعة نتاع الساتان نحصل على العمل بهذا الشكل من الامام  للاسف اخواتي لم احمل كل الطريقة لاني اعلم بللي تعودتن على العمل و كذلك الانترنت ثقيلة ماخلاتني نحمل غير هادو الاهم في العملية اتمنى ان الغرزة تكون عجبت كل الاخوات و ان شاء الله تكون همة و نشاط اكثر لانو قريبا ننهي انواع الغرز الاكثر رواجا التمرين الثالث للمرحلة الثانية مطلوب من كل الاخوات انجاز غرزة الضفيرة المستقيمة على قطعة من الساتان و اخر اجل لتسليم الاعمال يكون يوم الجمعة الثالث عشر من جانفي على الساعة الرابعة اتمنى همة و نشاط لان الغرزة سهلة ولازم نتقدمو شوي رانا روطار واي استفسار راني هنا للاجابة عنه الدرس الرابع مساء الخير اخواتي اليوم مع الدرس الثالث اتمنى لكن كل الافادة والذي اخترت له عنوانا غرزة البلاطة هدية للؤلؤتي اللي ابدت اعجابها بها اول ما التحقت بالدروس معنا نبدا على بركة الله و اي استفسار راني موجودة تحت طلبكن اولا و كالعادة الادوات المستخدمة في العمل راكم كامل تعرفوها ماكلاه نعاود نحطهم ثانيا الباترون ملاحظة فقط هنا بدل استعمال المربعات هنا نرسم جدول يتكون من مستطيلات ابعاد كل واحد 3سم *4سم  ثالثا ننقل الباترون على القماش و كالعادة ننقله على ظهر القماش لان العمل سيكون في الخلف لا بد على الاخوات انهن ينقلو فقط المكان الذي تتم فيه الخياطة للحفاظ على نظافة القماش و اكيد لانكن تعودتن على العمل نبدا الخياطة بالطريقة المعتادة نربط النقاط كما في الباترون 1 الى 2 الى 3 هنا ممكن اننا نعقد الخيط او لا كل وحدة كيما تحب اما الي تخاف الخيط يتشابك في بعضو من الاحسن انها تعقدو ثم نكمل كامل القطعة نتاع الساتان نحصل على العمل بهذا الشكل من الامام  للاسف اخواتي لم احمل كل الطريقة لاني اعلم بللي تعودتن على العمل ولانهاء العمل على اتم وجه نقوم بكوي العمل بطريقة صحيحة باه تبان البلاطات جيدا يعني هنا كل وحدة و شطارتها مع المكواة انا مانيش شاطرة في الكوي و زيد كنت مزروبة لوضع العمل و هذا ماحصلت عليه ماتضحكوش  اتمنى ان الغرزة تكون عجبت كل الاخوات و ان شاء الله تكون همة و نشاط اكثر لانو دخلنا لاصعب الغرز التمرين الرابع للمرحلة الثانية مطلوب من كل الاخوات انجاز غرزة البلاطة على قطعة من الساتان و اخر اجل لتسليم الاعمال يكون يوم الثلاثاء السابع عشر من جانفي على الساعة الرابعة واي استفسار راني هنا للاجابة عنه  الدرس الخامس مساء الخير اخواتي اليوم مع الدرس الخامس اتمنى لكن كل الافادة والذي اخترت له عنوانا غرزة الضفيرة المائلة والتي كانت السيدة ام انيس قد طرحتها في احد مواضيعها لكن موضوعي سيختلف عنها قليلا في الباترون و الذي سنرسمه كالعادة نبدا على بركة الله و اي استفسار راني موجودة تحت طلبكن  ثانيا الباترون  هنا الباترون مختلف قليلا حيث نعمل سطر مربعات و نتركسطرا فارغا و هكذا هنا ستجدون الابعاد الافضل للعمل مبينة على الباترون لكن يمكن التغيير على حسب حجم الغرزة المراد التحصل عليها و كذلك البعد بين مربعات الغرز يمكن تغييره و اقل بعد له سيكون اربعة سنتيمترات بعد نقل الباترون على ظهر القماش نبدا الخياطة بالطريقة المعتادة نربط النقاط كما في الباترون هنا ممكن اننا نعقد الخيط او لا كل وحدة كيما تحب اما الي تخاف الخيط يتشابك في بعضو من الاحسن انها تعقدو ثم نكمل كامل القطعة نتاع الساتان نحصل على العمل بهذا الشكل  اتمنى ان الغرزة تكون عجبت كل الاخوات واتاسف لاني ماعدتش نحط المراحل كاملة لانو اولا الانترنت دايرة بيا مانحمل صورة كان نهبل وثانيا راكم والفتو على العمل ماكمش في حاجة للشرح كيما اول و ان شاء الله تكون همة و نشاط اكثر لانو قريبا ننهي انواع الغرز الاكثر رواجا التمرين الخامس للمرحلة الثانية مطلوب من كل الاخوات انجاز غرزة الضفيرة المائلة على قطعة من الساتان واخر اجل لايداع الاعمال يكون يوم الخميس التاسع عشر من جانفي على الساعة الرابعة مساءا واي استفسار راني هنا للاجابة عنه  الدرس السادس مساء الخير اخواتي اليوم مع الدرس السادس اتمنى لكن كل الافادة والذي اخترت له عنوانا غرزة الياسمينة  و هي غرزة من اجمل و ارقى الغرز و التي يمكن استغلالها بطرق عدة لكننا هنا سنطبق فقط على الياسمينة في انتظار التطبيق المرات القادمة على الاستغلالات الاخرى لها نبدا على بركة الله و اي استفسار راني هنا كالعادة اولا و كالعادة الادوات المستخدمة في العمل  ثانيا الباترون  ثالثا ننقل الباترون على القماش و لكن هذه المرة لابد من نقله على وجه القماش لان الغرز تظهر في الجهة الامامية لا بد على الاخوات انهن ينقلو فقط النقط و هذه المرة لا راح نقول الشاطرة فقط تنقل النقط لا والو لانو لازم كامل تنقلو فقط النقط محافظة على نظافة العمل و جماله بهذه الطريقة  نبدا الخياطة بالطريقة المعتادة باتباع الشكل المبين في الباترون نربط النقاط كما في الباترون هنا لا بد اننا نعقد الخيط لانو عملنا يتم على وجه القماش و كذلك لان كل غرزة تكون مستقلة عن الاخرى    و حتى مانخلوش مكان عقد الخيط هاكذاك و ليكون العمل اجمل نقترح على الاخوات التزيين بخرزة انا هنا استعملت العدس والسمسم الرقيق بهذه الطريقة   ثم نكمل كامل القطعة نتاع الساتان نحصل على العمل بهذا الشكل من الامام انا درتو مخدة ماراحش نوريلكم العمل من الخلف لانه راح نستعملوه المرة الجاية ما رايكن اخواتي بهذه الغرزة اكيد نالت اعجاب الاخوات كاملين لانها ملكة الغرز في السموكس  التمرين السادس للمرحلة الثانية مطلوب من كل الاخوات انجاز غرزة الياسمينة على قطعة من الساتان DU 21/01/2012 AU 24/01/2012 على الساعة الرابعة مساءا واي استفسار راني هنا للاجابة عنه  الدرس السابع مساء الخير اخواتي اليوم مع الدرس السابع والذي اخترت له عنوانا غرزة الياسمينة بين المعينات و هي غرزة جميلة كباقي اعمال السموكس نبدا على بركة الله و اي استفسار راني هنا كالعادة اولا و كالعادة نجهز الادوات المستخدمة في العمل التي اكيد تعودنا عليها ثانيا الباترون  هنا انتبهواااااااا الخطوط المسطرة بالاخضر نخيطوها من الجهة الخلفية عادي اما المربعات المرسومة باللون الاحمر اكيد نخيطوها من الامام لانها تمثل ياسمينات و الياسمينات تخاط من الامام ثالثا ننقل الباترون على ظهر القماش كاملا لكن فقط اماكن المربعات نجيب قلم حبر ونعين المربع بقلم الحبر هاكذا باه يخرج الحبر من وجه القماش ومنه نعرف اماكن الياسمينات وحاولو تعملو بطريقة متانية هاكذا باه تقدرو تحافظو على عملكن نظيف و ماتديروش كيما انا كنت ناسية وحاسبة روحي ندير في الياسمينة العادية لطخت القماشة كامل بالقلم  نبدا الخياطة بالطريقة المعتادة باتباع الشكل المبين في الباترون نربط النقاط كما في الباترون ثم نكمل كامل القطعة نتاع الساتان ابداي بالخطوط و مبعد الياسمينات انا بديت بالياسمينات جاتني الخدمة ماهيش مليحة  بعد اتمام الخياطة نحصل على العمل بهذا الشكل  اتمنى تكون عجبتكم الغرزة كي العادة ونالت رضاكم []التمرين السابع للمرحلة الثانية[] مطلوب من كل الاخوات انجاز غرزة الياسمينة بين المعينات على قطعة من الساتان DU 30/01/2012 AU 02/02/2012 واي استفسار راني هنا للاجابة عنه |
|||
|
|
|
2011-12-02, 12:33
|
رقم المشاركة : 15 | |||
|
الامتحان الثاني مساء الخيرات على كل الاخوات اليوم مع انتهاء دورة السموكس حبيت ننقللكم مدى سعادتي بكن كااااامل الله يبارك فوتنا اكثر من شهرين مع بعض منكم الي دخلت الدورة وكانت لها فكرة عن السموكس و منكن من لم تكن تعرف عننه شيئا لكن الحمد لله راكم كااااامل وليتو شاااااااطرات الان مانخافش عليكم واكيد اي باترون نتاع سموكس راح تكونو تعرفو تقراوه و تفهموه حتى لو لم نكن متطرقات له في دورتنا باترونات السموكس كثيرة ومتنوعة لكنني اخترت لكن اجملها و اكثرها تداولا نتمنى تكونو استفدتو معي واليوم مع اخر غرزة راح اعلمهالكم الدرس بعنوان غرزة الياسمينة المقلوبة ياك كااامل خدمتو الياسمينة قبل و تعرفوها لكن انا اليوم راح نديرهالكم معكوسة و تسمى الياسمينة المقلوبة ولانو اليوم امتحان اكيد راح نعلمكم الغرزة لكن لازم تطبقوها في شيء تستفيدو منو انا حبيت القطعة تكون من لونين لكن الابعاد تبقى نفسها اكييييد ننقل الباترون التالي على ظهر القماش و انتبهوا على ظهر القماش اكيد الباترون هو الباترون العادي للياسمينة وطريقة العمل كالتالي نترك الصور تحكيلكم       انا درت منو bonnet واش رايكم فيها   [COLOR="rgb(153, 50, 204)"]الامتحان الثاني[/COLOR] مطلوب من كل اخت استخدام غرزة الياسمينة المقلوبة في شيء مفيد واخر اجل لوضع العمال يكون 13/02/2012 راهو عندكم اسبوع كامل ماتطولوش |
|||
|
|
|
| الكلمات الدلالية (Tags) |
| السموكس, تعلم, دورة |
| أدوات الموضوع | |
| انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
