الحيوانات في الأمثال الشعبية

[أيمن عبد الله]

المشاركة الأصلية كتبت بواسطة طيب القلب

السلام عليكم اخي أشكرك على الموضوع ولك مشاركتي فيه يقولو ناس بكري معريفة الرجال كنوز ومعريفة النساء ..... أصحب كلب ومتصحبش دايرة الدايرة يقصدون بها المسؤول او الحاكم

بورك فيك

يا طيب القلب ننتظر المزيد

[أيمن عبد الله]

المشاركة الأصلية كتبت بواسطة جسور المحبة

الشين والشرادة عند بنت جرادة
ميات نملة دخلت ذاك الغار ياعمي واستسمح الاخ ايمن عبد الله صاحب الموضوع في شرح هذا المثل يروى انه في يوم من الايام كان عم ينصح ابن اخيه ولما انهى حديثه سال الصبي هل فهمت يا ابن الاخ فرد عليه قائلا : مئتة نملة دخلت داك الغار ياعمي اي انه كان يحصي عدد النمل الذي دخل الغار فهذا مثل يطلق عندما يكون احد مهتم بشيء بينما الاخر لا يبالي

بارك الله فيك اختنا الفاضلة

على كل مشاركاتك

[أيمن عبد الله]

المشاركة الأصلية كتبت بواسطة تاج المحبة

السلام عليكم

أعزكم الله

يقول مثل شعبي ...

الكلب اذا نبح ماعض ما جرح

نشكر لك المشاركة

وننتظر المزيد

[رحيق الايمان]

المشاركة الأصلية كتبت بواسطة أيمن عبد الله

أشكرك كثيرا اختنا الفاضلة

وددت فقط لو تشرحيها ببعض العبارات حتى يفهم الجميع

شكرا و طلباتك اوامر فقط حدد لي الكلمات و انا اشرحها بكل سرور لتعم الفائدة وتتعلمو بعض الكلمات من لهجة ولايتي
تحياتي

[أيمن عبد الله]

المشاركة الأصلية كتبت بواسطة رحيق الايمان

شكرا و طلباتك اوامر فقط حدد لي الكلمات و انا اشرحها بكل سرور لتعم الفائدة وتتعلمو بعض الكلمات من لهجة ولايتي
تحياتي

حبيت نمدلكم بعض الامثال من ولاية تبسة الي تهدر على الحيوانات:
شبعنا و شبعت قطوستنا واش قلتي يا عروستنا
كي الحنش ما يحفر ما يبات البرة وهذا يقولوه للي يلقى كلش واجد بلا تعب
كي القط الخوف و الفدعة وهذا يقولوه للي يقول نخاف و نحشم و يدير البدع
صحبتك في قليلة الاصل كي صحبة الطير و الحوته على مدة الدهر لا يتلاقو
والي جرالو كي فرغ الكروان في الحدب اصفر ساقو ملي خلق يرغي بالرفيس للي مات ما ضاقو *****وهذا الي يجري و يكنز وما يكرمش روحو

[رحيق الايمان]

المشاركة الأصلية كتبت بواسطة أيمن عبد الله

حبيت نمدلكم بعض الامثال من ولاية تبسة الي تهدر على الحيوانات:
شبعنا و شبعت قطوستنا واش قلتي يا عروستنا
كي الحنش ما يحفر ما يبات البرة وهذا يقولوه للي يلقى كلش واجد بلا تعب
كي القط الخوف و الفدعة وهذا يقولوه للي يقول نخاف و نحشم و يدير البدع
صحبتك في قليلة الاصل كي صحبة الطير و الحوته على مدة الدهر لا يتلاقو
والي جرالو كي فرغ الكروان في الحدب اصفر ساقو ملي خلق يرغي بالرفيس للي مات ما ضاقو *****وهذا الي يجري و يكنز وما يكرمش روحو

هههههههههههههههه يسمى نشرحلك كلمة كلمه ماش خسارة فيكم
1شبعنا و شبعت قطوستنا واش قلتي يا عروستنا*****القطوسة هي القطة واكيد كامل نعرفو معنا شبعت هههه وكيف كيف العروسة و المثل هذا يمدوه كي واحد ينسى روحه في الماكلة يطيح عليها و ما ينوضج ويقال في موقف معاكس واحد يعرض واحد و يحطلو كلش قدامه من بعد يديرلو جاست باه مايوكلش هنا المعروض هوالي يقولها هههههههههوفي المثال الاول العارض هو الي يقول
كي الحنش ما يحفر ما يبات البرة وهذا يقولوه للي يلقى كلش واجد بلا تعب و اكيد كامل نعرفو الحنش واش هو وهو في الفصحى الثعبان والمعروف عليه انه يسكن في الجحر يلقاه ديمة محفور يعني ما يتعبش يسمى جامي يبات برة اي في الخلاء و فقط حبيت نزيدكم الجحر في اللهجة التبسية اسمه مغاره
كي القط الخوف و الفدعة وهذا يقولوه للي يقول نخاف و نحشم و يدير البدع في هذا القط معروف والفدعة معناها الجراة وقلة الحشمة
صحبتك في قليلة الاصل كي صحبة الطير و الحوته على مدة الدهر لا يتلاقو وهذا المثل يضربوه للانسان باه يخير مع شكون يدور لانه الانسان الطيب كي يصاحب قليل الاصل وهو الانسان الخائن علاقتهم تكون كي علاقة الحوت في الماء و الطائر في السماء مستحيل يتلاقاو و يكون اصدقاء و الدهر معناها الدهر بالفصحى ومدة الدهرة معناها بالفصحى مدى الدهر غير خففناها في النطق
والي جرالو كي فرخ الكروان في الحدب اصفر ساقو ملي خلق يرغي بالرفيس للي مات ما ضاقو *****وهذا الي يجري و يكنز وما يكرمش روحو
وفرخ الكروان هو نوع من الطيور يعيش في الحقول صغير يشبه لطائر السمان و الحدب معناه الارض واصفر ساقو الطائر هذا رجله لونها اصفر رايحى للون البرونزي ومن الي خلق يرغي يعني من الي خرج من البيضةو هو يصرخ والرفيس اكيد معروف وكل ولاية عندها طريقة لصنعه وهنا راهي كناية لانه الطائر هذا كي يزقزق كي ما تركزش معاه تباتلك انه يعيط و يقول الرفيس ومعنى الي مات ما ضاقه انه في حياته ماكلاهش يعيط عليه برك
والمثل هذا يقولوه للانسان باه ما يجريش وراء هدف واحد و يخلي الحياة بطولها و عرضها و الا يبني اماله و حياته على حاجة وحدة ممكن تجي و ممكن ما تجيش

ونزيدك مثا اخر:
عود لكلخ عاد قداح و عود الزيتون عاد طافي و لد الضبع عاد دعاس وولد الصيد عاد يعوي و المثل هذا علة تقلب الموازين و كي الانسان الوضيع يطلع و يولي يحكم والانسان الشريف لا حول و لا قوة له
وعود اللكلخ هو اغصان نوع معين من الشجر مثل الصنوبر ما يشعلش مهما يبسناه النار ما تنوضش فيه لانه رطب وعود الزيتون هو غضن الزيتون و طبعا لاشعال النار الاغصان الزيتون افضل شئ وعاد قداح معناتها انه اصبح يشعل النار و عود الزيتون ولا طافي يعني ما يشعلش النار وولد الضبع اكيد معروف الضبع الي يقتات على الجيفة و معروف انه جبان عاد دعاس يعني اصبح له صوت واصبح يصطاد وكلمة دعاس معناها بالفصحى مقدام وولد الصيد معناها ولد الاسد اصبح يعوي يعني ما بقالوش غير الصوت والعواء

نتمنى انه شرحي كان مفهوم و قدرت نفهمكم ماش نزيد نخلطها
تحياتي

[أيمن عبد الله]

المشاركة الأصلية كتبت بواسطة رحيق الايمان

هههههههههههههههه يسمى نشرحلك كلمة كلمه ماش خسارة فيكم
1شبعنا و شبعت قطوستنا واش قلتي يا عروستنا*****القطوسة هي القطة واكيد كامل نعرفو معنا شبعت هههه وكيف كيف العروسة و المثل هذا يمدوه كي واحد ينسى روحه في الماكلة يطيح عليها و ما ينوضج ويقال في موقف معاكس واحد يعرض واحد و يحطلو كلش قدامه من بعد يديرلو جاست باه مايوكلش هنا المعروض هوالي يقولها هههههههههوفي المثال الاول العارض هو الي يقول
كي الحنش ما يحفر ما يبات البرة وهذا يقولوه للي يلقى كلش واجد بلا تعب و اكيد كامل نعرفو الحنش واش هو وهو في الفصحى الثعبان والمعروف عليه انه يسكن في الجحر يلقاه ديمة محفور يعني ما يتعبش يسمى جامي يبات برة اي في الخلاء و فقط حبيت نزيدكم الجحر في اللهجة التبسية اسمه مغاره
كي القط الخوف و الفدعة وهذا يقولوه للي يقول نخاف و نحشم و يدير البدع في هذا القط معروف والفدعة معناها الجراة وقلة الحشمة
صحبتك في قليلة الاصل كي صحبة الطير و الحوته على مدة الدهر لا يتلاقو وهذا المثل يضربوه للانسان باه يخير مع شكون يدور لانه الانسان الطيب كي يصاحب قليل الاصل وهو الانسان الخائن علاقتهم تكون كي علاقة الحوت في الماء و الطائر في السماء مستحيل يتلاقاو و يكون اصدقاء و الدهر معناها الدهر بالفصحى ومدة الدهرة معناها بالفصحى مدى الدهر غير خففناها في النطق
والي جرالو كي فرخ الكروان في الحدب اصفر ساقو ملي خلق يرغي بالرفيس للي مات ما ضاقو *****وهذا الي يجري و يكنز وما يكرمش روحو
وفرخ الكروان هو نوع من الطيور يعيش في الحقول صغير يشبه لطائر السمان و الحدب معناه الارض واصفر ساقو الطائر هذا رجله لونها اصفر رايحى للون البرونزي ومن الي خلق يرغي يعني من الي خرج من البيضةو هو يصرخ والرفيس اكيد معروف وكل ولاية عندها طريقة لصنعه وهنا راهي كناية لانه الطائر هذا كي يزقزق كي ما تركزش معاه تباتلك انه يعيط و يقول الرفيس ومعنى الي مات ما ضاقه انه في حياته ماكلاهش يعيط عليه برك
والمثل هذا يقولوه للانسان باه ما يجريش وراء هدف واحد و يخلي الحياة بطولها و عرضها و الا يبني اماله و حياته على حاجة وحدة ممكن تجي و ممكن ما تجيش

ونزيدك مثا اخر:
عود لكلخ عاد قداح و عود الزيتون عاد طافي و لد الضبع عاد دعاس وولد الصيد عاد يعوي و المثل هذا علة تقلب الموازين و كي الانسان الوضيع يطلع و يولي يحكم والانسان الشريف لا حول و لا قوة له
وعود اللكلخ هو اغصان نوع معين من الشجر مثل الصنوبر ما يشعلش مهما يبسناه النار ما تنوضش فيه لانه رطب وعود الزيتون هو غضن الزيتون و طبعا لاشعال النار الاغصان الزيتون افضل شئ وعاد قداح معناتها انه اصبح يشعل النار و عود الزيتون ولا طافي يعني ما يشعلش النار وولد الضبع اكيد معروف الضبع الي يقتات على الجيفة و معروف انه جبان عاد دعاس يعني اصبح له صوت واصبح يصطاد وكلمة دعاس معناها بالفصحى مقدام وولد الصيد معناها ولد الاسد اصبح يعوي يعني ما بقالوش غير الصوت والعواء

نتمنى انه شرحي كان مفهوم و قدرت نفهمكم ماش نزيد نخلطها
تحياتي

لك خالص الشكر والتقدير

على هذا الشرح المستفيض

[ليلى الجزائرية1]

شكرا على الإفادة

[younes39]

السلام عليكم
1-الذيب كي ملحقش قال اخ صيش
2- انده السيد يحضر
3- اذكر القط يجيك ينط
4- ولد الفار يجي حفار
5-كل خنفوسة في عين امه غزال

[جسور المحبة]

القط كي ما صاب الشحمة قال عليها فايحة
الذيب كي ما لحق للداليا قال عنها حامضة
كول من هاذ الحوت ولا موت
غيب يا لقط العب يا لفار

[ram47]

بورك فيك على الموضوع الرائع..

[أيمن عبد الله]

نشكر لكم مشاركاتكم

وننتظر المزيد من الأمثال عن الحيوانات

[أيمن عبد الله]

المشاركة الأصلية كتبت بواسطة مَحمد باي

معزة ولو طارت.

البعير ما يطل (ينظر) غير في رقبة صاحبو (صاحبه).

تقول الناموسة (البعوضة): الضربة فيك والعضة فيك.

نشكرك أخي الكريم

ودمت وفيا

[novateen]

يقول المثل "حس الذيب في ظهره"
"السبع يزهر والحمار ملاقيه"

[أيمن عبد الله]

المشاركة الأصلية كتبت بواسطة novateen

يقول المثل "حس الذيب في ظهره"
"السبع يزهر والحمار ملاقيه"

نشكر لك مشاركتك


نورت صفحتي

وننتظر مزيدا من أمثالك الشعبية