وشاءتِ الأقدارُ دموعا...( بقلمي طبعا )

[*رذاذ المطر*]

المشاركة الأصلية كتبت بواسطة الزبرجد

السلام عليكم

عصام انسان زين و ما يستاهلش وش صرالو ....حتى سعاد مللي نشفالها عينيها عند رجليها

و لكن راكم عارفين ...الاهل كي يدخلو فالسوق

خونا عصام فيه حاجة الناس كامل يشهدولو عليها ...و هي أنو مؤمن بالقدر خيره و شره

حتى سعاد برغم من اعجابها بعصام إلا أنها مستحيل تعصي والديها ...لدلك بكات بكات وسلمت أمرها إلى الله ....و كتبت كليمتين لعصام و قالتلو:

يا ذاك التراس ما فيك ما يتعيب ....وسيرتك شاهدة عليك عسل على كل لسان

راك قدمت ليا ناوي و مكبب.....على ربي و بعثت أميمتك ..يا ما بنت الجيران

من صوت الطبيطيب بدا قلبي يضرب ....و هدف عليا خيالك في سالف الازمان

يا حسراه عليك يا سعاد و عجب ..... صبحتي بخيالك في جناين و وديان

حتى رجعلتي الميمة بخبر يعذب ......و قالتلي يا طفلة هبلو ذو الجيران

من مرارة الخبر عقلي قريب هرب ....و تعنقت وسادتي نندب و نعض بالاسنان

يا حوجي على عميرتي وش داني نحب ....و يا حوجي على عصوم راه حالو غيضان

يا خالقي صبرني راني نتعذب .....ما طقت نرضى براي بويا ما طقت للعصيان

يا عصوم يا خيي كلام الشيوخ ذهب .....اسمعها مني و دير عقلك ميزان

احنايا للزوج ابغينا و المكتوب ماكتب .....المليحة ليا و ليك كل واحد في شان

نعرفك عاقل و راسك ماشي مخشب .....تامن بالكاتبة اللي تلحق كل انسان

شد طريق اخرى و احذر لا تتسبب ......و ادعلي ربي ينسيني فاللي كان

و اتهلا في روحك ابقى ديما مهذب ...ووكل ربي و لا تحمل حقد رانا جيران

و كل واحد راح لطريقو و كل واحد وين لاحو مكتوبو


يا ما في الدنيا عصام و سعاد

ان شاء الله تعجبك النهاية عمي عمر

وعليكم السلام

ماتقوليش أنت عصام اللي يحكي عليه عمو عمر ../أمزح طبعاً/

رآئع ماكتبت أهنئك على قلمك وأتمنى أن أقرأ لك قريبا ..









لا تطل علينا أخي عمر نحن ننتظر