|
منتدى الحياة الزوجية كل ما يتعلق بالزواج السعيد من وحي ديننا الحنيف، ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
نهاية مأساة ..................
|
أدوات الموضوع | انواع عرض الموضوع |
2021-07-01, 14:56 | رقم المشاركة : 16 | ||||
|
مالزمش يكون عندك الحكم المسبق علي الناس وتتهمني بعدم الاحترام اناقدمت لك نصيحة وانا لااعرفك اصلا ولا احد قدمها لك من ليعرفوك بلاك انا لراني نهتمبيك وبولادك ولا هما ملا ما تتسرعش في الحكم ديالك اما الاخلاق فكل شخص منا له معياره في قايس اخلاق الاخرين انا عندي عقل وعيون نميز بيهم الخلوق وغير الخلوق اما لراني متاكدة منه ان مقياسك للاخلاق يختلف عن مقياسي انا للاخلاق
|
||||
2021-07-01, 15:26 | رقم المشاركة : 17 | |||
|
بارك الله فيك |
|||
2021-07-01, 20:09 | رقم المشاركة : 18 | ||||
|
اقتباس:
اما في مايخص ندخلاتكي اريد الرد ولاخر مرة ارجوكي لا تجعليننا ننساق وراء كلام وشئ هو شخصي جدااا وانا اقصد اعادة حياتي الزوجية مرة اخرى كما ترينها انتي اختي شئ خاص جداا وانا اعرف مادا افعل وكيف اعيد حياتي من جديد اعيدها للمرة الألف انا قصدي من مواضعي في المنتدى استفادة الجميع كما استفدت انا انا كنت اريد ان تتعلم الإخوات والإخوة من تجربتي في الحياة حتى لا يمرون بما مررت به انا او هيااااااااااااا انا اقصد ان تتعلم الإخوات مني ومنها وكيف هو الإنفصال سهل جداااااااااااااااااااااااااااااااااااااااااااااا ويمكن ان يكون نتيجة تعنت وخشانة الرأس نا اردت من الكثير من الأزواج ان يتعلمووو كيف يصبرو ن انا لم اقصد البكاء على الأطلال ولكن قصدي الخير والله وهل ياترى حتى في مجال افتراضي تفكيرنا ان نكون ايجابيا محرم علينا ارجوكي تقبلي مروري واعتدر منكي الف مرة لم اقصد الإهانة وشكرا كثيرا على نصيحتكي يكفني منكي ان تدعي لاولادي سلام اختي واعتدر مليون مرة |
||||
2021-07-01, 20:20 | رقم المشاركة : 19 | ||||
|
اقتباس:
صحيح الأمر ليس بالأمر الهين ان تعيش بدون عائلة الامر صعب جدا خاصة ادا كنت تملك امكانيات تسمح لك باعادة الحياة الزوجية من جديد خاصة عندما تتعرض لضغوطات كبيرة من طرف كل افراد العائلة والمجتمع والأهل والأصدقاء لكن اختي ليس بالامر السهل كدلك ان تعيد حياة فشلت في التجربة الاولى صعب جدا المهم من يريد الزواج فهو حقه لكن كيف يكون حال الأبناء صعبة جداااااااااااااااااااااااااااااااا ابناء بين نارين ا نار امهم ونار ابوهم |
||||
2021-07-01, 22:19 | رقم المشاركة : 20 | ||||
|
اقتباس:
بصح هنا هو مطلق وامهم عايشة والحضانة عندها هي الاولاد عندها وهو يشوفهم مرة في السمانة واش ليمنعه يتزوج مثلا؟ كي مايتزوجش راح يشوفه اولاد اكثر ؟ مستحيل تزوج او لم يتزوج راح يشوفهم يوم في سمانة فقط وهذا القانون لمدله لوكان عليها هي تحرمه شوف برك قالك ممنوع نشوف وليدي صغير لانه القانون لم يسمح له ،وبالتالي هي حرماته فهو مراحش يشوف اولاده سوي مرة في سمانة سواء تزوج او لم يتزوج ملا هنا علاه يضحي بروحه من اجل لاشيئ؟ التضحية لازم تعرفي وكتاه تخديمها لوكان جا ارمل وي ولكنا جا مطلق والحضانة معاه بلاك بصح كي عاد الحضانة معاها هي وهو يشوفهم برك مرة في سمانة؟ فتضحيته هنا راح تكون هباءا منثورااااا في باطل نسا المطلقات لتكون الحضانة في حضنها هي ننصحوها تتزوج مابالك كي تكون حضانة عند الطرف الاخر فمن احسن له يتزوج كان لازم انك تقوليله يقوي شخصيته وكي يتزوج ما يتركش زوجته الجديدة تدخل في علاقته مع ولاده المفروض ما يظلم ولاده ما يظلم نفسه اولاده اليوم اولاده غدوا وزبد رغباته ؟ نستيها هو ذكر وذكور لهم رغبات فالاناث ضرك لهم رغبات ما بالك الذكور ؟ |
||||
2021-07-01, 22:40 | رقم المشاركة : 21 | ||||
|
اقتباس:
انا كي تدخلت بقصتك لاني خفت تكون من النوع ليتآثر بالاخرين ، شوف انا شخص كلخلولي الناس بحياتي للاسف لبسه قناع المحبين لي وصدقت وكنت نظن يحبوني فكنت نسمع كلامهم ونطبقه في حياتي ماكنش لينصحني والووو وبلاك حتي لو نصحتني بلاك ماكنتش راح نصدق حتي وين ليكلخولي بانفسهم تعبه وبينه عيناني لاني ماكنتش نفهم ملا اي شخص نشوفه يحبه يكلخوله ننطق لاني انا ماكنش لنصحني ولا نطق ولهذا راني ننطق ماكنش لعنده ضمير يشوف الخسارة وما ينطقش ولازم تعرف ان ليحب يكلخلك يدخلك بطريقة تظنه يحبك ويخاف عليك والحقيقة العكس تماما انت كي شفتك توعد العضوة هذه وتقولها نوعدك مراحش نتزوج مرة ثانية وهي لم ترد عليك مبعد قلت نتدخل لاني قلت انت من النوع ليستمع لنصح الاخرين ولو كانت ضد نفسك وهي شفتها لم تكن متآثرة هي قالتلك جملة وخلاتك وانت روحت توعدها وانت تعرف ان الوعد حر دين الوعد شي حاجة كبيرة فاندهشت علاه روحت ديراكت توعد وهي ما ردتش عليك تقولك لالا ماشي هكذا ماشي لهذه الدرجة ولهذا تدخلت قلتلك علاه وعدتها؟ بنهاية هذه حياتك انت لازم انت لتقرر اذا راك مراكش حاب تتزوج بسبب رغبتك اوكي اما علجال باش تراضي اعضاء المنتدي هذه حاجة بيزار ؟ فحبيت نقولك ما تسمحش لناس يتدخله بحياتك ويقرروا نيابة عنك لدرجة يقلولك ماتديرش هذا شي ماتديروش؟ وتزيد توعد من فوق؟ وتظن ان هذا حبا فيك و بنهاية لا تعرف نوايا الناس اذا كانت حسنة او سيئة الثقة لا تقاس بعدد السنين ماتقولش ان اصدقائيي من عشر سنوات ولازم نصدقهم و نوثق فيهم ومن ثما تدير واش يحبه هما علاه هما يقلولك ارواح تصرف بحياتنا شي واحد وعدك ما شكيتش كاين اخوة من صغر و يطلع خوك هو اكثر شخص يكلخلك بين الناس كاملة ما بالك ناس لا تعرفهم اصلا انما تعرفهم بالمواقع فقط فكيف يطمئن قلبك؟ الثقة قادر يجي شخص من يوم ويكون امان واهل لثقة اكثر من شخص لتعرفه من سنين واما الحب فالحب افعال ليقولك ماتتزوجش وعيش لاولادك بينما اولادك في حضانة امهم مافكرش فيك انت فكيفاش تحب يفكر باولادك؟ اذا انت غير مهم لهم فهل اطفالك سيكونه مهمين عندهم؟ لوكان صح يحبوك كانه حيفكروا فيك ويفكروا بمستقبلك القريب والبعيد أولا انت مطلق وحضانة عند طليقتك وليس عندك يعني زواجك مرة ثانية لا يؤثر ابدا عليك ثانيا نفترضه انك لم تتزوج فهل تظن ان بعدم زواجك راح تشوفهم اكثر من مرة في سمانة مستحيل تقبل طليقتك تمدهملك عندنا كي يطلقه زوج يولو اعداء ونفترضه انك ما تزوجتش واولادك بالمستقبل طلعه عصاة ولا يكرهوك واش تدير هنا؟ شكون ليرفدك شكون لراح تلقي؟ يماك راح يجي نهار وتروح اولادك ماتقوليش انهم حيظله اولادك الاولاد بيختاروا الام في حالة الطلاق ينحازوا للام وليس للاب خصوصا لوكان تحرضهم ضدك ويوليو يكرهوك انت لازم تدير كل احتمالات براسك الجيدة والسيئة معا ضركا راح يكبروا شوية راح تبدا تحرضهم ليك ولهذا قلتلك لا تظلم نفسك ولا تظلم اولادك علاه تضحي هنا والموقف لا يستدعي التضحية؟ انت لست ارمل انت مطلق اولادك ليسه معاك هما مع امهم وهل كي تتزوج ظلم لاولادك؟ لا بل هو ظلم لنفسك لوكان صح يحبوك راح يفكروا فيك وين صحابك هذوا لتقول صحابي من عشر سنين وكل واحد فينا قطرة ونشكل نهر ههههه كل واحد راه لاهي بروحه وجع ظرستهم اهم منك ومن اولادك طفلة هذه لتنصحك هكذا لوكان جا اخوها تقوله هكذا؟ انا نجاوبك مستحيييل |
||||
2021-07-01, 22:55 | رقم المشاركة : 22 | |||
|
اقرء تعليقي لفوق |
|||
2021-07-01, 23:59 | رقم المشاركة : 23 | ||||
|
اقتباس:
انا قلت يوجد من تزوج ويوجد من لم يتزوج ... وانت لونتي بالأحمر من تخدم فكرتك فقط .. الكلام موجه للأخ وهو يفهمني جيدا ماذا أقصد..... وفهمته جيدا ماذا يقصد عندما قال اعدك ... لا أحب أن يقول لي اي شخص ماذا أقول وماذا لا أقول..... انا لم اقل له تزوج ولم اقل له لا تتزوج .... قلت له ان تزوجت لا تنسى اولادك ...وهو رد عليا انه لا يتزوج وهو أدرى بالنفسه وبالضروفه ..... سلام من قلب يحب السلام |
||||
2021-07-02, 01:21 | رقم المشاركة : 24 | ||||
|
اقتباس:
يعني لم تحطي له اي اختيار ثاني قلتيله هناك من لم يتزوج وضحي وافني حياته لخدمه اولاده وقلتيله هناك من تزوج ونسي اولاده ويعني خوفتيه كثر شغل تقوليله اذا تزوجت حتنسي اولادك بينما هناك من تزوج ولم ينسي اولاده وانتي ماخبرتيهوش بهذه الفئة وثم تثوليلي انني لونت ليخدم مصلحتي ههههه وماهي مصلحتي؟ لا اعرفك ولا ااعرفه لو واحدة اخري لن تهتم ابدا انما انا مستغربة فقط انا تدخلت لاني استغربت ولكن اعرف بانه حتي هو لن يفهمني وربما سيظن بي السوء يعني انا لخسرانة في لافير في كل الحالات ولكن من واجبي ان اعمل هكذا وقلتله فقط هذه حياتك لا تدع الاخرين يتدخه بحياتك ثم انتي صديقته المفروض تفكري في مصلحته هو ايضا فهل لو كان اخوكي ستقولي له لا تتزوج ؟ المفروض تفكري بمستقبله القريب والبعيد اليس هو صديقك؟ يعني تحبي تقولي انك تفكري باطفاله اكثر منه هو؟ ماكنش منها فالاطفال مهما كان لن تحبيهم اكثر من امهم وابوهم وهما ادري بمصلحة الاولاد فهل انتي تحبيهم اكثر من امهم مثلا التي قبلت تطلق ولم تفكر فيهم وانتي تفكري فيهم اكثر منها؟ |
||||
2021-07-02, 02:26 | رقم المشاركة : 25 | ||||
|
اقتباس:
اولا لست صديقته ....وسبق وقلت هو كا أخي وله حرمة الاخ لو بقيت أشرح لك من الان إلى العام القادم فا لا ولن تفهمينني .... ولهذا أقول لك ربما لم تجربي يوما ما يأتي شخصا ويقول لك والدك تزوج وانت على امل ان يعود لامك .... المهم ان تزوج يوما ما ....واستمتع مع زوجته الثانية ......وبعد سنوات تذكر اولاده وذهب إليهم....فقابلوه بالرد والخذلان والعصيان آنذاك انتي المسؤولة عن قهره وحرمانه من كلمة ابي .... يا مخلوقة هذوا راهم 3 .....ارواح .....انفس ....تحس ....تشعر .... تراقب .....تنتظر .....بفارغ الصبر رؤية الأب السند الذي يحمي ولده من جميع الأخطار.... سهل ان نقول للأب تزوج وعيش حياتك وكذلك الام تزوجي وعيشي حياتك ولكن ماذا عسانا ان نقول لهؤلاء الأطفال الابرياء الذين ينتظرون آبائهم من أجل فرحة تغمرهم .... صعب جداااا ان يتربى الأبناء بعيدون عن الأب أو الام .... انا لم اقل له لا تتزوج وإنما هو من وعدني انه لن يتزوج ... وهذا افرحني كثيرا وقلت في نفسي ربما ينكسر الشر ويهدي زوجته إلى الطريق المستقيم و تعود الأسرة مثلما كانت او اروع مم كانت عليه ...أو يأتي ملك الموت ويقبض روح ام زوجته ويرتاح الجميع .....ويأتي الفرج واليسر بعد العسر.... زوجته طيبة وحنونة ولو قرأتي مدحه لها في أول موضوع أعلمني لماذا وعدني بالعدم الزواج ....هو الوحيد الذي عاشر ويعرف زوجته جيدا ....وقرأت بين كلماته انه صبر معها لأنها فعلا زوجة حقيقية ... ولكن عائلتها هي السبب فقط ... في حياتنا دائما يوجد شخص عزيز يؤثر علينا وعلى أفكارنا و احيانا على شخصيتنا ولا نستطيع أن نرد له طلب ... كذلك هي بأمها .....وخاصة في واقعنا ..... لكن ان طلق من هنا وتزوج من هنا يعني الزوجة الاولى ستفقد الامل نهائيا في الرجوع وينكسر قلبها .... منعرف لا فهمتيني ولا مفهمتينيش المهم يتريث قليلا ....ولكل حادث حديث وانتي متزعفيش مني برك ابنة عمتي عادت لزوجها بعد 7 سنوات طلاق ....بعد وفاة امه... ولكن هو لم يتزوج طول 7 سنوات ... لا بأس ان نضحي من أجل فلذات أكبادنا تصبحين بخير وعلى الف خير سلام من قلب يحب السلام |
||||
2021-07-02, 05:12 | رقم المشاركة : 26 | ||||
|
اقتباس:
تقولين انه لو تزوج من امرأة ثانية واستمتع ورجع بعد سنوات الي اولاده وان قابلوه اولاده بالغصب والعصيان علاه وين راح يروح باش يقعد سنوات باش يشوف اولاده ؟ راح يروح يجاهد بفلسطين او لا راح يروح للمريخ بدون رجعة كي يتزوج راح يشوفهم كيما ضرك مرة في سمانة وحتي ضركا مرة في سمانة علاه ضركا راه ساكن عندهم؟ ياك راه يشوفهم في الوقت المحدد له برك ما يقدرش اكثر من هذا علاه تخوفيه هكذا تعرفي بلي متعلق باولاده فراكي تخوفيه باولاده ؟ كامل المطلقين لعاوده زواج راهم يشوفه اولادهم ويراعوهم وكلشي وين شفتي المطلق هذا لعاود زواج ورمي ولاده؟ سوي لو هو لحاب وما نظنش كاينة زوجة لتقول لراجلها ما تشوفش اولادك مرة في سمانة بالاخير لا يؤثر عليها يشوهم برا ويرجع اما النفقة راهي اوبلجي عليه هذا قانونيا اوبلجي والا سيدخل السجن وزيد مسالة ان الاولاد يزعفه كي يشوفه اهلهم عاودوا زواج هذه انانية منهم انا لوكان جيت ببلاصتهم نفرح لفرح ابي ولفرح امي من حقهم يعيشه حياتهم ويعاودوا حياتهم والاولاد ماعندهمش الحق يفرضه علي امهم ترجع لابوهم غصبا عنها وزيد انا ماقلتلوش روح تزوج ضركا اكيد مراحش يتزوج ضرك وهو خارج من ازمة انتي ما شفتكش تقوليله ما تتزوجش ضركا بصح مبعد تزوج لالا ما قليتلوش هكذا هو وعدك ما يتزوجش كاع حياته وانتي فرحتي بهذا الشي انتي ما بغتيش يزوج طول حياته وهو وعدك ما يتزوجش طول هذا لأدهشني هذا راح يتعبه اكثر اوسمك شوفيه كيفاش تعبان وتصوري كاع حياته يقضيها هكذا تحبيه يقعد هكذا حزين؟ وقتها ملا انتي لراح تتحملي مسؤوليته وتحبيه يدير كيما راجل بنت عمتك الله اعلم اذا كانت قصة حقيقية ولالا يقعدوا ينتظروا وكتاه زوجة ترجع فهل مفهوم الزوج الصالح عندك هو الطليق لينتظر مرته وما يتزوجش باي واحدة اخري هي او لا احد ؟ بينما زوجة من حقها عندك تنتظر الوقت لتحب عليه براحتها وهو ينتظر وكتاه ترجع؟ مرانيش ضد انه ينتضرها اذا هي غلطت وفطنت واعتذرت وقتها معليش يتصالحه ويرجعه لبعاضهم بصح انك تقولي انه لازم ينتضرها سنوات وسنوات هذا ما يقبله لا رب لا عباده تصوري انه راح ينتضرها عشر سنين ؟ ومبعد هي زوجت باخر وقتها واش لازم يدير؟ مافكرتيش بهذوا الاحتاملات .....بنت عمتك رجعت له بعدما فقدت الامل بزوج كاع المطلقات يرجعه لازواجهم بعد مدة كبيرة ليس حبا فيهم ابدا انما كي ما تلقاش شكون يتزوجها ولا ليجلوها غير العجايز واقل من طليقها وقتها تيأس فتروح ترجعله اما لوكان تلقي لخير منه جامي ترجعله ،شغل هو عجلة احتياط لمكتوبة علي جبينه انه لازم يتحملها ويخلص ليزمبو طول حياته ؟ وين رجولته هنا كي يقبل بواحدة تشوف فيه عجلة احتياط؟ ياك هو طلق لانه ماحبش يشوف روحه مذلول وتديره خاتم ملا كيفاش تحبيه ينتظر سنوات باش لالا تقرر وكتاه ترجع؟ ههههه قوليلي انتي راكي تفكري بالاطفال ولا بزوجة؟ بالاول كان كل حديثك عن الاطفال منين خرجت زوجة ضركا؟ وتقولي يتكسر قلبها لوكان يتزوج وتفقد الامل ملا تخمم ضركا قبل ما يفوت الفوت ملا باش ما يتكسرش قلب زوجة وهي ماشي زوجة انما طليقة هو لازم يضحي بحياته علجال معليش تروح حياته هكذا برك معليش باش المطلقة مايتكسرش قلبها؟ المشكل راكي فكرتي فيهم كامل غير هو لما فكرتيش فيه مافكرتيش فيه ولا درة ياك هو لتعرفيه من سنوات وتقولي اخوكي يعني اكبر مرتبة من صديق ملا كيفاش فكرتي بزوجته لي ماتعرفيهاش اصلا غير فيه هو يا عجابة؟ وزي قلتي يستمتع مع زوجة ثانية علاه ما بغيتيش يستمتع بغتيه يقعد حزين طول حياته؟ معليش يستمتع ويعاود حياته اذا طليقته مبغاتوش علاه ما يمدش لنفسه فرصة ثانية؟ و بالنسبة لشهواته ؟وهو رجل عنده شهوات كيفاش يدير يروح للحرام؟ ما فكرتيش كامل فيه حتي بابسط الاشياء وهو صديقك من سنوات ولم تفكري فيه ابدااااا ولا فكرتي بما سيحصل له؟ وتقوليله ضحي تضحية كي مايكونش هناك خيار اما هنا كاين حلول في حالته هو كاينة حلول ملا علاه تحبيه يظلم نفسه كاين واحد نعرفه طلق وعاود زواج وبعد سنوات رجعت الاولي ودارها كزوجة ثانية وانتي علاه ما قلتيلوش هذا الحل مثلا؟ هذا حل مناسب لهم كلهم ماشي تقوليله ما تتزوجش وهو يوعدك وانتي تفرحي انا خايفة انك ماتكوني لا تفكري لا في مرته لا في اطفاله وربما الجواب كله موجود بفك شفرة كلمة يستمتع ؟؟ واخيرا نقولك كوني علي قد توقيعك فليكن قلبك يحمل السلام لا شي آخر لانني مثلما اري توقيع هذا لا يليق بكي |
||||
2021-07-02, 08:18 | رقم المشاركة : 27 | ||||
|
اقتباس:
وانا رقدت على هذا ونوضت عليه والمشكل الكبير انك لم تفهمينني .... عموما سبق وقلت لك الكلام موجه له وفقط .......وليس للجميع وأي ابوة تبقى وأب يرى اولاده مرة في الاسبوع .... ليته يذهب للجهاد في فلسطين فايكون له أجر كبير ... ما تفعله زوجة الأب لا يفعله العدو في عدوه .... حتى توقيعي لم تفهميه .... عموما الف شكر على نقاشك الهادف .... الف شكر على تدخلك الطيب..... سلام من قلب يحب السلام |
||||
2021-07-02, 13:47 | رقم المشاركة : 28 | ||||
|
اقتباس:
وكي عاد تعليقاتك ليا ملا كيفاش تقولي موجهة ليه يا راكي تردي عليا وانا راني نتناقشك باش نفهم وجهة نظرك بصح راكي تتهربي بكلمة مافهمتنيش هههههه وتقولي واش من الاب ليشوف اولاده مرة في سمانة؟ علاه ضركا راه يشوفهم كل يوم سقسيه يقولك مسموح للمطلقين يشوفه اولادهم مرة في سمانة واذا ماصدقتنيش روحي سقسي يعني سواء تزوج او لم يتزوج راح يشوفهم غير يوم في سمانة وعلي هذه نصحته بزواج لانه تضحيته راح تكون هباءا منثورا مراحش يقدر يشوفهم كل يوم مراهش ارمل وولاده معاه باش تقوليلي ضحي وزوجات الاب ليس كلهم افاعي فلما التعميم شحال من مرة نقرا للاولاد ايتام لتربه مع زوجة الاب ويظله يمدحه زوجة الاب فهذا تعميم لراكي تديريه وهذا لا يجوز انك تجمعيهم كلهم في كفة وزيد اولاده مراحش يترباو معاها علاه تعامليه معاملة الارمل مافهمتش؟ مراهش ارمل هو مطلق والحضانة بيد زوجته ملا مستحيل اولاده يترباو معاه هو تقوليله مايتزوجش الاحتياجاته كيفاش يروح للحرام؟ انتي مافكرتيش كامل في صديقك وتحبيني نصدق انك اكله هم ذراري وهم الام في الاول كان كل همك ذراري ومبعد دخلتي طليقته في نصف وزعما راكي تفكري في مصلحتها؟ انتي صديقك مافكرتيش فيه لتعرفيه من عشر سنين حتفكري في برانية لجامي عرفيتها ما شكيتش لوكان صح عزيز عليك كنتي فكرتي في مصلحته قبل يعني انا مانعرفكمش اصلا وقلت الشي لشفته وزيد ما فكرتيش في مستقبله بعيد كي يكبروا اولاده يتزوجه ويقولوله باي باي بهو بطليقته ووقتها روحي عاونيه نسقسيك برك سؤال لوكان جا خوك تنصحيه هكذا؟ انتي خوك عمره اثنين واربعين سنة وجتيله مولات ثمنطاش سنة شوفي كيفاش تحبيله الخير وولاد الناس تقوليلهم ماتتزوجوش ضركا اذا راكي باغيته لنفسك هذي حاجة اخري ههههه فليكن فعلا قلبك يحب السلام لا شي آخر |
||||
2021-07-02, 14:50 | رقم المشاركة : 29 | ||||
|
اقتباس:
اخي لم يسبق له الزواج وهي من عاداتنا نجيبوا مولات 18 سنة والعين الخضراء والشعر الأصفر..... اما اخي ان تزوج وطلق ووعدني انه لن يتزوج ....فاسأحترم رغبته سلام من قلب يحب السلام |
||||
2021-07-02, 15:23 | رقم المشاركة : 30 | ||||
|
اقتباس:
واش من عادات هذي لتقولكم لازم تجيبوها مولات ثمنطاش حتي لو كان العريس كبير واش من عادات؟ علاه وين راكي عايشة عايشة في الجزائر وكل الولايات عاداتنا تشبه بعض كي تقولي كلمة عادات معنتها اوبلجي طفلة ثمنطاش تتزوج ملا بولايتك البنات ما يقرواش ليسي خلاص يخرجه راكي متاكدة؟ واسمها ولايتك هذه ؟ ملا في الجامعة نتاعكم ماكنش البنات ليقراو بالجامعة؟ لانه علي حسابك انتي ثمنطاش خلاص تتزوج ملا بنات عندكم ما يقراوش ؟ ملا سؤال هنا ليطرح نفسه علاه ما تزوجتش انتي علي ثمنطاش كي عاد هذه هي عادتكم ؟ ولا انتي لم تشملك العادات؟ وانا متاكدة ان اخوكي لو يطلق عشرين مرة راح تزوجيه لعشرين مرة وهذي المرة مش برك حتجيبله مولات ثمنطاش حتجيبله مولات عشر سنين ههههه الحاجة لتحبيها لخوك حبيها لولاد الناس المؤمن الحاجة ليحبها لنفسه يحبها لناس والحاجة لي ما يقبلهاش علي نفسه مايقبلهاش علي الناس وهذا رسول لقالها لا يؤمن احدكم حتي اذا حب لناس ما يحبه لنفسه وكل ولايات الجزائر يحبه يتزوجه بصغيرات كامل ليجان يحبه يديو الصغيرة بصح هذا ماشي من العادات انما يبقي اختيار شخصي و ليزوج كبيرة ما راحش يتعاقب ولا يعتبر خارج عن العادات انتي لوكان جيبتي لخوك واحدة كبيرة لتناسبه مراحش يصرا والو بصح حبتيله الافضل شفتي كيفاش وهذا انتي لكنتي تقوليله ما تتزوجش وتخوفيه حتي وعدك هو كل همه يرضيكم ونورمالمه كي شتفيه هكذا تنصحيه تقوليله ما تخليش الناس يدبروا عليك لا انا لا غيرك بصح انتي وعدك وفرحتي وانا متأكدة الف بالمية لوكان خوك يوعدك ما يتزوجش حتعملي المستحيل باش تقنعيه بالعكس وبلاك راح ترقيله واش تقولي كاش ما صابه وقتها الكلام كله حيتغير |
||||
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc