كوزينة حراير المنتدى

[حياة نور الدين]

: dj_17:

اهلاااا ومرحبااا حبيباتي تعرفوا يشدني عليكن الشديد الفوي فقط توحشتكمممممم لكن للاسف التابلات تخسرتلي في انتار الفرج حاولت نلقى حل مؤقت ونطل عليكن بالميكرو لكن بدون صور ماعليش تحملوني هههه حتى يفرج ربي

حبيت نفتح هدا الجزء من الكوزينة كمشرفة هده المرة لكي لا يغيب هدا الصرح الجميل وراح تكون كوزينة كل المنتدى يعني كوزنتكم كلكم كل واحدة تشارك باش تقدر وماراجش تكون فيها واحدة فقط مضيافة الكل راح نكونوا مضيافات ان شاء الله ةنهار تحب اخت تفتح كوزينة خاصة بها تراسلني ونعطيها الفرصة تفتحها من عيوني

[RIMA.87]

السلام عليكم و رحمة الله و بركاته ،
اهلين و سهلين بالغالية حياة ،
كيف احوالك ان شاء الله بخير،نعرفوا انك وفية ربي يحفظك و جزاك الله خيرا على الفكرة الرائعة و هذا الموضوع لي راح يجمعنا مرة اخرى اخوات في الله نستفيد و نفيد و نسال الله الاخلاص له في القول و العمل ،
ربي يخلف عليك و تشري احسن من التابلات لي تخسرت ،احنا الوالدة ربي يحفظها تقولنا على الحاجة لي تخسرت راح معاها الهم ،،،،ههههه ،
ماتقوليش كلام كيما هاذا اننا نتحملوك بل نفرحو ونستمتعو بكلامك الطيب و المفيد اختنا الفاضلة حيوتة ،
و الصور من بعد ان شاء الله ،اكيد رايحة تكون مغرية و جميلة كالعادة ،
كنت حطيت في نهاية صفحة كوزينة نهال و نعاود نحطو هنا في كوزينتنا كامل هههههه بريوش الخفيف تاع نهوووولة ،
جزاك الله خيرا على الوصفة نهال ،جربوا و لن تندموا باذن الله،

[أم يوسف2]

سلام وليت اليوم عدت للمنتدى بعد ما سرقولي هاتفي في عرس ومن هدا المنبر نقول للي سرقتهولي اتأكدي بلي مانسامحكش لانو لوكان قلتيلنا راني محتاجة كامل راح نساعدوك لكن توصلي للسرقة حسبي الله ونعم الوكيل
المهم فرحت لموضوعك حبيبتي حياة وتوحشتكم كامل وبإذن الله نولي نشارك كيما كنت
اختي ريمة وشراكي هداك البريوش يشهي يعطيك الصحة

[أم يوسف2]

اليوم درت سباقيتي بصح فالتحميل مانلقاش بيك كولاج لي حطيت فيه الصور كيفاه ندير

[RIMA.87]

السلام عليكم ،
عودة ميمونة اختي ام يوسف ،الحمد لله نحن بخير ،ربي يخلف عليك ،
هذه الصور لي حطيتيها في المرفقات ،
بصحتكم السباقيتي ،

[حياة نور الدين]

السلام عليكن حبيباتي

اهلااا ريمة فرحني كلامك حبيبتي بزاااف و وكما قلتي الشي يروح يدي معه الهم ههه وربي يحفظلك الوالدة والبريوش روووعة ممكن الوصفة

ام يوسف اهلاا وعودة ميمونة وخلعتيني ههههه واقيلا لي سرقتلك التليفون من المنتدى كي وجهتلها رسالة هههه المهم نتمسخر ربي يعوض عليك

اليوم فطوري كان تبيخة بدنجان وعشايا ان شاء الله رفيس

[أم يوسف2]

شكرا ريمومة حبيبتي
حيوتة ضحكتيني انا حبيت تشاركوني وش صرالي والنسا. يحلو عينيهم وماتعرفي بالاك لي داتو تعرف منتدى الجلفه عههه

[RIMA.87]

اهلين ام يوسف و حيوتة ،
تفضلوا وصفة البريوش و بالنسبة للفرن 180°.

[ملاك ملاكي]

ياسلام ياااا سلام ادي ايه حلو الغرام..... هاهاهاهاها راني من فرحتي بعودة عضويتي لي هاهاهاها طايرة طااايرة فرح بفضل الله وبفضل حبيبتي كرونو والغالية حيوتي لي والله ماننسى وقغتكم معايا ومجهوداتكم ربي يعطيكم ويمنيكم خيرا ياااارب.... حيوتي روحي ربي يفتحها في وجهك دتيا واااخرة والله يفرج همك..... وزادتي فرحتي كي دخلت ولقيتك فتحتينا باب جديد للكوزينة وهذا دليل كاااافي وافي على قلبك الطيب وكي نقولوها حنا اسمى على مسمى حياة الله يحييك.... ربي يخليك لينا والله لايحرمنا منك ومن حنانك

ان شاء الله تكون كوزينة الخير والخمير كالعاده والعوايد وان شاء يرجغوا الحراير والركائز النحولات.... لي خلاونا نحبو ونغشقو الكوزينة.... ولفونا فيهم وهربوا خلاونا

بيناتنا بيناتنا كنت حابة نفتح الكوزينة مي والله خاااايفة نقصر ونوفيهاش ومنوفيكنش حقكم.... وساعات نغيب ومانكونش قد المسؤولية وزيد مع ملاكي الصغير راه شادني بزاااف هذه الفترة وااااع اوااااه وااااش داني هاهاهاها خلوني نبقى ضيفة احسن هاهاهاها

[ملاك ملاكي]

حيوتي اتفضلي باروكي ليك ولو من الارشيف وراه تطبيقي ليك لتراميسو لي حطيتيه في قسم التحليات..... اممممم هااايل هاااايل وخفيف ظريف وسهل سريع.... والاهم الاهم حمرلي وجهي شحال من مرة احمممم احمممم








باذن الله نحاااول مانغيبش ونشارك يوميا بتلبازي والاهم مانغيبش على اللمة الحلوة الله يدومها بينا ياااارب

[ملاك ملاكي]

المشاركة الأصلية كتبت بواسطة rima.87

اهلين ام يوسف و حيوتة ،
تفضلوا وصفة البريوش و بالنسبة للفرن 180°.

سلامو كشرودتي أن شاء راكي بخيييير..... خرجتيلي قلبي بالبريوش و وعدتك نجربه مي جاتني مناسبة نجاح خويت مالتيتش نروح يوم يومين لداري ونرجغ لدارنا هاهاهاها مع الضياف كي تعرفي.... مازلت ماركحتش هاهاهاها باه نجربه ونطبق وصفتك باذن الله

ودارت مزية نهال كي دارته وصفة مصورة مشكورة يا الغالية

[ملاك ملاكي]

المشاركة الأصلية كتبت بواسطة أم يوسف2

سلام وليت اليوم عدت للمنتدى بعد ما سرقولي هاتفي في عرس ومن هدا المنبر نقول للي سرقتهولي اتأكدي بلي مانسامحكش لانو لوكان قلتيلنا راني محتاجة كامل راح نساعدوك لكن توصلي للسرقة حسبي الله ونعم الوكيل
المهم فرحت لموضوعك حبيبتي حياة وتوحشتكم كامل وبإذن الله نولي نشارك كيما كنت
اختي ريمة وشراكي هداك البريوش يشهي يعطيك الصحة

عز من شافك حبيبتنا و نحولتنا والغالية على قلوبنا والله العظيم بلاصتك كانت باينة خليتي فراغ ياجدك.... عودة ميمونة حبيتي.... والله يعوضك بنا خيييير ولي سرقاته كاش ماخليتليها بدعائك الكافي الشافي

[أم يوسف2]

صح فطوركم ومساء الورد ياعمري ملاك ملاكي ربي يحفظك ان شاء الله حشمتيني بكلامك الطيب مزية استرجعتي عضويتك والتحليه صح الصح تشهي
مبروك على خوك وش ربح
لبنات اين انتن

[RIMA.87]

السلام عليكم و رحمة الله و بركاته ،
عودة ميمونة اختي ملاك بعضويتك لي تعودنا عليها و خفة دمك و ابداعاتك المطبخية الجميلة و المغرية ،
ربي يدوم الافراح عندكم و عند جميع المسلمين و ان شاء الله تريحي و تجربي البريوش و تستمتعي بيه،

[أم يوسف2]

ريمة حبيبتي بارك الله فيك على الوصفه نتي ونهولتي
حيوتتي وين راكي يالي فتحتيلنا بابك