معجون المشمش هايل لتحضير حلويات العيد

[أم فاطمه]

بسم الله الرحمان الرحيم

السلام عليكم اخواتي

بما انه موسم المشمش خممت نديرلكم بيه اليوم معجون نحتاجوه لتزيين حلويات العيد يغنينا عن شرائه .

المقادير:

- 4 كيلو مشمش

- 2 كيلو ورطل سكر


طريقة التحضير:

نغسل المشمش انا درت 4 كيلو و انت تقدري تديري على حساب المشماش لي عندك وننزع منه النوى ونضيف اليه السكر ونتركه حوالي 3 ساعات مع التحريك المستمر حتى يخرج المشمش ماءه .

هذا المعجون يطيب غير في العصير نتاعه لا نضيف له الماء ولا نغطيه عندما يكون فوق النار هذا سر نجاحه .

بعدا ذلك نحطو المشمش في قدر ثقيل حتى لا يحترق من الاسفل مع التحرير باستمرار ونزع تلك الرغوة التي تكون في

الاعلى ونتركه حتى يصبح ثقيلا اي عاقد مثل المعجون الذي نشتريه من الحوانيت


















نتمنى يعجبكم وتجربوه وبالصحة والعافية

[الصابرة123]

يشهي بارك الله فيك

[RIMA.87]

السلام عليكم ،
بارك الله فيك اختي ،
و جعله الله في ميزان حسناتك

[أم سدرة]

يعطيك الصحة اختي أم فاطمة في ميزان حسناتك

[أم فاطمه]

السلام عليكم صح فطوركم اخواتي و فيكم بركة شكرا ريمة الصابرة ام سدرة

[Lola la charmante]

نحب معجون المشمش و يعطيك الصحة على الوصفة

[beybey]

الله يعطيك الصحة بصح احنا نخلوه يبات في السكر وقطرات ليمون و نغطوه و نخلوه وفي الصباح نديروه كما قلت يجي هايل

[أم فاطمه]

السلام عليكم يعطيكم الصحة اخواتي و شكرا على تعليقاتكم