تابع لموضوع ( بسبب اختي ستحدث جريمه)

[مشكلتي]

السلام عليكم
اشكر كل اخت ردت على موضوعي
نسيت حلقات في الموضوع
بعد مبطلها خويا من لقرايا دار عليها لعام و حبت دير تكوين نتاع خياطة، خويا مقال والو خلاها تروح دير تكوين عادي، و لكن اخي وحدوخر اكتشف انها مكانتش تدخل للتكوين، كانت تروح تبوانتي برك و تخرج دور برة و تهدر في لبورطابل او تتلاقى مع صاحبها
لذا منعوها من التكوين مرة اخرة
و بعد فترة حبو يخفو عليها الحصار لداروه عليها، شرالها خويا طابلات في الاول ستعملتها في حوايج ملاح و مبعد اكتشف راهي تهدر مع صحابو و ولاد الحومه في الفيس بوك،
بعد اشهر شرالها خويا بورطابل حسبها عقالت و كبرت في مخها شوي و نفس الشئ لقاها دايرة بوس pus وحدوخرا و تهدر مع ذر
كانت تخرج مع نساء خواتي و لكن تلعب بيهم و تتلاقى مع صاحبها يمدلها بورطابل
هوما ينصحوها و لكن تغلبهم و تقلهم متقولو لحتى واحد
و في لاخير يجو يحكو لماما و تنحيلها البورطابل، المهم نصحناها و وعيناها و قلنالها راه دوسيك يتشوه و تاكدي بلي واحد ميقبل بيك اذا بقيتي هكذا، تندم و تبكي و ترجع لطريق لعوج، والله يا اخواتي موضوووعي كتبتووو بعد متسكر علينا كلشي ملقيناش الحل عملنا معاها كلشي استعملنا اللطف و الحنان مجابو نتيجه و العنف مجاب نتيجه، لتطلبها جيها مقصرنا معاها في حتى شئ تلبس تخرج تحوس
و لكن راح تهبلنا، والله هاذ الشئ مشالها في الدم، ماما ظال تنصح فيها يومياً تهدرلها
حصرناها بعد مجربنا كل الطرق و كل السبل و لكن والووووو حتى العنف و الحصار مجابو نتيجه، 4بورطابلات لقيناهم في عام واحد، حطمت الرقم القياسي

[ramzi-messi]

لوكان في هاد العطلة تتصاحبو مع كاش مرشدة تبداو تقراو معاها و الله القرآن يرجعها للطريق مع الدعاء بطبيعة الحال

[- بصمة خير -]

قولي لخاوتك او ازواجكم
يخطبولها
مش عيب و مش حرام
بزاف يخطبو لخواتاتهم و نسائهم
سترة

قوللها اذا تزوجتي تعقالي او لالا ؟؟؟

شوفولها اي واحد حاب يتزوج و يكون صالح باش يعاونها على الدين و الهداية
و زوجوها
حتى لو تبعثو شخص اخر يروح يتكلم معاه
اذا ما قبلوش خاوتك
مش عيب و مش حرام
بزاف يديرو هكذا لبناتهم و خواتاتهم
و راهم عايشين كالاميرات


الله يستر عليها فوق الارض و تحت الارض و يوم العرض
بااااا رب يا قادر

[- بصمة خير -]

صالح اللي نقصدها انا
مش نفسها اللي تتكلم عليها انت

الصلاح مش في حاجة وحدة فقط

كاين اللي قايم بدارو و اولاده زوجته من جميع الجوانب و في نفس الوقت لعاب

و كاين اللي مش لعاب و يظلم يضرب يحقر بخيل مش حنين ....

الصلاح فيه دعة جوانب

و اخت صاحبة المشكل اكيد فيها حوايج ملاح على الرغم واش راهي دير

[غزلانْ]

السلام عليكم

المشكلة ليس في امتلاكها لهاتف أو عدمه و انما فيها في حد ذاتها
فمن تضع في عقلها شيء معين تطبقه و لن يمنعها أي شخص و لو أغلقت
كل الأبواب عليها
هو ابتلاء حل بكم اصبروا عليها
و لكن ان كنتم كعائلتها اخوة و أخوات على أتم المعرفة بما تفعله مع استحالة السيطة عليها
فلا تزيدوا الطينة بلة و تشترون هناءكم على حساب تحصيلها في شخص إخر فما ذنبه
ليصبح كما أنتم عليه الآن
خذوا بيدها و سايروها و ان لم ينفع كلا الحلين فلتمنعوها من الخروج حتى مع أمها
و يا لنذالة أصدقاء أخوك وولاد الحومة يتواصلون مع أخته

فرج الله عنها

[hichemhad]

الضرب ليس هو الحل و الدليل انها تواصل على ما هي فيه رغم خوفها من اخوتها
اظن ان هنالك حلقة مفقودة في القصة و اختك وحدها من تعلمها
عمرها 20 سنة ما زالت صغيرة و هي ليست فاجرة كما قال البعض و ان كان
هذا فجرا فلم يأتي من العدم
هي اكيد تجد مع من تكلمهم ما لا تجده في البيت
اختي الكريمة حاولوا باش تبدلوا معاها العقلية خصوصا الاخوة الذكور
حسسوها بالاهتمام و ان لزم الأمر استشيروا اخصائي نفساني

[ايمان4]

هادي راها تحوس تنتقم من الحصار الذي طبق عليها ... داعش و لا هاد لمعيشة ...
صاحبوها خرجوها عاملوها عادي اديوها تدير نشاطات الفراغ واعر على الاقل تتابع دراستها بالمراسلة ياك غير ف االدار تمشي غير وقت الامتحان قولولها انت ذكية غطلنا مين خرجناك لازملك تقراي هاك\ا تملا راسها بحاجة غير الدراري و كي يجي مكتوبها زوجوها ....و خوك لي يعرف غير يضرب يحتويها شوية يشيخ معاها يخرجها و يشوف كاش واد باغي يتزوج شكون انسان صالح يسترها و درك تتعدل نقلك هادي واسم خاصها باغية تهرب من هاد الجو العائلي اتخذت تلك الوسيلة باش تتزوج و تتهنى منكم بكل صراحة احضيوها قبل ما تهرب مع كاش واحد لكن احضيوها بالمعاملة الحسنة

[~أمة الله~]

عليكم السلام ورحمة الله وبركاته
لا حول ولا قوة إلا بالله
أختك تعاني من فراغ عاطِفي رهيب، وأنتم لم تزيدوا الطين إلّا بِلّة، تتعاملون معها كأنّها شيطان أو حيوان والله المستعان.
أختك تحتاج بصفة أساسية لأخوتك الذكور ليتقربوا منها، يتعاملوا معها على أساس أنّها إنسان، يجيبولها هدايا ماشي لازم غير بورتابلات، يخرجوها، يحوسوا بيها، بدل ما يظلوا يضربوا فيها يهدروا ويتناقشوا معها، يحاولوا يحضروا حلقات في المسجد ويدوها معاهم، وينبّهوها على ضرورة محافظة الفتاة على عِفتها وحياءها، وأنّها كي يجيها الكُفء إن شاء الله هوما يستكلفوا بيها إ ن شاء الله، ويجهزوها أحسن جهاز.
وأنتم البنات وأمّكم ماذابيكم توقفوا معها أيضا، وتدعون لها في أوقات الإجابة.
ربي يصلح أحوالها، ويهديها ويسترها بستره ويحفظها.

[sohaibdz]

اولا ربما اختك لا يوجد عندها ما تخسره و لو تاخدي بنصيحتي خدوها الى طبيبة و اعملو لها فحص ... وانت تعلمين ماذا اقصد
ثانيا يبدو ان اختك عندها مرض نفسي فلا توجد فتاة في مقتبل العمر تعمل شيء مشابه و لهذه الدرجة
ثالثا اين انت ؟؟ بينما هي تفعل كل هذه الكوارث اين كنت انت ؟؟!!!

[sohaibdz]

المشاركة الأصلية كتبت بواسطة خالد عنابي

هذه انسانة فاجرة بمعنى الكلمة ولي فيه طبع ما يبدلو ولن يصلحها لا قرآن ولا سنة

الحل تشوفولها انسان كيفها وتزوجوهم لبعض

ولي يقول شوفولها انسان صالح راهو غالط 100%

الطيبون للطيبات

والخبيثون للخبيثات

هكذا يقول الله

ماشي انسان طيب وصالح تغدروه بوحدة فاجرة خائنة

ولماذا الكلام الجارح يا اخ لو كنت تكلمها هي لقلنا نعم لكن هذه اختها اتت تطلب نصيحة ، لو كان عندك كلام مفيد قل و اذا العكس لا تجرح الناس من فضلك

[nihal159]

ربي يعينكم على مابتلاكم به؛ أختك لازمها طبيب نفسي في أقرب فرصة؛ لأنها من وجهة نضري أصبحت مدمنة علاقات غير شرعية ؛مثل الشباب الطائش لي يضل يلاحق فالبنات و يواعد خمسين طفلة فالعام؛ لكن ماهو ناوي لايخطب لايتزوج؛ نيتو أنو يلعب فقط؛ هذي هي أختك.

[Saif al-Islam]

و الله يا اختي الكريمة الvيس هذا صعب جدًا حلّه ، و أكاد أن أقول لا يوجد حل له قبل أن تحصّن بالزّواج ، هذه الحالة تكاد أن تكون بمتابة إدمان حقيقي " و هذا المقام ليس بالمكان المناسب للتفاصيل " ، و الدليل هو معرفتها أنّكم إكتشفتم أفعالها و لكن لم يصدر منها أيّ تغيير

و ما أنصكم به يا اختي هو مراقبتها على الدّوام قصد حمايتها و تجنيبها السّقوط فيما لا يحمد عقباه ، و إياكم و العنف معها فلن يفيدكم في شيء خاصتًا إذا كانت في مرحلة المراهقة ، و إن إستعمل العنف سيزيد طيشها أكثر و أكثر و ستحاول بكل تأكيد الإنتقام منكم بأفعال كارثية لا يحمد عقباها .

و الحل لمثل هذه الأخت هو الزّواج ، فإذا حصل ذلك سيتغيّر كل شيء ، لذلك يجب أن تجتهدو في مراقبتها و حمايتها حتى و إن كان عن بعد دون علمها ، و أدعو لها أن يرزقها اللّه سبحانه و تعالى زوج صالح في أقرب وقت

[محارب الحمق]

حلها الوحيد الزواج, زوجوها, ماهوش عيب, شوفولها راجل