خطيبي ؟

[ثلجَة]

الصبر مليح أختي لكن ماشي كل مرة تتنازلي عن حقك هو ثاني يقدر ما تفعلينه لأجله، رب يسهل أمورك

[inesdjawida]

chofi ya okhti rani nkolek 3an tajriba jami matesemhi fi hakek
أفرضي قيمتك واحترامك من نهار الأول هادي هي نصيحتي

[المانجيكيو]

ربي يفرجها عليكم ان شاء الله

[ياسمين قدسي]

هو راه في ضغط كبير عليها يعاملك بجفاء و امو من جيهة زادت عليه الضغط انا نقولك اصبري عليه و اتفحي معاه موضوع جفائو باش تفهم يمكن كاين اسباب داخلو ما قدرش يقولهالك الله اعلم بصح انا نشوف بلي ما لازمكش تضحي بحقك يا اختي مهما كان ......تعلميه دركا مبعد يعفس عليك ...لازمك من الاول تفرضي احترامك عليه مكانش منها هادي تصرالو حوايج يجي يتشنف عليك هادي لازمكم تهدرو فيها راكم تغلطو في فترة الخطوبة الي هي الاساس وتوالفهوم حوايج مبعد تحبوهم يتبدلو ....الاحترامثم الاحترام ثمالاحترام والقدر لازم يكون بين الخطيبين والزوجين ...الا طاح القدر راج كلش
تعاونيه معليش تصبري علئ بعض الاشياء معليش بصح المهر حقك يا اختي
انا راني في نفس الفترة مع خطيبي و يعاني من ضغط في التجهيز للعرس الي من مفروض هاد الصيف لكن اجلناه العام الجاي الله غالب انا ضحيت في بزاف حوايج ومنها في المعيشة الجاية لكن المهر ما نقولوش اصلا نقص فيه لانه حقي ...ببساطة لازم تعرفي تهدري معاه و اي مشكل لازم يتناقش و تتحل المشكل لانه مع الضغط وتراكم المشاكل راح يصرا موقف تافه يفجر الحالة ....لازمك قعدة مليحة معاه وتتفاهمو انا قعدت معاه لاني شفتو تبدل وصار يزعف لاتفه سبب وهدرنا و حكينا بكلش قالي انو ضغط التوجاد تفاهمنا ناجلوه العرس ....الحمد لله ع كل حال الدنيا عادت صعيبة ربي يجمعني معاه عن قريب ويجمعك بخطيبك عن قريب

[tahar mido]

لماذا سنت الخطبة.حتي يتسني للرجل والمراة التعرف علي بعضيهما حلالا.اما وقد ظهرت الخلافات بوجود اطراف اخري.وقد ضاقت بكم السبل.فرايي ان لكل منكم نصيبه.والله اعلم

[مومي23]

ادا لمست في هدا الرجل الطيبة و الحنان و الرقة و القلب الطيب الرؤوف و تقديره لك
اغمضي عينيك عن كل مشاكله
قد يكون والداه مطلقان و امه من تكفلت بتربيته و تكون قريبة منه كثيرا و ضحت من اجله فلا يمكنه ان يغضبها ابدا
ساعديه على البر بوالدته

[~أمة الله~]

المشاركة الأصلية كتبت بواسطة kholode

السلام عليكم . اليوم اريد رايكم فيما يحصل معي : مشكلتي بدات حين بدا خطيبي يشكي لي من عدم قدرته على التكلف بتجهيز كل البيت قبل العرس لان والدته فرضت عليه ذلك و بين تقديم مهري في نفس الوقت مما دفعني لتنازل عن جزء من المهر لتسهيل الزواج الا انه بعد تقديم مهري يفاجأني خطيبي بغضب والدته منه و مني بسبب عدم حضورها لتقديم المهر الذي قدمه والده لابي علما ان والداه مطاقان ونحن في عاداتنا الرجال هم الذين يتكلفون بهذه الامور.ورغم اني في كل مره اتنازل عن بعض الاشياء من اجل تفادي وقوع سوء فهم الا ان خطيبي يعاملني بجفاء في مكالماته وكاني انا سبب غضب امه ويهددني بتاخير العرس اذا لم اساعده حتى انه رفض اختيار خاتم الزواج بحجة اني ساختار خاتم ثمنه غال وانا عكس ذلك كله لااعجب الا بالشيء البسيط مهما كان ثمنه وهو يعلم ذلك.
في بعض الاحيان اعذره بسبب المشاكل التي يمر بها وفي بعض الاحيان اشعر ان امه تضغط عليه لانهاء الخطوبة رغم انها تظهر لي عكس ذلك .
لم اعد اعرف ماذا افعل وكيف اتسرف في هذه الحالة.اعذروني على اطالة قصتي

عليكم السلام ورحمة الله وبركاته أختي
الله المستعان، ربّي يكون معاك
لكن سؤال: قبل كامل، على أيّ أساس ارتضيت خطيبك وارتضاك ؟؟ وهل أنتِ مرتاحة معه قبل هذه المشاكل ؟
وثانيا: على حسب ما ذكرت وأقوالك، تصرّفاته ما عندها حتّى معنى، كيفاش يهددك بتأخير العرس إذا لم تساعديه والله هادي مليحة؟؟؟ مَن الرّجل؟ أصلا أنتِ في الحقّ تخرجي كامل من هاد الحسابات خلّيهم بينك وبين والديك هكدا باش ما تربحي العيب مع حتى إنسان ....
أنا رأيي أن تراجعي نفسك ووتقولي لخطيبك أنّ أمور التجهيزات هادو إذا حبّ يناقشهم يناقشهم مع باباك اخرجي كامل من هذه اللّعبة، وكثّري من الاستخارة والدعاء وعاودي راجعي أساس اختيارك ليه وارتياحك النفسي من جهته ....
وربّي يفتح عليك

[فاطمة شلف]

السلام عليكم ورحمة الله وبركاته
درتوا المهر بما يرضي الله فتوكلي على ربي وقلي يامسهل ودي لكتبها ربي
لكن بشرط لا تتنازلي عن حقك كل مرة
بتوفيق ان شاء الله

[Davidcena]

اصبري حتى يفرج ربي

[نواعم]

ربي يتمملك بالخير ماكانش دار تبنا في نهار وربي يفرج ويسخرلك خطيبك

[mario ger]

أنصحك بالصبر و التحمل و ان طال الأمر و أصبح لا يطاق فعليك بالإستخارة