مشكل في كليو dci محولة الى بنزين محرك سامبول 1.4

[ghanou-b]

افيدوني يا اخوة بارك الله فيكم

عندي سيارة كليو دي سي اي وركبتلها محرك سامبول 1.4 عندي مشكل السيارة ماتيريش و ضوت في الشاكمة ديتها عند اللي يخدم الشاكمات قالي لازملها كاطالزور و لكن بعد ماركبلها بقي نفس المشكل ....هل االشاكمة القديمة كي كانت مازوت ماتليقش ل محرك السامبول او انه هناك مشكل في المحرك رغم ان الميكانيكي قالي المشكل في الشاكمة و المحرك مخنوق منها و مايتيريش بسبتها ...

ربي يجازيكم

[mou123ssa]

اخى اضن شاكمة تع ديزل ليست كيما تع ليسونس وزيد سقسي

[ghanou-b]

المشاركة الأصلية كتبت بواسطة mou123ssa

اخى اضن شاكمة تع ديزل ليست كيما تع ليسونس وزيد سقسي

اخي مشكوووور

[just do it]

الشاطمة نورمالمو غي كيفكيف وهذا اذا كان صح مصلح شاطمات وش درالط غي الكتاليزور ولا ديبوشاها
؟
اللوطو كي تكون متيريش الشاطمة تكون مبوشنة متراكمة فيها الاوسا بزاف لازم تنقيها ونت اذا مركش متاكد بلي من الموتور ولا من الشاطمة قلع دومي شاطمة وسييها
بلاك الموتور يكون المشكل فيه

[ghanou-b]

المشاركة الأصلية كتبت بواسطة just do it

الشاطمة نورمالمو غي كيفكيف وهذا اذا كان صح مصلح شاطمات وش درالط غي الكتاليزور ولا ديبوشاها
؟
اللوطو كي تكون متيريش الشاطمة تكون مبوشنة متراكمة فيها الاوسا بزاف لازم تنقيها ونت اذا مركش متاكد بلي من الموتور ولا من الشاطمة قلع دومي شاطمة وسييها
بلاك الموتور يكون المشكل فيه

بارك الله فيك اخي...عاودت رحت للي يخدم الشاطمات وقالي مابيها والو و الميكانيكي قالي المحرك مليح ....ونصحوني باش نديها للسكانير ماعلاباليش هل يقدر يكتشف المشكل او لا

[wifi-dz]

السلام عليكم
مادامك بدلت الموتور لازم تديها للسكانار
قادر يكون بروبلام تريسيتي

[just do it]

درك منعرفت لوكن لوطو قدامي بلاك نقدر نساعدك لانو مشكل تع التيراج عندو بزاف اسباب خاصة فالرونو
نت بدل الميكنسيان وشوف
كاين البوجيات الفيسوات لابومب تع ليسونس البوبينة الشاطمة مبوشية السوبابة لاشان متكنش مكالية مليح ,,,,, وزيد وزيد

[ghanou-b]

المشاركة الأصلية كتبت بواسطة just do it

درك منعرفت لوكن لوطو قدامي بلاك نقدر نساعدك لانو مشكل تع التيراج عندو بزاف اسباب خاصة فالرونو
نت بدل الميكنسيان وشوف
كاين البوجيات الفيسوات لابومب تع ليسونس البوبينة الشاطمة مبوشية السوبابة لاشان متكنش مكالية مليح ,,,,, وزيد وزيد

والله يا خويا البوجيات بدلتهم بوبينة بدلتها ويااخي وليت نخاف نخسر صوارد على حاجة وهي خاطية و المسكل الكبير السكانير ماقراهااش كي عاد المحرك مبدل

[just do it]

هذا هو لحديد خويا خطرات تخسر بزاااف باه تلقى الحل
البومبا تع ليسونس بدلتها ؟ راه تجي فاليريزفوار
حتى هي كي تكون متسخة ولا مديرقليا ديرهالك

[ghanou-b]

المشاركة الأصلية كتبت بواسطة just do it

هذا هو لحديد خويا خطرات تخسر بزاااف باه تلقى الحل
البومبا تع ليسونس بدلتها ؟ راه تجي فاليريزفوار
حتى هي كي تكون متسخة ولا مديرقليا ديرهالك

بدلك الشمع و بوبينا و بوميا تاع ليسانس وراح نشري كابل تاع بوبينا جديد و قالي اليكتريسيا بقات لاميموار هي المشكل اللي بقى ، وكاين عضو هنا في المنتدى قالي لازم تسكاني الميموار و تقيس ضغط كل شنمبرة ممكن شمبرة ماهيش تحرق مليح ، المشكل ديتها لزوج ماعرفوش يسكانيوها قالولي السيارة لقاها السكانير و المحرك لا، والعضو اللي هنا في المتدى قالي لازم يسكاني الميموار مباشرة يشانتى الخخيوط طول في المموار ....

بارك الله فيكم اخوتي على المساعدة

[hicham43002]

المشكل ماراحش يخرج من هاذو الحوايج لي ذكرتهم انت بالاظافة لبض الحساسات

[bennama khaled]

baraka allaho fik

[bennama khaled]

merciiiiiiiiiiiiiiiiii

[Sahar16]

المشكل راه ف boite vitesse كي تبدل المحرك لازم تبدل boite vitesse عن تجربة...محرك الديزل اقوى من محرك البنزين..المحرك بنزين لا يقوى على علبة سرعة..الديزل....لان علبة الديزل تتطلب محرك قوى...محرك بنزين...معروف عنه سريع لكن ليس قوي مثل الديزل.....شكرا

[علي لقواطي]

خطرات يجوك مشاكل فالسيارة راسك تاكلوا