اخطر مشكلة في الحياة الزوجية -الخيانة -

[roose]

عن تجربة شخصية الخيانة واعرة و مرة بزاف انا زوجي واجهتو بالامر كنت في دارنا يامات العيد و عرفت بلي من نهار الاول زواج كي واجهتو رد علي بدم بارد قالي واش فيها ياخي ما لحقتش للحرام و يقصد العلاقة الجسدية قتلو انو الشيطان واعر و تقدر تلحق للحرام قالي انت ما كان دخلك و كل واحد يتحاسب وحدو في قبرو انا لو كان غير رضاني كامراة و لحد لحد الان قاستني كاين راجل و لا زوج ل يروحو للخيانة كبديل للاهمال اما في حالة زوجي عندو الرجلة كي يحقرني و يدير الحرام وكلت عليه ربي سبحانو و الله ما نسامحو

[GOLDENROSE]

مي اختي الحرام ماشي غير العلاقة الجسدية اسف على هدا اللفظ . النظرة حرام و كلام حرام و اللمس حرام .......و الله اعلم . مارنيش نفتي مي كيما قلت في المقدمة . الخيانة تبقى خيانة لا مبرر لها و لا تحريف في معناها اي ماشي غير العلاقة المباشرة
لاحول و لا قوة الا بالله

[نور الصباح]

اذا إكتشفت المرأة ان زوجها يخونها عليها ان تكون هادئة وتنصحه بكل هدوء ان الخيانة حرام وان يخلص لها مثل هي مخلصة له

[سَـآجدة]

الحل أولا وأخيرا يكمن في التوكل والاستعانة بالله ثم اختيار الزوج الصالح / الزوجة الصالحة
ثم والابتعاد عن مواطن الشبهات ...
فالتلفاز مثلا شر للمرأة فلا ترى فيه إلا الخيانات الزوجية التي تغلَّف بطابع الحب والرومنسية
والانترنت يجب أن يكون استعمالها تحت رقابة .. أي رقابة الإنسان لنفسه باستشعار وجود الله معه في كل لحظاته ثم رقابة الزوج للزوجة
وحرص كل منهما على إيفاء كامل حقوق الآخر
هذا ما اراه والله المستعان

[روح المي]

يعطيك الصحه خويا وفعلا كان رد كافيا
وانت اختي اولا يجب اان تحلي جميع مشاكلكم واكيد راح تلقي نقطه انت راك غالطه فيها.....وحاولي يكون حوار بينكم قولي له اذا متقلق منك في حاجه قلي
اسهري على راحته وانسي لي فات
وحاولي تتغيري باه تتبدل حياتكم كوني لاله بدلي لون شعرك بدلي ديكور شمبره بدلي قصه شعرك بدلي اسلوبك بالكلام تعلمي من مسلسلات تركيه حتى خيطي روب كيفهم واشري حوايج جديدة لدرجه يدخل لدار يقلك شكون انت اذا خليتيه سلطان راح يرجعلك واكيد ادعي ربي وحده يملك قلب زوجك
بالنسبة للاخت تنصح بالطلاق حرام عليك احتمال عندها اولاد لوكل وحده تطلقت يسبوا رجال لازم صبر اختي وثقي في ربي راح يساعدك

[ام البنوتة]

المشاركة الأصلية كتبت بواسطة goldenrose

كيف نجعله يصحو ضميره ؟؟؟؟؟
ويرجع الانسان الذي كان من قبل ؟؟؟؟؟
كيف نعيد للعلاقة بهجتها و رونقها ؟؟؟؟؟
كيف نداوي و تلتئم هذه الجروح ؟؟؟؟؟
حسبي الله و نعم الوكيل

سمعت في احدى الحصص احد المستشارين في العلاقات الزوجية ان الم جرح الخيانة يستمر سنة كاملة حتى يبدا يلتئم و هذا بشرط ان الشريك الخائن سابقا يجب ان يظهر حسن النية و التعامل في اليوميات يجب ان يبدو منه الصدق و عدم الاقتراب من الشبهات حتى يحس الطرف المتضرر بالامان و قد ذكر بعض الامثلة الزوج لا يجب ان يضع كلمة سر للهاتف الذكي او كلمة سر في مواقع استعملها سابقا لهذا ..يظهر الاهتمام بمشاعر الشريك المتضرر و يحاول ان يوصل له فكرة انا نادم ..هذا ما تذكرته

[ميمي بوسعادة]

شكرااااااااااا جزيلا

[ahmedoro2]

اهم شئ الهدوء والتعامل بحكمة وذلك لكي لاتزيد الي الاسوأ

[زبدة ذايبة]

يا هل ترى رد فعل الزوج لو يكتشف خيانة زوجته رح تكون بنفس الطريقة ؟؟؟؟؟

قريت الردود والبعض فقط اللي تبرد القلب

كيفاش ؟؟؟؟؟

حرت ؟؟؟؟

الخيانة درجات

بدايتها المراسلات والاتصالات

وسطها المواعيد

نهايتها الزنى

كل وحدة تعرف زوجها في أي مرحلة هو

إذا كانت مرحلة البداية فيمكن علاجها

التنبيه ، التحذير التهديد.

التهديد بالأهل والمعارف وووو...........

الرجال يخافوا من الفضيحة

المرحلة الثانية

وهي مرحلة المواعيد هنا ندق ناقوس الخطر

في هذه المرحلة لابد من التدخل المستعجل

ودخلي أهلك إخوتك ، أبوك ....... أهل الزوج (إذا كنتي متوافقة معاهم)

المرحلة الأخيرة

مرحلة الجريمة

وهنا لابد أن يكون معك دليل قطعي يثبت الاتهام

في هذه المرحلة كل وحدة وردة فعلها

اللي تحترم نفسها ماتزيدش معاه دقيقة

الزاني لاينكح إلا زانية أو مشركة

وإذا كان هناك اولاد فالأمر مختلف

وكاين اللي مايهمهاش الأمر

تخاف من الطلاق وتوابعه في هذه الحال ماعندها غير تتقبل الوضع

تبقى عايشة معاه حتى يجيبلوا ربي مصيبة تديه

أو

يهديه ربي

هذا من أخطر ما يمكن أن تتعرض له بيوت المسلمين

بات الرجال من الرذيلة والفواحش مايخرجوش

استحلوا ماحرم الله بدافع :

الزوجة مقصرة .

وهذا والله عين الظلم

تلبس ودير الماكياج والعطور وكي يشوفها يقوللها يجيني الضحك كي تكوني هاكا ؟؟؟؟؟؟؟

تخدم في دارها وتخدم خارج بيتها ويديلها الراتب

يصرفوا على الفواحش؟؟؟؟

ونتهموا المرأة أنها مقصرة

تقولك يحبني بصح يخوني ؟؟؟؟؟؟؟

هذي ماصراتش حتى عند الكفار

كل الديانات تتفق على تحريم الزنى

حتى الأجانب مايقبلوش الخيانة الزوجية !!!!!!!!!!!!

كيفاش نقبلوها واحنايا في مجتمع مسلم

سبحان الله

ونزيدو نحيروا يا هل ترى نواجهوا ولا نخليه يزيد يخون ؟؟؟؟؟

يبقى كل هذا مرهون بالدليل والإثبات القطعي بوجود الزنى والعلاقات المحرمة

ومن يزني يزنى ولو بجداره

سبحان الله وين راهي رقابة الله في هذا

وين راهي الغيرة على الأعراض

إذا كان هذا الذكر الزوج يستحل الزنى فلايجوز البقاء معه

يعني إذا راه يشوف الزنى حلال هذا يكون حلل وش حرم ربي

راه دار روحو إله يشرع

في عهد أبو بكر الصديق في حروب الردة

قالوا ماندفعوش الزكاة .

وهذا الصنف من الذكور يقولوا الزنى حلال

الزنى من الكبائر

[GOLDENROSE]

السلام عليكم شكرا على الرد
الاخت زبدة ذايبة كلام صح مي قوليلي كيفاش ندير ، انا حاب يرجع كيما الاول

[لمسة ابداع]

المشاركة الأصلية كتبت بواسطة زبدة ذايبة

يا هل ترى رد فعل الزوج لو يكتشف خيانة زوجته رح تكون بنفس الطريقة ؟؟؟؟؟

قريت الردود والبعض فقط اللي تبرد القلب

كيفاش ؟؟؟؟؟

حرت ؟؟؟؟

الخيانة درجات

بدايتها المراسلات والاتصالات

وسطها المواعيد

نهايتها الزنى

كل وحدة تعرف زوجها في أي مرحلة هو

إذا كانت مرحلة البداية فيمكن علاجها

التنبيه ، التحذير التهديد.

التهديد بالأهل والمعارف وووو...........

الرجال يخافوا من الفضيحة

المرحلة الثانية

وهي مرحلة المواعيد هنا ندق ناقوس الخطر

في هذه المرحلة لابد من التدخل المستعجل

ودخلي أهلك إخوتك ، أبوك ....... أهل الزوج (إذا كنتي متوافقة معاهم)

المرحلة الأخيرة

مرحلة الجريمة

وهنا لابد أن يكون معك دليل قطعي يثبت الاتهام

في هذه المرحلة كل وحدة وردة فعلها

اللي تحترم نفسها ماتزيدش معاه دقيقة

الزاني لاينكح إلا زانية أو مشركة

وإذا كان هناك اولاد فالأمر مختلف

وكاين اللي مايهمهاش الأمر

تخاف من الطلاق وتوابعه في هذه الحال ماعندها غير تتقبل الوضع

تبقى عايشة معاه حتى يجيبلوا ربي مصيبة تديه

أو

يهديه ربي

هذا من أخطر ما يمكن أن تتعرض له بيوت المسلمين

بات الرجال من الرذيلة والفواحش مايخرجوش

استحلوا ماحرم الله بدافع :

الزوجة مقصرة .

وهذا والله عين الظلم

تلبس ودير الماكياج والعطور وكي يشوفها يقوللها يجيني الضحك كي تكوني هاكا ؟؟؟؟؟؟؟

تخدم في دارها وتخدم خارج بيتها ويديلها الراتب

يصرفوا على الفواحش؟؟؟؟

ونتهموا المرأة أنها مقصرة

تقولك يحبني بصح يخوني ؟؟؟؟؟؟؟

هذي ماصراتش حتى عند الكفار

كل الديانات تتفق على تحريم الزنى

حتى الأجانب مايقبلوش الخيانة الزوجية !!!!!!!!!!!!

كيفاش نقبلوها واحنايا في مجتمع مسلم

سبحان الله

ونزيدو نحيروا يا هل ترى نواجهوا ولا نخليه يزيد يخون ؟؟؟؟؟

يبقى كل هذا مرهون بالدليل والإثبات القطعي بوجود الزنى والعلاقات المحرمة

ومن يزني يزنى ولو بجداره

سبحان الله وين راهي رقابة الله في هذا

وين راهي الغيرة على الأعراض

إذا كان هذا الذكر الزوج يستحل الزنى فلايجوز البقاء معه

يعني إذا راه يشوف الزنى حلال هذا يكون حلل وش حرم ربي

راه دار روحو إله يشرع

في عهد أبو بكر الصديق في حروب الردة

قالوا ماندفعوش الزكاة .

وهذا الصنف من الذكور يقولوا الزنى حلال

الزنى من الكبائر

كلام منطقي 200ب100 بارك الله فيكي

على فكرة دائما انتظر ردودك بفارغ الصبر
لانها تبرد القلب

[kameljijeli]

السلام عليكم ورحمة الله
حقيقة لم أفهم هذا الهجوم على الرجل, فالموضوع يتحدث عن الخيانة الزوجية بصفة عامة,( سواء رجل خان زوجته أو زوجة خانت زوجها), ولكن تدخلات أغلب الأعضاء تصب في منحى واحد وهو خيانة الرجل لزوجته و كأن المرأة معفاة من الخيانة ولاتخون. واقعياً و للأسف الشديد, هذا المرض موجود في المجتمع وانتشربصورة كبيرة في الأعوام الأخيرة, وتوجد الكثيرات, متزوجات و يخن أزواجهن. لذلك يجب أن نعلق على الموضوع بكل حيادية و بدون إنحياز

[نجلاءواحمد]

اختي الكريمة اذا هو ندم و توقف على هذا و لقيتيه ماشي و يتعدل انسي الموقف عيشي معاه واطلبي ربي يتوب عليه
اما اذا اعتز و افتخر بفعلته و ماشي نادم و مصر على هذا الطريق فتاكدي ان طريقكما لم يعد واحد فمن يرتضي الفاحشة لنفسه يرتضيها لكل الناس
عليكي بالنصيحة وانتي هادئة و لاتثوري فيقول في نفسه ثارت لنفسها فيتحداكي بل يجب ان تكون نصيحتك بسبب حبك له و خوفك عليه من عذاب الله و الدعاء له في صلواتك فوالله ما وجدت عن تجربة خير من الدعاء بالهداية بدل التشاحن و المشاكل اليومية و الصراخ و الله يهديه و يهديك الى ما يحب و يرضى

[علي لقواطي]

نعم يجب مواجهة الشريك بالخيانة أما الطريقة كرجل فأفضل الطريقة التقليدية و هي كسر العنق أو التسبب في إعاقة مستديمة
الله غالب هذي هي العقلية و هكذا تربينا

[زبدة ذايبة]

المشاركة الأصلية كتبت بواسطة goldenrose

السلام عليكم شكرا على الرد
الاخت زبدة ذايبة كلام صح مي قوليلي كيفاش ندير ، انا حاب يرجع كيما الاول

يخون الزوج إما لأنه تربى على هذا الشيء

وهذا يكون متأصل فيه

يعني العلاقات المحرمة ليست وليدة اللحظة يكون كبر معاها

وفي هذا الحال من الصعب أنك ترجعيه لأنه يشوف الأمر عادي

حتى تأنيب الضمير مايكونش عنده

أو يكون عرضي يعني غلط وتفوت الغلطة ويعاود يرجع لزوجته


انت طرحتي الموضوع بشكل عام

ونظن غير ماتزوجتي (2-3 سنة) بعد ماتبرد المشاعر المتأججة في بداية الزواج يظهر الزوجين على حقيقتهما

فإذا كان زوجك من النوع الأول

فإقباله عليك وحبه لك لأنك جديدة ومن نوع جديد لأنك ببساطة انت وحدة من مئات النساء اللي عرفهم

لكن يبقى عندك ميزة وهي أنك مختلفة عن النساء الأخريات وذلك في أنك زوجة ولست عشيقة


وإذا كان من النوع الثاني

هذا كي يغلط يرجع خير من اللي كان.

المهم أنت أدرى بحجم خيانة زوجك لك

انت تحبي زوجك وهو يخونك معادلة خاطئة

لهذا نشوف أنه من الأحسن ليك تخففي هذا المشاعر الزايدة

التهاي في روحك وفي بيتك وكوني لنفسك حياة مستقلة عن هذا الزوج

هو راه مشغول جدا وماشي لاتي بيك

انت التهاي بروحك شغلي نفسك وحسنيها سواء كان من نشاطات أو أي شيء يخدمك انت

ماتحوسيش عليه نهائيا

إذا كانت الخيانة هي الزنى وراكي متأكدة منها بالدليل وكنت من غير أولاد فهذا الفاجر لايصلح لك

وإذا كانت بالهاتف نديرو النية ونقولوا ممكن تفليكسيلو وتخلصلوا لفطور باش يتزوج بيها ؟؟؟؟؟!!!!!!!!!!!!

نستناو لعل وعسى يفيق

لكن ماتتأمليش بزاف حاجات مع زوج خائن

مهما رجع يعاود يخون

ماتطمعيش بزاف تكوني انت الوحيدة في حياته

مانزيدش نكتبلك اكثر. باش ماتدخليش في متاهات

انت على مايبدو يكفيك من زوجك لو كان يبينلك الحب تاعو اتجاهك ويلتهى بيك

مثل الأخت اللي قالت يحبني ويخوني؟؟؟؟؟؟

وهنايا مايكونش عند حتى مشكل

الموضوع صعيب ومتشعب

ربي يصلح حالك .