ساعدوني بيكانتو ام سبارك شيفرولي???????

[SOULEFO]

سلام انا اريد شراء سيارة مستعملة من موقع وادكنيس و حائرة بين اختيار وجدت سبارك شيفرولي 2004 0.8 ESS و بيكانتو 2005 1.0 ESS ماشية 176000 كم فايهما افضل من كل النواحي قوة المحرك ايهما تدوم اكتر ولا تتعطل كثيرا من ناحية السرعة و من افضل بصفة عامة

[ramzi-messi]

أظنها البيكانتو و ننتظر من الاخوة الاطراء بمختلف مقترحاتهم

[صقر 19]

سبارك سيارة جوتابل
زيد 2004 قديمة ياسر

[nadjib0007]

Picanto أفضل بكثير و السومة تجيبلك الخبر saprk الله أعلم متفوتش 60 مليون و Picanto مكانش تحت 80 مليون ؟؟؟ الفرق واضح

[rabiani]

كسبتهم في زوج الفرق كبير جدا بين السيارتين لا مقارنة رغم انهم ما عجبونيش في زوج
السبارك كوشمار الجزائريين يتعاندو برك لاحظت ان البعض يشكر فيها بدون علم كي رحت نبيعها بعتها في نهارها رغم اني حذرت الشاري و الله يشهد على ما اقول قتلو راك تشري في خردة تعيطلي ما نريبونديش ربي معاه انشاء الله المسكين ما عيطش
اما البيكانتو لا باس بيها ايكونوميك فيتاس روبريز كونفور لاباس لكنها تنزلق في الشتاء و الجليد ديرابات بيا كنت دوزيام و الزيت ما تحكيش تروح لوهران تزيدلها لتر رغم انها جديدة البيع نتاعها اذا ماراكش طماع في ثانية تضاربولي عليها
بالنتيجة في زوج ما يصلحوش

[imbrateur4]

السبارك سيارة رائعة بكل المقاييس مقارنة بمثيلاتها....اقتصادية....مريحة....كسبت 2 منهم ...المهم تكون على الاقل 2008 لانو 2004 قديمة واي قديم يهبل حتى ولو كان الماني

[moharchicom]

البيكانتو أحسن في كل المقاييس
انا شخصيا كسبت بيكانتو 2013 مغير السرعة أتوماتيكي كانت مريحتني ما عانيت من أي شيء ولا مرة روحت للتصليح
أما البيع بسرعة البرق

[Ayhamouvic]

بيكانتو بدون منازع

[samir213]

المشاركة الأصلية كتبت بواسطة ramzi-messi

أظنها البيكانتو و ننتظر من الاخوة الاطراء بمختلف مقترحاتهم

..........

[royalhairtrans]

بيكانتو 2005 1.0

[himamilano]

بيكانتو افضل بالتاكيد

[farid mesbah]

البيكانتو تحسي الزيت
كي تعمر ليسانس تعمر الزيت اخطيك منها
تجربتي معها سنتين

[winmax]

Picanto أفضل بكثير