الدرس التاني من مدرسة تعليم فنون الطبخ

[زينب 83]

ما شاء الله ام كوثر موضوع في القمة شكرًا على المجهود ، مبدعة كعادتك
جزاك الله خير الجزاء

[مياسم الصمت]

بارك الله فيك ام كوثر
وجزاك خيرا على الشرح المفصل
جعلها الله في ميزان حسناتك

[زينب 83]

المشاركة الأصلية كتبت بواسطة ذات النورين

مساء النور
الدرس الثاني تحفة الله يبارك
ولكن اختي ام كوثر واسمحيلي نبهك على وحد النقطة وارجو ان تاخذيها بعين الاعتبار
غير دركا واحدة من العضوات راسلتني وقاتلي حابة نشارك معاكم كثيرا وحابة تتعلم
ولكن الله غالب ماعنهاش كيفاش تشري اللحم بما انه كل الدروس لحد الان فيها اللحم
اذن ياريت تحطولنا اطباق اقتصادية في متناول الجميع هنا كاين عائلات الله غالب عليهم المصروف حده قده
دمت بود

سامحيني نجاوبك حنونتي حتى تدخل ام كوثر
حبيبتي اغلب لي في المنتدى ناس متوسطة و انا واحدة منهم و طبعا مانقدروش ناكلوا كل يوم لحم و أجبان وووووووووووو
لكن هاذي دروس غاليتي و الهدف منها تعلم كل جديد ، صحيح انو هدفنا إرضاء الكل لكن المدرسة راح يكونو فيها اطباق رئيسية و اطباق ضيوف و حلويات جديدة و تحليات
لذا كل وصفة و كيفاش ، صح حنا راح نحطو في اعتبارنا الجانب الاقتصادي لكن كاين مكونات لا يمكن الاستغناء عنها
اما عن الأخت ممكن طبق الخبز و الصوص و شوي بطاطا و سلاطة و هيا فارية ههههههههه

على فكرة الدرس الاول اغلب الوصفات من دون لحم

قوليلها جي مرحباً بيها ، دايما كاين البديل

[زينب 83]

المشاركة الأصلية كتبت بواسطة جوهرة الغرب.

نسيت حبيبتي ...ماعنديش الة البانيني كيفاه ندير

اختي غلفي الخبز بورق الالمنيوم و سخني المكواة و حطيها فوقو حتى يشد روحو ، راح يجيك كيما تاع البانينوز

[مياسم الصمت]

المشاركة الأصلية كتبت بواسطة ذات النورين

مساء النور
الدرس الثاني تحفة الله يبارك
ولكن اختي ام كوثر واسمحيلي نبهك على وحد النقطة وارجو ان تاخذيها بعين الاعتبار
غير دركا واحدة من العضوات راسلتني وقاتلي حابة نشارك معاكم كثيرا وحابة تتعلم
ولكن الله غالب ماعنهاش كيفاش تشري اللحم بما انه كل الدروس لحد الان فيها اللحم
اذن ياريت تحطولنا اطباق اقتصادية في متناول الجميع هنا كاين عائلات الله غالب عليهم المصروف حده قده
دمت بود

السلام عليكم ورحمة الله وبركاته
دعيني اجيبك اختي وكنت قد جربت بعض اطباق اختنا الغالية زينب جزاها الله خيرا

الاطباق الخاصة بالدرس الاول كانت منوعة وعلى الخيار فيها بدون لحم

مثلا تطبيق هومبرغر للباطاطا زينب استعملت فيه اللحم لكن ذكرت انه يمكن استبدالها بالبيض مقلي

انا شخصيا استبدلته بالكاشير

طبقت ايضا اعشاش البطاطا استعملت فيها قطعة صغير من صدر الدجاج مفتتة تبقات من عشاء قبل تطبيقي

ايضا الدروس للتعلم يمكن الاخت ان تحايل وتطبق كمية صغيرة للتعلم فقط ولما يتيسر تحضر كمية تكفي العائلة

اظن التطبيق هو مرة في الاسبوع ويمكن للمشتركة تلقى طريقة وتفضل منها قطعة صغيرة تطبق بها كمية قليلة للتجريب

[x ام رحاب x]

شكرا حبيبتي التطبيق هايل وساهل وخرجتيه بريزونتابل الله يسلملك هادوك اليدين تحفة ربي يحفضك ان شاء الله انطبقو في عطلة الاسبوع

[أم شيماءْ]

روعة روعة يعطيك الصحة

[أ م ساجد وسيم]

يعطيك الصحة ختي موضوع قمة ووصفات رووووووووعة
حبيت نبه لنقطة ....ياريت تحطولنا تاريخ اخر اجل لوضع التطبيقات في بداية الموضوع يعني مثلا الاحد 7 فيفري ليلا هو اخر اجل هكذا باش مانحصلوش انا تلفتلي في الموضوع الاول وماعرفتش وقتاش اخر اجل

[زهرة الريف*]

الدرس هايل وروعة واولادي يموتوا على مثل هاذه الأطباق جاري التطبيق بإذن الله
يعطيك الصحة أم كوثر وجزاك الله خيرا على هذا المجهود الرائع

[*أم كوثر*]

الله يبارك فيكم اخواتي عل الكلام الطيب ربي يحفظكم
نقطة فقط اردت توجيهها
للاخت لي قالت اختاروا وصفات اقتصادية
اولا هذي مدرسة يعني نتعلموا فيها كل جديد
اكيد مش رح نحطو اطباقنا اليومية المعروفة ولي تعودنا عليها
حاونا قدر الامكان المقادير تكون موجودة في كل بيت
في هذ الوصفة ماقلتش كيلو لحم ولا كيلو دجاج
طرف صدر دجاج او قطعة سكالوب تكفي للبنة فقط لانو مهيش المكون الرئيسي في الوصفة
ثانيا انا احيانا مايكونش عندي لالحم ولاسكالوب ولادجاج والادي يطلبوها نديرها بباقي المكونات فقط وياكلوها وتعجبهم
تانيا منظنش كاين عايلة جزائرية تخلص شهريا مستحقات الانترنت والهاتف ومايشروش لحم او دجاج طيلة الشهر ولو مرة وحدة
اخيرا مرحبا بيك وبصديقتك في مدرستنا وتطبقوا منها لي يعجبكم وان شاء الله تكون دروسنا في المستوى
......
بالنسبة لي سقساو على التطبيق
الدرس امامكم طبقوا وش تحبو مش شرط ديرو كل انواع الخبز لي درتهم انا
انا نوعت حسب الاذواق

التطبيق عندكم من اليوم للاحد المقبل
موفقات واي سؤال لاتترددوا

[رحمةز]

ماشاء الله روعة صحيح انا مانيش منظمة للمتمدرسات لاني مانقدرش على التطبيق السريع ولكن اكييد راح نطبقها في بيتي ان شاء الله ونحتفظ بالوصفات للمناسبات والعزومات
رب يحفظك اختي

[nadjet45]

يعيطك الصحة ا م كوثر

[omhadil]

ووووووعة اختى ام كوثر عودة قوية ودرس قمة فى الروووووعة راكى شاف واحلى شاف
رانى حابة نشارك ان شاء الله

[ام محمد 05]

السلام عليكم اختي باركك الله على هذا المجهود وجعله في ميزان حسناتك عندي اسئلةربي يحفظك قداه 4 كؤوس فرينة بالضبط كيلو فرينة ولا 2كيلو فرينة اذا قدرتي اعطيني القيس واي ماركة هي لخميرة نتاعك كيما راني نشوف خرجولك 4كؤوس فرينة 8قرصات مشاء الله وتاني القرصات لي رمديتهم فالسميد نشعلولهم غير من الفوق يطيبو وممبعد نقلبوهم باش يطيبو عادي ياك منثقبوش العجينة اسمحيلي كثرت عليك وشكرا مسبقا

[nadiatlemcenia]

بارك الله فيك ابدعتي
اختي لماعندهاش بانينوز واش دير ؟