مربى الرمان الرائع من مطبخي

[زينب 83]

السلام عليكم و رحمة الله و بركاته

مساء الخير غالياتي ، عندي مدة ماحطيتش وصفات ، الصراحة الوصفات كاينين لكن الكسل مادار فيا

المهم ليوم جبتلكم وصفة مربى الرمان و هو مربى بنيييييييين روعة و زيد الفوائد لي في الرمان لا تحد و لا تحصى ، كيما يسميوه البعض فاكهة الجنة ، جربوه و بإذن الله راح يعجبكم

جاتني الفكرة و جربت كمية صغيرة و جا تحفة

بسم الله

2كيلة حب رمان
كيلة سكر

لكل زوج حبات رمان عصير نصف ليمونة


الطريقة

نخلطوا الرمان مع السكر و نخليوه ليلة كاملة في الثلاجة




الصباح راح نلقاو الرمان طلق كامل العصير


نحطوه فوق نار متوسطة و نضيفه عصير الليمون فقط
و نخليوه يغلي حتى يعقد يولي قوامه مثل العسل ، و طبعا كل مرة نزيل الرغوة لي يسببها السكر




بعد ما يعقد نصفيوه في صفاية ثقوبها كبار



في هاذي المرحلة تحصلت على هذا الشكل من المربى لذيذ و صافي و اللون و لا اروع ، لكن بالنسبة ليا كان اقرب منو للصوص من المربى يعني مثل الكراميل شكلا يصلح اكثر للحلويات و التحليات يعطيها طعم رائع ، و انا كنت حابة معجون للفطور ندهنو في الخبز ، نحشيه في الرولي ،وووووو،،،،،






لذا نحيت كمية صوص خبيتها للتحليات و الباقي

حكمت الخليط لي بقى في الصفاية ، بعد التصفية و رحيتو في الخلاط او ممكن تستعملها البراميكسور بدون اي اضافات

، هذاك الخليط لي رحيناه نعاودو نصفيوه مليح في نفس الصفاية مع الضغط بالملعقة حتى يهبط كلشي و يبقى غير البذور و نخلطوه مع الصوص الاولى مليح







، هنا راح نتحصلوا على معجون ثقيل و بنيييين بزاف








يعني ولى عندي صوص رمان و مربى الرمان

يا رب تكونوا فهمتوني راهو اسهل ما يكون ، انا برك ثرثرت بزاف

جربوه حبيباتي راهو مفيد جدا لينا و لأطفالنا و خالي من الملونات و المواد الحافظة

ملعقة اكل معجون رمان فيها 60سعرة حرارية

على فكرة ممكن ديرو كمية كبيرة بما اننا في موسم الرمان و نخبيوه في برطمانات زجاجية معقمة و محكمة الإغلاق و راه يبقى معاكم مدة طويلة ، و خبيوه عادي و بعد الفتح حطوه في الثلاجة ، طريقة التعقيم موجودة في موضوعي مربى الفراز



في امان الله

[طالبة النجاحْ~]

روووووووووووعة يعطيك الف صحة وعافية زينب
بارك الله فيك

[ام محمد 05]

شكرا حبيبتي نشاء الله نسيها وننجح فيها ممكن نغتنم الفرصة وتعطيني طريقتك في عجينة الهمبرغربالتفصيل وكذا السوفلي ربي يحفظلك وليداتك

[ام ايمان16]

بارك الله فيك

[امال 2005]

بارك الله فيك يا اختي ايبان روعة

[دائمة الحمد]

[size="5"]

ماشاء الله زينوبة راكي ضربتي عصفورين بحجرة
موضوعين في واحد وخاصة انو الرمان مفيد جدا للامعاء والمعدة
ويقاوم الاسهال عند الاطفال

[خديجة التقية]

بارك الله فيك

[أثيلة]

ممممم ،،، روووعة شهيتيني و انا نمووت على الرمان ، شكرا لك أختي زينب جزاكي الله خيرا

[om wassim]

أحلى تقييم يعطيك الصحة حبيبتي زينب دائما جيبيلنا وصفات و أفكار رائعة ربي يباركلك في صحتك و وقتك

[أنا هي]

وعليكم السلام ورحمة الله وبركاته

روووووعة ماشاء الله

بوركت يداكِ

[أم ياسين الزهراء]

بارك الله فيك شفت مرة في فتافيت طريقة تاع التونسة

يعطيك الصحة

[ام سمسومة 89]

يعطيك الصحة رووووووعة رايحة نجربو بإذن الله

[ارزاق]

يعطيك الصحة زينب باذن الله نجربو خاصة وانو البلارات تاع مربي الفراز فرغو هههه نملاوهم مربي الرمان

[ام سراج وملاك]

جزاك الله خيرا اختي زينب و يعطيك الصحة حبيت نسقسيك الصوص نقدر نخبيها في المجمد او الثلاجة فترة طويلة خطراه الرمان هذا هو الوقت نتاعو في الشتاء ميكونش

[اسمهان79]

كل مرة بعفسة جديدة الله يبارك في صحتك وربي يحفظلك اولادك وزوجك ويحميك من كل ماهو شر
واحلى تقيييييييييم حبيبتي
جزاكي الله كل الخير