الجزء 148 من واش طيبتي اليوم كوزينة الاحباب و التفنن في الطبخ

[ام مؤمن]

السلام عليكم و رحمة الله و بركاته

بسم الله الرحمان الرحيم

يشرفني ان افتح لكم الكوزينة الجديدة فاتحة خير علينا كلنا ان شاء الله و اقر و اعترف بفضل الكوزينات السابقة عليا و بكرم و جود الحرائر اللي فيها ربي يحفظهم

هذا الموضوع جهزته على جهازي لفتح الجزء 139 من الكوزينة و بسبب ظروف طارئة و ايضا الانترنت هذا وين كتب ربي باش نحطوا

و اكثر سبب خلاني اصر على فتح الكوزينة هو رغبتي في التعرف اكثر على الاخوات ربي يحفظهم معرفتي الصغيرة بهم خلاتني نحبهم و نتمنى نكون وحدة منهم و ربي يجمعنا على طاعته و يجمعنا دائما على الخير ان شاء الله

و بما ان الانترنت تسمحلي بمشاهدة الصور استغليت الفرصة يا رب تقعد مليحة برك من فترة طويلة لا استطيع مشاهدة الصور و لا تحميل الصور

ركزو معايا مليح راهي كوزينة طبخ و تعارف ههههه و درك ننتقل الى حسن الضيافة ( ماعليش انا ثرثارة شوية )

و بما انه فات علينا العيد من فترة قصيرة نعرضكم على قهيوة كيما يحب الخاطر( اقصد عيد الفطر )

اتفضلوا قولوا بسم الله ماشاء الله


هذه سينية العيد تاعي











و هذه الحلويات بالتفصيل هههه

معجون المكسرات



البقلاوة





المقروط







قراوش باركات





مقروط النقاش بتزيين مقروط السنيوة



ورود الشكولاطة المحشية







التشاراك المسكر



الغريبية المورقة





كعيكعات بالطلية



الكروكي



و هذا طيابي فيه ماتعلمته من المنتدى و فيه شوية تلباز تاع العبدة الفقيرة لله
شربة فريك



شربة فارميسال





طاجين حلو



طاجين الشواء



طاجين الرخام








طاجين الزيتون





لفائف السكالوب





غراتان لفائف البيدنجان



افخاد الدجاج في اكياس الشواء








مادلان السلق







ميني طارط الخضار






رولي الدجاج و البيض



كاب كيك بالدجاج و السق







قوارب البطاطا





مقرون




كفتة بيضاء


بطاطا بيضاء بالقارص



شطيطحة عضام باللحم





غراتان البدنجان بالدجاج


السفيرية





رولي باللحم المفروم و الزيتون

اصابع الكفتة بالسمك


اظرفة الدجاج


رولي مالح




اصابع المرقاز





طاجين المرقاز



طاجين الفرماج





غراتان جلبانة باللحم المفروم






اطباق تقليدية قسنطينية

الفطير




و نديرو معاه شوية مسمنات مع الحليب امممممممم



الرفيس





و بقية الصور نشارك بيها معاكم في الموضوع ان شاء الله و راني كلما نطيب و نلبز حاجة نحطها هنا

اللي تحب تتوقب على طيابي راهو غير هنا هههههه

https://www.djelfa.info/vb/showthread.php?t=1825081

الحمد لله حمدا كثيرا طيبا مباركا فيه

نتمنى تكون كوزينة مربوحة علينا و مليئة بالافراح و الاكلات الطيبة و الرفقة الطيبة و تجوز خفيفة ظريفة

اما كواليس و اطباق العيد نحطها لاحقا ان شاء الله كيما قلتلكم الموضوع كتبته من فترة طويلة و كان على جهازي

و نتمنى تكون كوزينة الابداع و التفنن في طبخ لحم العيد بما اننا جوزنا عيد الاضحى من فترة قصيرة ينعاد عليكم بالصحة و الهنى ماتقولوليش اللحم خلاصتلكم ان نصف الكبش مازالو في المجمد هههههه

و درك راني نستى في الباروك ههههههههه ماتطولوش عليا


سلام

[um alaa]

الف مبوك الكوزينة ان شاء الله تكون فال خير و نفرحو بلهونة ان شاء الله
تقبلي باروكي البسيط عشايا تع البارح لحم مفور بيدما كاش ما نلبز اليمات اللي جايين

[ام سهام 02]

الف مبروك حبيبتي ام مومن ماشاء الله على اطباقك يعطيك الف عافية

باروكي حلويات خدمتها فال لنفاس ام تاجو الحبوبة

[ام عبدو و ملاك]

الف الف مبروك افتتاح الكوزينة الجديدة
ام مؤمن اطباقك روعة روعة روعة ما شاء الله
لي عودة بالباروك

[أم أماني وعبدو]

الف الف الف الف مبروك الكوزينة الجديدة ربي يجعلها فال خير علينا وعليك وربي يسمعنا فيها الاخبار الطيبة والمفرحة كيما الكوزينات اللي فاتو
تقبلي من باروكي المتواضع

[Aya69]

مبروووك عليك كوزينة جديدة حبيبتي ام مؤمن ان شاء الله يجعلها فاتحة خير عليك وعلينا
اطباقك روووعة ما شاء الله بصحتكم
ولكامل لحراير يعطيكم الصحة رانا كل يوم نتعلموا منكم حوائج جدد بارك الله فيكم

[اسمهان79]

الف الف مبروك حبيبتي ام مؤمن كوزينة الخير ولخمير فاتحة خير عليك وعلينا ان شاء الله
قتلتيني بالمقروط يا يما نتاع حراير صح واغلب الصور ما بانتليش تتحسن النت وتبان ان شاء الله
وَيَا عيني على شطيطحة لعضام باللحم امممممممم حطيلي الطريقة
ام الاء كنت في الكوزينة اللي فاتت نعلق ونخمم عليك وعلى عشاك البارح قلت راكي بايتة صحرا اتريكي حاطتلهاحطة باللحم المحمر امممممم الله يبارك

[رقة زمان]

ألف مبروك الف مبروك افتتاح الكوزينه

[اسمهان79]

باااااارووووووكييييييي
طاجين لحلو باه تحلى أيامكم

[*توبــــة*]

يااااااااااا ام مؤمن رجعت نورتنا
والله توحشناك وتوحشنا اطباقك
ان شاء الله نرجع بباروكي

نطمن أم ابراهيم على ام أماني
أولا حبيبتي مرسي بزاااااااااف على الرسالة مقدرتش نعاود نراسلك
وعجبوني دعاويك خاصة تاع ولد لحلاااال خخخخخخخخخخ

أم أماني هي بنت خال بنت عم بابا وماما....... فهمتو؟؟؟؟؟؟؟ خالوطة خخخخخخخخخخ
يعني بنت خال خالتي ولا عمتي كيما تحبو هههههه
رحت لبنت خالتي السمانة اللي فاتت وقالتي غير كيما حكات معاها ف التيليفون
راهي مليحة مي شوي مهيش مستقرة وعندها مشاااااااغل بزاف
بحكم عمل زوجها .. و ولادتها يقراو.. وووووووووو
قاتلي راهي تعشق المنتدى وعضواتو وتحبكم كااااااااامل .... وتحط وصفات باه تفيدكم ولوجه الله
قاتلها وين مقدرت نرجع ونحط الجديد ان شاء الله
وين ماتصلت بيها نطمنكم حبييييييييباتي

والله توحشتكم وتوحشت لمتكم راني حابة نولي نشارك معاكم كيما بكري
مي الصور بححححححححح

[ام و ابنة]

الف مبروك الكوزينة ام مؤمن
الله يبارك قاطواتك و طيابك قممممممة ما شاء الله تبارك الله بصح للاسف كاين بعض الصور ما طلعوش
باروكي باذن الله نحطهولك غدوة ان شاء الله

البنات يعطيكم الصحة عالخيرات غير اللي تقول لاختها بعدي خخخخ

[ام عبدو و ملاك]

ام و ابنة راني حطيتلك الصورة تاع التمر تاع البحر في الكوزينة تاع ام حبوبة روحي شوفيها

[اسمهان79]

لبارح لعبنا حزر فزر واحد ما جابها
وكي نزيد الثوم واش رايحة ندير
لي جيبها نعطيها بلارة

[ام عبدو و ملاك]

ترحيهم مع بعضاهم انا ماما تيبس الثوم بقشورو وتخلطو مع الكسبر يابس و ترحيهم مع بعضاهم يجي يهبل

[زينب 83]

ام مؤمن الف الف مبروك افتتاح الكوزينة حبيبتي و اطباقك فيييييييييلم على قول ليزابيل

ام عبدو روعة حلوياتك تسلم الأيادي

توبة اهلًا ًو سهلا و الحمد لله كي عادت ام اماني بخير

اسمهان تبانيلي راح تصبري الثوم مع الكسبر تعليب

ام علاء بصحتك العشاء و نعرفوك فحلة الله يبارك