la vie en rose ~ الفراز

[بسمة الرمال]

السلام عليكم ~ هادي المشاركة راني حطيتها في الكوزينة و حبيت نحطها هنايا باش تبقى ديما كاينة
والي يحوس عليها يلقاها بسهولة

~ الناس مع مهرجان تاع المشماش و انا مع تاع الفراز



اليوم في بسكرة الكاجو تاع الفراز ب 40 الف [♥]



هو صح طايب شوية ~ بصح ماعليش حتى هو ب 40 الف برك

المهم ~ الحبات الملاح نحيتهم بجنب باش ناكلوهم


و البباقي نغسلو و نقيه ~ نص الي حاكم روحو نحطو في الكونجيلاتور { للمثلجات ولا للعصير





هنايا زدتلو السكر و خليتو يبات باش غدوة نحطو على النار { يولي معجون



و هاذي العفسة نديرها و نلوحهم في كيسان تاع الماء و لا تاع ال jus
الشكل نتاعها يهبل و الله ~ يفتح النفس

~ نقطع الفراز طراف صغيرة و نصب فوقهم الماء





وهنا ال jus




دمتو بحب

دعواتكم لي

[sidali 2007]

امممممممممممم بسمة الفحلة يعطيك الصحة سلمي علي بسكرة

[دائمة الحمد]

روعة يا بسمة يعطيك الصحة هايلة

[ام سهام 02]

هااااااااايل بسمة يعطيك العافية

[tong2]

الله يــبارك روعــــــة

بــارك الله فيـــــــــك حــبيــــبـــــــة

[pomaria_aindefla]

أنا الفراز الي تخليه للعصير نمرده في السكر و نضعه في صحن و إلى المجمد ثم بعد ما يتجمد نضعه في الأكياس . إذا تقدروا ما تنحولهش الحشيش الأخضر الديرو مليح سينو معليش

[idron0]

الله يــــــبارك مـاشــــاء الله

[ام سراج وملاك]

يعطيك الصحة اختي

[GAcem biba]

Bsahtkom khlona chwiya