طريقة ناجحة لتحضير ارووووع كراميل على الاطلاق

[ام اماني77]

سم الله الرحمان الرحيم

السلام عليكم اخواتي

الكثير من الاخوات تعاني من تحضير الكراميل لانه بعد مايبرد يتحول الى حالته الصلبة ولا يمكنها بذلك الاحتفاظ به واستعماله فيما بعد.

وبما ان شهر رمضان على الابواب اللهم مابلغنا اياه لافاقدين ولا مفقودين ارتايت ان اضع بين ايديكم وصفة لتحضير الكراميل ناجحة الف في المئة يمكن نحضر بها كل انواع الفلان للمثلجات وللطورطات المقلوبة وغيرها من دون اطالة نخليكم مع الوصفة.

المقادير:
500غ سكر
120مل ماء
250مل ماء مغلي
ملعقة كبيرة خل ابيض

الطريقة

في كسرونة نحط كمية السكر

نضيف 120مل من الماء وم ك خل ابيض على السكر

ونحطه على نار متوسطة ونخليها حتى يبدا يتكرمل السكر ويتغير لونه في كل مرة نحرك الكسرونة لان كما نعرف السكر راح يبدا يتحرق من الاطراف اولا كي نحرك الكسرونة راح يتكرمل بنفس الدرجة

هنا مازال ماوصلناش للون المناسب لازم يزيد شوية لكن حذاري لا يتلون اكثر من اللزوم راح يكون ذوقه مر

هذا هو اللون المناسب

هنا نفرغ على الخليط 250مل من الماء المغلي وبحذر لان كي نفرغه راح يعمل فوران ممكن يؤدي للاحتراق فحذاري
غير نفرغ الماء المغلي نطفي عليه وراح نتحصل على ارووووع كراميل

نخليه يبرد شوية فقط ونحطه في بوكال ونحتفظ به خارج الثلاجة ونستعمله وقت الحاجة

صدقوني رااااائع بكل معنى الكلمة

هنا عملت به الفلان واكيييد له استعمالات كثيرة

شوفو ما احلاه اممممم

ان شاء الله تجربوه واكيييد يعجبكم

[ام عبدو و ملاك]

ربي يوفقك و يعطيك ما تتمناي سؤال برك ادا نقدر ندير بيه الكرامال تاع كيكة قدرة قادر و قداه نقدر نحتفظ بيه في الثلاجة و شكرا مجددا

[ام اماني77]

المشاركة الأصلية كتبت بواسطة المعلمة الجديدة

ربي يوفقك و يعطيك ما تتمناي سؤال برك ادا نقدر ندير بيه الكرامال تاع كيكة قدرة قادر و قداه نقدر نحتفظ بيه في الثلاجة و شكرا مجددا

اهلا غاليتي

اكييد تقدري تعملي به اي وصفة فيها الكراميل

وراني قلت انك تحتفظي به خارج الثلاجة لاطول مدةيعني حتى تستعمليه كامل لان مافيهش مكون يخليه يفسد.

[iaman.fr]

شكرا و يعطيك الصحة جا في وقتو

[ام هاديل وياسين]

يعطيك الف صحة ام اماني وصفاتك كلها مفيدة ورائئعة الله يحفظك ويخليك يارب

[oum el banat]

السلام عليكم شيف ام اماني لأنك تستحقين هذا اللقب لقد حصل لي الشرف منذ ان اكتشفتك ولأول مرة ان اكون واحدة من اللواتي يضعن ردود على إنجازاتك الرائعة أمدك الله بالصحة و العافية و جعله في ميزان حسناتك اريد فقط ان اعرف المنتديات الاخرى اللتي تشاركين فيها اذا لم يكن في ذلك إحراج و شكرا مسبقا

[دعاء القلوب]

يعطيك الصحة اختي ام اماني ما شاء الله عليك
الما يكون يغلي كي نزيدو على الكراميل ولا سخون

[أم غيلاس]

روووووعة أختي أم اماني ربي يجازيك
إذا أمكن أختي ام اماني مرة حطيتي خبز الدار على شكل زهرة ممكن تشرحيلي طريقة التشكيل
و مرة حطيتي حلوى اسمها مربعات الكيري هل ممكن الوصفة
و شكرًا في كل الأحوال

[ام اماني77]

المشاركة الأصلية كتبت بواسطة oum el banat

السلام عليكم شيف ام اماني لأنك تستحقين هذا اللقب لقد حصل لي الشرف منذ ان اكتشفتك ولأول مرة ان اكون واحدة من اللواتي يضعن ردود على إنجازاتك الرائعة أمدك الله بالصحة و العافية و جعله في ميزان حسناتك اريد فقط ان اعرف المنتديات الاخرى اللتي تشاركين فيها اذا لم يكن في ذلك إحراج و شكرا مسبقا

شكرااا غاليتي على الكلام الطيب

اختي انا مشاركة في منتدى اخر لكن نفس الوصفات اضعها هنا

ان اردت تفضلي للمدونة الرابط في التوقيع وان شاء الله تجدين كل جديدي

[mosta*limoges]

يعطيك الصحة الصحة أم أماني جا في وقته و وصفاتك كلها رائعة أنت حقا فنانة في الطبخ

[ام اماني77]

المشاركة الأصلية كتبت بواسطة أم غيلاس

روووووعة أختي أم اماني ربي يجازيك
إذا أمكن أختي ام اماني مرة حطيتي خبز الدار على شكل زهرة ممكن تشرحيلي طريقة التشكيل
و مرة حطيتي حلوى اسمها مربعات الكيري هل ممكن الوصفة
و شكرًا في كل الأحوال

اهلا بالغالية ام غيلاس

اختي خبز الدار نقطعه من الطراف غير شوية ونجمع كل طرفين مع بعض بالصورة تفهني اكثر ان شاء الله نعاوده ونحط مرفوقا بالصورة

اما مربعات الكيري والله بزاف اخوات سالوني عليها راح نحوسلك على الوصفة مانيش متذكرتها مليح ونحطهالكم

[ام اماني77]

المشاركة الأصلية كتبت بواسطة دعاء القلوب

يعطيك الصحة اختي ام اماني ما شاء الله عليك
الما يكون يغلي كي نزيدو على الكراميل ولا سخون

اهلا غاليتي

كي تشوفي الكراميل بدا يتلون حطيه يسخن حتى الغليان وفرغيه وحذاري لاتحترقي وبسرعة طفي عليه

[ام اماني77]

شكرااا غالياتي نورتو الموضوع بارك الله فيكن

[آيات سرمدية]

ماشاء الله......ام اماني.....مع اني نادرة الدخول الى هذه الاقسام.....لكن بمجرد ان تلمح عيني روابط مواضيعك هناك......ادخل مسرعة اليها حتى امتع ناظريا........فانا اعرف اني ساستفيد لامحالة........فجزاك الله خيرا......على كل عطائك وتاكدي ان اجرك عند الله عظيم......ربي يسرلك كل امورك....... وينجحلك اماني.......وكل اخوتها.......ان شاء الله.....

[*سيرين نور عيني *]

يعطيك الصحة اختي ام اماني ما شاء الله عليك