تكلفة بناء منزل كامل

[bestof]

100 مليون كافية لمساحة 100م او على الاكثر 120مليون شرط بناء عادي دون مغالاة

[السي محمد]

أولا المبلغ هذا كافي إذا كان في منطقة غير زلزالية و لا ينوي إضافة طوابق اخرى في المستقبل

ثانيا المبلغ هذا يكفي إذا كان يستخدم مواد بناء جزائرية الصنع

ثالثا شخصيا مبلغ 200 مليون يمكنني ان ابني به منزل من طابق ارضي و طابقين آخرين متوسط الجمال و الدكور متين البناء

[youcefas07]

الله اعلم
كل حسب التصميم و الديكور ونوعية السلعة . مستحيل تحسب الا اذا حددت بالظبط

اما اذا كل خطرة تخرجلك حاجة متقردش تعرف الحساب

[mohamed riadd]

كلامك ينطيق على مقاولة نعرف واحد أعطي أرضو لمقاول بمساحة 300 م خدمهالو ب 300 مليون بلا فينسيو يعني لاكرلاج لا فيونس لا باب لا والو

واخر 150م خدمها ب 100 مليون بالصح استعمل الذكاء خطة التقشف مرة تويزة مرة وحدو وكل مرة يلقى حيلة باش ينقص ....

وزيد التكلفة واجر العمال تختلف بين مناطق الجزائر

[موني كات]

220 مليون لي قال عليها ماتجي لاكحل لاسواك هههه تروح غير في لحيوط يعني بلات فورم +بيليات +دالة +تحواش+كاج دي سكالي تفصال وتلباس لافينيسيون لازمو 100 مليون اخرى

[beno1408]

المشاركة الأصلية كتبت بواسطة موني كات

220 مليون لي قال عليها ماتجي لاكحل لاسواك هههه تروح غير في لحيوط يعني بلات فورم +بيليات +دالة +تحواش+كاج دي سكالي تفصال وتلباس لافينيسيون لازمو 100 مليون اخرى

انا مع رأي الاخ - عندي مساحة 150 م - صرفت 89 مليون غير في plate forme -بسلعة بتكاليف الماصون

ونصيحتي ان لا تبمي بناء تاع تلباق من بعد تندم - دير بني متين - وحبة حبة نجيبوها
واعلم ان ربي يبارك في البني

ربي يسهل اخي

[الاءنهال]

كيفاش 22000 للمتر جاتكم غالية والله غي اللوكال ويلا سكن غير الترميم ليقلكم 80 مليون ويلا كفات

[attaoui]

اظن ان 220 لا تكفى جرب البناء وستعرف

[islam kourteli]

في رأيي 22000 دج للمتر المربع مبلغ منطقي ويمكن أن يكون أكثر

[djamelbarcelone]

السلام عليكم

[chifawahab]

الله يكون في عون الجميع احنا 220 مليون بناتنا زوج دالات وحيوط واخلاصودراهمنا مساحة 150متر نقصو منهالمراح ولازمنا 100اخر باش نفينو بسلعة محليةربي معنا

[bestof]

مساحة ل100 متر توقفها 120 مليون وشبيكم الفونداسيوان بالبيليات تقريبا 45 مليون والباقي توصل للدالة ...حسابيا ...اما الفينيسوين والابواب التركيبات المائية والكهرباشية حطلها 40 اخرى شرط استعمال الطلاء العادي في المنزل والفايونس في الكوزينة والسالدوبان فقط

[بوسماحة 31]

أرض مساحة 150م مربع

الأرضية (الفونداسيوا) 150 م كلفتني 45 مليون سنتيم
20 عمود مسلح 25سم في 25 سم بارتفاع 3 م ب 10 مليون سنتيم (السلعة + الماصو)
الضالة نتاع 130م مربع كلفتني 50 مليون سنتم (السلعة + ماصو)
بناء الحوائط الخارجية بالتقريب 10 مليون سنتيم
الباب الحديدي عادي 2 ملايين سنتيم
4 نوافد خشبية الخارجية + القرياج ب 06 ملايين سنتيم
التحراش الخارجي أو التلبيس بالاسمنت 08 ملايين سنتم

التكلفة النهائية ل 150م مربع ب 130 مليون سنتيم
بالداخل لاشيء سوى الأعمدة

[badra1]

احنا بنينا مساحة 150 متر
ما زال ما فينيناش ب220 مليون .....صدقوني ....بدون مبالغة
ربي يعين الجميع

[fouad1966]

المشاركة الأصلية كتبت بواسطة jhvdo40

لنا جار وبالاحرى جارة تعبت في انجاز سكنها وان كان متواضعا ومع ذلك بعد اربعين من وفاتها تم تعليق لافتة للبيع وبعد اقل من 10 اشهر تم بيعه وتقسيمه بين الورثة فلم يراعى لا كرامة الام ولا البر بها لان البر بعد الوفاة ان نحتفظ بذكراه على الاقل

السلام عليكم
يا اخي او يا اختي في الشريعة الاسلامية عند وفاة الشخص بعد ثلاث ايام تقسم التركة فانها بدالك تسون كرامة الميت ليس كما نراهم الان الارض او المنزل ما زال باسم الجد او جد الجد و احفادهم تاهوا في امر القسم و كل واحد يبحث عن العم و الاخ في اي ارض يكون من اجل الفريضة .... و شكرا