ارز مفلفل اكلة مصرية بطريقتي الخاصة

ام سراج وملاك · 2014-12-30, 22:00

اهلا بيكم اخواتي اسفة على التأخير اليوم قررت اني نحطلكم وصفة الارز المفلفل المصري الذي يتكون من دجاج محمر وارز مغلي نحطوه في لصوص نتاع الدجاج المحمر ونحطو معاه جيلبانة مفورة مع جزر مقطع مكعبات و مقلين في الزبدة بصح انا حرفت فيه شوي وزدت فيه بعض المكونات زاد من بنة الطبق وجميع لي ذاقوه عندي طلبو الوصفة قلت منبخلكمش نتم ثاني ونحطلكم طريقة تحضير نتاعو بالخطوات بصح لللاسف كاين صور صورتهم لقيتهم تحذفولي نتمنى برك انو باقي الصور يوضحولكم الطريقة مليح منطولش عليكم ونخليكم مع المقادير المحرفة نتاعي وطريقة التحضير

المقادير :

1- نغلي الارز انا نخدم بالارز المفور نغليه عادي مع شوي ملح وزيت كي يطيب نصفيه ونزيدلو شوي زبدة ونحطو بجهة
2- نطيب لصوص بيضاء نحط فيها طراف دجاج حسب افراد العائلة مع راس بصل وشوي زيت وشوي ملح وتوابل لي هيا نصف مغرف صغيرة فلفل اسود ومغرف صغيرة زعفران اوعرق اصفر ومغرف صغيرة راس الحانوت نقليهم على النار ونمرق ونخلي الدجاج يطيب حتان تولي لصوص خاثرة
3- نقطع البطاطا مكعبات نملحها شوي نقليها في زيت ونحطها ايضا بجهة
4- نقطع الجزر مكعبات ونحطهم يفورو مع جيلبانة في كسكاس وثاني نملحهم شوي ومبعد كي يطيبو نقليهم في شوي زبدة
5- درسة الثوم هي الاساس وتعطي بنة رائعة لطبق راس ثوم مرحي مع نصف حبة طماطم الحب مسكرفجة نصف ملعقة كبيرة طماطم الباط وملح شوي وتوابل لي هيا كمون لازم يكون + فلفل اسود + فلفل احمر حار او حلو حسب الرغبة + راس الحانوت + زعفران او عرق اصفر كامل مغرف صغيرة
6- كي يطيب الدجاج ناخذ طراف الدجاج ندهنهم بدرسة الثوم وباقي الدرسة نحطها بجهة
7- زيتون اخضر مغلي و مقطع دوائر
8- فرماج حب مقطع مكعبات الكمية لي حبيتيها كلما تكثري يجي بنين
9- دبشة مقطعة رقيق او معدنوس من الاحسن دبشة
10- التزين حبات بيض مشرشم مسكرفج وفرماج رابي

هنا كتبتلكم كل حاجة وحدها باش تفهموني مليح نوليو لتحضير نحط الارز في اي حاجة تكون عريضة وكبيرة نحط الارز ونزيد البطاطا المقلية ونزيد الجلبانة مع زرودية لي قليناهم في زبدة ونزيدو الزيتون و الفرماج ودبشة ولصوص وباقي الدرسة نتاع الثوم ونخلط مليح ونحط كلش في صينية فرن ومن فوق طراف زبدة وداجاج المدهون بالدرسة وندخلهم للفرن يطيبو كي يحمار الدجاج والارز ينشف من لصوص نتاع مرق الدجاج ونقدمو ه في طبق التزين نسكرفج البيض ونزيد من فوق فرماج رابي ودجاج محمر من فوق
ملاحظة : بالنسبة للملح نتوما لي تتحكمو فيه باش ميجيش مالح بالنسبة لدجاج تقدر تدهنوه بالدرسة نتاع الثوم وتقليوه في الزيت وتفتو الدجاج وتخلطوه مع الروز لداخل ثاني تقدرو طيبو الجلبانة مع الزرودية مقطعة مكعبات في لصوص مباشرة جربتها من قبل والنتيجة روووووعة

هنا الدجاج ودرسة الثوم

هنا شدي كل طرف دجاج وحدو وادهنية مليح بالدرسة نتاع الثوم

هنا الصورة النهائية نتاع الطبق

هنا كنت درتو من قبل وصورتو

djihanegirl · 2014-12-30, 22:21

يعطيك الف عافية ما شاء الله طبق اشهي

روضة 88 · 2014-12-30, 22:24

يعطيك الصحة .

اولادي حياتي · 2014-12-30, 22:24

امممممممممممممممم يعطيك الصحة اختي يشهي .

sara-s · 2014-12-30, 22:32

باين بنين يعطيك الصحة

zahra30 · 2014-12-30, 22:35

الله يبارك يالفحلة يشهييييييييييييييييي وربي يسلم هذوك اليدين وبارك الله فيك على المجهوووود

ام طيري الجنة · 2014-12-30, 22:41

يعطيك الصحة على الوصفة اللذيذة وعل المجهود الكبير لنقل الفائدة في ميزان حسناتك اختي

أم ملك · 2014-12-30, 23:20

يعطيك الصحة باين بنين

ام ساجد · 2014-12-30, 23:26

يعطيك الصحة اختي ام سيراج اكيد من ايدك الذ بصحتكم

omaymen · 2014-12-30, 23:34

mashallah tabak ychahi yeslamou idiik okhti

*وردة الشرق* · 2014-12-30, 23:46

الله يبارك اختي انا من عشاق الارز بهده الكريقة الله يسلم ايديك وشكل يشهي حتى من حنا في الليل راني غير نلحس في صباعي

444444444444444

azlmimi · 2014-12-31, 01:17

السلآلآم علييـــــــــــــــــــــــــــــكم ..
..
شششششششكرآ على الجهد المبذوـــــــــــــــــــــــــــــل ..جزاكم الله خيرآآ

شوق الليالي · 2014-12-31, 08:56

444444444444444444444444444444

جزائرية 16 · 2014-12-31, 08:58

تسلم ايديك

tokio hotel · 2014-12-31, 10:52

يعطيك الصحة ام سيراج روعة شهيتينى فيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري