لمن سيقدم الكفالة العائلية الحظوظ ضعيفة جدا جدا

[rah0000]

سلام عليكم
أخوتي لبلاد هاذي خلاص تأكدت بلي راهي ضد الشباب المسكين
بعد معانات طولية حوالي خمسة سنين وانا نجري باه نفري مشكل هاذه المسماة بالخدمة العسكرية ومؤخرا ذهبت للمحكمة وبعد تحقيق الدرك أخذت برائة مع العلم اني وحيد اخوتي البنات و الوالد مريض .. اليوم لما ذهب كي اضع الملف الكفالة في المركز قلولي الملف مرفوظ يجب ان يكون والدك متوفي او معوق كي تستفيد ... والله راسي حبس ..... خلاص نشوف كاشي ما نمد رشوة وخلاص هاذي لبلاد لازم تخرج فيها طريق باه تعيش ...

[belly52]

و عليكم اللسلام و رحمة الله و بركاته

اولا اتكل على المولى جل جلاله

ثانيا اضف ملف طبي قوي للوالد ان كان غير متقاعد و لك كي تزيد من قوة الملف

و على حسب علمي لك حظ قوى كونك و حيد الذكور

بالتوفيق

[rah0000]

المشاركة الأصلية كتبت بواسطة belly52

و عليكم اللسلام و رحمة الله و بركاته

اولا اتكل على المولى جل جلاله

ثانيا اضف ملف طبي قوي للوالد ان كان غير متقاعد و لك كي تزيد من قوة الملف

و على حسب علمي لك حظ قوى كونك و حيد الذكور

بالتوفيق

شكرا على ردك أخي لكن عند ذهابي عندهم كي أسأل قالي احدهم خرج قانون جديد لازم يكون الوالد يا اما متوفي او معوق او هناك طلاق وقالي اذا لم يكن ملفك فيه احد الشروط المذكوورة فلا تتعب نفسك

[por qué]

يديروها بلعاني أخي أنا أيضا العام اللي فات كي قربت تاع مارس ما كانوش يشدو
رحت ليهم في أفريل شدوه عادي
ربي يوفقك مي أخطيك مالرشوة زيد أصبر وسايي بالاك تجي في الصواب ولا روح جوزهم واتهنا ربي مسطرلنا حياتنا و ما تعرفش الخير وين

[LOFY]

خويا اذا محكموش عليك روح دير شهادة معوق للوالد (اسف لهذا الحل و اعتذر جدا لك و ربي يعطيه صحته و يطول في عمرو )عند كاش طبيب راك تعرف حك جيبك الجن يجيلك المهم اذا كان أمكن ديرها و خلاص هكذا يشدو عليك الدوسي بالسيف عليهم ولاد الحرام الله لا تربحهم قافلينها في وجوه الشباب
ربي يوفقك ان شاء الله

[الأميرال]

ربي يوفقك ان شاء الله

[rah0000]

المشاركة الأصلية كتبت بواسطة por qué

يديروها بلعاني أخي أنا أيضا العام اللي فات كي قربت تاع مارس ما كانوش يشدو
رحت ليهم في أفريل شدوه عادي
ربي يوفقك مي أخطيك مالرشوة زيد أصبر وسايي بالاك تجي في الصواب ولا روح جوزهم واتهنا ربي مسطرلنا حياتنا و ما تعرفش الخير وين

شكرا أخي على ردك لكن ما نضنش كاين حل لأني خلاص جربت كلش سنين وانا نجري عليها رغم اني نستهلها ...

المشاركة الأصلية كتبت بواسطة lofy

خويا اذا محكموش عليك روح دير شهادة معوق للوالد (اسف لهذا الحل و اعتذر جدا لك و ربي يعطيه صحته و يطول في عمرو )عند كاش طبيب راك تعرف حك جيبك الجن يجيلك المهم اذا كان أمكن ديرها و خلاص هكذا يشدو عليك الدوسي بالسيف عليهم ولاد الحرام الله لا تربحهم قافلينها في وجوه الشباب
ربي يوفقك ان شاء الله

شكرا أخي ..... رحت اليوم سقسيت في البلدية على بطاقة معوق لقيت فيها دوسي كبير وكنترول ومعرف يعني جميع الابواب مغلقة رغم ان الوالد طريح الفراش عندو مرض القلب وقريب يدير عملية .... كي ورتلهم الدوسي نتاعو قالولي ما نستعرفوش لازم يكون معوق .....

المشاركة الأصلية كتبت بواسطة الأميرال

ربي يوفقك ان شاء الله

ان شاء الله لي ولجميع الشباب المغلوب على أمره

[sinopointic4]

ربي يقدر لي فيه الخير
وعسى ان تكرهوا شيئا وهو خير لكم

[aissa8787]

كرا على ردك أخي لكن عند ذهابي عندهم كي أسأل قالي احدهم خرج قانون جديد لازم يكون الوالد يا اما متوفي او معوق او هناك طلاق وقالي اذا لم يكن ملفك فيه احد الشروط المذكوورة فلا تتعب نفسك

نفس الشيئ حدث معي اخي الكريم والله توكلت على الله وطلبت منهم استدعاء في الدفعة القادمة
والتحقت بالثكنة لتأدية الخدعة والحمد لله خرجت فائض

توكل على الله