|
قسم المقبلات و السلطات و الشوربات وصفات المقبلات و السلطات و الشوربات حصرية من عضواتنا |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
*اختراع أمــي*الي عندها خبز يابس وما لقات واش ديرلو تدخل
|
أدوات الموضوع | انواع عرض الموضوع |
2014-09-04, 16:33 | رقم المشاركة : 1 | ||||
|
*اختراع أمــي*الي عندها خبز يابس وما لقات واش ديرلو تدخل
تورتة الخبز اليابس المالحة والي سميتها اختراع امي لانها هي الي وراتهالي مخدومة بمكونات بسيطة وسهلة وتصلح معى لعشية معى مشوب غازي او طبيعي بالفواكه كما تحبو ووخاصة انها بنينة وحتى الاولاد راح يحبوها وتضربي عصفورين بحجر واحد تتهناي من الخبز اليابس و تفرحي اولادك لانو رانا في الصيف والخبز ولا ييبس ثمثم تشريها الصباح لعشية تلقايها يبس وحنا لقينا الحل باش ما نرموش نعمة ربي تابعو معى المقادير.... المقادير *خبز يابس مرحي *4 بيضات *كاس ونص حليب *فنجال زيت *حبة بصل مفرومة ناعم باش كي طيب ما تبقاش البصل باين *4 سنينات ثوم *الملح شوييية برك لانو الخبز مالح ما تكثريش *شوية سكر مغرف صغيرة *وحدة خميرة الحلوى *فلفل اكحل *دبشة *وكا تحبي تضيفي التوابل على حساب واش عندك انا هذا واش حطيت الطريقة بسيطة خلاااااااااااااااااااااص تخلطي كلش *المكونات*معى بعض مليح والخليط يكون كما خليط التورتة مش ثقيل ياسر ومش جاري وعينك مزانك ادهني البلاط بالزيت ولا الزبدة حنا قلنا تورتة اقتصادية يعني نخدموها بالشي الي عندنا وتصلح لايام التشومير هههههه انا كي ما يكون عندي والو نديرها الخبز كاين والمكونات كاينين وزيد تخرجلنا حاجة بنينة صبي الخليط في البلاط تاعك ما تنسايش تسخني الفور ولا الكوشة من قبل ب 10 دقايق وحطيها طيب مدة من 20 الى 30 دقيقة ما تفتحيش عليها واحد ال ربع ساعة واذا حابة تشوفيها عادي كما موالفين نشوفو الكيك ارشقي موس اذا خرج نضيف يعني طابت و حمريها من فوق واحد ال 10 دقايق وبالصحة والهنا وانا نوعدك بلي ياكلوها قبل ما تبرد ههههه هاذا الشكل وما لحقتش باش نصور الخطوات لانها باينة وزيد كنت جيعانة ما صبرتش باش ناكلها هههههه
|
||||
2014-09-04, 16:53 | رقم المشاركة : 2 | |||
|
بارك الله فيك وفي الوالدة الكريمة |
|||
2014-09-04, 18:46 | رقم المشاركة : 3 | |||
|
الله يبارك فيك ويحض جميع الامهات |
|||
2014-09-04, 19:00 | رقم المشاركة : 4 | |||
|
بارك الله فيك و في أمك و شكريها بالنيابة |
|||
2014-09-04, 19:11 | رقم المشاركة : 5 | |||
|
بارك الله فيك وفي امك راهي لقاتنا حل للخبز البايت |
|||
2014-09-04, 19:11 | رقم المشاركة : 6 | |||
|
ربي يحفظك ويحفظ امك شكرا يعطيك الصحة |
|||
2014-09-04, 19:23 | رقم المشاركة : 7 | |||
|
بارك الله فيك وفي الوالدة الكريمة |
|||
2014-09-04, 19:31 | رقم المشاركة : 8 | |||
|
بارك الله فيك |
|||
2014-09-04, 19:55 | رقم المشاركة : 9 | |||
|
يعطيكم الصحة انتي و الوالدة الكريمة منظرها راهو يشهي ان شاء الله نجربها |
|||
2014-09-04, 22:34 | رقم المشاركة : 10 | |||
|
ربى يحفظ الوالدة |
|||
2014-09-04, 22:36 | رقم المشاركة : 11 | |||
|
راه الخبز اليابس عندى داير حالة |
|||
2014-09-05, 14:04 | رقم المشاركة : 12 | |||
|
شكرا لكي اختي وبارك الله فيك وشكرا للوالدة الكريمة ربي يحفظها وصفة هايلة يعطيك الصحة |
|||
2014-09-05, 15:50 | رقم المشاركة : 13 | |||
|
يعطيك الصحة يبان يشهي هل ممكن تقولينا في 4 بيضات ماهي كمية الخبز اليابس؟؟ |
|||
2014-09-05, 17:20 | رقم المشاركة : 14 | |||
|
بارك الله فيك اختي الكريمة ........ طريقة مليحة للمحافظة على الخبز اليابس و ما يترماش........ سلامي للوالدة الكريمة........
|
|||
2014-09-05, 20:39 | رقم المشاركة : 15 | |||
|
يعطيك الصحة اختي و ربي يحفظلك الماما و يديمها فوق راسك يا رب |
|||
الكلمات الدلالية (Tags) |
*اختراع, أمــي*الي, مقاة, بحجم, حابس, يحرمن, عندها |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc