قاطو بجوز الهند

[asma kazi]

السلاآآآم عليكم جبتلكم اليوم قاطو خفيف ولذيذ بزاف وخاصة أني من محبي جوز الهند والشوكولا إن شاء الله تجربوها وتعطوني رأيكم نبداو على بركة الله:
المقادير :d
300 غ زبدة
150 غ سكر عادي
2 بيض
2 كوب جوز الهند
2 كوب نشاء
فرينة
للحشو : حلوة الترك

الكيفية :
اولا في وعاء اخلطي مليح الزبدة و السكر حتى يذوب السكر وتبقى مثل الكريمة
اضيفي البيض واخلطي ثم النشاء وجوز الهند واخيرا الفرينة حتى تتحصلي على عجينة طرية ومتماسكة تسمحلك بتشكيل كويرات
شكلي كورة صغير ثم اعملي ثقب بالاصبع في وسط وضعي قطعة صغيرة من حلوة الترك واعيدي غلق الكورة
ضعي الكويرات في بلاطو ودخليه الفرن على درجة حرارة 180 درجة
بعد النضج خليها تبرد ثم ذوبي الشكلاطة (بيضاء او سوداء)في حمام مائي وغطسي الكويرات داخلها وضعيها تجف
ثم اعملي خطوط بالشكلاطة (لون معاكس) للتزيين وشهيتكم طيبة