كيفية التعامل مع مدير ظالم

[aroua]

السلام عليكم ورحمة الله تعالى وبركاته
اذا ظلمك المسؤول او المديرظلما يشهد له جميع الزملاء وتمادى في ظلمك مرات عديدة
كيف يمكن التعامل معه علما انه لايعطيك فرصة الاستماع والدفاع عن نفسك وان اردت الدفاع قانونيا يهددك ...... اضافة الى الكلمات التي تستفزك و يكرهلك حياتك يعني يشغل بيك على ابسط الآمور
مثلا يعطيك عقوبة دون استجواب واثناء غيابك القانوني
واذا درنا الطعن مايقبلوش ويقول مادزيدوش ادخلولي حتى حاجة اخرى
واذا هدرنا مع النقابة يا ويل ياويل علما ان نقابتنا جديدة ماتقدر دير والو وقللهم قولولها تكتب للوالي ولا لمن حبت
واذا هدرنا معاه يجاوبك بعصبية ويستفزك ويصرى قباض كبير
انا من النوع لي مانقدرش انعيط كيما اديرولوا لخرين نلجأ ديما الى البكاء وهدا ما أدي بي الى الاحساس بالحقرة و التهميش
ام لازم انولي حتى انا من النوع الآخر ونعيط عليه كيما يعيط عليا ام الزم الصمت والصبر حتى افرج ربي
وهل اللجوء الى عداوته حل مثمر ؟ حتى السلام مانقولوهش
الحق كرهلنا حياتنا خاصة المهندسين
ما لقناش الحل
انجو نخدموا تقول رايحين للجحيم
ان امكن الاخوة و الأخوات لي عندهم خبرة في الادارة ينصحونا
ادعو معانا افرج ربي علينا يا يدينا احنا يا يديه هو ويصيبوا ربي على قد ظلمو لينا باه انحسوا بلي ربي انصرنا وبلي هو ظالم مستبد

[iban miloud]

أختي الكريمة هؤلاء المسؤولين مستبدين عليك أولا القيام بعملك بأحسن وجه وغحترام التوقيت ومعملته بالمثل ولاتتكلمين معه إلا في مجال العمل حق هذوا يخافوا من الي يردولهم الهدرة

[aroua]

شكرا اخي على الرد
لكن صدقني انا من النوع الجدي والمتقن في العمل فمنذ صغري وانا الأولى لتفاجأني الأيام بما لا يحمد عقباه وأهمش واتعذب كثيرا لذلك الحق اتغيضني روحي خاصة اني مانيش من النوع المستهتر والغير مهتمة بالعكس ......
احيانا اقول نولي حتنا مستهترة وغير مبالية ولا جدية باه شئ لي صرا نستاهلوا وماتغضنيش روحي لكن الحق ضميري ما يخلينيش

[knives55]

ربي يصبرك هذ هة العمل

[aroua]

امييين يارب
اللهم زدني صبرا

[moha75]

سبب تفرعنه وجبروته هو ضعفكم وتشتتكم وانكساركم ، فلو كنتم جميعا يدا واحدة وكلمة واحدة لوقفتم في وجهه وقلتم له اتق الله واحسن معاملتنا فلسنا عبيدك يا جاهل، وهنا فقط يعرف قدره ،

أما وإنكم خائفون ومترددون في الوقوف ندا له، فسيتجبر ويطغى وهذه هي حال بعض مسؤولينا للاسف.

كونوا يدا واحدة واصطفوا من أجل كرامتكم واسترجاع حقوقكم ولكم حق الكتابة والشكوى لمن هو أعلى منه منصبا.

[aroua]

شكرا اخي على الرد الجميل
صدقني اتفقنا وكتبنا به حتى للوزارة مرة مجهولة ومرة باسم الادارة لكن لا حياة لمن تنادي
تكلمنا معه في 8 مارس 2012 كلنا نحن النساء تاب شوية ومن بعد رجع لفعايلوا
والله انا ساعة دار فيا حالة باللاغم من الاجتهاد انتاعي الكامل
والله مارحمني حتى نهار ماتت اختي كيما رجعت عطاني 2 عقوبات بلا استجواب كتابي

[aroua]

بحاجة ماسة الى ردودكم احبتي

[عُمرُ]

السلام عليكم..
لم تحددي طاابع العمل الذي تمارسينه..
المهم..
نحن فيمجتمعنا المتخلف نتعامل مع ما يحدث بالعاطفة الزائدة..
المفروض أنه العامل يكون على دراية بواجباته..فيقوم بها ولاأقول على أكمل وجه لأنه لايستطيع أحد فعل ذلك...ثم يطلع على القوانين التي تحدد العلاقة بين العامل ورئيسه ..بعدها يتفاعل مع كل حدث بما يليق به...
ببساطة يستطيع العامل ان يقول لمسؤوله في حالة التجاوز الخطير..
Stop
ومباعد خلي توصل وين توصل حتى للغرفة الإدارية بالمحكمة..
لاأفهم تقولين أنكم كلكم متفقون على ظلمه ..فلم الصمت...هناك شيء إسمه الإحتجاج والتوقف عن العمل.
من رأيي ان تطالبوا المدير بعقد لقاء ثم تطرحوا المشكلة على الطاولة محذرين إياه أنكم ستذهبون الى الأبعد إذا لم يغير من أسلوبه في التعامل..ثم عليكم الإتصال بجهة قانونية أقله محام ..فيطلعكم ما عليكم فعله.. ..

[abdelhamid24]

في منصبي الجديد كاين مدير كيما لي عندك.تلاقيت بيه من قبل في اجتماع وفي ادارات مختلفة و السلام ومايقولهاش.
كي توظفت في الادارة اللي هو فيها نظم انتخاب الفرع النقابي بدون اعلان و بالتفاهم مع الفرع القديم.رحتلو البيرو وناقشته بكل هدوء ودم بارد مني و بالقانون و الحجج و هو ما لقا غير الصراخ و انو كل اللي دارو صحيح و هو في الحقيقة جابها بالعرف وخرجت من عنده حتى اليوم و ما ندخلش لبيروه لاني عارف بلي الحرايمي عمره ما يعطيك حق و ما تدي منه غير الحرام و هذا العام راه رايح لولاية وخدوخرة الله يعينهم
الوقت كفيل بمعالجة المشكل خصوصا ماشي غير انتي المضرورة برك حتى الزملاء
ما ننصحكش بالعدالة لانها غير موجودة في الجزائر

[aroua]

المشاركة الأصلية كتبت بواسطة عُمرُ

السلام عليكم..
لم تحددي طاابع العمل الذي تمارسينه..
المهم..
نحن فيمجتمعنا المتخلف نتعامل مع ما يحدث بالعاطفة الزائدة..
المفروض أنه العامل يكون على دراية بواجباته..فيقوم بها ولاأقول على أكمل وجه لأنه لايستطيع أحد فعل ذلك...ثم يطلع على القوانين التي تحدد العلاقة بين العامل ورئيسه ..بعدها يتفاعل مع كل حدث بما يليق به...
ببساطة يستطيع العامل ان يقول لمسؤوله في حالة التجاوز الخطير..
Stop
ومباعد خلي توصل وين توصل حتى للغرفة الإدارية بالمحكمة..
لاأفهم تقولين أنكم كلكم متفقون على ظلمه ..فلم الصمت...هناك شيء إسمه الإحتجاج والتوقف عن العمل.
من رأيي ان تطالبوا المدير بعقد لقاء ثم تطرحوا المشكلة على الطاولة محذرين إياه أنكم ستذهبون الى الأبعد إذا لم يغير من أسلوبه في التعامل..ثم عليكم الإتصال بجهة قانونية أقله محام ..فيطلعكم ما عليكم فعله.. ..

شكرا على ردك
اعمل في ادارة محترمة معظمهم بنات
اخي في الله نعرف القانون لكن هد المدير مايخليلكش المجال باه تهدر معاه لا كتابيا و لا شفاهيا يبدى اعيط ويحب لي اعيط معاه وصدقني انا مانيش من النوع لي يقدر اعيط ويتقابض مع المدير انحب نهدر معاه بالعقل وهو يرفض ذلك مؤخرا دارلي انذار بلا مايسبق استجواب كتابي كيما في القانون بلا عقةبات الاهانة ....
سلاحي الوحيد البكاء وحسبيا الله ونعم الوكيل اللهم اكفنيه بما شئت

[aroua]

المشاركة الأصلية كتبت بواسطة abdelhamid24

في منصبي الجديد كاين مدير كيما لي عندك.تلاقيت بيه من قبل في اجتماع وفي ادارات مختلفة و السلام ومايقولهاش.
كي توظفت في الادارة اللي هو فيها نظم انتخاب الفرع النقابي بدون اعلان و بالتفاهم مع الفرع القديم.رحتلو البيرو وناقشته بكل هدوء ودم بارد مني و بالقانون و الحجج و هو ما لقا غير الصراخ و انو كل اللي دارو صحيح و هو في الحقيقة جابها بالعرف وخرجت من عنده حتى اليوم و ما ندخلش لبيروه لاني عارف بلي الحرايمي عمره ما يعطيك حق و ما تدي منه غير الحرام و هذا العام راه رايح لولاية وخدوخرة الله يعينهم
الوقت كفيل بمعالجة المشكل خصوصا ماشي غير انتي المضرورة برك حتى الزملاء
ما ننصحكش بالعدالة لانها غير موجودة في الجزائر

جزاك الله خيرا على الرد الجميل
ان شاء الله لعقوبة للمدير ديالنا
انا خصوصا كرهني في الخدمة والحمدلله انو دورك راني من جماعة المغضوبي عليهم
مايمدلي خدمة ما نخدم معاه
نهار كامل وانا مع ميكرو بورطابلي والأنترنات
صح ماشي في صالحي مي واش راح اندير فوق طاقتي
وكيلوا ربي سبحانوا

[moha75]

لا عليك حاولي ان تتحاشيه قدر المستطاع طالما حاولتم مرارا وتكرار ردعه، المهم لا تيأسوا وحاولوا اغتنام أول فرصة تتاح لكم في سبيل التخلص من عدوانيته.
ان شاء الله ربي يهديه ،

[aroua]

المشاركة الأصلية كتبت بواسطة moha75

لا عليك حاولي ان تتحاشيه قدر المستطاع طالما حاولتم مرارا وتكرار ردعه، المهم لا تيأسوا وحاولوا اغتنام أول فرصة تتاح لكم في سبيل التخلص من عدوانيته.
ان شاء الله ربي يهديه ،

أميييين يارب العالمييين يهديه ولا يديه

[عُمرُ]

المشاركة الأصلية كتبت بواسطة aroua

شكرا على ردك
اعمل في ادارة محترمة معظمهم بنات
اخي في الله نعرف القانون لكن هد المدير مايخليلكش المجال باه تهدر معاه لا كتابيا و لا شفاهيا يبدى اعيط ويحب لي اعيط معاه وصدقني انا مانيش من النوع لي يقدر اعيط ويتقابض مع المدير انحب نهدر معاه بالعقل وهو يرفض ذلك مؤخرا دارلي انذار بلا مايسبق استجواب كتابي كيما في القانون بلا عقةبات الاهانة ....
سلاحي الوحيد البكاء وحسبيا الله ونعم الوكيل اللهم اكفنيه بما شئت

السلام عليكم..
شوفي يا أخت أنتم تتعاملون بسلبية مع المشكلة ..بصراحة أقولها لو لم يجد هذا المدير أمثالكم لما وصل الأمر به الى الحد أن يجعل لك من السلاح بكاء..كنت نحسب أن زمن العبودية راح اسمحيلي والله مالقيت ما نقلك كلام أقل حدة من الذي قلته...ما عليش أنت لم تستطيعي أن تفرضي عليه احتارمك ..أقدر الأمر فأنت امرأة وهناك من الرجال أنذال يعني خلقوا ربي حقار نسا...أقول لك سرا ؟؟؟
أنا على يقين أن مثل هذا المدير زوجته تجره من أذنه الى المطبخ ليأخذ دوره في غسل الأواني فأنا خبرت مثل هذا الصنف.
أوكي .
قلت لك إجعليه يحترمك وذلك بإدخال طرف ثالث أبوك مثلا أخوك زوجك إن كنت متزوجة فإن هذا النوع يعرف قدرو لما يلقى راجل امامو وينظر في عينيه نظره حادة رادعة بالتوفيق ..والله معك...