وما تنسوشي السوفية

[ريحانة]

وش حالكم ما تنسوناشي نحن السوافة لهجتنا سمحة واجدة ممكن نعلمهالكم، راهي مشي واعرة.

[lalla]

راني عارفة بلي راهي سمحة ياسر كون جيت منيش عارفة مندخلش اصلا هني
يعطيك الصحة خويتي ريحانه

ربي يعينك ان شاء الله
وما تنساش دار السقيفة حتى هي لازمها تترمل بالتراب كي عوايد ناس بكري

هههههههههههه الحولي نتاع زمان امبوسيبل كان نلبسه نو نو نو واش بيك رانا عدنا في زمن اللبسة نتاع لاتيتي هههههههههههه

قندورة ماهي قدوارة هاديك تلباسها انتا وتروح بيها للصلا تاع الجمعة وبالنسبة للباقي راهي مقبولة منك

مرحبا بالسوفي الجديد
في المنتدى

لابيس ربي يخليك والناس الكل

جبيلنا معاك قرعة تاع لاكريش كبيرة شوي ولا نقولك خليها زوز خير وخير ومعاها باكي نتاع قلب اللوز حتى نحلو التقصيرة احنايا والجماعة السوفية
مسعود موصلولكش القوادة راني متحلفة فيك واجد
قلي ليش خطراكش لك ياسر مبنتش في الميعاد وقلنا هدا زلي فينا وحقرنا

معليش الغش راح تو

عالقحط نتاعك مقديتش تجيبلنا حتى قريعة كريش معاك باش نقصرو بيها ولا زنين راك عارف الكاس ب5 ميه فرنك

سح عيدكم الجميع اسفة لاكن الميكرو وحبس

السلام عن الناس الكل والله قدعة سمحة من ناس سمحين واجد سيرتو ريحانة

وش جابك وجابنا رشيد جاي يتهدد علينا يا جماعة خاطي معليش رانا مسامحين بصح بشرط يتكلمنا سوفي

وانت متغشش ليش وتفش فينا غشك ربي يهديك ويسامحك

هههههههههههه وش تتكلم انت تو

وش قلتي ماقهمتكش ريحانه

الله غالب راني لاهية في القسم الرياضي كاش ما ينوبله ربي ويتطور شوي

وش حالكم ريحانة ركي بخير ول

يسقسي عنك الخير ان شاء لاباس مع الخدمة
ربي يوفقك ويوفقنا حنايا في لقراية
ما قلتليش ماشيكي عتزورينا في الجامعة ولا بطلتي راني نستنا كاش ما ينوب ربي ونشوفوك

ماتخافيش عنه راهو اكيد لاهي في الدراسة نتاعه كيما فهمت من ردودو ربي ينجحه وينجحنا الكل

ولالة برايها من السلام ولا واش هدا عليش ديمة متغششة عنك كان من هكا

المشاركة الأصلية كتبت بواسطة سارة كير

يا لالة نتمنىنشوفك بصح كيفاش رايحة نلقاك بين ميئات الطلبة لازمنا نتفاهمو كيفاش....
شوفي أنا نعطيك موعد نهار الاربعاء الجاي أي 16 / 01 /2008 على الساعة 12 نجيك للمعهد انتاع حي المجاهدين بصح أعطيني مكان مميز نستناك فيه باش نعرفوا بعضانا .... خلاص تفاهمنا..؟؟ راني نستنى الرد انتاعك هنا وما يكون غير الخير انشاله... راني نستنى في الرد

انا راح نستناك في المركز الجامعي بالشهداء اضنك تقولين عنه حي المجاهدين
ادخلي للجامعة راح نستناك بجنب قاعة مكتوب قوف الباب معهد العلوم الاقتصادية سقسي عليها وقوليلهم وين نلقى قاعة الامانة نتاع العلوم الاقتصادية راح نستناك ثم بجنب الباب
لاكن قوليلي واش راح تلبسي حتى نعرفك وناديك بلا تردد

الشغايب راهي تاكل فيكم من راسكم لكرعيكم
استنى سارة اماله تقلك نجح ولا لالا

ههههههههههههه كيما تحبي واش تكحمي راني معاك
خسارة ريحانه ما جيتيش هادا الكل تعرفي لبلاصة

صحيتو يا امالي الميعاد وشو تقولو من ورايا
نايا يا مسعود لاني واعرة ولا شيئ حتى سقسي عليا سارة صارت تعرفني في الواقع بدل النت

مادابينا شوفة اخرى ليك يا اختي سارة
الواحد يتمنى يصبح عليك كل يوم مو تزوريه يوم برك
على لقل نشوفو ريحانه كيفاش دايرة
نتالي مسعود راهو باين صورته في ملفه الشخصي

بارك الله فيكم يا اخوتي
ربي يحفضكم الكل

ربي يفرج عليك وعلينا

صحيتو يا جماعة واشكم لاباس

نديروها بالبصل الحريف احسن

صحيتو يا جماعة الخير
خويا زهير كليت المطابيق راهي التقصيرة بالشخشوخة ههههههههههههههه اقصد السحور

حتشي تولي وتجيب وحدة فحلة تعرف على واش يحوس راجلها وتفهمك عالطاير

تو حناية من المطابيق ماخرجناش بدلونا كاش حاجة اخرى تفتح الشاهية حتى كانا العبد ما هوش مخصوص ماكلة ههههههه

صحيت الاخ وش حالكم
راك جديد هنايا مرحبا بيك وش حاب نتحدثولك راهو اسمك باشير فارم يعني صيدلي ولا واش

[messaoud retima]

صحح ابدانك وطير شيطانك وخيتي الحنانة حديثنا سمح ياسر ياسر ما يقد عنه حتى واحد في الدنيا اكلها اوزيد حتى حنايا انزطلوا احضر يا زين وكدس علينا
كي نبدوا الحديث بالسمروط والسرسوط واحنايا قاعدين في الهود الضهراوي والافي الزريبة انتاع خالتي محضية
الله ينوب عليك وعليا تو هاني رايح نرفع زنيبيلات تراب عن لشهب الضهراوي.

الله يعينا ويعينك يا الحاذقة ولمزورة دار السقيفة رملتها ولمسين والله ما عادها عفيني وخلي عليا منها اهي مفرشة اكلها بالبخانيق لمخططة

وينك يا لالة وين غبتي اظهري ونشريلك حولي وملحفه ونذبحلك طلاق احو

امالا نشريلك قدوارة وبنوار مسجر وسورية سيتان ومرحمةقش غابة

فتح الدين اسقرني مليح ياسر عدكم انتم السيتان والفيبران والفينة والميلاس والزرزي كان ماعدكمشي قلي
خلي اندزلك منهن مشوار

بارك الله فيك ريحانة الحنانة الحولي بالسفايف والا الملحفة البيضاء هي اللي عادت لا مودة تو موشي هاك اللبس لمنتفه اللي يضلي فيها الواحد بحال شيطان حلوة الله معافينا داير في روحه خيماضة وفرتاكه ربي يستر
نايا نلبس كان القداوير انتاع الصوف اللي مسدرة باليدين
يا نوم العين هيا فيلا مان تو الربح وسعود ليام

ريحانة اوصاية وسع كان قصيتي الكتان قصيه فيبران على خاطر ما يشرب ما يحلب وافوق هذا اكل كتانه لاين ورهيف وحتى كان حبيتي مرة اخرى تغسليه دويله يتغسل
ام كانه نوع اخر كي الفلزيان والا السيتان والا الزرزي والاالميلاس حتى في غسلانهم لازملهم الدباغ كي العكه والا المزود والا النافول

اهلا هشومه ومرحبا بيك حتى كان انت رحبت كان بريحانة بركه
ونسيت الجماعة اكلها لكن حنايا اذا رحبت بواحد رحبت بينا الكل اللي رحب بخوك رحب بيك
هيا على خير

اهلا هشومه مانيش مقلق خاطي حبيتك ترد السلام عن الناس الكل بركه باش ما يكونش تمييز
بصح قلي على وشي تضبب كي تسمع ها لسم والا ريحانة اسم والدتك الله يخلي هيللك سلمنا عليها يا هشومه
ربي يعاونكم في لامان

اهلا هشومة هاني عرفت عن واش اتضبب كي تسمع اسم ريحانة على خاطر الريحانة اللي اتضبب على جالها سجرة انتاع ريحان في حوشكم القبلاوي هكاكه والا لا فيلامان تو

عمتي لالة عن وشي متحلفه فيا راني حويذق وعويقل ياسر وما نستاهلشي يتحلفوا فيا وحتى كان يقولوا كان تحلفت فيك مرا بات قاعد نايا تو رايح باش نرقد على خير بصح لازم تقوليلي عن وشي متحلفه فيا

واش بيه ميكروك ريحانه قوليينا ربما انقدوا انعاونوك
ربي يثبت لجر على خير

ما كان حتى واحد قال حقرة يا عمي ياسين اهلا وسهلا بيك في قعدات الغوط السوفية

اهلا بيك قمار في ها الميعاد السمح اللي ايزطل وللي زاداته لهجتنا زين عن زين وخلي عاد جماعة الميعاد وهم قاعدين في الصباط القبلاوي ما يلحق عنهم حتى واحد احضر يا زين وكدس عليهم هيا على خير تو هاني رايح كاش ما توصوا

اللي يحقر ها الجماعة السمحة ما زال ما تولدشي
حقة قوليلي واش حالك وعن وشي متحلفة فيا والا نسيتي راني حويذق وعويقل ياسر ما نستاهلشي يتلحفوا فيا ونايا نحساب حتى كي يتحلف فيا كاش واحد انقولك انت وانت تقومي بالواجب معاه تضربيه بديفونيات ملاح تقسميله نخاه لكن راني بحال باش نبدل الفكرة اللي عندي لكن ما عليهش يا لالة

لكن ما قلتيليش عن وشو الغش اللي كان عني نايا لحويذق اللي كاين مني غير كعبة وحدة في ها الدنيا الكل

الزنين انتاع كابو والا انتاع تباع الشمس

اسيكم بالخير يا الله اوقفوا دقيقة سكات نترحموا فيها عن اللي ماتوا الله يرحمهم وايصبر اهلاتهم
ربي يهدينا وايوقضنا بعيوبنا

اسيكم بالخير يا وجوه الخير وهيو على خير

دار الدنياء صعبت ياسر يا ريحانة يا الحنانة جيت باش انريح معاكم تفكرت الهمايم بلا علفة اديتلهم شوي عوله وهاني جيت انتي وينك تو

ربي ايقد ايامنا وايامك خاطي شاة الضحية رانا شرينا كبش حولي اقرن احم هسك ياسر باش انضحوا بيه
ياخي على بالك بلي الضحية بالضان خير من الماعز
وعيدك مبروك وعيك كل جماعة المنتدى وخاصة جماعة الحلقة الباهية الربح واسعود ليام

مرحبا بيك بنت نحناح في ها المجموعة البية ريحي نطيبولك
كويس تاي وكويكيوات حتى كانك معجولة راني عارف دار الدنيا ما هنت حتى واحد الربح واسعود ليام

اسيكم بالخير وانت يا بنت نحناح اسقريني مليح لازم تكتبي بالسوفية على خاطر راهي ساهله ياسركيما تتحدثي بيها اكتبيها هذا هو بركه
كيما نقولو يا سيدنالك هب الريح طرمسنه البراشن بعد ما حطيتهلهن في المذود على خاطر راهن ساقفات ياسر
ما قابلنكشي هاك ريحانة ولالة راهن عادلهن مدة ما باننشي ربي يقدر الخير كان صادفنك قوليلهن راهو مسعود متقلق عنكن ياسر على خير تو

كان نايا يا الفحلة راني نفوتك

اهلا بيك يا حمامة يا بيضاء وبكل الجزائريين بغض النظر عن الجهات والانتماءات لاننا في الاول والاخير كلنا اخوه
مرحبا بيك في قعدتنا قهوة والا تاي سوفي عماه الكوكاو وترييحا في السميدة الباهية على خير تو

لاباس ريحانة ها الغيبة ما شفتيش عمتي لالة راهي اتقت طول ما عادتشي باينه خلاص انشاء الله خير
يا يا يا يا لالا لا لا لة اااااااااااااااااااااااااووووووووووو
وينك هييييييييي لا نتقشش عنك

هنيتيني الله يهنيك قولي الى لالة تقول لميكروها ذهب سوك ربي يهز الضر

اهلا هشومه هذه غيبة ياخي لاباس والا من قلة الصيبة
يا ودي دار الدنيا ما عليها هاني اهي اكلها فراع ومصارعة الله يغلبنا عليها هيا على خير تو

مقدود معناها الصالح الفاهم والشاطر هذا معناها عندنا
واش معناها عندكم يا ست الجلفاوية الربح واسعود ليام على خير تو كان حبيتي قدام ما انروح انجيبلك دبوزة اكريش صاقعة اجغمي منها حتى جغمة وصح ليك قدام ما تشربي

وييييييييييييينننننننننننننننكم يا يا يا جماعة الخييييييير

مرحبا بيك السوفية زارتنا براكة نطيبولك تويا والا قهيوة

اسيكم بالخير الكل واش احوالك انشاء الله بخير وعلى خير
اسقسي عليكم الخير راني لاباس خاطي مصالح دار الدنيا
ما خلتنيش ندخل للمنتدى وراني توحشتكم ياسر ياسر اكثر من وحشكم ليا سلامي للجماعة الكل خاصة ريحانة الحنانة وبدة على خاطر كانوا يسهلوا عليا يسهل عليهم الخير وانشاء الله يكونوا ديما بخير يا رب هيا على خير
تو هاني مروح

اسيكم بالخير واش احوالكم يا امالي الدار يعفو بيكم وينجيكم ويسهل عليكم الخير انخشوا والا عماكم الزايد
انظن عماكم الغاشي كي ما تكلم حتى واحد منكم وقال لي خش هيا على خير وسلموا لي على الجماعة الكل
وانتم يا سارة ولالة ادعوا لها القاعدين الكل في ها التميعيدة بالخير وقولوا ربي يبلغ كل واحد منيته
هيا على خير

الحاجة ريحانة واش حالك اربي بيضي قلبك عليا وما تتغششيش عني راني حويذق ياسر وعويقل واجد خاطي مصالح دار الدنيا لهتني عن الدخلان لها المنتدى بصح راكم الكل ديما حاضرين في قلبي وما كان حتى لحظة نسيتكم حتى كان كاين ساعات اومرة واحد يغششني كيما الحاجة لالة ربي يصلح حالها لكن ثم ثم نلقى روحي
بطلت من الغش ونسيته خلاص . خاطي قوليلي انت تو على واش متغششة عني واش درت وتاكدي راني بلي حويذق وسميح وعويقل وفاهم وشاطر وقافز وما يتضاقش عني بت بت بت بت ........................فيلامان ليكم الكل وفيلامان اخرى زايدة الى يرحانة الحنانة خاصة

السلام عليكم واسيكم بالخير يا امالي الدار
اهلا بيكم الكل واش بيكن يا سارة ولالة راكن جيات على راس ريحانة ومتعاونات عليها ما تغلطنشي راهي موشي وحدها كاين من معاها وهي سقست عليكن مجرد سؤال
حابة تعرف حال وخياتها موشي شغايب كيما راكن تقولن
وكي عاد هذا تفسيركن للسؤال نايا سحبته في بلاصتها
ومن اليوم ما عادتشي تسهل عنكن والا موشي هكايا يا ريحانة الحنانة فيلامان تو

السلام يا الحاجة سارة الشاعر قال:
وما نيل المطالب بالتمني****
اذا كان صح راكي متوحشتها بلحق بلحق روحيلها حتى هي وتلاقي معاها وقوليلها راهو مسلم عليك مسعود المقدود
وسلامي لكل من عمانا في ها القعدة وخاصة لالة راني عارفها واعرة ياسر ولو كان مانقولش خاصة لالة تضيق عليا ونايا راني عويقل ياسر وحويذق ربي يبارك عليا
هيا على خير تو

السلام عليكم واش حالكم يا جماعة الخير راني توحشتكم ياسر ياسر خاطي ها الغيبة من قلة الصيبة
سلمولي على الجماعة الكل على خير تو

[فتح الدين]

البخنوق والحولي والحفاية كل كيف هدرتنا يا لالة

[right click]

بوركت
يمنع وضع روبط مواقع أخرى

[zoheir39102]

يا وشحالكن

يزونا من الحديث طيبونا مفور ياله راهو غدا علينا الوقت .

ربي يرحم الى ماتو ان شاء الله وربي يهدي وتحيا الجزائر المجد و الخلود لشهدائنا الابرار.

وينهن الى يلبسن الحولي كلهن عادو اجونا بلبسة طركفاش؟؟؟؟؟؟؟؟؟

يا طيبوبا كاشي مطابيق يزونا من الحديث رانا ملينا الحديث و المغزل اوكت عني.

راكي فكرتيني في فيلم مصري ملخصه واحد سرق دراهم من دار ثم كي تفرج عالتلفزة اهو اشوف قالت المقدمة تاع الحصة راهي دراهم صدقة يجمعو فيها سرقت من دار فلان ندم كلمهم قللهم راني حاب انرجع الدراهم بصح متكلمشي لابوليس قلوله باهي قللهم غدوا في البلاسة الفولانية تلقوني لابس سروال ابيض وتريكو احمر والي اجي اهز الدراهم لاوم ايكون لابس كيفي غدوا كيراح لقا مصر اكل ثم امال ردي بالك يا سارة علاش تلقي الجماعة كامل دايرين مفاجاة ويستنوا فيك لكن بالنسة ليا انا اندير روحي مغريتش

يا زهير الحمد لله إحنا ماراناش سراقين ولا رايحين نردوا واش سرقنا إحنا رايحين نتلاقاو في الخير ... والحمد لله وكان حبيت أرواح إنت ثاني مع ريحانة......سلام
يرحماديك يا ساره وملحوضتك وصلت نا زعم داير نفهم وانتي تنشعي فيا هاو عليك

ماذا تقصد يا اخي المحترم بهاو فيك (رد على الاخت سارة كبير)
انا لم اكتب هاو فيك بل كتبت هاو عليك, يعني بالغة العربية كما تعلمين عبارة عن تانيب او بالغة السوفية معليشي.
اني اعتبر نفسي مشارك بهذا المنتدى ولي ردود ومواضيع ولم اقصد اي شيء بل ان قصدي لو قراتي ردودي هو التواصل مع المجموعة .وبدات بالتواصل من الصفحات الاولى ويمكن الرجوع لذلك.

بعد بسم الله الرحمن الرحيم
اتقدم بكامل شكري لادارة منتدى الجلفة على تفهم طلبي لهم واعادة صفحة وما تنسوشي السوفية التي و لربما وقع فيها سوء فهم مع الاخت الكريمة و الوفية سارة كبير وكذلك التحصر الشديد للاخت ريحانه على غلق صفحتها المفضلة والتي تعتبر معدتها فاكررامتناني وشكري لقراءة طلبي المقدم لهم واتقدم ثانية للزميلتان سارة كبير و الاخت ريحانة اللتان ربما سلت قلمي في الرد ولم يتفهماه واكرر انه دائما لن يجدا مني إلا الاحترام و الود المتبادل .
دمتم اوفياء للمنتدى معا نحقق المجد.

المهم بشتحضرينا الزردة لازم ايكون فيها ليدام والشخشوخة
وحنا رانا واجدين للهمان. هههههههههههههههه
ربي اعاونك على خدمتك

لغتنا ليست صعبة او لا تفهم بل ان اغلب الناس يعتبرها الاقرب للعربية

لغتنا ليست صعبة يا الجلفاوية او غير مفهومة لان اغلب المحللين للغات يعتبرونها الاقرب للغة العربية الفصحى.

مشكورة اخت ريحانه اقراحي للتعديلات هو صياغة قاموس موازي للكلمات الصعبة او التي تبدو غير مفهومة

الحمد لله على رجوع المنتدى اتمنى لصفحتك اخت ريحانه ان تتواصل و ان تنجح بمجهودك ومجهود الزملاء

الرجاء منك اخت ريحانه البدا في صياغة قاموسك لعلم البلاغة السوفيه

المشاركة الأصلية كتبت بواسطة بشيرة

السلام عليكم ،تحيا اللغة الميزابية ، اسهل اللغات واحياها واجملها ،واقدمها

شكرا اخت بشيره على الملاحظة لكن الصفحه اضن انها ليست تبحث عن احسن واجمل لغة لانه لا يوجد اجمل من العربية الفصحى ,نتمنى ان يوفقنا الله وناخذ من كل لهجة ولو كلمه.......

بــــــــــــــــــسم الله الرحمــــــــــن الرحيم
اما بعد
اشكر الزملاء على التواصل ولدي اقتراح للاخت ريحانه هو ضم صفحتها المفطلة لصفحة الاخت وسيلة وسناء الهجة السوفية ادخل معايا
وهذا لارتباط الصفحتين واتمنى دراسة الاقتراح.
لا الاه الا الله محمد رسول الله.

المهم اشاركي معاخا وديرونا مطبيق والله كان ساخف عليها

اشكركم زملاءنا اتمنى ان تحضرونا خبيزات مطبيق بالبصله و البطاطا ومديروهمش حارين ولازم شويه زيت زيتون

والله اشكر الزملاء على التواصل اتمنىانهم اطيبونا المطبيق بالبصل و البطاطا ولازم اكون معاها زيت الزيتون

مشكور زميل الدراسه كريمو لك مني تحيه طيبه من واد سوف الى ابناء سطيف العالي ومرحبا بك في منتدانا الغالي

المشاركة الأصلية كتبت بواسطة krimo_572

تحية لكل أهل سوف من سفوح الاوراس الباردة و تشكرون جميعا عاى هذا الجو

وتحية خاصة الى الاخ زهير مع وحشة الفرقة و رغبة في لقائكم قريبا انشاء الله

اشكرك زميلي واخي وصديقي كمال و الله كانت مفجاه لما قلت انني عرفتك من الوهلة الاولى شكرا اخي وزميلي بالجامعه دمت وفيا اتمنى ان تكون مشارك فعال بالمنتدى.

المشاركة الأصلية كتبت بواسطة KRIMO_572

أشوفك بالف خير و عافية أستاذي الكريم دمت لنا و للمنتدى
أخلص التحايا

شكرا كمال انا زهير البسيط ولست استاذك ربي اكبر مقدارك

والله يا اخت لالا انضن لبنيات والفو على القرايا ونساو شغل الدار معادش الحراير اللي يخبزو يقعدانا للشر اما السحور ربي ابعدها علينا

اشكرك لالا ربي يرزقنا ببنت الحلال ان شاء الله

اهلا بيك ساسا وش بيك متقلق تو تحضر الكسره وتاكل حتان تشبع

منيش من الزقم وراني حاب الفعل وراني نستنا في المطبيق

زهير راهو متغشش هذي خبيزات مطبيق حصلتو فيها بلاهي تو انروح لخالتي ونقلها اطيبلي

والله كليتها المطبيق بالجمعه ضربت ثلاثه خبزات يوم الجمعه مرسي عليكم كامل.
شكرا الاخت ريحانه على فتح باب الامثال الشعبيه.
المثل انتاعي كونه الزيت في عكتها راه بان على قصتها.

اي معناه ان المراه لو ان لديها الزيت في حقيبة زينتها لوضعته على راسها وهو يدل انه لا يوجد لديها.
وهو ينطبق على الاخت ريحانه لانها لو كانت تجيد طهي المطابيق لقامت بتحضيرها وجلبها الى زهير المسكين.
والله اني امزح فقط. والمثل راه سوفي ميا ميا.

شكرا على التعقيب اخت ريحانه
مثلي هو الي فاته الحديث اقول اسمعت والي فاتاته الماكله اقول اشبعت
يعني بالفصحى من فاته القول يقول سمعت ومن فاته الاكل يقول شبعت.
شرحه هو ان الذي يتجاوزه الزملاء بالقول والمناقشه لايبقى يسال ويرجعهم لنقطة الصفر.
وهو ينطبق على كثير السؤال والذي يتحرى كثيرا.

الاخت ريحانه عندي ملاحظه فقط هي ان موضوع الامثال الشعبيه السوفيه مطروح سابقا من طرف الاخت لالاlala الرجاء تدرك ذلك تفاديا للتكرار واقتراحي هو ان نتداول المناطق الموجوده بسوف او نبذه تاريخيه عن سوف والموضوع للنقاش.

شكرا على الشاي الاخت ريحانه اتمنى المواصله لصفحتك

يا وشحالكم علاه متسقسوشي علينا

و الله يا سي كريمو كنت راح نكتب راني مدة غايب مكانش الي سقسا عليل مشكور رغم انه الايام الماضية كنت مسافر وبقات امتار باه نجيك لكن مكتبش ربي و الاخت ريحانه اشكرها على اهتمامها بمشاركي صفحتها ونحن ها قد عدنا بعد غياب دام اكثر من شهر ونصف لظروف, اتمنى لك أختاه النجاح في صفحتك المفظلة وانت يا السي كريمو دمت وفيا للمنتدى .

مشكوين اخوتي الكرام دمتم اوفياء للمنتدى و مرحبا بكم في مدينة سوف المضيافة اهل الجود والكرم.
و شكرا على صحن لمنقر لكن لازماته طاس لبن وردولي الخبر .

شكرا لك أخ كريمو كرم الضيافه راه لحقني .
كما احيي رواد المنتدى لكن لدي ملحوضة فقط .
هو ان هذه الصفحة ليست للذم وتبيان عيوب الاأخرين فيجب تدارك ذلك.
كما احيي الاختين اميرة الجزائر و ريحانه على متابعتهما للصفحة , واحييهما للجهود المبذولة في مسايرة تطورات المنتدى
دمتم اوفياء

بعد بسم الله.
اشكر الوافدين الجدد على المنتدى والصفحة السوفية على تفاعلهم
كما احييهم على طيبة ووساعة قلوبهم فالتحاور والنقاش لا يفسد للود قضية
اما الموضوع الذي احاول طرحه للنقاش هو
واقع المراة السوفية و الرجل السوفي بين الاصالة والمعاصرة
ونناقش فيه كل شيء......
العادات و التقاليد و الاعراف الحياة في البادية كيف كانت المعيشة في السابق الفلاحة الشغل
نناقش اين وصل الرجل والمراة في سوف في ضل الحداثة و الموضوع للنقاش

اشكركم إخوتي الأكارم على تفاعلكم وقد أحسستوني وأنا اطالع ردودكم كأنني وسط أسرة صغيرة فعذرا إن غبت لأنه لدي إرتباطات
و أتمنى مناقشة وإثراء طرحي في واقع المراة و الرجل السوفي بين الأصالة و الحداثة واتمنى ان تكون المناقشة سوفية 100/100 مع شرح المفردات.

يزينا من الريحان يا ريحانه حدثينا على المرا السوفية بكري شوية وش بيك يا مرا

أخوتي الأكارم....
و الله صفحة جميلة لكن اتمنى ان لاتكون الردود نقد في الزملاء لاني اعلم وأعي ان في جعبة كل واحد منكم
ما ينوورنا ويوعينا ويجعلنا نتناقش في مواضيع تكون ذات اهمية بالواقع السوفي موضوع الصفحة فعذرا إن أقحمت نفسي لأني وضعت طرح في الصفحات السابقة لكنه لم يلاقي رد إلامن زميل واحد فعذرا أحبتي......

السلام عليكم كيف حالكم اتمنى ان تكونو بخير وعذرا على الغياب

المشاركة الأصلية كتبت بواسطة nasrifcm

واش حالك زهير واشي هالغيبة طولتها علينا يا خويا

حتى هو القسم بلا بيك اظلم

وريحانة خلاصلها الحديث معادتش لاقيا من تقردش ههههههههههههههههههههههههههاي

شكرا ناصر سيف على اهتمامك وانشغالك علي , لكن عذرا لانه عندي ظروف تمنعني من القدوم يوميا للنت لكن انا اتابع تقريبات يوم بيم مستجدات المنتدى و الصفحه والاخت ريحانه اتمنى ان تجد لنا موظوع جميل لكي نرفع الشراع ونسير قدما
الف شكر لكم

السلام عليكم ورحمة اله وبركاته
وش حالكم مع هالسخانه راني عدت نمشي اندوخ شوفونا كاشي هربة راها قايلة سنقرية
راني نشرب سبعين ايطره في النهار نزعد في الماء زعدان اوكا عني

المشاركة الأصلية كتبت بواسطة nasrifcm

إلى زهير

شفت هالسخانة اللي اطلقت علينا

تقول واحد امشعل جريدة فوق راسك ولاحقك يا لطيف

شكرا ناصر سيف
لكن لازم تشوفنا كاشي مخيمات باه انروحو انصيفو

السلام عليكم ورحمة الله
وشحالكم كاشي نجاحات تاع اهلية وينهي الباروكات ولا نستنو الباك تو
المهم وقت الزرد والطهورات تفكرو خوكم العزيز زهير
راني في الموفمات نهني .....................................

علاه يا ريحانه عوايدك عاقلة ردي بالك راه في الدورة تلقيني اقل حاجه انقول راني مولا الباش ياخي علابالك بيها قصت مولا الباش حنا مذبينا دايما الافراح ان شاء الله باه حتى نلحقو بكعيبات بسبوسة والله راني قابل .

ربي ابارك على نجاحاتكم يا اخت ريحانه اما انا راني نستنى في الباروك

شكرا ايرب 39 ولك مني تحية خاصة و اضن انك سوفي مقيم في بجاية حسب كتابتك
اما انت ريحانه علاه باخلتنا حتى بكعيبات قاطو دير ي حتى لكروكي راه ساهل اما انا راني كيما اشعب منين انشم الماكله تلقوني بحذاكم

مشكور ايرب 39 ومرحبا بك الاخت رجاء ودمت وفية لمنتدى الجلفة و صفحت الاخت ريحانه .

مشكورين اخوتي الاكارم لكن الاخ ايرب 39 مفهمتش علاه راك زعفان اي شخص يخطئ معه الغير ابين الخطأ ويمكن الغير من الدفاع عن نفسه
مرحبا بك الاخت عيناء وانت راكي ذكرتي المطبيق و اللبن و الدلاع و انا راني الله غالب في الماكلة راني رقم واحد .نجي نظف لماعن منخلي والو

سنايقر وش حالك راكم توجدو لرمضان باهي واجده ربي هنيكم والف لاتحيه للجماعه اكل

يا وشحالكم الكل راكم لاباس بخير راني كنت رايح لسوق قلت اندهم على الجماعه ماهي كل راكم لاباس ستهلي في العزوز يا ريحانه و الشايب حت هو اخدميله غشبية مليحه وانت يا سنيقر روح قل العزوز ادبرلك مرا وعرس خيرلك يزيك راك كبرت ......علقل تجيب ذر في صغرك خيرلك

يالله يا سنايقر عرس باش نجي نضرب رقصة في عرسك وان شاء الله تكتبلك بنت شفاء حتى وكانه منعرفهاش

السلام عليكم وشحالم الكل بخير ...........

مساء النور وش بيها الصفحة رقدت شوية نشطونا الحالة من فضلكم .

السلام عليكم يا وشحالكم وش بيكم هزيتو كونجي حتى من المنتديات شوفينا كاشي حاجه انوضو بيها هالراقدين يا ريحانه و الله راه ولا سبات وقيلا امالا كي جي رمضان كيفاش .

ربي خليك يا النصير راني عارف كل واحد وظروفه لكن نشطونا الحالة ماشي كيما راك تقول الماكله و الرقاد واش راك في دار العياشي اما سنايقر وينك من حداثة العرس وش درت فيها .

يا نصري علاه هكذا وشو العرس
زوز كابي من السوق وشوي برطلاق ونديرو العشاء ورطل تاي اطيب بتية ونشوفولك وحدة متشرطش
متخافش نوعدك برقصة زقايري هديه من عندي قدم برك.

وشدانا للشرع يا النصير علاه هكا ذرك نجيبلك قبايلية و الله نورمال شرط قليل و ربي يصلح الحال ان شاء الله .
اما الاخت ريحانه راها تعاونك بربي حتى بالقليل تجي طيب في عرسك .

و الله كامل رانا نخطفو برك في الوقت ربي سهلك يا نصير انا الاخت ريحانه ان شاء الله متتقلقش الحاجه الي فيها صلاح الحال راها مليحه .
ان شاء الله اجينا رمضان العام هذا مليح و ربي قدرنا ان شاء الله وربي وصلنا للحج او العمرة .

و الله لاباس سنيقر وانت راك بخير المهم نشطونا الحالة راها بدات ترقد شوي ......

ربي سهل ان شاء الله واتمنى لك الاخت ريحانه قضاء عطلة جميله

شكرا سنايقر ريحانه مرسي ونشاله تعقبي عطله سمحه وترجعينا هانيه باه تعودي تكتبينا كل نهار و ش طيبتي في رمضان .
واذا كنت متعرفيش اطيبي ...............راني اكيد حصلتك .

رانا هنا يا نصري لجماعه هي وقيلا راها تعبت شوي ...
المهم وينك من هاك الحداثه.

السلام عليكم رمضان كريم للجميع الاخت ريحانه وفق الله واعانك الاخ نصير وسنيقر وين راكم الرجاء التواصل
اتمنى النجاح للجميع ورمضان كريم

آسف على الغيبة البسيطه و الله مشكور أخ سنيقر على الحوار الجميل الذي كتبته من خواطرك كما اشكر ناصر و الاخت الكريمه صاحبة الصفحه على تواصلها ورمضان كريم . وبودي ان اقول كلمة واحدة هي ان الجزائر كامل راها بلادنا واي واحد واي عمل اجرامي واي كلمة تقال على هذا البلد الطيب تقيسنا لاننا منه من الطارف لوهران الى تندوف الى تمنراست وكل شخص يعتز بانتسابه الديني و العرقي و كل انسان حر في وجهة نظره لكن يجب ان يتحلى بالاخلاق .
اخوتي سنيقر العزيز نصير ريحانه ........و الاخرون دمتم ذخرا لنا .

مشكورين على التواصل علي النموشي مرحبا بك بيننا
الأخ النصير شكرا وسنيقر اشكرك على العرضة في تغزوت بلاك اجي نهار نتلاقو مع الجماعه الكل رانا غير هنا برك
ربي بارك فيكم ان شاء الله ................

يعطيك الصحه يا علي و الله كلمات سوفية وكلها لها معاني بوركت

بسم الله الرحـــــمان الرحيم
تحية طيبة الى كل مرتادي منتديات الجلفة
والى باب اللهجات و الى صفحة اللهجة السوفية
نتمنى تواصل هذه الصفحه الجميلة و اثراءها بالجانب التاريخي و الثقافي لمنطقة سوف مع التعريج على اللهجة الجميلة التي هي المحور الاساسي , كما امنى من المشرف عمي صالح ان لا يحمل وزر بعض الردود او بعض الاسطر على مرتادي هذه الصفحه او ابناء منطقة سوف .
لاننا كلنا ابناء الجزائر ولا يوجد من قال ان سوف دولة او عظمها , لكن لربما هذه الصفحه فيها ردود كثيرة ومشاهدين كثر بحكم حب اهل سوف لمنتديات الجلفة . واضن انه لايوجد اي تحيز .
نتمنى من كل قلبي نجاح منتدانى الغالي منتدى الجلفة .
و السلام عليكم .

أشكرك الأخ عمي صالح على التفهم و أنا أعلم انه لربما هناك ما لم يطلع على قوانين المنتدى وانا لي ردود في الصفحات الاولى اين نوهت ان المنتدى ليس للتواصل او الدردشة , و انا لاحظت ذلك لكن هدا الله بعض الزملاء
دمتم ودمنا ذخرا للوطن واتمنى رجوع كل كتاب وخطاطي هذه الصفحه

[ريحانة]

صحيــــــــتوا، صــــــار ، انتم قاعدين هنا ناصبين الحلقة وانا مشي فايقة بيكوم،
تراو هالميكرو كان فاسد، على هكاكه ماكنتش انطل اعليكم،
نا والله كان نشتيه الحولي اتاع بكري، عندنا منو هكا عرس قتلهم مانلبس كان حولي بالسفايف
الامودة واتقمقيم انخلوه ال بلايصه.
هيا في لامان هالساعة، وساعدو ارواحكم.
في وداعة ربي.

[sasasasa]

الله يبارك انو هني وش حالكم وينكم مبنتوشي كل هالمدة يالله ياجماعة عرسي قرب بش تحضرو للحنة وترقصو راني جايبلكم ادريس التومي وردوبالكم متجوشي وانتي ياطفلة هاتي الحولي ورواحي بش تلبسيه لهذي اللي مش شاهية تلبسه واشي ياجماعة عدت نوع سوفي مع اني من العاصمة وشرايكم عدت سوفي ولا مازلت عاصمي كل كلمة مانفهمهاش نسول جارنا السوفي يشرحهلي

لالا ياريحانة انادزيري بالصح ولكن صاحبي محمود هو اللي تكلم بحذايا بزاف علاجال هدا فهمتها مليح وقدرت نتكلمها ولوكان حبيتي تجي عدنا في جسر قسمطينة "قرية في العاصيمة "مرحبا بيك بصح الحولي تلبسيه ولا غي ماكلاه تجي انتوما السوافى يخرج عليكم وعرسي مازال مطول شوية لاعلى خلال العشر السنين الجاية ونشكرك على اللغة اجميلة اللي تتكلمو بيها نحب نقراها ونسمعها ولوكان واحد عندو شريط ولاملف صوتي يتكلملي بيه شوي بالسوفية يكون دار فيها مزية هكا مه ردوبالكم تنسوني ابقو ديما متفكريني

صحيتو ياجماعة انشاء الله اكلكم بخير وعافية واهلا بالهاشميونحوس انا ثاني نعرف جواب السؤال اللي سولاته الاخت امال ونقللها مرحبا بيك معانا وانشاء الله الجماعة راح يجاوبو عن سؤالك

السلام على من سمع فرد
اللهم اصلح حاله وسقم وينداوزه وكثر ارامه وزيد سرعته ونحي فيروساته وقلل اكله للترسيتي وابعد عنه كل نقناق وخرنان وجعله بانتويوم 5 يامن بيدك اجله وتعلم سره وخباياه

صحيتو ياجماعة السمحة ادعولنا معاكم للشهداء اللي ماتو في التفجيرين اعرف اثنان منهم الله يرحمهم ويوسع عليهم
على خيييير

مساء الخير عليكم ان شاء الله الجميعة كلها لاباس يسال عنك الخير ياريحانة نضن ميكرويا عداه ميكرو لالا راهو مزكوم مسكين نحله يبلوكي الفيروسات دارت فيه حالة بصح روعاد لاباس وان شاء الله معادش نغط وراني على فكرة رايح للوادي سوف في ليماة هذي مع صحابي راح نشوف بلادكم ونقولكم رايي فيها وتبقو على خير ومرحبا بالجماعة الجدد والسلام على كل الاعضاء مسعود ولالا وريحانة وسناء والباقي

السلام عليكم وش حالكم ياجماعة الخير والله شهادة ياجماعة مكنتش متوقع بلي الواد سوف مليحة هكذا اسمحولي بصح كنت دايرها ديار جبس وصحرا بكل بصح مليحة وفيها الفيلات الله يبارك ورحت زرت قصر الضاوية رفقت اصحابي والله غير رووعة نهنيكم على البلاد لمليحة وكاين بلايص معتش ننساها كيما حي الرمال وطريق قمار واصريت نروح لصحراء في الليل وفي هذاك البرد مرضت بالزكام منها بصح رحلة روعة وكي تخرج التصاور راح نبعثلكم تشوفوهم ايا ابقو على خير ونقولك ياالشيخ مسعود ربي ينجحك انت واللي كاتب اسمه حاب ننجح وعساك بخير يا لا لا وريحانة ورشيد وبنت نحناح والسوفية وسوفي عنابي
والباقي بكل كل واحد باسمه وان شاء الله يكون ميكروك عاد لباس يا لالا واذا كان مزال مريض قوليلنا المشكل ممكن نقدرو نسقموه مع بعض

اخوكم بدة

مساء الخير عليكم ياجماعة الخير وش حالكم لباس ان شاء الله تكون الجميعة كلهم لباس الله يبارك عليكم يا السوافا كلامكم يخلي وحد الاحساس في نفسي والله غير نحب السوافا

ان شاء الله زوجتي لن تكون الا من وااااادي ســــــــــــــــــــــــــــــــــــوف
كملو راكم روووعة تبقو عن خير

السلام عليكم للمرة الثانية معليشي ياالسوافا هكا نكتبلكم سلام ولا واحد رد معليشي مدرتكمشي هكا الله يهديكم

السلام عليكم وشحالكم يا السوافة وشحالك اختي ريحانة وانت ياخويا نصري وسلامي لمسعود المقدود وان شاء الله يرجع سالم غانم
رجعت شوي لتالي وقريت مشاركاتكم نحييك خويا نصريعلى خفافت دمك ونحييك اخي ريحانة على نشر جو هايل لهذه الصفحة

كلمة صغيرة نقولهالاخي محب النبي ونايا متأكد بلي راهو يدخل لهذي الصفحة ويشوف في جديدها نقولك يااخي ارجع شوي لتالي واقرأ اول مشاركاتك في الموضوع واقرى اخر مشاركاتك راح تلقى تناقض كبير ياسر علاش راك تعمل كيماهكا كون جت هاذي صفحتك تقبل واحد يطيح فيها الهدرة كيماهكا ويشتم اعضائها وانت على اسمك محب النبي يعني انك تقتدي برسولك عمرك سمعت حديث عن الرسول يقولك المرأة لازم منشاوروهاش ومنديرولهاش قيما بلعكس قداش من حاجة حار فيها النبي ودلاته ليها مرأة ايه رسول وحار في حوايج وشاور فيها مراته وقالتله الحل ونورمامو راك مدّين وعرفته الحديث اللي نقصده والا ماعرفتاش قلي برك نقولك عنه


ونقلك ياسي نصري راك باين سوفي قح وتعرف تطيب الملة ذوقنا شوي
ولا نقولك ماكلاه نذوقها اوصفلي طعمتها بركة يزيني وشاهي وصف دقيق
دبر راسك كيفاش سول ريحانة ممكن تساعدك

ونسيت نقوللكم وشحالكم في ها السخانة حتي وعدنا الدنيا حامية امالا انتم كيفاش

بارك الله فيك يا نصري متوقعتش ترد عني بهذيك السرعة
ياريحانة باين بلي خونا يموت عن هاذي الصفحة ولازم نقدموله هدية عن هذي المثابرةوالنشاط

نسيت نقلك نايا يقولولي بدة والشجاعة تبان في الشدة ،،، وكان تغششت عنك حدة ،،،، عيطلي نجيب سيوفي وارماحي ،،،، هي امس كانت ضاربتها برقدة ،،،، وصبري ساهر يغني البردة ،،،،، ياصبري نهديلك وردة ،،،،،وشعر نضن كتبه مناعي ،،،، وراني نسنا في الزردة ،،،،

مزاد خرج والو المرة الجاية ممكن نكملها

وهديتي يا سي صبري هي هاذي الابيات

يدومك سالم يـــــا غالـــــي --------نفرح بيك وعيني حية
يحضرني لفرحه و افراحه ------- نفرح في طهوره ونجاحه
نفرح لليلة مرواحـــــــــه ------- نظر عيني الغالي ضيه
نفرح بوليدي بجلابـــــــــه ------- المطهر يصون حجابه
فرحي فرحة اللــــــي جابه ------- فرح الوالدين بالذريه
نفرح لـــــه و لباس مواتيه ------- نفرح له الناس تبارك ليه
يا حدة ويدوم فرحك بيه ------ عزيه كما نعزه نايه

بارك الله فيك اخي محب النبي وشكرا لزيارتك للصفحة واسف ان كنت سببت لك اي احراج
لقد قرأت الفلاش اللي وضعتها قبل ان ارى ردودك وربي يشهد
تقبل تحياتي

ياودي تحيا نصري وخلاص شكرا على خبزة الملة وبارك الله فيك
وراك عارف السوافا كي يذوقوهم حاجة لازم ميرجعوش الطبسي فارغ وهاذي ملتنا ذوق منها وذوق الجماعة

وحاب نقولك حاجا راني غلطت في الشعر نتاعي بش نكتب نصري كتبت صبري
واشي الذر نجحو في البياف على لقل نقولو لريحانة تزغرت كان تعرف

ماكاين حتي مشكل تو نوصي العزوز ديرلك خبزة مفيهاش الشحمة
المهم تعجبك يالحبيب
وحاب نصححلك حويجة راني ماشي سوفي نايا دزيري (16) بصح متربي مع سوافا جيرانا وعدت نعرف السوفية مليح

وشاتي نطلب منك حاجة كون معندكش مانع ممكن تصمملي توقيع

والله تحيا نصري وخلاص ياودي بردو برنامج هايل هايل xل 1000000000000000

وهاذي ليك


https://www5.0zz0.com/2008/06/19/16/660061856.jpg

السلا م عليكم مرحبا بيك يا نور ان شاء الله معانا راح تتعلمي السوفية وتعودي خير من ياسر سوافة
راح نعطيك لاباز شوفي
صحيتو : معناتها مرحبا وغالبا نرفقها ب: وشحالكم
العافية : معناتها النار مثلا نقولو : طيبت التاي على العافية
الحولي : هو اللباس التقليدي لناس سوف
الملة : هي خبز يطيب على التراب وهو من تقاليد ناس الجنوب عامة
تو : الان مثلا : تو نجيك ، تو فتت من حذا حوشكم : هذه الجملة معنتها: الان مررت من امام داركم
مريسة : مادة غريبة يضيفونها السوافة للاكل لا اعرفها لكنها مصطلح سوفي
سفة : وتعني الكسكس "المفور"
دار السقيفة : وتعني غرفة الضيوف
الوزوازة : مشروب صيفي كاين لي يقولوله "الدفي "
اللاقمي : مشروب وهو عصير النخلة يستعمل احيانا لصنع الخمر

ومازال هناك الكثير حاولي توضفي هذه الكلمات لصنع جملة سوفية وفي المستقبل راح تعرفي المزيد

المشاركة الأصلية كتبت بواسطة ريحانة

وعليكم السلام يا بدة، هاذي لاباز انتاعك ناقصة شوي لازم تعاود تكنطرولي تمسويفك
الملة ماشي خبز هي كسرة
المريسة ماهيشي مادة غريبة هي تمر غرس محلل في الماء، وتضاف في الغالب الى مرقة الكسكسي برك اي المسقي
السفة ماهيش المفور السفة هي الكسكسي الخشن يطهة ويخلط بصوص طماطم وفلفل وتوم وكروية وملح تهرس كلها في المهراس اقصد الصوص طبعا
اما المفور فهو الكسكسي الرقيق تتفور معاه الخضار مثل الجزر واللفت والبنطرلاق والبصل واليقطين-الكابو- وغيرها
دار السقيفة ليست دائما غرفة الضيوف، يقصد بدار السقيفة الغرفة التي تتاتي في مدخل البيت يسموها دار باب الحوش
اللاقمي هو عصير النخلة، وهو كباقي العصائر عندما تخمر تستعمل لصنع الخمر والعياذ بالله، كما يخمر العنب او الرمان او غيرها..

هذي بعض التصحيحات برك ياسي بدة، اتمنى ان تقبلها برحابة صدر
دمت للسوافة محب

هههههههههههههههههههههههههه لازم نراجع (تمسوفيتي) معرفتش حتى كيفاش نعاود نصيغها منين راكي تجيبي في هاذي العبارات ، عندك حق تمسوفيتي مزورة راني داخل حرّاق لهذه الصفحة ولازمتني ندبر التمسويفية بش نقدر نعيش قانونيا
شكرا ليك اختي ريحانة على التصحيح ولكنني جبت الوزوازة بطريقة صحيحة

السلام عليكم ورمضان مبارك

[ريحانة]

وشحالكم
تاوش بيك هكا يا ساساساسا باين عليك سوفي ميصل،
خفته صاحبك الي من بلاد الدزاير، تراك جايبها قدقد،
نا جايني راك سوفي، قر قر راو عيب الواحد يتنكر لاصلو
وقولنا وقتاش عرسك، كاتن عرضتني ،خفته انجيك وكان جيتك وعاهد ربي كان نلبسلك حولي واعليه الكلام
من اتاع بكري الي ماعادوشي يخلقو تو،
اي تفكر بش تعرضنا بركة.ان نستنو.

[ريحانة]

صباحك بالخير يا ساساساسا، تا ربي كيفاش تقولونا عرسي قرب وامبعده تقولونا راو افهالسنين الجايه، انت قاعد تتمسخر بينا عل الحسب، وانا الي مشيت اولمسين انقص في كتان الحولي، الي بسفايفه من الفابريكا، الله يهديك ويصحح ايمانك، وقول لمحمود ينحلك هالبزاف وهالذركة راهي خاطيتنا كانك شاتي تولي سوفي.

[ريحانة]

ايماو هكا والا لا...؟؟...

[ريحانة]

الحمالديك يا مسعود على هالوصايه المزيه مازلت ماقصيتاشي ، تراو قالي مولى الكتان راو عاد كتان جديد يجيبو فيه من تونس
مخصص للحولي، جاي فالنيلو، قتله بر ى برى مش هذا الي يليق، نا كان عندك فيبران اطيني كان ماكانش ماكان لاه.

[diim]

السلام عليكم واشي القعدة قلبتوها سوفية انا عضو جديد ارجوكم اشرحولي حتى شوي من كل هذا الحوار

ريحانة انا اضنكي انك سوفية اذا ما اخطأت لانك تتحدثي سوفي

مساء النور راني سوفي حتأ نايى حكة و لا غيرها

ريحانة انتي من وين بالضبط في الوادي ولعل رانا جيران و حنايا ماشين عرفين

ريحانة وينك راكي هناية واش بيكي ما رديتش و الا الساؤل ما عجبك

راني من الوادي صونطر اي اني من تعرف اري الملاح ثم وين نسكن و انتي وليكو في علمك اني ماني خاويا

اهلين بيكي أكثر lalla وشحالك و شحال الاهل انشاءالله بخير

صحيتوا و شحالكم انشاءالله لباس في هذه المطرة
انشاءالله مقطرتوشي

وينكم يا سوافة مشيكم حاضرين و اله رحتوا تقيلوا

[ريحانة]

وانت عندك شك ول، راني سوفيه ونص وثلاثه ارباع، والا ما عجبكشي حديثي
كان شاهي تتعلم حديثنا قولي بركه راني انعلمك، بالصح قولي اساعه انت منين من بلاد ادزاير والا من قسمطينه
والا شاوي والا لموشي، بش نعرفك اقريب لينا ول
هاني نسنا فيك تردلي الخبر، في لمان هالساعه

[ريحانة]

قول ات لول
كانك ماكش خويا ذات...