أم كوثر نبوسك نبوسك اليوم لا مفر هههههه

[إلهام07]

صباح الخير عليكم كامل ، جبتلكم تطبيقي لفنانة الحلويات أم كوثر ، ربي يخليهالنا إن شاء الله و يعطيها الصحة و يباركلها في وليداتها آآآآمييين . هاذي أول مرة نطبق وصفة من وصفات أم كوثر و لكنها بإذن الله لن تكون الأخيرة .
شوفي أم كوثر ، كون جيتي قدامي كون شبعتك بوس هههههههههه
طبقت الوصفة نتاعك نتاع ولا أسهل و لا أروع من مطبخ أم كوثر .
طبقتها و حطيتها في الثلاجة 24 ساعة ، أخواتي طارو عينيهم و أنا نشوق فيهم ونقوللهم درتلكم طارت روووعة ، مالا البارح العشية كي روحت من الخدمة قالولي فاتو 24 ساعة أعطينا نذوقو هذي التارت ، مساكن ما جيت نقلبها في صحن التقديم هجمو علينا ضياف الغفلة ، زينتها بسرعة بشوية فواكه ( ماكانش عندي الوقت باش نخفق شوية كريم شانتيي و نزينها ) قدمتهالهم ، كلاوها من عينينا هههههه

هذي الصورة قبل الهجوم ههههه ، صورتها قبل التقديم قلت لا خلاصت على الأقل نحكم الذكريات هههههه:


وهنا راهي معطوب حرب هههههه :

وهذا مابقى منها ، كون ما بقاش و ماكليتش منها كون شيواش ما صرالي هههههه

بصح جات خفيييفة وبنييينة ماتتشبعش ، بإذن الله نعاودها بزااااااف ، راهي تحفة و ساهلة و تحمر الوجه ، وخاصة في الصيف كي تكون باردة

أم كوثر لك مني 10000000000000000000 قبلة ، ياخي ما يغيرش أبو كوثر هههههههه ؟

رابط الوصفة : https://www.djelfa.info/vb/showthread.php?t=1217138

جربوها رايحين ترجعو مدمنين عليها

[*أم كوثر*]

ههههههههههههههه الهام ربي يخليك على الثقة
شفتي شحال ذوقها ساحر؟؟؟؟هههههههههههههههه
وبوساتك وصلوا وابو كوثر مش هنا ههههههههه
تسلمي وبصحتكم اختي

[ساندي 28]

رائعة يعطيك الصحة راكي جبتيها .الهام ارجعي لصفحة التطبيق نتاعي راني من قبيلا وانا ننتضر فيك سلام حبيبتي

[faizarbh]

هههههه موتيني بالضحك الهام
جاتك وااااااااو تهبل بزااااااااف و الله ام كوثر شكون ما يحبش وصفاتها
ام كوثر نتقر نستغنى على كرام فراش و الا اجبارية

[linat]

راااااائعة يعطيك الصحة

[ام إثري]

بلعقل على ام كوثر راكي فسدتيلها المكياج تاعها بالبوسان تاعك هههههههههههههههههههههههههههههههههههههههه
والله ام كوثر تستاهل كل خير
جزاها الله خيرا عنا لكل ماتقدمو لينا من فنون واسرار الطبخ

[إلهام07]

المشاركة الأصلية كتبت بواسطة *أم كوثر*

ههههههههههههههه الهام ربي يخليك على الثقة
شفتي شحال ذوقها ساحر؟؟؟؟هههههههههههههههه
وبوساتك وصلوا وابو كوثر مش هنا ههههههههه
تسلمي وبصحتكم اختي

ههههه ، الله يسلمك حنونة ، ربي يعطيك واش تتمناي

المشاركة الأصلية كتبت بواسطة omnadjem.10

رائعة يعطيك الصحة راكي جبتيها .الهام ارجعي لصفحة التطبيق نتاعي راني من قبيلا وانا ننتضر فيك سلام حبيبتي

شكرا ، راني جاية 2 دقايق

المشاركة الأصلية كتبت بواسطة faizarbh

هههههه موتيني بالضحك الهام
جاتك وااااااااو تهبل بزااااااااف و الله ام كوثر شكون ما يحبش وصفاتها
ام كوثر نتقر نستغنى على كرام فراش و الا اجبارية

والله مبدعة وفنانة ، أما عن لاكرام فراش اللي دارتها في الشكلاطة ، أنا درت قدار 3 ملاعق حليب و راكي شفتي النتيجة

المشاركة الأصلية كتبت بواسطة linat

راااااائعة يعطيك الصحة

الله يسلمك ، شكرا

المشاركة الأصلية كتبت بواسطة ام إثري

بلعقل على ام كوثر راكي فسدتيلها المكياج تاعها بالبوسان تاعك هههههههههههههههههههههههههههههههههههههههه
والله ام كوثر تستاهل كل خير
جزاها الله خيرا عنا لكل ماتقدمو لينا من فنون واسرار الطبخ

هههههه ، من الفرحة أم إثري ، ربي يخليلنا أم كوثر باش نرجعو فنانات كيما هي

[oum anas 69]

hhhhhhhhhhhhh jabtiha hiya photo copie mziya mahich gadamak koun rahi harbatt maskina hhhhhhhhhhhh bsahatkom ilham

[إلهام07]

المشاركة الأصلية كتبت بواسطة oum anas 69

hhhhhhhhhhhhh jabtiha hiya photo copie mziya mahich gadamak koun rahi harbatt maskina hhhhhhhhhhhh bsahatkom ilham

هههههه ، شكرا أختي ، والله هذا من حبي في المشرفات نتاعنا كل وصفاتهم مضمونة رانا تحولنا في مدة قصيرة إلى فنانات في الطبخ

[مـجيد]

برتقال مقشر و مقطع فوقه سكرا
ما كان حتى جديد في الطبق

[OU SS AMA]

يعطيك الصحة تطبيق هاااااااااااااااايل بصحتكم

[إلهام07]

المشاركة الأصلية كتبت بواسطة مـجيد

برتقال مقشر و مقطع فوقه سكرا
ما كان حتى جديد في الطبق

البرتقال رهو تزيين نتاع التارت وأنا قلت جاوني ضياف على غفلة ماكانش عندي وقت نزين التارت حطيت عليها فواكه .
الطبق راهو تارت تيراميسو بالشكلاطة ما فهمتش واش قصدك بماكانش تجديد ؟ هذا تطبيق نتاع تارت

[إلهام07]

المشاركة الأصلية كتبت بواسطة ou ss ama

يعطيك الصحة تطبيق هاااااااااااااااايل بصحتكم

شكرا على التشجيع

[أنوثة شرقية]

المرة الجاية نكون انا هو ضيفة الغفلة لما تعاوديه هههههههههه. تسلم الايادي لهوومة

[zahra30]

ما شاء الله .....تطبيق رائع .... وصفات ام كوثر ما فيهاش نقاش هههههه ربي يعطيها الصحة ويحفظها .... بصحتكم