طبقي المفضل ممممممم ، راكم معروضين

إلهام07 · 2013-02-17, 10:49

الوصفة الثامنة

جبتلكم اليوم بربوشة المفور نتاع القبائل هي طبقي المفضل ، خفيفة وبنينة والله أنا نفضلها هي على البربوشة باللحم، كاين بزاف اللي يديروها ولكن مايعرفوش الأسرار نتاعها مليح ، إما ما جيش بنينة أو جي معجنة ، تعلمت الطريقة من عند ماما وصورتهالكم مع شرح مفصل ونعطيكم أسرار صغار ششششش ما تقولو لحتى واحد هههه ، الشرح راهو في الصور :

سر نجاح الوصفة :
* لازم تكون كمية الخضار معتبرة باش جي بنينة
* أدهنيها مليح بالزيت قبل ما تحطيها تفور باش ما تعجنش .
* أنا هنا استعملت كيس بربوشة نتاع 1 كغ ( استعملت حوالي 3/4 الكيس )
* البربوشةلااااازم تكون خشينة ، إذا البربوشة اللي عند رقيقة ما ديريش هذا الطبق راهو يجي معجن وماشي بنين
* لما ترشي البربوشة بالماء استعملي 1/2 الكمية اللي متعودة تستعملي أو أقل شوية باش ما تعجنش لأنها تفور 3 مرات و الخضريطلقو الماء .
* ما تملحيش البربوشة ، فقط الخضر ، قبل ما تحطي الزبدة ذوقي وشوفيها إذا تحتاج ملح زيدي.
* سمغيها مليح بالزبدة ما تقتصديش

، راهي تزيدلها في البنة.
* ما تكثريش الطماطم المصبرة وإلا جي حامضة ، لازم يكون لون الكسكس عندما يوجد برتقالي وليس أحمر .
* تقدم مع اللبن و مع الفلفل الحار المقلي أو زيتون كاسي راهي ممممممم

جربوها ، اقتصادية وبنينة و مليحة في الشتاء و خاصة ضرك في الربيع موسم الفول

it's me · 2013-02-17, 10:56

مممممم نمووت على المقفول تع الصح بنين
درتو البارح جا هااايل
يعطيك الصحة ميسن تمورث

moslihe29 · 2013-02-17, 10:56

لى الشرف نكون اول من يرد عليك تبان لذيذة لكنى اول مرة ارى هذا الطبق بارك الله فيك

إلهام07 · 2013-02-17, 11:37

اقتباس:

المشاركة الأصلية كتبت بواسطة it's me

مممممم نمووت على المقفول تع الصح بنين
درتو البارح جا هااايل
يعطيك الصحة ميسن تمورث

الله يسلمك ، انا ما نفهمش القبائلية واش هذي ميسن تمورث

اقتباس:

المشاركة الأصلية كتبت بواسطة moslihe29

لى الشرف نكون اول من يرد عليك تبان لذيذة لكنى اول مرة ارى هذا الطبق بارك الله فيك

هذا طبق كل الشعب الجزائري يعرفو ، هو صح نتاع قبائل ، كاين اللي يسميه لمفور وكاين اللي يسميه المقفول وبنيين أحسن من الكسكس نتاع اللحم مع أنه فقط بالخضر ، جربيه ، رايحة تولي مدمنة نتاعو هههه

amel_star · 2013-02-17, 12:58

يعطيك الصحة غاليتي طبق رااائع
جزاك الله خيرا
ربي يحفظك

إلهام07 · 2013-02-17, 13:05

اقتباس:

المشاركة الأصلية كتبت بواسطة amel_star

يعطيك الصحة غاليتي طبق رااائع
جزاك الله خيرا
ربي يحفظك

الله يسلمك حنونة ، شكرا على المرور العطر

zahra30 · 2013-02-17, 13:37

واش هذا اختي الهام راكي شهيتينا هههههه .... ما نعرفهاش بصح تبان بنييينة .... يعطيييك الصحة وللوالدة
اختي ياريت ما تكتبيش الوصفة على الصور ايعيو العين بالسيف ما نقراوهم .... بارك الله فيك

أم شيماءْ · 2013-02-17, 14:28

والله اول مرة نسمع بيه بصح باين بنين نجربو ونردلك لخبر

ام فريال · 2013-02-17, 15:02

اممممممم هايل والله يشهي اختي الهام يعجبني فيك في جميع واصفاتك تحطي ملاحضات للافادة
وهذا من حسن اخلاقك فشكرا ليك وعلى العرضة لدرتيهانا حنا نسميوه بمفور

اسماء47 · 2013-02-17, 15:09

شكرا ليك الهام
يبان يشهي يمي يمي
يسلمو ايديك هل انت سطايفية

إلهام07 · 2013-02-17, 15:12

اقتباس:

المشاركة الأصلية كتبت بواسطة zahra30

واش هذا اختي الهام راكي شهيتينا هههههه .... ما نعرفهاش بصح تبان بنييينة .... يعطيييك الصحة وللوالدة
اختي ياريت ما تكتبيش الوصفة على الصور ايعيو العين بالسيف ما نقراوهم .... بارك الله فيك

الله يسلمك حنونة ، الطبق راهو مشهور بزاف ويديره القبائل و غير القبائل سقسي جداك تقلك ، أما الكتابة على الصور كان ظرف استثنائي و إن شاء الله ما نزيدش نحط الشرح في الصور .

اقتباس:

المشاركة الأصلية كتبت بواسطة ouricia

والله اول مرة نسمع بيه بصح باين بنين نجربو ونردلك لخبر

جربيه OURICIA راهو بنين و بسيط ، لكن تقيدي بالنصائح باش يجي بنين، راني نستنى فيك ديري وابعثيلي صحن

اقتباس:

المشاركة الأصلية كتبت بواسطة ام فريال

اممممممم هايل والله يشهي اختي الهام يعجبني فيك في جميع واصفاتك تحطي ملاحضات للافادة
وهذا من حسن اخلاقك فشكرا ليك وعلى العرضة لدرتيهانا حنا نسميوه بمفور

العفو أختي ، هذا هو الهدف من المواضيع هذي الإفادة و الشرح المفصل و الله نكون في قمة السعادة لما طبقو وصفة وتنجح معاكم ، في جارنا نسميوه ثاني بومفور و كاين يقولولو المقفولة ، شكرا على المرور

nounoudjs · 2013-02-17, 15:14

بارك الله فيك

إلهام07 · 2013-02-17, 15:23

اقتباس:

المشاركة الأصلية كتبت بواسطة nounoudjs

بارك الله فيك

وفيك البركة ، شكرا

أنوثة شرقية · 2013-02-17, 15:30

الهااام حنوووونة الطبق يشهي لاني نموووت على الخضر الموسمية والبربوشة كل ماتديريه تفكريني وخليلي قسمتي ههههه. واااضح انو هااايل من لونو وشكلوو. تسلم الايادي حبيبتي

إلهام07 · 2013-02-17, 15:35

اقتباس:

المشاركة الأصلية كتبت بواسطة أنوثة شرقية

الهااام حنوووونة الطبق يشهي لاني نموووت على الخضر الموسمية والبربوشة كل ماتديريه تفكريني وخليلي قسمتي ههههه. واااضح انو هااايل من لونو وشكلوو. تسلم الايادي حبيبتي

الله يسلمك أنوثة شرقية والله فرحت لما شفت الرج نتاعك ، و خلاص وعد قسمتك محفوظة هههه ، بووووسة كبيرة لهاذا الببون و ليدك ، هاذا طفل و لا بنت

؟ هههه
ما شاء الله يهببببل ، الله يبارك فيه و يحفظو من العين و إن شاء الله يرزقني ربي واحد كيفو ، قولي آمين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري