ورشة اعمال بالخرز*الكرستال* الدرس الاول

[سنوم 33]

السلام عليكم ورحمة الله وبركاته
...................
اهلا وسهلا بكم في ورشتنا المتواضعة

ان شاء الله تكون لمتنا لمة خير.........نفيدو ونستفادو



راح نقضو مع بعض وقت طويييييييل ان شاء الله.. نتعلمو كيفية العمل بالخرز من اكسسوارات ومفارش و...و...و...
الي تحب تشترك معنا بالورشة تضيف الشعار لتوقيعها.

موديلات روعة واجددها ارجوا ان لا تفوتوا الفرصة لمشاهدتها
https://www.gulfup.com/?cX0ytT

[سنوم 33]

الدرس الاول:يعتبر هو الاساس في اي عمل بالخرز.
اساور بسيطة:

اليوم راح نديرو سوار هذا.


نحتاج اللوازم هذي..نديرو خيط النيلون اذا كنا راح نستخدم القفل---قفل الي يستعمل لغلق السلسلة---



انا استعملت الخيطالمطاط لانو مايتوفرش لدي القفل



انا استعملت الخرز المتوسط الحجم...بلون اخضر فاتح واحمر



قياس الخيط...لفي الخيط على معصم ايدك اربع مرات وشوي...يجيك الخيط فاضل ومايجيكش ناقص خير.











الشرح والتطبيق:

1-ناخذ خرزة حمراء في الخيط






2-نضيف لكل طرف من الخيط خرزتين من اللون الاخضر





3-نضيف خرزة حمراء في الطرفين.بحيث يتقاطعا.










4-ثم نقوم باضافة خرزتين خضرا..مثل المرة الاولى ثم نغلق بخرزة حمراء مع تقاطع الطرفين

[fatma079]

بـــــــــــــــــــــارك الله فيك اختي على الموضوع الجميل....

لي عودة ان شاء الله ...

دمت بألف ود

[سنوم 33]

5-ثم نضيف خرزتين-خ-في الطرفين ثم نضيفولها خرزة حمراء للغلق مع تقاطع طرفي الخيط
وهكذا حتى نكملو السوار







6-في الاخر نضيف خرزتين-خ-دون اضافة خرزة حمراء

[سنوم 33]

7-طريقة غلق الاسوارة..
باه نتاكد من وضعية السوار ما يجيناش اعوج نمسك وكانو سوار مكتمل بالطريقة لي في الصورة




8-مبعد نحطوه بالشكل هذاك على الطاولة بطريقة نقدر نكمل الخدمة بلا ما يخرج معايا السوار معوج
*ندخلو الخيط الي في الجهة اليسرى في اول حبة حمراء درناه في الخيط

[سنوم 33]

9-نفس الشي بالنسبة للطرف الثاني من الخيط...ندخلوه في اول خرزة حمراء درناها-نفس الخرزة-لكن ندخلوها من الجهة الاخرى والصورة توضح ذلك

[سنوم 33]

10-نجبد الخيط حتى يتضم طرفا السوار

[سنوم 33]

11-نفوت الخيط الى الخرزتين -خ-الي بعد الخرزة الحمراء الاولى.كل طرف من الخيط نفوتو من الجهة نتاعو.
والصورةتو ضح اكثر
*هذي الخرزة الاولى الحمراء

[سنوم 33]

وهذا هو السوار تاعنا




ان شاء الله يكون عجبكم
لا تنسونا بالتقييم *التقيييييييييييييييييييييييييييييم*


بدينا بسيوار سااااهل...ومبعد نبدو ندخلو في الصعيب وحدة وحدة
حتى نوصلو للمفارش....
وما نديرش العمل الثاني حتى ارى تطبيقاتكن...هههههه
هيا حطولنا تطبيقاتكم باه نتشجع ونزيد نقدم اكثر
العمل الثاني راح يكون هذا الاكسسوار.

[fifiarch]

رائعة مبادرتك والاروع منها هاذ الشرح بارك الله فيك

وانا معك

[sondse1]

مشكورة اختي سنوم
بارك الله فيك حبيبتي وجعلها في ميزان حسناتك

ان شاء الله راني معاكم

بالتوفيق للجميع

[3ou3ou]

شكراااااااااااااااااااااااااا روعة

[noha_ali31]

يعطيك الصحة انا حابة تعلمينا حاملة المناديل و الصينية اشياء لتزيين المنزل راني نتبع كل عملك وان شاء الله نكون اول وحدة تطبق هده الاعمال

[سنوم 33]

[سنوم 33]

المشاركة الأصلية كتبت بواسطة noha_ali31

يعطيك الصحة انا حابة تعلمينا حاملة المناديل و الصينية اشياء لتزيين المنزل راني نتبع كل عملك وان شاء الله نكون اول وحدة تطبق هده الاعمال

مشكورة اختي......اكيد راح نديرو حوايج ياسر نزينو بيهم المنازل تاعنا.....مفارش...مزهريات...حاملة المناديل...علاقات مفاتيح...ستائر لغرف النوم والمطابخ...كوفارتير للهواتف النقالة..و..و..

...حنا نبدو بالكسسوارات باه الباقي يجينا ساهل