قاطو La bague منقول

[ام ساجد]

قاطو la bague من مطبخي

المقادير :

كيلة فرينة + كيلة لحظة +عسل + زبدة ذايبة +عجينة اللوز + حليب نيسلي + la jelée + breillon حبات فضية + ذوق الجوز. و اذا حبيتي زيدي كيلة جوز مرحي.


الطريقة:

نحمصو اللحظة في بوبيطة ثقيلة حتى تتحمر و نفس الشيء بالنسبة للفرينة ونخلطهم و نضيفو مغرفة كبيرة ذوق الجوز. و من بعد نضيفو مغرفة عسل و مغرفة زبدة ذايبة و نستمر هكذا حتى تتلم العجينة و من بعد نحطوها تبرد في الفريجيدار.

و بعد ما تبرد نقطعوها بالمول على الشكل التالي




ونحكم العجينة اللوز تعنا نخلط فيها شوي ذوق الجوز حتى يولي لونها باش و نعجنها مليح. و نشكلها في طابع المعمول التالي:




و نكسل فيها شوي حتى تولي نفس الشكل اللي عندنا و نلصقها فوق العجينة بواسطة السيرو على الشكل التالي:





و من بعد نخلط زوج مغارف نيسلي( بعد ماغليناه في الما لمدة ساعة و نحطوه في الفريجيدار يبات) مع مغرفة من la jelée. و نحكم هذا الخليط نفرغو في الفراغ اللي عندنا على الشكل التالي:




و نزيدو نشكلو العجينة بالطابع تاع les noeuds التالي:




و نحطوها فوق الحبة تاعنا و نلصقوها بالسيرو ثاني و نحكمو حبة فضية على الشكل التالي:




و نغطسوها في السيرو تاعنا و من بعد في ال breillon اللي عندنا و نحطوه في نص هذيك العقدة و نلون النيسلس تاعنا بنفس البريون اللي استعملناه و يكون الشكل النهائي كالتالي:







و اذا حبيتي لون واحداخر







ان شاء الله يعجبكم
عجبني هذا القاطو حبيتكم تشوفوه معايا شكرا لصاحبة الوصفة

[بشرى2008]

شكرا والله هدا وين كنت نشوف فيه على موقع اخر وعجبنى التزيين بزاااااااف

[oum anas 69]

waaaaaw yhabal ya3tik asaha okhti

[أم أولادي*]

شكرا وووووااو

[ويناروز]

يعطيك الصحة اختي ام ساجد على المجهود

[terrou]

WaaaaaaaaaaaaaaaaaaaW Raw3aaaa

[ام ملاك.]

روعة عندو شكل هايل يعطيك الصحة

[monitaa]

merci bcp had le gateau rah raw3a

[aouatif96]

macha allah tout tes gateaux raw3a baraka allahou fiki

[عائشة333]

يعطيك الصحة يبان يشهي

[عطوفة]

رائع.. صحيتي..

[الوهرانية 1]

شكرا ليك حبيبتي

[بُرَيْهَـــانْ]

يعطيك ألف عافية على التحفة

[الأمنيات]

رائع اختي شكلها انيق بارك الله فيك

[ايام متمردة]

baraka alah fik