حلويات العيد من منزل عائلتي /2012 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

حلويات العيد من منزل عائلتي /2012

إضافة رد
 
أدوات الموضوع انواع عرض الموضوع
قديم 2012-08-23, 22:55   رقم المشاركة : 1
معلومات العضو
bts
عضو مشارك
 
إحصائية العضو










افتراضي

جميلة جدا تبارك الله
ممكن يا اختي تحطينا وصفة الحلوة الثالثة الكرافات بالتفصيل
لأني جربتها في هذا العيد وخرجتلي يابسة بعد ما طيبتها









 


رد مع اقتباس
قديم 2012-08-24, 15:51   رقم المشاركة : 2
معلومات العضو
الواثقة بالله 23
عضو مميّز
 
الصورة الرمزية الواثقة بالله 23
 

 

 
إحصائية العضو










Flower2

اقتباس:
المشاركة الأصلية كتبت بواسطة bts مشاهدة المشاركة
جميلة جدا تبارك الله
ممكن يا اختي تحطينا وصفة الحلوة الثالثة الكرافات بالتفصيل
لأني جربتها في هذا العيد وخرجتلي يابسة بعد ما طيبتها

أهلا بك أختي الغالية

وصفة الكرافات جربتها من سلسلة كتب بنينة للحلويات مع شوية تعديلات من عندي

اليكي طريقتي و ان شاء الله تنجح معاك لانها خرجتلي طرية

مكونات العجينة : 250 غ فرينة "استعملي سيم أو لابال" .75 غ زبدة ذايبة و باردة " أنا ديما نستعمل فلوريال" . فاني "من الأفضل تاع الميزان"

خلطي الفرينة و الزبدة و الفاني و لمي بكاس مخلط فيه ماء و ماء زهر و قرصة صغيرة ملح و ملون أبيض "انا نستعمل تاع الميزان"

تتحصلي على عجينة زي تاع البقلاوة "غير هادي بيضاء" قسميها كريات و حطيهم في كيس بلاستيكي و خلاها ترتاح في الثلاجة " أنا نخلي العجينة تاعي دائما ليلة كاملة باه تساعدك في الخدمة و ما تتقطعش "

مقادير الحشو : 3 كيلات لوز مقشر و مقلي و مرحي رقيق خلاص .كيلة سكر ناعم "من الافضل تاع المرجان" . مبشور الليمون . بيض تلمي بيه حتى يصبح الحشو عجينة

في الكتاب عملو الحشو بالالوان أنا فضلت نخليه أبيض مع اللون الاخضر تاع مبشور الليمون رووووعة

للتزيين : عسل " استعملي تاع المرجان والله فيه طعم العسل حر" و خففيه بماء زهر

الطريقة : في الكتاب العجينة حلوها بالقراص و من بعد بآلة ترقيق العجين على رقم 4 ثم رقم 6

بالنسبة ليا أنا فضلت نعملها فقط بالقراص " الحلال" لأنها متعبة بالمشينة و تجيك شرائط صغيرة و تقعدي تعاودي في نفس العملية ووووووو حكاية طويلة وليت عملتها رقيقة خلاص بالقراص على قد ما نقدر و قست بالمسطرة الطول 8 سم و العرض 2 سم و قصيت شرائط بواسطة الجرارة

و من بعد تحكمي كل شريط تدهنيه ببياض البيض و تحطي فوقو شوية تاع الحشو مش عالي خلاص و مش مكانش خلاص يعني كمية متوسطة عينك ميزانك

فوقو بياض البيض و فوقو شرط آخر تاع العجين

و لازم تسويهم مليح بيدك و تعدليهم و تضغطي شوية عليهم باه يجي الشكل متقون و مليح

من بعد تبرمي يعني تدوري الطرف العلوي لليسار و تجيبي الطرف هداك السفلي للجهة المعاكسة "لليمين" " أنا المرحلة هادي هبلتني لانها ساعات الحبة تفسد لازم تكون عدلتيها مليح بيدك و شغطي عليها باه ميروحش الحشو في بلاصة و العجينة في بلاصة

بصح تتعبي في الحبة الاولى و الثانية و من بعد تفهميلها

المهم تحطي الحبات تاعك في صينية مدهونة و دخليهم فرن ديجا سخون و تنقصي عليهم النار
و أهم حاجة باه ميجيوش يابسين مطوليش عليهم داخل الفرن غير شوية على حسب الفرن تاعك كيفاش الحرارة تاعو لكن متفوتيش خلاص 10 دقائق غير يولي اسفلهم وردي شوية برك طفي

و زيدي شعلي عليهم من فوق يشيحو شوية من غير ماياخدو لون

لانو النوعية هادي تاع الحلويات متحبش الطياب بزاف تم تم تيبس
و تاني ممكن تيبس اذا كا الحشو بالكاوكاو لذلك يستحسن الكاوكاو نزيدو معاك ملعقة معمرة مليح زبدة ذايبة او طرية مليح باه متخليهوش ييبس

كي يخرجو من الفرن و يبردو نعسلوهم بعسل سخون و مخفف بماء زهر لانو العسل التقيل تاني ييبس الحلويات كي يجمد عليها

انا نعسلهم مرتين

بالنسبة للتزيين انا هنا بقا عندي شوية جوز مرحي شخين حبيت نستغلو

ممكن تزينيها بكاوكاو مرحي خشين او لوز او vermicelle هاديك تاع الالوان او بستاش ........ زيدي معاهم رشة تاع برييون اليمونتار و الكيسات

و بالصحة و الهنا










رد مع اقتباس
إضافة رد

الكلمات الدلالية (Tags)
/2012, أوسم, العيد, حلويات, عائلتي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 19:28

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc