شاورما الدجاج بطريقة سهلة ومبتكرة من اختراعي من مطبخي

ninafret · 2012-08-12, 21:33

السلام عليكن الكل يعرف شاورما الدجاج لكن الشيء اللي ابتكرته هو الطريقة الساهلة اللي تتعمل بيها خاصة للمبتدئات والدوق هو نفس دوق شاورما المحلات على ضمانتي و عملت معاها الرغيف السوري وكريمة التوم اللي تحب مقاديرها نحطهالها
نخليكم مع الصور
المقادير
فيما يخص التتبيلة هي
في ميكسور حطي بصة صغيرة+2سنات ثوم+نصف مغرف كمون+مغرف هريسة +شوية كسبر وكروية+مغرف كبيرة خل +مغرفكبيرة زيت+ملح وفلفل اسود حسب الرغبة خلطي الكل وحطي السكالوب فيه من ساعة فما فوق ثم دخليه للفرن على 220 بعد ماتغطيه بالالمنيوم وفي آخر ربع ساعة نحيه وخليه ينشف شوية قطعيه شرائح طويلة بالسكين والباقي موضح بالصور
للامانة التتبيلة وراتهالي اخت في منتدى وكنت نعملها في اعواد الشواء وطريقة الفرن انا اللي ابتكرتها وجربتها والنتيجة روعة وزيد سهلة جدا
اما الرغيف السوري اللي تحب نحطلها المقاديرد
المقادير
كلغ فرينة
ملح
2 ملعقة كبيرة سكر
كاس شاي زيت
1 ملعقة كبيرة خميرة خبز
ماء دافيء للعجن
نخلط جميع المواد حتى نحصل على عجينة لينة و ما شي جامدة
ندلكو مليح و نخلوه يخمر
من بعد نشكلو كويرات صغار نحلوهم بالرولو و نرشوها بالفرينة
و نحطو قرص فوق قرص و بيناتهم نديرو ورق المطبخ
نخليهم يريحو 10 دقايق و نحمي مقلة فوق النار و نرمي
القرص الاول غير يبدا يدير فقاعات نقلبوها و نواصلو في
التقليب حتى طيب ونعمروها بواش نحبو

فقط حبيت نقلكم بلي السكالوب او اي نوع من اللحوم مالازمش يتقطع مباشرة بعد خروجو من الفرن لانو راح يفقد العصارة اللي فيه وينشف خليوه يرتاح اقل شيء 5د ومن بعد قطعوه

اللي تتوحم ماتدخلش ههههههههههههههههههه

اولا الرغيف

وهاذي الشاوارما

وهاذي كريمة الثوم

في صحن غامق تحطي بياض بيضة مع قرصة ملح و1سنة ثوم مرحية تضربيهم بالباتور مع اضافة الزيت تدريجيا كيما المايوناز حتى تثقال في يدك زيديلها ملعقة خل والملح حسب الرغبةدخليها الثلاجة ترتاح نصف ساعة واستعمليها

راني نستنى رايكم متقييمكم واي استفسار راني هنا

دعاء القلوب · 2012-08-12, 23:44

هايلة يعطيك الصحة الطريقة لو سمحتي

شروق الاسلام12 · 2012-08-13, 00:45

اكتبيلنا المقادير بالتفصيل تعيشي وطريقة التحضير الخبز السوري راني عرفة كيفاه ربي يفرحك جاوبيني

السَّحابة البيضاءْ · 2012-08-13, 09:25

يمي يمي تشهي

شكرا لك

sissi28 · 2012-08-13, 10:02

تعيشي اكتبيلي المقلدير و ايضا طريقة عمل الخبز السوري

وجدان الخواطر~ · 2012-08-13, 10:08

المقادير المقادير

ماجدة ميمي1 · 2012-08-13, 13:06

اااااااااااااااااااااااااااااااااااااااااااااااااا اااااه روعة
من فضلك المقادير
انا موالفة نديرها في الدار مع خبز عادي وطريقتي هي:
نقطع الدجاج قطع صغيرة واضعه في التتبيلة المكونة من : ثوم+ملح+فلفل اسود+كمون+حمار حار وحلو+كسبر+قليل طماطم مصبرة+ نصف حبة عصير ليمون+ رايب واتركها ليلة كاملة وفي الغد نطيبها
هل الطريقة نتاعي صحيحة او لا
اتمنى ان تضعي لنا طريقتك +الخبز السوري
بارك الله فيك وصح فطورك

yasmine150 · 2012-08-13, 18:13

السلام عليكم
اختيي من فضلك المقاديرو طريقة

راكي شهيتينا

ninafret · 2012-08-13, 18:42

السلام عليكم بعد الفطور انشاء الله نزودكم بالمقادير
وفيما يخص الرغيف توجدوه بالتفصيل في موضوعي نتاع شاورما المرقاز ولا بعد الفطور نزيد نكتبلكم الطريقة
صحا فطوركم

الأســــــتاذ: ج. ســــواعـــدي · 2012-08-13, 18:46

وردة ام يحي · 2012-08-13, 19:18

ninafret · 2012-08-13, 21:09

السلام عليكم فيما يخص التتبيلة هي
في ميكسور حطي بصة صغيرة+2سنات ثوم+نصف مغرف كمون+مغرف هريسة +شوية كسبر وكروية+مغرف كبيرة خل +مغرفكبيرة زيت+ملح وفلفل اسود حسب الرغبة خلطي الكل وحطي السكالوب فيه من ساعة فما فوق ثم دخليه للفرن على 220 حتي يطيب وينشف من الماء قطعيه شرائح طويلة بالسكين والباقي موضح بالصور
للامانة التتبيلة وراتهالي اخت في منتدى آخر وطريقة الفرن انا اللي ابتكرتها وجربتها والنتيجة روعة وزيد سهلة جدا

شروق الاسلام12 · 2012-08-14, 01:22

ربي يعطيك ما تتمناي ان شاء الله بعد رمضان بربي ان شاء الله نجربها انا راني نموت على الشورما صواردي كامل رايحة فيها ههههههههههه يعطيك الصحة خويتي

remadna · 2012-08-14, 17:31

الله يبارك
يعطيك الصحة
تشهي

ninafret · 2012-08-14, 22:04

شكرا على الردود تقبلوا تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري