قفطان ام كوكو

ام كوكو · 2014-05-24, 02:20

بسم الله الرحمن الرحيم
السلام عليكم و رحمة الله تعالى و بركاته
حبيباتي هذا القفطان الي شاركت به في مسابقة تالقي بالقفطان مع الاخ عمر و مجموعة من حباباتي الله يحفظهم
الورشة ماشي مصورة بالخطوات كلها لكن تقدرو باذن الله تفهموها

و الكم يولي 3 كاغ
هذو القماشات الدونتال بنفسجي شريت 3متر المتر ب80 الف و الساتان قومي اصفر 2 متر ب 40الف للمتر

و شريت القالون دوغي 15متر ب7الاف للمتر و الزويتنات شريت 5 كبات بنفسجي الوحدة ب 8الف و 2 ذهبي الوحدة ب 12الف كفاوني تمام التمام
بسم الله نبدا العمل
فصلت القطعة السفلية عل شكل فوطة ببروتال و عملتلها لي بانس طبعا بالباترون مباشرة فوق القماش

ثم لصقت تحت مكان القالون لا فيزلين باه ما يتكمش الساتان و خيطت القالون ساير دايرو عملتلها لاستيك عند الظهر و زينتها بالزويتنات من تحت ال فوق 4 بنفسجي 3ذهبي و مادرتش وين يكون الحزام

من الدونتال نحيت حق الاكمام عملت الجزء العلوي دونتال و الجزء المنفوخ ساتان اصفر و درت معاه وشاح

طويت الدونتال على 2 و قطعت ثم طويت كل جزء على 2بحيث يكون جزء الامام زائد 2سم على جزء الوراء من جهة الطي لاجل الفتحة الامامية نتاع القفطان و رسمت الباترون بقياساتي ثم قطعت

ثم فصلت الرقبة نتاع كل جزء و زدت نحيت قيمة 1سم من فتحة الذراع الامامية

من بعد بديت بعون الله الخياطة لصقت القالون ساير داير و عند الرقبة الامامية لصقت القالون بالبرا و الخيط و حطيت عليه قطعة كتان مبلولة و حددت بالحديد باه يشد الشكل نتاع الرقبة و يجي ساهل للخياطة
خيطت الاكمام عملت تكميشات في الساتان بالمشينة طول الغرزة 5 و من بعد نجبد الخيط و تعود عندي كشكشة
و الكشكشة الثانية درتها بالاستيك و كشكشة المعصم بالخيط مثل الاول و لصقت الساتان في الدونتال و كملت الاكمام
كي كملت لصقت الزويتنات من الفوق الى تحت الحزام قليلا و الباقي يبقى مفتوح

خدمت الحزام

و بحمد الله انهيت و الله ولي التوفيق نتمنى اني وصلت الفكرة و اي استفسار راني هنا

stayfiya · 2014-05-24, 05:02

يشرفني نكون أول وحده ترد عليك حبيبتي ام كوكو يعطيك ألف عافيه قفطان في القمه لبنات كامل دارو مجهود جبار يعطيهم الصحه صافي بليزير تلبسي من صنعة يدك البركه في الاخ عمر يعطيه الصحة

ام ادم11 · 2014-05-24, 05:37

صباح الخير اخت ام كوكو
يعطيك الصحة ؤ الله شوقتيني اني نعود انا تاني نخيط لنفسي خير ما نبقى نستنى في الخياطات
المهم قفطانك راه هايل و نهنيك انت و المشتركات على المجهود لي قمت بيه راكم امتعتونا و افادتونا

جوري لؤلؤة · 2014-05-24, 06:43

بارك الله فيك اختي ام كوكو
قفطانك هايل زاكمامو هايلين ومبتكريت
تلبسيه بالصحة ولهنا ولعقوبة لحاجة اخرى

سماح 88 · 2014-05-24, 06:52

يعطيك الصحة ام كوكو قفطان جميل وعملك مرتب

ام ضياءالدين · 2014-05-24, 06:58

444444444444444444 يعطيك الصحة

ichrak03 · 2014-05-24, 08:06

444444444444444444444

غنية غنية · 2014-05-24, 09:07

444444444444444444

أم ياسين الزهراء · 2014-05-24, 09:16

الله يعطيك الصحة 4444444444444444

خديجة التقية · 2014-05-24, 09:20

يعطيك الصحة

LAMIA TEFFAL · 2014-05-24, 10:04

يعطيك الصحة ام كوكو قفطان جميل وعمل منظم واهم جاحة ربحتي قفطان باش تعرس هدا الصيف خير ماتروحي تشريه بالغلا

ربي يحفطكم يافحلات

HAFSA IBNAT ELFAROUK · 2014-05-24, 10:07

يعطيك الصحة قفطانك هايل
44444444444444444444444444444444444
4444444444444444444444444444444444444444
44444444444444444444444444444444444444444444444444 44444
44444444444444444444444444444444444444444444444444 4444444444444444444444
و الله عجبنى بالزاف

faiza2008 · 2014-05-24, 10:31

الله يعطيك الصحة.هااااااااااااايل.ولله يا لبنات غير انتن نعمة عليا و على جميع اعضاء المنتدى.راني من الاول نتبع بصح ماكنتش نستنى في هاذ النتيجة الي بهرتني....................................بصح قلولي برك ماترقدوش انتما تباتو قاعدين..........كنت حاسبا روحي انا مهبولة .نرقد نهدر على الخياطة و نوض نهدر عليها.

~ لؤلؤة مسلمة ~ · 2014-05-24, 10:32

يعطيييييك الصحة ام كوكو
و بارك الله فيك قفطانك جا هايل و كان عندك ذوق رفييييع في اختيار الالوان
و خياطتك بالزاف شابة
و مشكورة على الجهد الي بذلتيه انت و كل المتسابقات
و الله امتعتونا باعمالكم الرائعة

دمعة فرح* · 2014-05-24, 10:42

روعة حتي انا نحوس نخيط ليا عمري13 اعطيني كتان كيفها نشريها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري