استفسار للقبايليات رجاءا

[الصمت حكمة]

أعطاني خالي وحد القرعة صغيرة فيها واحد السائل مائل للسواد و هو من مشتقات الزيتون ، ريحتو و بنتو كيما الزيتون اللي يجي مصبر و ذوقو في شوية مرارة، و قالو باللي ماهوش متوفر بالزاف يعني كيما الزيت، و أنا ما عرفتش اسمو و لا لواش يستعمل، أفيدوني ربي يحفظكم و يعطيكم ما تتمناوا

[mariaanfel]

ma3labaliche ida raki tahedri a3la AMOUREDJE ahna on dirouhe em3a el kessra eteybou bih lemsemen Aghroume de toutes ses formes

[لينا11]

حنونة هذاك العلف تاع زيتون يترحى ممممم بنين يهبل ومرارة تاعو نورمال خاطرش مالفة بيها مممم شهيتيني فيه
يتكل بالمطلوع بنين وصحي وشوفي من بعد بشرة تاعك زيماه تولي


هاتيلي شوية سخفت عليه قريب نروح لدارنا نجيب منو توحشتو

نسموه في بجاية الموروج

[مليديا 08]

مرحبا
حنا نسموه avayar ، كي يكون الزيت جديد نحطوه في قرعة باش يتصفى
الماء يطلع من الفوق حنا نسموه (امورج) والزيت تبقى في الوسط وهداك لي
يكون من التحت يكون كحل وثقيل هو avayar ، كي نطيبو المطلوع وهو سخون
يديروه فيه.
فكرتيني في يما ربي يغفرلها كانت تحبو بزاف، كولوه بصحتكم.

[ryhem 16]

كما جوبوك الأخوات يعطيهم الصحة
أختي مبدئيا كما أي ثمار تتعصرفيها سائل مستخلص و لب
شوفي كي يعصرو الزيتون السائل يخرج زيت و نعيطولو زيت الزيتون و ألي يبقى ميقدروش يرحيوه هداك هو ألي عطاهولك خالك راه صحي و بنيننننننننننننننننننن و لمرورية ألي فيه عادية خاطرش راه مركز بعد استخلاص زيتوه
أختي هو تاع تغماس و تكليه بأي نوع تحبي من الخبز الساخن رائع

أختي تكلوه بالصحة و لهنة

[الصمت حكمة]

ألف شكر لكل واحدة باسمها ، و تحية كبيرة لكل القبايليات، أنا الصح ما عرفتش نستعملو عندو مدة مخبي الثلاجة ، و قلت بالاك يدار فوق السلطات , خفت قلت لوكان لازم يستعمل بكمية قليلة بزاف و مالازمش يكثروا منوا على اللي ماهوش مادة دسمة كيما الزيت جاي برك كيما الماء، خسارة لوكان راكم قراب ليا نخبز المطلوع بدقيق القمح و نبعث لكم شويا ، بالصح شوي برك خاطر راكم زدتوا شهيتوني فيه، ربي يحفظكم و يعطي كل واحدة منكم ما تتمنى ، ألف شكر مرة أخرى

[الصمت حكمة]

ما عليهاش نزيد نسمط عليكم شوية، ياك ماعندوش مدة استهلاك معينة، معناها مدة صلاحيتو كيما الزيت و الزيتون المصبر و لا لالا؟

[Sasou18]

ماتخافيش أختي ميخصرش كوليه بصحتك

[lahna moka]

حبيبتي هاذاك نسموه عندنا كيما قالة الاخوات : آمورج. و ناكلوه بالمطلوع أو كسرة قبايل و البنة ممممممم
أما الحفظ تقدري تديريه في مكان ماشي شرط فالثلاجة و مدة الصلاحية ما عندوش
سخفتيني بيه ممممممم