|
قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
توووت توووت...جاء قطار من بيروت..توووت توووت
|
أدوات الموضوع | انواع عرض الموضوع |
2014-01-06, 13:35 | رقم المشاركة : 1 | ||||
|
توووت توووت...جاء قطار من بيروت..توووت توووت
اللهم صلّ وسلّم على نبينا محمد صلاة ترضيك وترضيه وترضى بها عنا يارب العالمين وعلى اله وصحبه اجمعين والتابعين باحسان الى يوم الدين: توووت توووت...جاء قطار من بيروت.. توووت توووت...جاء قطار من بيروت يحمل لعبة..يحمل حلوى ...يحمل تووووووت تووت تووووووووووووت وش احوالكم يا بنات نتمنى تكونو في افضل حال بدون اطالة درت لوليدي كيكة القطار وحبيت نشارككم فكرتها اولا باه نتفاهمو مادرتش موضوعي باه نفيد بيه احياء حفلات الميلاد من قريب او من بعيد ونتمنى يكونو مواضيعي حسنات جارية وليس العكس اللهم اني اشهدك اني بريئة من أي استعمال لهذا الموضوع في مالاتحب وترضى دخلة قوية علابالي هههههههههه لكن ...كنت لازم نبرّي ذمتي المهم درت لانيس كيكة القطار وكيكة سبونج بوب كان طلبهم مني وكل طلباته في هذا اليوم مجااااااااااااابة لاني كنت وعدته العام اللي فات لو تدخل لجمعية حفظ القران وتحفظ ماتيسرلك في العام نديرلك حفلة ونديرلك فيها الشيء اللي تحب وبالفعل بعد جهد جهيد وتنقريز ودزّااااااان حفظ ووفيت بوعدي طولت عليه شوية لكن وفيت بوعدي باه يبقا هاز فكرة مليحة ويتشجع يكمّل شوفوها جات هايلة وفرحو بيها الاولاد بزااااف لو تشوفو البريق في عينيهم كي حطيتها... نبداو على بركة الله بطريقة التحضير اولا انا درت مقادير 2 جينواز كبار مع بعض لاني درت زوج كيكات استخدمت 17 بيضة ورطل سكر ورطل فرينة ووحدة خميرة لو راح ادّيرو وحدة برك ممكن تستعملو مقادير اي جينواز جينواز ام كوثر هايلة فيها النشا وكنت جربتها من قبل https://www.djelfa.info/vb/showthread.php?t=1398560 المهم تتحصلو علىى خليط هايل كما هذا كي تهزي المضرب يتكونلك شريط رائع انا قسمتها على زوج لاني درت كمية كبيرة كي طابت قسمتها على زوج برك وشربتها بشوية نتاع شاربات ونحشوها كريم شانتيي تجي اخف درت وحدة سبونج بوب بربي ان شاء الله نديرها موضوع مستقل هايلة لحفلات نجاحات الاطفال والثانية قصيتها بهاذ الشكل وسقيتها شاربات ومنبعد لاشونتيي كما اللي فاتت بالنسبة للقاطرة حطيت طرف صغير فوق واحد كبير بهاذ الشكل وكنت مدايرة من قبل كمية كبيرة من كريمة الزبدة التقليدية بالفانيلا دارتها الاخت فلة من قبل موضوع https://www.djelfa.info/vb/showthread.php?t=1123042 زدت فيها شوية كاكاو ودهنت بيها طرف الكيكة باه الواحد يتحصل على بريق وخدمة متقونة يغطس السباتولا نتاع الحديد في الماء المغلي ويمسحها ويخدم بيها كآخر لمسة حطيت فوقها وحدة كب كيك وكملت غطيتها بكريمة الزبدة وكنت مغلفة بلاتو بورق الالمنيوم وبديت نحط وكل عربة نديرلها ملون كما في الصور نعدلها ونحطها ورا اختها حتى كملتهم وكنت شريت حلوى نزين بيها وقوفريط وعمّرت كل عربة بالحلوى ودرت العجلات بالقاطو المدور وخلاااااااص شوفو كفاه جا عجبلهم صغار وكبار وحتى اللذة كان يشهيييييييييي وغنّاولها تووووووووووووووت توووووووووووووووت ودخّلت بهجة على قلب وليدي وعلى كل احبابه ماشاء الله نتمنى يكون عجبكم الموضوع وفكرته ونتمنى تطبقوها وتشوفو البريق اللي شفتو في عينين الاولاد
|
||||
2014-01-06, 13:36 | رقم المشاركة : 2 | |||
|
انا نرفع في الصور والضياف عيطو قالو جايييييييييييين
اتفرجو التصاور حتى نولي هههههههههههههه |
|||
2014-01-06, 13:38 | رقم المشاركة : 3 | |||
|
رانا متفرجين ومستمتعييين حنونتي روووووووعة |
|||
2014-01-06, 13:41 | رقم المشاركة : 4 | |||
|
هايلة يعطيك الصحة خرجت 4444444444444 |
|||
2014-01-06, 13:41 | رقم المشاركة : 5 | |||
|
mmmmmmmmmm y3tik saha walah hayla |
|||
2014-01-06, 14:11 | رقم المشاركة : 6 | |||
|
ياسلام ياسلام رووووووووعه يعطيك الصحه |
|||
2014-01-06, 14:13 | رقم المشاركة : 7 | |||
|
رانا متمتعين بالصور في انتظار عودتك |
|||
2014-01-06, 15:11 | رقم المشاركة : 8 | |||
|
روعة يعطيك الصحة رانا نستناو في تصاور الباقين |
|||
2014-01-06, 15:28 | رقم المشاركة : 9 | |||
|
واوووووووووووووووووو روووووووووووووووووعة |
|||
2014-01-06, 18:04 | رقم المشاركة : 10 | |||
|
رووووعة يعطيك الصحة |
|||
2014-01-06, 19:35 | رقم المشاركة : 11 | |||
|
تحفة يعطيك الصحة |
|||
2014-01-06, 19:40 | رقم المشاركة : 12 | |||
|
Ya3tek saha we rana nesenaw fik |
|||
2014-01-06, 20:28 | رقم المشاركة : 13 | |||
|
يعطيك الصحة |
|||
2014-01-06, 21:10 | رقم المشاركة : 14 | |||
|
444444444444444444444444444444444444 |
|||
2014-01-06, 21:13 | رقم المشاركة : 15 | |||
|
محلاها فرجة , رانا نديروا دارة في القطار حتى ترجعي |
|||
الكلمات الدلالية (Tags) |
بيروت..توووت, بونوة, توووت...جاء, قطار |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc