مطلوع و كوشةمن مطبخي تفضلوا معايا

فريال88 · 2013-09-24, 23:20

مساء الخير حبيباتي جبتلكم اليوم عجين تصلح نخدموا بيها المطلوع او الكوشة اللي تطيب في الفرن

نبداو المقادير حسب افراد العائلة انا درت 4 طبسي تاع شربة فرينة فقط يعني صغير شوية مع 3 ملاعق خميرة العجين و ملح و ملعقة سكر

و نبلل العجين فقط يعني نلمو فقط يجي شوية يابس ثم نبدا نضيف حوالي كاس كبير تاع ماء و ندبز بيدي كما توضح الصور و نقلب العجين للاسفل و نزيد ندبز من الجهة الاخرى حتى يبقى شوية ماء فقط و ندلكو حتى يشرب الماء كله

ثم نضيف كاس ماء كبير للمرة الثانية كما في المرة الاولى لكن هذه المرة بعدما ندبز ما ندلكوش مباشرة بل نخليه في الجفنة حوالي 10د و بعدها نلقاو العجينة شربت الماء كله و ريحت راح تحسي بيها رطبة يعني ملساء.بعدما تدلكيه حوالي دقيقتين لان الفرينة تندلك وحدها ما تعبيش روحك معاها السر تاعها انها ترتاح فقط.و بعد ما نلموها نخلوها ترتاح للمرة الثانية حوالي 10د بعدها نضيفلها شوية زيت و نلمها للمرة الاخيرة و نخليها تخمر

بعد ما تخمر نقرصها في سميد يكون رقيق ضرووووووري سميد وحدو فقط حبيتي تديري مطلوع و باش يجيك نفس الحبة اوزني العجين 450غ سواء في الطاجين او الفرن و بالنسبة لميني مطلوع كيما درت انا اوزني 150غ

حطيه يخمر مليح ثم طيبيه كيما تحبي هذه العجينة تصلح للمطلوع اي في الطاجين او الكوشة اللي تطيب في الفرن انا نوعت طيبت شوية مطلوع و شوية كوشة بنفس العجينة برك المطلوع على نار هادية و الكوشة لازم النار قاوية

و الصور توضح كل الخطوات

المرة الاولى

المرة الثانية

المرة الثالثة

الخطوة الرابعة

و في الاخير نتمنى ينال اعجابكم و اي استفسار انا هنا

تحياتي

manora_007 · 2013-09-24, 23:47

يعطيك الصحة و لا اروع دايما نشوفو في مطاعم درارية و كنت حابة نتعلمو
نسقسيك في الكوشة نشعل من فوق و لا من تحت

samira15 · 2013-09-24, 23:51

راكي فحلة يا فريال شاطرة اليوم شفت واش درتي في مسابقة رمضان عجبوني اطباقك قمة 444444444444444 .

نجمة ساطعة · 2013-09-24, 23:53

رائع يعطيك الصحة و الراحة

ام فريال · 2013-09-25, 06:39

اممممممممم رائع يعطيك الصحة وجاري تجريب

ام الهضاب · 2013-09-25, 07:17

يهبل يعطيك الصحة

oum ibrahim · 2013-09-25, 07:53

يعطيك الصحة فريال ماشاء الله مطلوع و عليه الكلام

لميس اميرة · 2013-09-25, 08:07

يعطيك ألف ألف العافية

أم محمد تاج · 2013-09-25, 08:10

يعطيك الصحة فريال والله يبارك روووعة يسلم ذوك اليدين

حلم جميل · 2013-09-25, 08:30

ما شاء الله رااااائع

قوليلي اختي لوكان نخلط نص سميد تكون نفس النتيجة

صراحة قمة سخفتيني

فريال88 · 2013-09-25, 09:06

اقتباس:

المشاركة الأصلية كتبت بواسطة manora_007

يعطيك الصحة و لا اروع دايما نشوفو في مطاعم درارية و كنت حابة نتعلمو
نسقسيك في الكوشة نشعل من فوق و لا من تحت

شكرا اختي لازم من فوق و من تحت

اقتباس:

المشاركة الأصلية كتبت بواسطة حلم جميل

ما شاء الله رااااائع

قوليلي اختي لوكان نخلط نص سميد تكون نفس النتيجة

صراحة قمة سخفتيني

شكرا حبيبتي لكن من الاحسن تديري فرينة وحدها لانها تجي خفيفة و السميد يحتاج الدليك بزاف

الأمنيات · 2013-09-25, 09:09

نديره يجي هشيش ورائع نفس طريقتي تبارك الله
يعطيك الصحة

sidali 2007 · 2013-09-25, 09:23

اممممممم يعطيك الصحة

ام خالد اسلام · 2013-09-25, 09:35

الله يبارك اختي خرجلك روعة نجربو انشاء الله

crystale49 · 2013-09-25, 10:49

هادي طريقة هايلة انا مجربتها و تخرجلي روووووعة شكرا اختي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري