لوازم او التجهيزات للمولود جديد

مسعودي مفيدة · 2013-09-13, 11:53

السلام عليكم ارجو من كل الأخوات في المنتدى تقولي واش يلزم للمولود جديد و جزاكم الله الف خير مشكوريييييييييييييييييين

sousou yassine · 2013-09-13, 15:43

1000 1000 mabrook habibti troso nta3 bebe 3la hssab lfasel li rah yzid fih

سرور الروح · 2013-09-13, 15:51

moi aussi nhawass 3lihoum rah nouled fi chtaa inchaa ala

*سيرين نور عيني * · 2013-09-13, 16:43

mabrok 3likom w la39oba lya nchlah

ça depend 3ndkom tfal wla tefla?

*سيرين نور عيني * · 2013-09-13, 16:48

voici quelques trucs nchalah nfidkom b haja

sima arabi · 2013-09-13, 19:29

اختي عندي 8اشهر ملي ولدت وراح نحطلك ان شاء الله كلشي من مستلزمات التنقل للباس للفراش و حتى حقيبة المستشفى وراح نقلك كلشي بالتفصيل برك اصبري عليا شوي اوكي

مسعودي مفيدة · 2013-09-16, 13:17

شكراااااااااااااا حبيباتي عالى الردود و اإفادة و البييبي تاعي راهو طفل و نزيد في ديسمبر ارجو منكم المزيد من المعلومات و برك الله فيكم

sima arabi · 2013-09-16, 23:42

بحتى اناولدت في جانفي وعندي ولد .شوفي اختي راح نقسم الموضوع الى اثنين لوازم المولود و لوازم الام
1الفراش تاع البيبي
سرير متنقل_لوندو_ تحتاجيه باه تخرجي فيه البيبي تاعك وتاني باه كي تروحي ترقدي في بيتكم تاخديه معاك ساهل للحمل والنقل
كرسي سيارة تاع نوفو ني حتى ل13كغ
un berceau ولا تحبي تشري مرة وحدة السرير تاع البيبي
بساط تفرشيه في لوندو زائد la gigoteuse احسن ملي تشري فراش وغطى وتاني ماتغمش بيها البيبي
ملاءة او 2
2لباس البيبي
ادا كنتي راح تقمطي وليدك تحتاجي قمايط و لي تريكو دبو
واد ماتقمطيش تحتاجي
6بودي بكم طويل0_3 mois
6بيجامة 0_3 mois يعني قرونيار
2بوني
2 ازواج تاع لي موفل
2 ازواج تاع لي شوسات
2 براسيار0_3 اشهر
نيددونج

أم امتنان · 2013-09-17, 12:07

ربي يتمملك على خيرانا راح نولد في نوفمبران شاء الله المهم راح نكتبلك وش تحتاجي اولا نبدى بكابتك حطي فيها بيجامة تكون مفتوحةعند الرقبة للرضاعة وبليغة تكون خفيفة وميش عالية للمستشفى على الاقل2 حمالات صدر وباطة حفاضات حجم كبير وصابون معطر وفرشات ومعجون وكحل اذا متعودة عليه بالنسبة لكابة البيبي باطة كوش حجم صغيروقماط والبيبرو والسوسات غليهم و2تريكو الافضل يكون قطن مش نيلو وكمبليزو وقفة البيبي فرشيه ببصاط وغطا او كوات بيبي نصيحة اخيرة ومهمة بحكم التجربة قطعي كشماقندورة عندك قديمة طراف وحطيها يمسحو بيها للبيبي كي يزيد باه ميوسخولكش حوايجك لملاح وربي يسلكك على خير انتي وانا وكل نساء المسلمين

مسعودي مفيدة · 2013-09-17, 12:20

يعطيكم الصحة على الإهتمام ربي سلكك على خير ام امتنان

السيدة كرمين · 2013-09-17, 13:40

يلزم حقيبة ، تروسو من كوات و درا و مخدة + بساطات ملابس داخلية وخارجية الأفضل تكون قطنية و مفتوحة من الرقبة
قرونيار + بوني و ليغو و لي شوسات وتكوني معطرة ملابسو كاملة لوازم لقماطة قماطة ودرا لوازم الحمام سرابت و شومبوان
و مشط ناعم .. و لوازم التنظيف الشخصي مثل لي كوش وكوتو نتيج و كوبونغل ولينجات ..، بيبرو صغير للماء و آخر أكبر
في حال احتاج البيبي حليب أنصحك بعدم استخدام السوسات لأنها أكبر ناقل للأمراض
سرير يكون جوانب تاعو عاليين و مغطية لجناب تاعو ، ولوندو لليوم الأول و الفاكسان

ما تنسايش فقط في يومه الأول شربيه ماء زمزم و قطعة تمر طريها مليح بعد ما يكون باباه أذن في وذنوا
ان شاء الله ما نسيت والو ويلا تفكرت شئ لي رجعة
ربي يسلكك على خير ما تنسي قراءة سورة مريم و الزلزلة و الدعاء لرب العزة

رقيقة الشعور · 2013-09-28, 00:53

يا موضوع رائع والله استفدت الكثير تصدقو اني كنت خارج مجال التغطية يعطيكم الصحة

om assil · 2013-09-29, 15:40

موضوع رائع ان شاء الله الكل يستفيد

فيفي سكيكدية · 2013-09-30, 18:00

بارك الله فيكم أخواتي

ريم الوداع · 2013-10-01, 01:12

راهم غاع يهبلواااااااااا ربي يوصلكم تفرحوا بيهمممممممممممممم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري