شكون لي يدير ليكور ؟؟

DTInfo · 2013-08-31, 10:11

شعب كامل يدير ليكور و منعرف علاه مازال الحال و زيد ماقرينا والو
و كاين لي يدير ليكور سبيسيال من الصيف غير باه يفهم كلش
انا مادرت والو اسكو راني غالط ولا؟؟

minina2601 · 2013-08-31, 10:38

يا اخي والله الامر محير يعني الي ميقدرش يدير الدروس الخصوصية راح فيها حسب راي بعض الاشخاص
انا في الحقيقة منديرهومش وماشي نهاية العالم نقرا فالدار وندير الي عليا والفاهم يفهمنا وشنو الفرق

ا

Rofieda · 2013-08-31, 10:43

السلام عليكم .. تقصد ماكش راح دير ليكور طول العام ؟؟

Hakou28 · 2013-08-31, 10:49

انا درت فيزياء فقط
والله ماهي قضية لي كور انا من اشد العارضين ضد ليكور هاذوا لكن وسوسوني برك درت فيزياء
القضية هي انك تقرا في الدار كل يوم وتراجع دروسك في الكلاسة وتحضر الدروس هذا مكان

romi rosa · 2013-08-31, 12:19

اقتباس:

المشاركة الأصلية كتبت بواسطة dtinfo

شعب كامل يدير ليكور و منعرف علاه مازال الحال و زيد ماقرينا والو
و كاين لي يدير ليكور سبيسيال من الصيف غير باه يفهم كلش
انا مادرت والو اسكو راني غالط ولا؟؟

اخي ماراكش غالط بالعكس العطلة للراحة ونسيان جو الدراسة و انا شخصيا لم ادرس شيئا ولو حرفا واحدا فقط اكتفيت بتحميل ماهو موجود في المنتدى تحضيرا للباكالوريا وستكون الانطلاقة عادية يوم 8 سبتمبر لذلك لا تقلق من هذا الجانب

بن حميميد · 2013-08-31, 12:24

ya khouya rak kifi brkkkk maderte hatta cours hatta noudkhlou w rabbi w rahmtou a khoua ma3ref hadhi jabouhalna jdida ..................................ness dir f les cours w nass mazel ma3labalhache weche rayha ta9ra ........................

the noble · 2013-08-31, 14:15

wallah ghir 3andak l7a9 ya khooya
ana balak 7ata fel 3am w ma ndirch

Tulipe95 · 2013-08-31, 17:04

ما راك غالط ما والو انا ليا ليكور في وقت الدراسة اصبح لازم لان الاساjدة ماولاوش يبدلو جهدهم ... اما في وقت العطلة ماكانش منهاا ليكور -_- هاذو لي يديرو فالصيف اغلبيتهم ملي ماقراوش مليح فالموسم الدراسي و حابين يعوضو .والا حابين يحضروا و انا ليا العطلة عطلة للترفية و تغيير الجو ..و في الاخير كل واحد و قدراته

super girl 15 · 2013-08-31, 17:15

الدروس الخصوصية ضرورية خاصة مع الاساتذة تاع الوقت هاذا قليل وين تلقا استاذ مليح
لكن في الصيف انا ضد الفكرة لانو راح يتضغط وخلاص لي يبدا في الصيف وراح يوصل الباك عليه يلقا روحو غلبان وماوش قادر يكمل وغالبا لي يبداو من الصيف وميمدوش لنفسهم الراحة يفشلو في الباك وحتى لو يديواه ميجيبوهاش كيما راهم حابين
هاذ العطلة لو ماشافش لي يقريو اهميتها للتلميذ كون رانا واصلنا الدراسة ومديناش العطلة لكن مهم جدا الفصل بين سنة واخرى براحة نفسية وفكرية وجسدية

super girl 15 · 2013-08-31, 17:17

البداية من سبتمبر ان شاء الله وربي يكون معانا ويباركلنا

leila lolo · 2013-08-31, 17:23

عندك الحق خوياا وماكش غالط ليكور في الصيف ماشي هي بصح كل واحد واش يفكر انا هذا الصيف قلت للراحة والعام طوييييل ورح نكرهو لقراية
انا رح ندير ليكور في بداية العام هكا خير وللمواد الاساسية واش نقولو ربي يوفقنا وخلااص

lamismissa · 2013-08-31, 17:38

اقتباس:

المشاركة الأصلية كتبت بواسطة minina2601

يا اخي والله الامر محير يعني الي ميقدرش يدير الدروس الخصوصية راح فيها حسب راي بعض الاشخاص
انا في الحقيقة منديرهومش وماشي نهاية العالم نقرا فالدار وندير الي عليا والفاهم يفهمنا وشنو الفرق

ا

الفرق كي تقراي في الثانوية تاعنا تكتشفي اهمية ليكور
باسكو ماعدناش اساتذة عدنا عارضات وعاضي ازياء ومتكبرين يالاطيف
ادعولي يحكموني لمخيرين تاحم ان شاء الله يكونو اساتذة ملاح يبغاهم الخاطر

باك 2013 · 2013-08-31, 23:12

عندك الحق كي ماقريتش في الصيف مازال العام طويل وتتعب وتكره
بالنسبة للدروس الخصوصية اذا كانوا المعلمين في الثانوية ملاح أنا نشجعك ماديرش
اذا كان ما كانوش ملاح تولي الدروس الخصوصية ضرورة

DTInfo · 2013-09-01, 09:31

شكرا خاوتي على الردود
والله هادا وش خممت أنا ، العطلة الواحد يرتاح و ممبعد كيف ندخلو نقراو حنا و الجو تاع الأساتذة
والله الواحد عاطاه ربي عطلة يرتاح فيها باه يستعدذ نفسيا و جسديا للباك يقراو فيها
و زيد عندي حاجة انا ايدا قريتها فالليكور مثلا و مافهمتهاش تبقالي عقدة
ان شاء الله بي يوفقنا كامل

فارسة المنام · 2013-09-01, 10:17

hada ma b9ali ghir ne9ra fi sif 3otla complet à ll'aise mrat7a bali w fi la rentré tebda 9raya

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري