أسهل و أسرع و ألذ بقلاوة بطريقتي من مطبخي بالصور

oum anas 69 · 2013-08-15, 21:43

السلام عليكم عزيزاتي عضوات منتدانا الغالي
صحا عيدكم و كل عام و أنتن بخير
كيف أحوالكم إن شاء لاباس عليكم
ها أنا عدت بعد غياب طيلة شهر رمضان بسبب سفري إلى بلادي الحبيبة
أشكر كل الأخوات لي راسلوني على الخاص أذكر منهم عزيزاتي أم ماجد ... أم نجمو ... الصوامعية... عاشقة الجنة .... أم أيمن ... أم إياد و المستغفرة ومحبوبة الكل توتا .... لمسة حنية ....و لي نسيتهم إن شاء الله نذكرهم نضيفهم أسمحولي
اليوم جبتلكم أسهل و ألذ بقلاوة على طريقتي بعجينة الفيلو المعدة منزليا عندي سنين و أنا معتمدتها و هي من حلويات العيد 2013 لبيت أهلي
آسفة ماصورتش المراحل من الأول لأني كنت مسرعة باش نروح لأهل زوجي و لكن وعد مني أني نعمالهالكم بالتفصيل الممل في الأيام القادمة بإذن الله ... نخليكم مع الصور
هنا منين كملتها و قطعتها

هذه هي الوصفة للعجينة :
5 كيلات فرينة لابال لاتستعملو سيم درت بيها ماصلحتليش مافيهاش العلك .. تتقطع وحدها
كيلة ليدام ( 1/2سمن + 1/2مارغارين التوريق)
1/2 كيلة مايزينة
قرصة ملح حليه في شوية ماء
حبة بيض
2 ملاعق حليب بودرة .. تقدري تستغناي عليه أنا مادرتوش
2 ملعقة أكل خل أبيض
2 ملعقة ماءالزهر ( أنا زدت شوية)
2 ملعق أكل سكر بودرة
ماء للعجن
الكيلة لي درت بيها هذه الصينية هي باطة مارغارين 500 غ
للحشو
3 كيلات مكسرات
3/4 كيلة سكر عادي خطرش تتعسل
قشور ليمون
لفاني بودرة
قليل من السمن الذائب
و نرش بماءالزهر مثل فتل الكسكس.........
الطريقة هي أنك تحطي كل مقادير العجينة في قصعة و تعجني عادي مثل البقلاوة العادية .... أقسميها على 14 كرية متساوية (أوكيما تحبي نتي عدد الطبقات) أنا درت 7 من فوق و 7 من تحت ممبعد تحطي الكريات يرتاحو داخل كيس نظيف
ممبعد أغطسيهم في المايزينة ثم حلي 7 كريات شوية و حطيهم فوق بعضاهم مع إعادة رش المايزينة مليح بين الطبقات و حلي بالحلال جيدا حتى توصلي لسمك 0.5 سم وطبعا قد سمك الصينية
ممبعد تهزي العجينة و تفرشيها فوق صينية فرن تكوني دهنتيها مسبقا بمارغرين التوريق جيدا
تعملي ثقوب بالإبرة ثم تفرشي الحشو و تسويه جيدا ثم تعاودي تحلي الكريات 7 الباقية بنفس الطريقة و زاودو المايزينة بيناتهم و تحطيهم فوق الحشو وتسوي الحواشي ثم تقطعيها و تزينيها حسب الرغبة ثم تدهنيها بمارغارين التوريق.... خليها تريح شوية ثم طيبيها في الأول على نار قاوية ثم نقصيلها تطيب في غرضها و عسليها و خليها تتشرب

و هنا دهنتها بمارغارين توريق

طيبتها في هذا الفور الرائع

و هنا منين خرجتها و عسلتها بعسل من صنعي .... مازالت سخونة تغلي

صورة أقرب
شوفو كيفاش ورقت وحدها بلا مادهنت الطبقات .... تقدروا تحسبوهم

زوووووووووم

مزايا هذه البقلاوة أنها ماتعييش و ماتديش الوقت مثل العادية و لذتها لاتقاوم و مانحكيلكمش على القرمشة هههههه
ثانيا أنها تحلي الطبقات العجينة فوق بعضها أنا عملت 7 من تحت و 7 من فوق ثم تضعينهم كطبقة واحدة في السني يعني أسهل منها مافيش
قولولي رايكم ممبعد إن شاء الله نحطلكم الوصفة نروح نرقد أولادي و نرجع إن شاء الله

طهراوي ياسين · 2013-08-15, 21:45

رووووووعة.. ماشاء الله

*سماح 94* · 2013-08-15, 21:48

اهلا ام انس توحشناك ان شاء الله تكوني بخير
صح عيدك وكل عام وانت بخيرررررررر
والبقلاوة تهبببببببببببل ماشاء الله راني نستنى في طريقتها بالتفصيل

ذكريات الطفولة 7 · 2013-08-15, 21:48

يعطيك الصحة جاتك تهبل :-)

فتـ حييةـاة · 2013-08-15, 21:49

عودة ميمونة و بارك الله فيك بي يحفظ اولادك من كل سوء

صفاء الرووح · 2013-08-15, 22:09

الله يبارك مواضيعك دائما في القمة يعطيك الصحة
رانا نستناو لطريقة بالتفصيل

شهرزاد 213 · 2013-08-15, 22:13

عودة ميمونة أم أنس إن شاء الله تكوني فوتي ايامات ملاح في البلاد
البقلاوة خرجتلك روعة صح بعجينة الفيلو ولا اسهل يعطيك الصحة

*أم كوثر* · 2013-08-15, 22:15

يمممممممممممممممم بلاماتقوولي انا من نهار عرفت هد العجينة وانا معتمدتها
تجي خفيفة ودوقها لايقاوم
يعطيك الف صحة

aicha3357 · 2013-08-15, 22:35

Rawaa saha aidek tawalti wach hadi algiba golili Balfour mnin chritih w bichhal .rabi yaawnek rani nastana fi alwasfa

oum anas 69 · 2013-08-15, 22:48

اقتباس:

المشاركة الأصلية كتبت بواسطة طهراوي ياسين

رووووووعة.. ماشاء الله

اقتباس:

المشاركة الأصلية كتبت بواسطة nokia2007dz

اهلا ام انس توحشناك ان شاء الله تكوني بخير
صح عيدك وكل عام وانت بخيرررررررر
والبقلاوة تهبببببببببببل ماشاء الله راني نستنى في طريقتها بالتفصيل

اقتباس:

المشاركة الأصلية كتبت بواسطة besma2500

يعطيك الصحة جاتك تهبل :-)

اقتباس:

المشاركة الأصلية كتبت بواسطة فتـ حييةـاة

عودة ميمونة و بارك الله فيك بي يحفظ اولادك من كل سوء

اقتباس:

المشاركة الأصلية كتبت بواسطة صفاء الرووح

الله يبارك مواضيعك دائما في القمة يعطيك الصحة
رانا نستناو لطريقة بالتفصيل

اقتباس:

المشاركة الأصلية كتبت بواسطة شهرزاد 213

عودة ميمونة أم أنس إن شاء الله تكوني فوتي ايامات ملاح في البلاد

البقلاوة خرجتلك روعة صح بعجينة الفيلو ولا اسهل يعطيك الصحة

اقتباس:

المشاركة الأصلية كتبت بواسطة *أم كوثر*

يمممممممممممممممم بلاماتقوولي انا من نهار عرفت هد العجينة وانا معتمدتها
تجي خفيفة ودوقها لايقاوم
يعطيك الف صحة

اقتباس:

المشاركة الأصلية كتبت بواسطة aicha3357

rawaa saha aidek tawalti wach hadi algiba golili balfour mnin chritih w bichhal .rabi yaawnek rani nastana fi alwasfa

شكرا حبيباتي يتوحشكم الخير إن شاء الله
ضرك إن شاء الله نكتبلكم الوصفة
عزيزتي عائشة الفرن هذا شراه أخي من مدينة وهران و سعره 800 ألف عندو 3 سنوات .... يما حطاتو في عينيها من كثرت ماهو مليح .... معروفين بيه ناس الغرب بزاف مايتعبش و يطيب كلش

lamiak1 · 2013-08-15, 22:52

دايما مبدعة نموت علي وسفارة وين تشري لبات فيلو في فرنسا ارجو الاجابة

oum ibrahim · 2013-08-15, 22:58

يعطيك الصحة ام انس توحشناك و توحشنا ابداعاتك
البقلاوة تبان رووووووووعة ننتظر الوصفة و شكرا

fahima fifi · 2013-08-15, 23:06

ya3tiiiiiiiiiik saha haylaaaaaaaaaaaaa

ام محمد78 · 2013-08-15, 23:13

بانتظار وصفتك يا ام انس

oum anas 69 · 2013-08-15, 23:15

اقتباس:

المشاركة الأصلية كتبت بواسطة lamiak1

دايما مبدعة نموت علي وسفارة وين تشري لبات فيلو في فرنسا ارجو الاجابة

عزيزتي لامية شكرا لزيارتك يا بنت ولايتي عندك مدة ماكيش تباني عساكي بخير
و عجينة الفيلو صنعتها في المنزل لكن في فرنسا تباع عند الأتراك هي و القطايف موالفة نشريها من عندهم

اقتباس:

المشاركة الأصلية كتبت بواسطة oum ibrahim

يعطيك الصحة ام انس توحشناك و توحشنا ابداعاتك
البقلاوة تبان رووووووووعة ننتظر الوصفة و شكرا

يتوحشك الخير عزيزتي الغالية شكرا لإطلالتكي نورتي صفحتي

اقتباس:

المشاركة الأصلية كتبت بواسطة fahima fifi

ya3tiiiiiiiiiik saha haylaaaaaaaaaaaaa

شكرا لكي عزيزتي فهيمة و مرحبا بكي عضوة جديدة بيننا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري