شاركينا سحورك لأول يوم مبارك -أعاده الله علينا-

[muslimone]

المشاركة الأصلية كتبت بواسطة ام لمجد

السلام عليكم و صح رمضانكم ان شاء الله تصوموا بالصحة.
انا شخصيا في دارنا قبل ما نتزوج مانتسحرش غير ماما لعزيزة ربي يخليها كانت تجيبلي الما للفاش نشربو مرات وانا قافلة عينييا
خويا قهوة وحليب اخواتي نص يسخنو دوزيم بلا
بابا فلون برك كل واحد كيفاش
اما اهل راجلي يديرو مسفوف بالحليب ولا اللبن.
وراجلي قهوة حليب مع قاطو ولا مسفوف و راني نخمم كيفاش ندير قالك لازم تولي تتسحري
لكن لي حبيت نهدر عليه اكتر هو تقاليد اهل منطقة تمنراست في الفطار وطريقتهم في تقسيم الوجبات بطريقة عجبتني مضرش الجهاز الهضمي وهي
1-مباشرة بعد الاذان تمر وحليب و "الحسا"وهو الفريك مطحون علي شكل بودرة يطيبوه في ماء ملح و توابل تاعهم خاصة بيه.
تم مايزيدوش ياكلو حت بعد الصلاة العشاء و لكن يشربو الشايوياكلو حاجة خفيفة.
اما وجبة العشاء فحتي منتصف الليل باه ياكلوها
كانت هاذي عادتهم في رمضان اما اكلاتهم فمازلت لااعرفها بحكم تواجدي هنا من مدة قصيرة

الله يبارك والله يعينك سبحان الله عادات رائعة وغريبة عنا في نفس الوقت ربي معاك ورمضان كريم

[muslimone]

ربي يبارك ويبلغكم رمضان يا الفحلات أنا اليوم وجدت السفة والدلاع والفلون والماء بارد هههههههههههه إن شاء الله يعود علينا بالصحة والخييييييييييييير مبروك رمضان

[زنجبيل11]

سحورنا
كسكس بالحليب والا الرائب او اللبن
و القهوة

[أم عابد]

اليوم السحور ان شاء الله ، فواكه ، و سلطة خضروات و في العادة ندير معجنات خفيفة( ميني بيتزا ، لي شوصون ...) و فلان
اللهم بلغنا رمضان و اعنا على صيامه وقيامه

[samia keni]

سلا م حنا سحورنا مسفوف بالزبيب و حليب او لبن و صح سحوركم

[amel5]

سحورنا ليوم ان شاء الله سفة بالزبيب و الحليب و لي يحب يشرب قهوة حليب
اما باقي الايام كل يوم كيفاش
رمضان كريم للجميع و كل عام و انتم بخير

[ahlem73]

بريوش وقهوة بالحليب
صح سحوركم

[wassila sali]

حنا سحرنا اليوم بالمسفوف و قهوة حليب مع المسمن و زيد الفلون

[amina nourhanne]

صباح النور خواتاتي هاهو سحوري لأول يوم رمضان : قهوة حليب+ قهوة سوداء + les sablées و flans و كأس ماء بارد

[123boutheina]

كل عام وانتم بخير
بالنسبة لي أمس تسحرت ببيض مقلي +جبن