طريقة صنع مقروط المقلة على أصوله خطوة خطوة

faizarbh · 2012-05-31, 15:25

مرحبا أخواتي الأعزاء راني اليوم جبتلكم طريقة صنع المقروط من عند أمي الغالية و فيه كل الخطوات بالتفصيل ان شاء الله تستفادوا و الطريقة في الصور نتمنى الشرح يكون وافي و أي استفسار انا في الخدمة و لا تنسوا أمي بدعائكم الصالح

بسم الله على بركة الله
3 عبار سميد متوسط يجي كيما تاع الطمينة كا يكون خشين كيما تاع قلب اللوز ما يكون رقيق بزاف متوسط و عبرت بهاد الطبسي تاع الشوربة كبير
ثم انديرو نص مغرف صغيرة ملح و نص كاس سكر ( نعبر بكاس قازوز) و نزيدوا حفنة تاع فرينة ( الفرينة انديروها في حالة ما كان السميد خشين بزاف و ايذا كان عندك المتوسط انضيفلها نص حفنة فقط) و انخلطهم و نزيدولهم عبر واحد تاع زبدة ذايبة و ززيت ايجو نص نص في عبر واحد و بالاكو الزبدة يكون فيها الماء اشرو نوعية مليحة مثل لابال و انبسس مليح و انخليها اتبات ليلة كاملة و ايذا كنتي مقلقة يكفي 4 ساعات و في الصباح نلم الخليط بالماء و ماء الزهر و يكون الماء كثر من ماء الزهر حتة تولي عندنا عجينة طرية نتحكم فيها و نبلو غير قد حربوش ماشي كامل العجين و نعمس مليح بيديا باش يدخل الماء مليح نخليكم مع الصور

ثم انقسم العجين تاعنا و انديرو حربوش كيما هذا و نفتحوه في الوسط و انديرو داخلو العقدة على شكل حرابيش صغار ماما دارتها بالتمر و اندير فيها ايضا عقدة الكوكاو او اللوز ثم نغلق كما في الصور

ثم انحي الاطراف السكين من الجانبين

و انديرهم فوق الحربوش

و انعاودوا انشكلو حربوش و هاد المرة انطولوه و نستووه مليح

و انشكلو مقرروطات بطابع المقروط و هادوك الحواف اللي يزايدوا انحوهم و انديروهم مع العجين تاعنا و نستوي مليح اطراف الحبة تاع المقروط بيدينا و انديروها في زيت سخووووووووووون سخوووووووون و عبر ما يشد روحو واحد 3 دقايق و انقص على النار لانو الزيت ايلا كانت باردة المقروط ينحل و هاد العملية انديروها في الاول فقط لانو الزيت في المرة الثانية و الثالثة راه يكون بلا ما انزيدوا النار لانها تولي سخونة و هكذا حتى اتكملي كامل العجين اللي عندك

و هذا هوا اللون كي طاب ما نحمروهش بزاف راح يتعسل و يزيد لونه

و العسل انديروها على نار تسخن ثم انديرو فيها المقروط تاعنا سخون من المقلى للعسل ثم انديروه في كسكاس تحتو صحن باش يتقطر و في الغد انعاودو انعسلوه مرة ثانية و كي تروح تشربو بيه القهوة غدا من ذاك او يوم آخر تاني عسلي قيس ما راكي رايحة اتحطي

ملاحظات : لنجاح المقروط خليه يبات ليلة في البسوس تاعو و غدوة من ذاك بليه بالماء و ماء الزهر و ياش ايجيك معسل من الداخل مش ناشف اتعسليه فورا كي اتنحيه من المقلى و اتعسليه مرة ثانية في اليوم الموالي ايضا
و بالهناء و الشفاء

بسمة العمر · 2012-05-31, 15:31

الله يبارك .....راني حابة نديرو كيما هادا ........نجربو و نشوف انشاء الله شكرا

yakout01 · 2012-05-31, 15:37

الله يعطيك الصحة

سيرين15 · 2012-05-31, 17:10

جايك هايل يعطيك الصحة

*أم كوثر* · 2012-05-31, 17:11

اممممممممممممم يشهي تسلمي
واحلى تقييم

faizarbh · 2012-05-31, 17:24

اقتباس:

المشاركة الأصلية كتبت بواسطة بسمة العمر

الله يبارك .....راني حابة نديرو كيما هادا ........نجربو و نشوف انشاء الله شكرا

و فيكي بارك الله اختي جربي و رديلي الخبر

faizarbh · 2012-05-31, 17:26

اقتباس:

المشاركة الأصلية كتبت بواسطة yakout01

الله يعطيك الصحة

تسلمي اختي

ام بسومة · 2012-05-31, 17:27

الله يبارك يبان يشهي
يعطيك الصحة

faizarbh · 2012-05-31, 17:27

اقتباس:

المشاركة الأصلية كتبت بواسطة سيرين15

جايك هايل يعطيك الصحة

الله يسلمك اختي هذا عمل امي

faizarbh · 2012-05-31, 17:28

اقتباس:

المشاركة الأصلية كتبت بواسطة *أم كوثر*

اممممممممممممم يشهي تسلمي
واحلى تقييم

الله يسلمك اختي ام كوثر شكرا على التقييم

faizarbh · 2012-05-31, 17:29

اقتباس:

المشاركة الأصلية كتبت بواسطة ام بسومة

الله يبارك يبان يشهي
يعطيك الصحة

شكرا على المرور الطيب اختي

الصوامعية · 2012-05-31, 17:58

يعطيك الصحة وربي يحفظلك الوالدة الكريمة

نيفرتيتي. · 2012-05-31, 18:33

شحاااااال نبغي المقروظ ومايصلحش بالاك بطرقتك يصلحلي نقدر نديرو يطيب ف الفور نفس الطريقة
يعطيك الصحة

faizarbh · 2012-05-31, 18:50

اقتباس:

المشاركة الأصلية كتبت بواسطة ام دودة

شحاااااال نبغي المقروظ ومايصلحش بالاك بطرقتك يصلحلي نقدر نديرو يطيب ف الفور نفس الطريقة
يعطيك الصحة

لالا ما يصلحش اختي مقروط الفور اللي احنا انقولولو مقروط الكوشة عندو وصفة اخرى عن قريب ان شاء الله راني انديرو و انحطولكم

faizarbh · 2012-05-31, 18:50

اقتباس:

المشاركة الأصلية كتبت بواسطة الصوامعية

يعطيك الصحة وربي يحفظلك الوالدة الكريمة

ششكرا اختي الصوامعية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري