|
قسم الاعمال الفنية الرسم - السراميك - اشغال الابرة ابداعات و اعمال فنية مختلفة |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
المخاد (الدرس التطبيقي الثاني لورشة انجاز تروسو سموكس)
|
أدوات الموضوع | انواع عرض الموضوع |
2012-05-31, 14:34 | رقم المشاركة : 1 | ||||
|
المخاد (الدرس التطبيقي الثاني لورشة انجاز تروسو سموكس)
مساااءكم خير وفل وياسمين واش راكم اخواتي جيت وجبتلكم الدرس الثاني لورشتنا بعد المشوار الحافل لي كنا تتبعناها طيلة شهور مع انجاز الكوفرولي ورغم التعثرات العديدة سواء بسبب الارتباطات العائلية او المهنية كل هذا لكن الحمد لله كان نشاط كبير من الاخوات ربي يباركلهم صحيح انو مازال ماحطينا الاعمال لكن معليش اكيد الاهم اننا نكملو ومبعد نحطو ملنا كامل مع بعض ونفرحو بيه وحتى لا ننسى هنا روابط الدروس السابقة الدرس النظري https://www.djelfa.info/vb/showthread.php?t=863414 الكوفرولي https://www.djelfa.info/vb/showthread.php?t=953075 مالا على بركة الله نبدا درس المخاد ملاحظة برك انا المخاد ماعملتهمش تابعين للكوفرولي لانو مانيش محتاجتلو مخاد انا كنت نعمل فيه باه تفهمو الخطوات برك وكان عندجي قماش حاضر وليت خدمتهم زينة للصالون بسم الله نبدا المخدة الاولى هي نمخدة من غرزة الياسمينة المقلوبة وتتماشى مليح مع نو الكوفرولي لي خدمناه ممكن نزيدو في الابعاد ونعملو منها مخدة مستطيلة انا هنا خدمت المربعة اولا نبدا مع الادوات قطعة ساتان روايال ابعادها خمسة وستون سنتيمتر على خمسة وستون قلم لاوات وباتروننا لي تعودنا ننقلو بيه النقاط وهنا الباترون موضح عليه كل القياسات بعدين ننقلوه على ظهر القماش نبدا في عمل الياسمينات كل اربع جنب بعض وهذا تبها لما هو موجود بالباترون هكا بعد مانكملو عمل الياسمينات من الخلف وهنا العمل من الامام بعدين نحشيو الياسمينات باه نتحصلو على الياسمينات المقلوبة ماننساوش نحشيو المربع الكبير في الوسط ثم ننظم العمل ونغلق الحواف المفتوحة بهاذ الشكل بهذا نكونو كملنا الوجه الامامي للمخدة نروحو للوجه الخلفي ونخيطو فيه السحاب وهذه عملية خياطة لي ماتعرفش تدي للخياطة باه ماتفسد الخدمة هكا نحشيو المخدة نتعنا بلاوات بهاذ الشكل نتحصلو عليها هكا كل اخت ورغبتها في التزيين بالدونتال او غيرو انا هنا اخترت التزيين بورود الدبلة قمت بتحضير الورود بعدين لصقتهم في الاماكن المرغوب فيها وهكا تحصلت على هاذ الشكل النهائي واش رايكم فيها لو تزينو بالدونتال لانها مخدة فراش تخرجلكم هايلة المخدة الثانية هاذي اخترت نعملها بالياسمينة الكبيرة لانها ثان تخرج على الفراش نتاعنا انتم ممكن تعملو المخدة الاولى مستطيلة وهاذي تصلح غير مربعة تجيكم هايلة نبدا اولا مع الباترون بعدين الصور تبين مراحل العمل واظن الطريقة مفهومة لاننا نعرفو نخدمو الياسمينة الكبيرة وعندنا فيديو شرحنا في الطريقة في الدرس السابق نتاع الكوفرولي هذه المخدة الثانية وصدقوني شكلها يخرج رائع نتمنى تكون نالت اعجابكم المخدة الثالثة بالنسبة ليا انا خدمت وحدة صغيرة برك لانو ماكاش عندي القماش الكافي باه نخدم مخدة سموكس هذا الشكل لي تحصلت عليه انا لكن تدعيما للموضوع ومساعدة للاخوات عندي ليكم موضوعين مفيدين جدا في هاذ المجال الاول لاختنا ام ضياء ربي يحفظها على النقل المفيد وفيه الطريقة بالتفصيل لعمل المخدة الدائرية https://www.djelfa.info/vb/showthread.php?t=579326 والثاني لاختنا لؤلؤة مسلمة ربي يحفظها ايضا على النقل المفيد فيه العديد من انواع المخاد https://www.djelfa.info/vb/showthread.php?t=614593 وهنا نزيدلكم بترون المخدة المستطيلة للاخوات لي حابين يخدموها وحتى تشوفو اخواتي النتيجة التي تحصل عليها والمخاد كيفاش حطيتهم في الصالون هاي ليكم الصور نتمنى انو الدرس يكون نال اعجابكن اخواتي وبالنسبة لاشكال المخاد الاختيار مفتوح اي اخت تحب تعمل اي نوع تتفضل ماذا بينا يكون كاين تنوع في الاعمال نتمنى تنجزو اعمالكن في فترة اقصاها خمسة عشر يوم هكا باه نشوفوها كاملة مع الكوفرولي نتمنالكم التوفيق الى اللقاء مع الدرس المقبل نتاع العلاقات والنابروات بالتوفييييييق للجميع
|
||||
2012-05-31, 15:16 | رقم المشاركة : 2 | |||
|
يعطيك الصحة حبيبتي فيفي على الدرس والمخايد خرجولك روعة بصحتك |
|||
2012-05-31, 15:18 | رقم المشاركة : 3 | |||
|
ربي يخليك اختي الغالية شيراز
|
|||
2012-05-31, 15:25 | رقم المشاركة : 4 | |||
|
يعطيك الصحة ختي فيفي أنا عجبوني واللون لي رني عملتو مع الكفرولي وش تقولي تعطيلي وحداة تهنيني من الخدمة ههههههه |
|||
2012-05-31, 15:30 | رقم المشاركة : 5 | ||||
|
اقتباس:
ان شاء الله تكمليه قريبا ولي عجباتك نبعثهالك |
||||
2012-05-31, 16:17 | رقم المشاركة : 6 | |||
|
يعطيك الصحة خرجو هايلين |
|||
2012-05-31, 16:36 | رقم المشاركة : 7 | |||
|
baraka ellaho fik 3la had elkhdma ya kheti ana 3djbetni elm5ada 2 chaba bf za3ma wl couvre lit rouge za3ma n9der n5dem troussent bsmokes !!!! |
|||
2012-05-31, 19:20 | رقم المشاركة : 8 | |||
|
سلاااااااااااااااااااام عليكم بناااااااااااااااااااات |
|||
2012-05-31, 20:57 | رقم المشاركة : 9 | |||
|
الف الف شكر على المرور الطيب
|
|||
2012-05-31, 20:58 | رقم المشاركة : 10 | ||||
|
اقتباس:
اكيد انت توكلي على ربي وتبعي مراحل الدرس غير بالشوي برك وراح تكون ساهلة باذن الله |
||||
2012-06-01, 08:31 | رقم المشاركة : 11 | |||
|
بارك الله فيك واثابك حق تعبك |
|||
2012-06-01, 08:32 | رقم المشاركة : 12 | |||
|
خرجولك روووووووعة فيفي الله يبارك انا راني رايحة اندوموندي منك واحد المودال راني هايلة عليه و عييت نسيي فيه و خسرت كامل القماش |
|||
2012-06-01, 11:05 | رقم المشاركة : 13 | |||
|
|
|||
2012-06-01, 11:07 | رقم المشاركة : 14 | ||||
|
اقتباس:
اامودال لي حبيتيه هاتيه ضك نشوف اذا نعرفو اكيد نساعدك فيه |
||||
2012-06-01, 11:08 | رقم المشاركة : 15 | |||
|
|
|||
الكلمات الدلالية (Tags) |
الآحاد, تروسو, سموكس |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc